မိုးမြင့်ထွန်း

ဝီကီပီးဒီးယား မှ
အ​ညွှန်း​သို့ ခုန်ကူးရန် ရှာဖွေရန် ခုန်ကူးမည်
မိုးမြင့်ထွန်း
နိုင်ငံတော်စီမံအုပ်ချုပ်ရေးကောင်စီ အဖွဲ့ဝင်
တာဝန်ထမ်းဆောင်ဆဲ
တာဝန် စတင်
၂ ဖေဖော်ဝါရီ ၂၀၂၁
မြန်မာနိုင်ငံ ရင်းနှီးမြှုပ်နှံမှု ကော်မရှင်ဥက္ကဋ္ဌ[၁]
တာဝန်ထမ်းဆောင်ဆဲ
တာဝန် စတင်
၄ မတ် ၂၀၂၁
ယခင်လူဦးသောင်းထွန်း
ကိုယ်ရေး အချက်အလက်များ
မွေးဖွား (1968-05-24) ၂၄ မေ၊ ၁၉၆၈ (အသက် ၅၃)
မြန်မာပြည်
နိုင်ငံသားမြန်မာ
ကြင်ဖော်(များ)ခိုင်ပပချစ်
သားသမီးရတနာမိုးမြင့်
မိုးထက်ထက်ထွန်း
ခိုင်မိုးမြင့်
မိခင်ဒေါ်ခင်ရီ
ဖခင်ဦးပေါ်ထွန်း
ဆွေမျိုးသားချင်းရီရီထွန်း၊ မျိုးတင့်ထွန်း
စစ်မှုထမ်းခြင်း
သစ္စာခံနိုင်ငံ မြန်မာ
ရာထူးဒုတိယဗိုလ်ချုပ်ကြီး

ဒုတိယဗိုလ်ချုပ်ကြီးမိုးမြင့်ထွန်း သည်မြန်မာတပ်မတော်အရာရှိနှင့် နိုင်ငံတော်စီမံအုပ်ချုပ်ရေးကောင်စီအဖွဲ့ဝင်တစ်ဦးဖြစ်သည်။ ၂၀၂၁ ခုနှစ် ဖေဖော်ဝါရီလ ၁ ရက်နေ့တွင် တပ်မတော်မှ အာဏာသိမ်းယူမှုဖြစ်ပွားခဲ့ပြီးနောက် ဖွဲ့စည်းခဲ့သော နိုင်ငံတော်စီမံအုပ်ချုပ်ရေးကောင်စီတွင် အဖွဲ့ဝင်အဖြစ် တပ်မတော်ကာကွယ်ရေးဦးစီးချုပ် ဗိုလ်ချုပ်မှူးကြီး မင်းအောင်လှိုင်က ခန့်အပ်ခဲ့သည်။[၂]

ဘဝအကျဉ်း[ပြင်ဆင်ရန်]

၁၉၆၈ ခုနှစ်တွင် မွေးဖွားခဲ့ကာ ၎င်းသည် စစ်တက္ကသိုလ်အပတ်စဉ် ၃၀ တက်ရောက်ခဲ့သူဖြစ်သည်။ ဒုတိယတပ်မတော်ကာကွယ်ရေးဦးစီးချုပ်ဟောင်း ဒုတိယဗိုလ်ချုပ်မှူးကြီးမောင်အေး၏ ကိုယ်ရေးအရာရှိအဖြစ်လည်း တာဝန်ထမ်းဆောင်ခဲ့ဖူးလေသည်။ နောက်ပိုင်း၌ ရာထူးတစ်ဆင့်တစ်ဆင့်တက်ကာ နေပြည်တော်စစ်ဌာနချုပ်၏ စစ်တိုင်းမှူးဖြစ်လာခဲ့သည်။ အသက် ၄၈ နှစ်အရွယ် ၂၀၁၇ ၌ စစ်ဦးစီးအရာရှိချုပ် (ကြည်း) အဖြစ် ရာထူးတိုးမြှင့်ခြင်းခံခဲ့ရသည်။

အာဏာသိမ်း စစ်ကောင်စီအဖွဲ့ဝင်ဖြစ်သည့် မိုးမြင့်ထွန်းသည် တပ်မတော်စစ်ဦးစီးအရာရှိချုပ် (ကြည်း) တာဝန်အပြင် စစ်ဆင်ရေးအထူးအဖွဲ့မှူး (ကစထ ၆) အဖြစ် ပူးတွဲတာဝန်ယူထားသူလည်းဖြစ်၏ ။ စစ်အာဏာသိမ်းပြီးနောက် ဗိုလ်ချုပ်မှူးကြီးမင်းအောင်လှိုင်သွားလေရာ အနီးကပ်လိုက်ပါရသူဖြစ်သဖြင့် တပ်မတော်အတွင်း တခြားဗိုလ်ချုပ်ကြီးများထက် ဩဇာကြီးမားသူဟူ၍ ပြည်တွင်းသတင်းဌာနတစ်ခုက ဖော်ပြသည်။[၃]

နိုင်ငံတကာမှ ပိတ်ဆို့အရေးယူခြင်းများ[ပြင်ဆင်ရန်]

အမေရိကန်ပြည်ထောင်စု၏ ဘဏ္ဍာရေးဝန်ကြီးဌာနက မိုးမြင့်ထွန်းအား ငြိမ်းချမ်းစွာဆန္ဒဖော်ထုတ်ကြသူများအား သတ်ဖြတ်ခြင်းအတွက် တာဝန်ရှိသော အာဏာသိမ်း စစ်ကောင်စီအဖွဲ့ဝင်တစ်ဦးဖြစ်ခြင်း (သို့) စစ်တပ်ထိပ်တန်းအရာရှိတစ်ဦးဖြစ်ခြင်း စသည်တို့ကြောင့် ၂၀၂၁ ဖေဖော်ဝါရီ ၂၂ ကတည်းကအရေးယူပိတ်ဆို့ခဲ့သည်။[၄] ကနေဒါအစိုးရက ၎င်းအား လူ့အခွင့်ရေးနှင့် လူသားခြင်းစာနာထောက်ထားခြင်းကို ကြီးလေးစွာဖောက်ဖျက်သည့်အတွက် ၂၀၂၁ ဖေဖော်ဝါရီ ၁၈ တွင် အရေးယူပိတ်ဆို့ခဲ့ကာ[၅][၆] ယူနိုက်တက်ကင်းဒမ်းနိုင်ငံ၏ နိုင်ငံခြားဓနသဟာယနှင့် ဖွံ့ဖြိုးရေးဝန်ကြီးဌာနကလည်း ဖေဖော်ဝါရီ ၂၅ ၌ ပြင်းထန်သည့် လူ့အခွင့်ရေးချိုးဖောက်မှုများကြောင့် အရေးယူကန့်သတ်ပိတ်ပင်ခဲ့သည်။[၇] ထို့အပြင်အာဏာသိမ်းယူရာ၌ တာဝန်ရှိခြင်း၊ ငြိမ်းချမ်းစွာဆန္ဒပြသူများကို နှိပ်ကွပ်ခြင်းတို့အတွက် တာဝန်ရှိခြင်းတို့အတွက် မို့မြင့်ထွန်းသည် မတ်လ ၂၂ တွင် ဥရောပသမဂ္ဂကောင်စီ၏ အရေးယူပိတ်ဆို့မှုခံရပြန်သည်။[၈][၉] အဆိုပါပိတ်ဆို့မှုများတွင် သက်ဆိုင်ရာနိုင်ငံများအတွင်းရှိ ၎င်း၏ပိုင်ဆိုင်မှုကို ထိန်းချုပ်ခြင်း၊ ယင်းနိုင်ငံများရှိသူတစ်ဦးဦးနှင့် ပိုင်ဆိုင်မှု လွှဲပြောင်းခြင်းကို တားမြစ်ခြင်းနှင့် အဆိုပါနိုင်ငံများသို့ ခရီးသွားလာခွင့် ပိတ်ပင်ခြင်းများပါဝင်သည်။

ပုဂ္ဂိုလ်ရေးဘဝ[ပြင်ဆင်ရန်]

ဇနီးဖြစ်သူ ဒေါ်ခိုင်ပပချစ်နှင့် ရတနာမိုးမြင့်၊ မိုးထက်ထက်ထွန်း၊ ခိုင်မိုးမြင့် ဟူသော သမီး ၃ ဦးရှိသည်။[၁၀]

ကိုးကား[ပြင်ဆင်ရန်]

  1. "​ကော်မရှင်"၊ DICA။ 
  2. ပြည်ထောင်စုသမ္မတမြန်မာနိုင်ငံတော် တပ်မတော်ကာကွယ်ရေးဦးစီးချုပ်ရုံး အမိန့်အမှတ်(၉/၂၀၂၁) ၁၃၈၂ ခုနှစ်၊ ပြာသိုလပြည့်ကျော် ၆ ရက် ၂၀၂၁ ခုနှစ်၊ ဖေဖော်ဝါရီလ ၂ ရက် (in my)။ 3 February 2021 တွင် မူရင်းအား မော်ကွန်းတင်ပြီး။ 14 February 2021 တွင် ပြန်စစ်ပြီး။
  3. "စစ်ကောင်စီတွင် တာဝန်အရှိဆုံး စစ်ဗိုလ်ချုပ်ကြီးများ"၊ Myanmar Now၊ 6 May 2021။ 
  4. United States Targets Members of Burma's State Administrative Council following Violence against ProtestorsU.S. Department of the Treasury (22 February 2021)။
  5. Special Economic Measures Act (S.C. 1992, c. 17) (4 June 1992)။
  6. Regulations Amending the Special Economic Measures (Burma) Regulations: SOR/2021-18 (18 February 2021)။
  7. Raab၊ Dominic (25 February 2021)။ UK sanctions further Myanmar military figures for role in coup: 25 February 2021:Foreign Secretary Dominic Raab announces further sanctions against members of Myanmar's State Administration Council.Foreign, Commonwealth and Development Office
  8. Myanmar/Burma: EU sanctions 11 people over the recent military coup and ensuing repression။ The Council of the European Union (22 March 2021)။
  9. Official Journal of the European Union 15-24 (22 March 2021)။
  10. Myanmar military SAC members, their businesses and associates that require targeted sanctions[လင့်ခ်သေ]