ပုဏ္ဏက

တစ်စိတ်တစ်ပိုင်း ဖော်ပြချက်
ဗုဒ္ဓဘာသာ
သမိုင်း ဗုဒ္ဓဝင် ဂေါတမဗုဒ္ဓ သင်္ဂါယနာများ
ဓမ္မ\ ဝိနယ သစ္စာလေးပါး ခန္ဓာငါးပါး အနိစ္စ ဒုက္ခ အနတ္တ ပဋိစ္စသမုပ္ပါဒ် မဇ္ဈိမပဋိပဒါ သုညတ ကံ သံသရာ ၃၁-ဘုံ
ဗုဒ္ဓဘာသာ ကျမ်းစာများ တိပိဋက ပိဋကတ် သုံးပုံ ဝိနည်းပိဋကတ် သုတ်ပိဋကတ် အဘိဓမ္မာပိဋကတ်
ကျင့်စဉ်များ ရတနာသုံးပါး ဗုဒ္ဓ ဓမ္မ သံဃာ သီတင်းသီလ ငါးပါးသီလ ရှစ်ပါးသီလ ကိုးပါးသီလ ပါရမီ သမထ ဝိပဿနာ သတိပဋ္ဌာန် ဓုတင် ကမ္မဋ္ဌာန်း ဒုက္ကရစရိယာ
နိဗ္ဗာန် ပုထုဇဉ် ကိုရင် ရဟန်း သောတာပန် သကဒါဂါမ် အနာဂါမ် ရဟန္တာ ဧတဒဂ် ဘုရား
Traditions ထေရဝါဒ မဟာယာန တန္တရ တိဘက်ဗုဒ္ဓဘာသာ
နိုင်ငံအလိုက် ဗုဒ္ဓဘာသာ ကမ္ဘောဒီးယား ကိုရီးယား ဂျပန် တရုတ် တိဗက် ထိုင်း ထိုင်ဝမ် ဗီယက်နမ် ဘူတန် မြန်မာ မွန်ဂိုးလီးယား ရုရှား လာအို သီရိလင်္ကာ အိန္ဒိယ

ပိဋကတ်တော်လာ ပုဏ္ဏက မည်သော သူများမှာ အောက်ပါ အတိုင်းဖြစ်သည်။

• (က) ပုဏ္ဏကမည်သောပုဏ္ဏား။
• (ခ) ပုဏ္ဏကထေရ်။
• (ဂ) ပုဏ္ဏက မည်သောမင်း။
• (ဃ) ပုဏ္ဏက မည်သော နတ်ဘီလူးစစ်သူကြီး။
• (င) ပုဏ္ဏက မည်သောနတ်။
• (စ) ပုဏ္ဏက မည်သောသူဌေး။
• (ဆ) ပုဏ္ဏကမည်သော စကြဝတေးမင်း။
• (ဇ) ပုဏ္ဏကမည်သော နတ်မြင်းပျံ။

(က) ပုဏ္ဏကမည်သောပုဏ္ဏား

ထိုပုဏ္ဏားသည် ကောသလမင်း၏ ဆရာ ဖြစ်ခဲ့ဘူးသော ဗာဝရီပုဏ္ဏားကြီး၏ တပည့်(၁၆) ဦးတွင်ပါဝင်သည်။ အခြံအရံတပည့် တစ်ထောင်ရှိသည်။ မြတ်စွာဘုရားအား “အနေဇံ မူလဒဿာဝိံ-စသည်ဖြင့် မေးလျှောက်သဖြင့် ဘုရားရှင် ဟောအပ်သော ပုဏ္ဏကသုတ္တန်ကို ကြားနာရ၍ တပည့်တစ်ထောင် နှင့်တကွ ရဟန္တာအဖြစ်သို့ ရောက်သည်။ အကျယ်ကို -ကြည့်။

(ခ) ပုဏ္ဏကထေရ်

ဤအမည်ဖြင့် နှစ်ပါးတွေ့သည်။ နှစ်ပါးလုံးအတိတ် ကုသိုလ်ကံ တူကြသည်။ အတိတ်ဘဝ ရသေ့ဖြစ်သောကာလ၌ ပရိနိဗ္ဗာန် စံလွန်သော အရှင်ပစ္စေကဗုဒ္ဓါ၏ ရုပ်ကလာပ်တော်ကို မီးဖြင့် ပူဇော်ခဲ့သည်။ ထိုဘဝမှစုတေသောအခါ ကုသိုလ်ကြောင့် ပုဏ္ဏကအမည်ဖြင့် လူ့ ဘဝ နတ်ဘဝများစွာတို့၌ဖြစ်သည်။ (ပုဏ္ဏက မည်သော နတ်သား ဖြစ်ခဲ့သည်။) ဤဘုရားရှင်လက်ထက်၌ ရဟန္တာအဖြစ်ရောက်သော မထေရ် ဖြစ်သည်။

(ဂ) ပုဏ္ဏကမည်သော နတ်သား

အထက်ပုဒ်ကြည့်။

(ဃ) ပုဏ္ဏကမည်သော နတ်ဘီလူး စစ်သူကြီး

ပုဏ္ဏကသည် ဝေဿဝဏ်နတ်မင်း၏ တူတော်သည်။ သုံးဂါဝုတ် ပမာဏ ရှိသော မနောမယနတ်မြင်းပျံကိုစီးလျက် ကာဠတောင်ထိပ်၌ကျင်းပသော နတ်ဘီလူး အစည်းအဝေးသို့ သွားစဉ် နဂါးမင်းသမီး ဣရန္ဓတီ၏ သီချင်းသံကိုကြား၍ တပ်မက်သဖြင့် ဣရန္ဓတီ၏ မယ်တော်၏ ချင်ခြင်း ငြိမ်းစေရန် ဝိဓုရအမတ်ကြီးကို ဆောင်ခဲ့သူ ဖြစ်သည်။ ပုဏ္ဏက နှင့် ဓနဉ္စယကောရဗျမင်းတို့ ကြွေအံကစားသောအခါ ပုဏ္ဏကသည် အနိုင်ရသဖြင့် “အဟံ ဇိနိံ-ငါ အောင်ပြီ”ဟု ကြွေးကျော်သံသည် ဇမ္ဗုဒီပတစ်ကျွန်းလုံး ကြားရသော အသံကြီးလေးခုတို့တွင် ပါဝင်သည်။ အကျယ်ကို -ကြည့်။

(ဆ) ပုဏ္ဏကမည်သောစကြဝတေး မင်း

(၉၂)ကမ္ဘာထက်၌ ပွင့်တော်မူသော တိဿဘုရားရှင်၏ ဗောဓိပိတောက်ပင်ကို ခုနစ်နှစ်အရွယ် ကလေးငယ်သည် စိုက်ပျိုး၍ ငါးနှစ်ပတ်လုံးပူဇော်ခဲ့ရာ ပန်းတွေပွင့်နေသည်ကို ဖူးမြင်ရသဖြင့် ကြက်သီးမွှေး ညှင်း ထလျက် အလွန်ဝမ်းမြောက်ဝမ်းသာဖြစ်ရသောကြောင့် ၂၅-ကမ္ဘာထက်၌ ပုဏ္ဏက မည်သော စကြာမင်းဖြစ်၏၊ ဤဘုရားရှင်လက်ထက်၌ အသနဗောဓိယထေရ် ဖြစ်လာသည်။

(ဇ) ပုဏ္ဏကမည်သောမြင်းပျံ

ဧကရာဇာမင်းက ယဇ်ပူဇော်ရန် ခေါ်စေအပ်သော မြင်းဖြစ်သည်။

ပုဏ္ဏကဇာတက

ပုဏ္ဏကဇာတ် (ဝိဓူရဇာတ်ဖြစ်သည်။) ဘုရားရှင် ဇေတဝန် ကျောင်းတော်၌ သီတင်း သုံးနေစဉ် မိမိ၏ပညာပါရမီကို အကြောင်း ပြု၍ ဟောတော်မူသောဇာတ်။