ကမာရွတ်မြို့နယ်
| ကမာရွတ်မြို့နယ် | |
|---|---|
 | |
 ကမာရွတ်ခရိုင်အတွင်း တည်နေရာ (အနီ) | |
 ရန်ကုန်မြို့အတွင်း တည်နေရာ | |
  ကမာရွတ်မြို့နယ် | |
| ကိုဩဒိနိတ်: 16°49′15″N 96°8′0″E / 16.82083°N 96.13333°Eကိုဩဒိနိတ်: 16°49′15″N 96°8′0″E / 16.82083°N 96.13333°E | |
| နိုင်ငံ |  မြန်မာ |
| တိုင်းဒေသကြီး |  ရန်ကုန် |
| မြို့ | ရန်ကုန်မြို့ |
| ခရိုင် | ကမာရွတ် |
| စာပို့သင်္ကေတ | ၁၁၀၄၁၊ ၁၁၀၄၄ |
ကမာရွတ်မြို့နယ် သည် ရန်ကုန်မြို့လယ်၏ မြောက်အလယ်ပိုင်းတွင် တည်ရှိသည်။ ကၟာရတ် - ဟူသော မွန်ဝေါဟာရက ဆင်းသက်သည်။ မွန်ဘာသာအရ ကၟာ - ရေလှောင်ကန်၊ ရတ် - ရတနာ၊ ရတနာကန်ဟု အဓိပ္ပာယ်ရသည်။ အင်းလျားကန်ကို ဆိုလိုသည်။ အင်းလျားကန်နားက ရပ်ကွက်ကို ကမာရွတ်-ဟု ခေါ်ဆိုခြင်း ဖြစ်သည်။[၁]
ကမာရွတ်သည် ရှေးမွန်ဘုရင်များလက်ထက်ကပင် ဒဂုန်မြို့ လက်အောက်ခံ ကျေးရွာကြီး တရွာ ဖြစ်သည်။ ကုန်းဘောင်ခေတ်ဦးကာလတွင် ကျေးရွာအဖြစ် ဆက်ရှိသည်။ အင်္ဂလိပ်-မြန်မာ ပထမစစ်ပွဲကာလအတွင်း ၈ ဇူလိုင် ၁၈၂၄ တွင် ကမာရွတ်ခံတပ်တိုက်ပွဲ ဖြစ်ပွားပြီး၊ သုံးပါးဝန်ကြီး ဦးရန်အောင်နှင့် ဝန်ထောက် ဦးရွှေမင်းတို့ ကျဆုံးသည်။[၂]
ကမာရွတ်မြို့နယ်၏ မြောက်ဘက်တွင် လှိုင်မြို့နယ်၊ အနောက်ဘက်တွင် လှိုင်မြို့နယ်နှင့် ကြည့်မြင်တိုင်မြို့နယ်၊ အရှေ့ဘက်တွင် အင်းယားကန်၊ ဗဟန်းမြို့နယ်နှင့် မရမ်းကုန်းမြို့နယ်၊ တောက်ဘက်တွင် စမ်းချောင်းမြို့နယ်တို့ တည်ရှိသည်။ ကမာရွတ်မြို့နယ်တွင် ရပ်ကွက်ပေါင်း (၁၀)ခု၊ အစိုးရ မူလတန်းကျောင်း (၁၂) ကျောင်း၊ အလယ်တန်းကျောင်း (၂) ကျောင်းနှင့် အထက်တန်းကျောင်း (၅) ကျောင်းရှိသည်။
ရန်ကုန်မြို့ရှိ အဓိကလမ်းမကြီးတစ်ခုဖြစ်သော ပြည်လမ်းသည် ဤမြို့နယ်ကို ဖြတ်သန်းသွားသည်။ ရန်ကုန်တက္ကသိုလ်၊ ဆေးတက္ကသိုလ်(၁) ရန်ကုန်၊ ရန်ကုန် စီးပွားရေး တက္ကသိုလ်၊ ရန်ကုန်ပညာရေးတက္ကသိုလ်၊ အဝေးသင်တက္ကသိုလ်(ရန်ကုန်)၊ တီတီစီလေ့ကျင့်ရေးကျောင်း၊ သတင်းပြန်ကြားရေးနှင့် ပတ်သက်သော အဖွဲ့အစည်းများ၊ ဆင်မလိုက်ဈေး၊ ဂျန်ရှင်းစကွဲစင်တာ၊ လှည်းတန်းစင်တာ၊ စိန်ဂေဟာ(လှည်းတန်း)၊ M Tower တည်ရှိသည်။
ထင်ရှားသော အဆောက်အဦးများ
[ပြင်ဆင်ရန်]ကမာရွတ်မြို့နယ်ရှိ အောက်ဖော်ပြပါအဆောက်အဦးများကို ရန်ကုန်မြို့ရှိ ရှေးဟောင်းအမွေအနှစ်အဖြစ် ထိန်းသိမ်းထားသည်။
| အမည် | အမျိုးအစား | လိပ်စာ | မှတ်ချက် |
|---|---|---|---|
| ဂျပ်ဆင်ဘုရားကျောင်း | ခရစ်ယာန်ဘုရားရှိခိုးကျောင်း | ရန်ကုန်တက္ကသိုလ် နယ်မြေ | |
| တက္ကသိုလ်များ ဓမ္မရုံ | တက္ကသိုလ်ရိပ်သာလမ်း | ||
| ရန်ကုန်တက္ကသိုလ် ဆေးရုံ | ဆေးရုံ | တက္ကသိုလ်ရိပ်သာလမ်း | |
| ရန်ကုန်တက္ကသိုလ် ဝိဇ္ဇာဆောင် | တက္ကသိုလ် | ရန်ကုန်တက္ကသိုလ် နယ်မြေ | |
| ရန်ကုန်တက္ကသိုလ် အင်းဝဆောင် | ကျောင်းသားအဆောင် | ရန်ကုန်တက္ကသိုလ် နယ်မြေ | |
| ရန်ကုန်တက္ကသိုလ် ပဲခူးဆောင် | ကျောင်းသားအဆောင် | ရန်ကုန်တက္ကသိုလ် နယ်မြေ | |
| ရန်ကုန်တက္ကသိုလ် ဘွဲ့နှင်းသဘင်ခန်းမ | တက္ကသိုလ် | ရန်ကုန်တက္ကသိုလ် နယ်မြေ | |
| ရန်ကုန်တက္ကသိုလ် ဒဂုံဆောင် | ကျောင်းသားအဆောင် | ရန်ကုန်တက္ကသိုလ် နယ်မြေ | |
| ရန်ကုန်တက္ကသိုလ် အင်းယားဆောင် | ကျောင်းသားအဆောင် | ရန်ကုန်တက္ကသိုလ် နယ်မြေ | |
| ရန်ကုန်တက္ကသိုလ် နဝဒေးဆောင် | ကျောင်းသားအဆောင် | သထုံလမ်းသွယ် | |
| ရန်ကုန်တက္ကသိုလ် ပင်းယဆောင် | ကျောင်းသားအဆောင် | ရန်ကုန်တက္ကသိုလ် နယ်မြေ | |
| ရန်ကုန်တက္ကသိုလ် ပြည်ဆောင် | ကျောင်းသားအဆောင် | ပြည်လမ်း | |
| ရန်ကုန်တက္ကသိုလ် သိပ္ပံဆောင် | တက္ကသိုလ် | ရန်ကုန်တက္ကသိုလ် နယ်မြေ | |
| ရန်ကုန်တက္ကသိုလ် ရွှေဘိုဆောင် | ကျောင်းသားအဆောင် | ရန်ကုန်တက္ကသိုလ် နယ်မြေ | |
| ရန်ကုန်တက္ကသိုလ် တကောင်းဆောင် | ကျောင်းသားအဆောင် | ပြည်လမ်း | |
| ရန်ကုန်တက္ကသိုလ် သထုံဆောင် | ကျောင်းသားအဆောင် | ရန်ကုန်တက္ကသိုလ် နယ်မြေ | |
| ရန်ကုန်တက္ကသိုလ် သီရိဆောင် | ကျောင်းသားအဆောင် | ရန်ကုန်တက္ကသိုလ် နယ်မြေ |
ပုဂံဆောင် ။ အမရာဆောင်။ မဟော်သဓာဆောင်။ သံဗျင်ဆောင်။ အဓိပတိဆောင်
အထင်ကရပုဂ္ဂိုလ်
[ပြင်ဆင်ရန်]- ရဲဘော်သုံးကျိပ်ဝင် ဗိုလ်စောအောင် (ရှမ်းစုရပ်)
- ရဲဘော်သုံးကျိပ်ဝင် ဗိုလ်စောနောင် (ရှမ်းစုရပ်)
- ရဲဘော်သုံးကျိပ်ဝင် ဗိုလ်မိုးညို
- စာရေးဆရာ သန်းဆွေ
- ရုပ်ရှင်သရုပ်ဆောင် အကယ်ဒမီ သိန်းမောင်[၂]
