ရွှေပြည်သာမြို့နယ်

ဝီကီပီးဒီးယား မှ
Jump to navigation Jump to search
ရွှေပြည်သာမြို့နယ်
ရွှေပြည်သာမြို့နယ် သည် မြန်မာနိုင်ငံ တွင် တည်ရှိသည်
ရွှေပြည်သာမြို့နယ်
ရွှေပြည်သာမြို့နယ်
ရွှေပြည်သာမြို့နယ် တည်နေရာ၊ မြန်မာ။
ကိုဩဒိနိတ်: 16°58′10″N 96°4′41″E / 16.96944°N 96.07806°E / 16.96944; 96.07806ကိုဩဒိနိတ်: 16°58′10″N 96°4′41″E / 16.96944°N 96.07806°E / 16.96944; 96.07806
နိုင်ငံ မြန်မာ
တိုင်းရန်ကုန်
မြို့ရန်ကုန်
မြို့နယ်ရွှေပြည်သာ
စာပို့သင်္ကေတ၁၁၄၁၁

ရွှေပြည်သာမြို့နယ်သည် ရန်ကုန်မြို့၏ အနောက်မြောက်ပိုင်းတွင် တည်ရှိသည်။ ရွှေပြည်သာမြို့နယ်၏ မြောက်ဘက်တွင် ထန်းတပင်မြို့နယ်၊ အရှေ့ဘက်တွင် မင်္ဂလာဒုံမြို့နယ်၊ အနောက်ဘက်တွင် ရန်ကုန်မြစ်နှင့် တောင်ဘက်တွင် အင်းစိန်မြို့နယ်တို့ တည်ရှိသည်။

ရွှေပြည်သာမြို့နယ်ကို (၁၉၈၆) ခုနှစ်မှ စတင်၍ ရန်ကုန်မြို့၏ အစိတ်အပိုင်းတစ်ခုအဖြစ် သတ်မှတ်ခဲ့သည်။

ရွှေပြည်သာမြို့နယ်ကို ရပ်ကွက် (၂၇)ခုနှင့် ကျေးရွာစု (၃)စုဖြင့် ဖွဲ့စည်းထားသည်။ ရွှေပြည်သာမြို့နယ်တွင် တိကျသော မြို့ကွက်အနေအထားရှိသည်။ လမ်းများသည် စတုရန်း သို့မဟုတ် ထောင့်မှန်စတုဂံပုံစံဖြင့် အရပ်လေးမျက်နှာ ယှက်ဖြာနေပေသည်။ ပန်းခြံအကွက်များလည်း ဖော်ထုတ်ကာ ပန်းခြံအကွက်တစ်ခုလျင် အလယ်၌ထောင့်မှန်စတုဂံပုံ မြေလွတ်ကွက်တစ်ခုစီထားရှိပေးခဲ့သည်။ သို့သော် ရေထုတ်စနစ်သည် အစောပိုင်းကာလများကဲ့သိုပင် ဆိုးမြဲဆိုးနေဆဲပင်ဖြစ်သည်။ ရန်ကုန်မြို့တော် စည်ပင်သာယာရေး ကော်မတီ၏ နယ်နိမိတ်ထဲတွင် ပါဝင်သော်လည်း အချို့ဝန်ဆောင်မှုများ (အမှိုက်သိမ်းဝန်ဆောင်မှု) များမှာမူ လိုအပ်လျက်ရှိသေးသည်။ လွန်ခဲ့သော နှစ်ကာလ(၂၀၁၃ မှ ၂၀၁၈) အတွင်း မြို့နယ်သည် သိသိသာသာတိုးတက်လာခဲ့သည်။ လမ်းအများစုသည် ကောင်းမွန်ပြီဖြစ်သည်။ အမှတ် ၁၊ ၂၊ ၃၊ ၄ ရပ်ကွက်များသည် အစိုးရအရာရှိအငြိမ်းစား အများစုနေထိုက်သည့် ရပ်ကွက်များပင်ဖြစ်သည်။

ပညာရေး[ပြင်ဆင်ရန်]

အစိုးရ မူလတန်းကျောင်း (၅၀) ကျောင်းနီးပါး အလယ်တန်းကျောင်း (၂၀) ကျောင်း၊ အထက်တန်းခွဲကျောင်း (၁၀)ကျောင်းနှင့် အထက်တန်းကျောင်း (၅) ကျောင်းရှိသည်။ ထို့အပြင် ကျောင်းပြင်ပပညာရေးလုပ်ငန်းများလည်းရှိနေပြီဖြစ်သည်။ ရန်ကုန်ကွန်ပျူတာတက္ကသိုလ်နှင့် အစိုးရစက်မှုလက်မှုအင်စတီကျုတို့သည် လှော်ကားနှင့် မြင်းလှည်းဂိတ် တို့၌ တည်ရှိသည်။

ရွှေပြည်သာမြို့နယ်၏ နာမည်ကြီးကျောင်းများမှာ အထက ၁၊ အလက ၃ (ယခု ထခွဲလ ၃)၊ အထက ၃ နှင့် ကောင်းစုစံ ကိုယ်ပိုင်အထက်တန်းကျောင်းတို့ပင် ဖြစ်သည်။ ရွှေပြည်သာမြို့နယ်သည် ဆင်ခြေဖုံးမြို့နယ်များတွင်ပါဝင်သောကြောင့် ပင်တိုင်အားဖြင့် အစိုးရကျောင်းများ၌သာ ကျောင်းထားလေ့ရှိသည်။

လမ်းပန်းဆက်သွယ်ရေး[ပြင်ဆင်ရန်]

ရွှေပြည်သာတံတားအား ၁၉၉၀ ခုနှစ်တွင် စတင်တည်ဆောက်ခဲ့ပြီး ယခုအခါ ရန်ကုန်တိုင်းဒေသကြီးနှင့် မြစ်ဝကျွန်းပေါ်ဒေသအား ဆက်သွယ်ပေး ထားသည်။ ရွှေပြည်သာဘူတာသည် ရန်ကုန်-ပြည် မီးရထားလမ်းပေါ်တွင်တည်ရှိသည်။ အမှတ်(၄)လမ်းမကြီးသည် ရန်ကုန်မြို့၏အဓိကဝင်ရာထွက်ရာ လမ်းမကြီးများထဲတွင် အပါအဝင်ဖြစ်သည်။

YBS ယာဉ်လိုင်းများ ၆၅၊ ၉၇၊ ၄၂၊ ၇၇၊ ၄၀ စသောယာဉ်လိုင်းများသည် ရန်ကုန်မြို့တွင်းနှင့် ရွှေပြည်သာအား ဆက်သွယ်ပေးထားသည်။ မြို့နယ်တွင်းသည် အလွန်တရာကျယ်ဝန်းလှသဖြင့် အဓိကအနေနှင့် ဆိုင်ကယ်စီးနင်းသူ များပြားလှသည်။ ရေကြောင်းအနေဖြင့် ရန်ကုန်ရေကြောင်းဘတ်စ် ဆိုက်ကပ်ရန် သင်္ဘောဆိပ်မရှိသောကြောင့် ထိုပို့ဆောင်ရေးသည် သက်ရောက်မှုမရှိပေ။ ထို့အပြင် မီးရထားအသုံးပြုသူများ ရှိသော်လည်း ဘတ်စ်ကားအသုံးပြုသူနှင့် နှိုင်းယှဉ်ပါက အလွန်ပင်နည်းပါးလှသည်။

လူနေထိုင်မှု[ပြင်ဆင်ရန်]

ရွှေပြည်သာမြို့နယ်သည် ရန်ကုန်တိုင်းဒေသကြီးထဲတွင် လူနေထူထပ်သောမြို့နယ်များအနက် တစ်ခုအပါအဝင်ဖြစ်သည်။ ရွှေပြည်သာမြို့နယ်တွင် အစောပိုင်း၌ အင်းစိန်မြန်မာ့ဆေးဝါးစက်ရုံမှဝန်ထမ်းများ၊ သမိုင်းရပ်ကွက်တစ်ဝိုက်တွင် မီးဘေးသင့်၍ အစိုးရမှ နေရာချထားပေးသော အိမ်ထောင်စုများနှင့် မူရင်းလယ်သမားများ နေထိုင်ကြသည်။ ယခုအခါ အနယ်နယ်အရပ်ရပ်မှ ရွှေ့ပြောင်းများ၊ ရန်ကုန်တွင် အလုပ်လုပ်ရန် လာရောက်နေထိုင်သူများသည် အိမ်များပေါင်းစပ်ဌား၍ နေထိုင်ကြသည်။ ရွှေပြည်သာ၏ လူအထူအထပ်ဆုံးနေရာမှာ ပတ္တမြားဈေးဝန်းကျင်ပင် ဖြစ်သည်။

စီးပွားရေး[ပြင်ဆင်ရန်]

ရွှေပြည်သာမြို့နယ်သည် စက်မှုဇုန်မြို့ဟူ၍ တင်စားရလောက်အောင် စက်မှုဇုန်များ အလွန်များပြားလှသည်။ ရွှေပြည်သာစက်မှုဇုန်၊ သာဓုကန်စက်မှုဇုန် နှင့် ဝါးတရာစက်မှုဇုန်များသည် မြို့နယ်၏ အရပ်လေးမျက်နှာတွင် ဝိုင်းရံထားသည်။ ထို့ကြောင့် နယ်ဝေးမှ လုပ်သားများသည် လာရောက်အလုပ်လုပ်ကိုင်ကြခြင်းပင်ဖြစ်သည်။

ယခုအခါ AEON Orange Supermarket သည် ဇီးကုန်း၌ လည်းကောင်း၊ City Mart Supermarket သည်လည်း ကန်သာယာ၌လည်းကောင်း ဖွင့်လှစ်ထားပြီ ဖြစ်သည်။ ယခင် ရုပ်ရှင်ရုံကိုလည်း မွမ်းမံ၍ ရွှေပြည်သာအဆင့်မြင့်ရုပ်ရှင်ရုံအဖြစ် ဖွင့်လှစ်ထားပြီဖြစ်သည်။

ကိုးကား[ပြင်ဆင်ရန်]

Template:Reflit