လသာမြို့နယ်

ဝီကီပီးဒီးယား မှ
အ​ညွှန်း​သို့ ခုန်ကူးရန် ရှာဖွေရန် ခုန်ကူးမည်
လသာမြို့နယ်
လသာမြို့နယ် သည် မြန်မာနိုင်ငံ တွင် တည်ရှိသည်
လသာမြို့နယ်
လသာမြို့နယ်
လသာမြို့နယ် တည်နေရာ၊ မြန်မာ။
ကိုဩဒိနိတ်: 16°46′51″N 96°8′59″E / 16.78083°N 96.14972°E / 16.78083; 96.14972ကိုဩဒိနိတ်: 16°46′51″N 96°8′59″E / 16.78083°N 96.14972°E / 16.78083; 96.14972
နိုင်ငံ မြန်မာ
တိုင်းရန်ကုန်
မြို့ရန်ကုန်
မြို့နယ်လသာ
စာပို့သင်္ကေတ၁၁၁၃၁

လသာမြို့နယ်သည် ရန်ကုန်မြို့လယ်၏အနောက်ပိုင်းတွင် တည်ရှိသည်။ ရပ်ကွက်ပေါင်း (၁၀)ခုရှိသည်။ လသာမြို့နယ်၏အနောက်ဘက်တွင် လမ်းမတော်မြို့နယ်ကို လမ်းမတော်လမ်းနှင့် လည်းကောင်း၊ အရှေ့ဘက်တွင် ပန်းဘဲတန်းမြို့နယ်ကို ရွှေတိဂုံဘုရားလမ်းနှင့် လည်းကောင်း၊ မြောက်ဘက်တွင် ဒဂုံမြို့နယ်ကို မြို့ပတ်ရထားလမ်း လည်းကောင်း၊ တောင်ဘက်တွင် ရန်ကုန်မြစ်တည်ရှိသော ဆိပ်ကမ်းမြို့နယ် ဖျက်သိမ်း)ကို ကမ်းနားလမ်းနှင့် လည်းကောင်း ပိုင်းခြားထားသည်။ ကမ်းနားလမ်း၊ မဟာဗန္ဓုလလမ်း၊ ကျုံးကြီးလမ်း (အနော်ရထာလမ်း)၊ ဗိုလ်ချုပ်အောင်ဆန်းလမ်းနှင့် ရထားလမ်းတို့အပြိုင်တည်ရှိပြီး ကမ်းနားလမ်း မှ ရထားလမ်း ထိ လေးဘလောက်မှာ အောက်လမ်းဘလောက်၊ အပေါ်လမ်းဘလောက်၊ ဆေးရုံကြီးဘလောက် နှင့် ကျောင်းဘလောက် ဟု ခေါ်ဆိုကြသည်။ လမ်းမတော်လမ်း၊ ၁၇လမ်း၊ ၁၈လမ်း၊ စဉ့်အိုးတန်းလမ်း၊ ၁၉လမ်း၊ ၂၀လမ်း၊ လသာလမ်း၊ ၂၁လမ်း၊ ၂၂လမ်း၊ ဗိုလ်ရွဲလမ်း၊ ၂၃လမ်း၊ ၂၄လမ်း နှင့် ရွှေတိဂုံဘုရားလမ်းတို့ အပြိုင်တည်ရှိသည်။ လမ်းမတော်လမ်း မှ စဉ့်အိုးတန်းလမ်းထိ ရပ်ကွက် (၁ နှင့် ၂)၊ စဥ့်အိုးတန်း မှ လသာလမ်း ထိ ရပ်ကွက် (၃ နှင့် ၄)၊ လသာလမ်း မှ ဗိုလ်ရွဲလမ်း ထိ ရပ်ကွက် (၅ နှင့် ၆) ဗိုလ်ရွဲလမ်း မှ ရွှေတိဂုံဘုရားလမ်း ထိ ရပ်ကွက် (၇ နှင့် ၈)တို့တွင် အောက်လမ်းဘလောက် မ ဂဏန်း (၁၊ ၃၊ ၅၊ ၇) ရပ်ကွက် နှင့် အပေါ်လမ်းဘလောက် စုံ ဂဏန်း (၂၊ ၄၊ ၆၊ ၈) ရပ်ကွက် တို့ဖြစ်ကြသည်။ လမ်းမတော်လမ်း မှ ရွှေတိဂုံဘုရားလမ်းထိရှိကြသော ဆေးရုံဘလောက် နှင့် ကျောင်းဘလောက် တို့သည်ရပ်ကွက် (၉) နှင့် ရပ်ကွက် (၁၀) အသီးသီးဖြစ်ကြသည်။ လမ်းမတော်လမ်းကို ရထားလမ်းမြောက်ဘက် ဒဂုံမြို့နယ်တွင် မြို့မကျောင်းလမ်းဟု ခေါ်သည်။ လမ်းမတော်လမ်းတွင် ညောင်ပင်လေးဈေး၊ သရက်တောဘုန်းကြီးကျောင်း နှင့် ဆေးတက္ကသိုလ်တို့သည် လမ်းမတော်မြို့နယ် တွင်လည်းကောင်း၊ သံဈေးပြည်သူ့ဆေးရုံကြီး အရေးပေါ်ဌာန နှင့် လမ်းမတော်ဘူတာတို့သည် လသာမြို့နယ် တွင်လည်းကောင်း အမျိုးသားပြဇာတ်ရုံ၊ မိုင်ဒါကွင်း၊ မြို့မကျောင်း၊ စစ်ဆေးရုံ နှင့် ပြည်သူရင်ပြင်တို့သည် ဒဂုံမြို့နယ်တွင်လည်းကောင်းတည်ရှိကြသည်။

ရွှေတိဂုံဘုရားလမ်းတွင် သိမ်ကြီးဈေး_စီရုံ၊ ဗိုလ်ချုပ်ဈေးသစ်အ.ထ.က (၁) ပန်းဘဲတန်း နှင့် ဘုရားလမ်းဘူတာရုံတို့သည် ပန်းဘဲတန်းမြို့နယ် တွင်လည်းကောင်း၊ သိမ်ကြီးဈေး_အီ၊ သိမ်ကြီးဈေး_ဒီ၊ ပြည်သူ့ဆေးရုံကြီး အမျိုးသားသွေးလှူဘဏ် နှင့် အ.ထ.က (၁) လသာ၊ တို့သည် လသာမြို့နယ် တွင်လည်းကောင်း၊ စစ်ဌာနချုပ်၊ ရွှေတိဂုံဘုရားနှင့် မဟာဝီဇယဘုရားတို့သည်လည်းကောင်း ဒဂုံမြို့နယ် တွင်လည်းကောင််််််််််််််််းတည်ရှိကြသည်။ လသာမြို့နယ်တွင် မူလတန်းကျောင်း သုံးကျောင်း၊ အလယ်တန်းကျောင်း တစ်ကျောင်းတို့နှင့် အထက်တန်းကျောင်း နှစ်ကျောင်း (ကျောင်းဘလောက်)တို့ တည်ရှိသည်။ လမ်းမတော်မြို့နယ်နှင့် လသာမြို့နယ်တို့သည် ရန်ကုန်မြို့၏ တရုတ်တန်းဖြစ်သည်။

ထင်ရှားသော အဆောက်အဦးများ[ပြင်ဆင်ရန်]

လသာမြို့နယ်တွင် ကိုလိုနီခေတ်အဆောက်အအုံများစွာရှိသည်။ ထိုအဆောက်အဦးများအနက် အများစုကို ရန်ကုန်မြို့ရှိ ရှေးဟောင်းအမွေအနှစ်အဖြစ် ထိန်းသိမ်းထားသည်။

အမည် အမျိုးအစား လိပ်စာ မှတ်ချက်
အ.ထ.က(၁)လသာ ကျောင်း ၂၇၀၊ ရွှေတိဂုံဘုရားလမ်း (ယခင်) စင်ထရယ်ကျောင်း
အ.ထ.က(၂)လသာ ကျောင်း ၁၁၂၊ ဗိုလ်ချုပ်အောင်ဆန်းလမ်း (ယခင်) စိန့်ဂျွန်းကွန်ဗင့်ကျောင်း
ချိုလီရာ ဒါဂါ ဗလီ ဗလီ ၂၃၉၊ ၂၉လမ်း
ချိုလီရာ ဂျာမာ ဗလီ ဗလီ ၁၁၄၊ ဗိုလ်ဆွန်ပက်လမ်းနှင့် မဟာဗန္ဓုလလမ်းထောင့်
ခိန့်ဟုတ်ဗုဒ္ဓဘာသာဘုရားကျောင်း တရုတ်ဗုဒ္ဓဘာသာဘုရားကျောင်း ၄၂၆-၄၃၂၊ ကမ်းနားလမ်းနှင့် စဉ့်အိုးတန်းလမ်းထောင့်
ကွမ်ရင်ဗုဒ္ဓဘာသာဘုရားကျောင်း တရုတ်ဗုဒ္ဓဘာသာဘုရားကျောင်း ၆၆၈၊ မဟာဗန္ဓုလလမ်းနှင့် လသာလမ်းထောင့်
သန့်ရှင်းသော တြိနတိ ကသီဒြယ် ခရစ်ယာန်ဘုရားရှိခိုးကျောင်း ခရစ်ယာန်ဘုရားရှိခိုးကျောင်း ၄၄၆၊ ဗိုလ်ချုပ်အောင်ဆန်းလမ်း
ဂျိန်းဘုရားကျောင်း ဂျိန်းဘုရားကျောင်း ၇၆-၇၈၊ ၂၉လမ်း
ဂျူးဘာသာ ရဟူဒီဘုရားရှိခိုးကျောင်း ရဟူဒီဘုရားရှိခိုးကျောင်း ၈၅၊ ၂၆လမ်း
လုံစန်းထန်ဘုရားကျောင်း တရုတ်ဗုဒ္ဓဘာသာဘုရားကျောင်း ၅၃-၅၅၊ အနော်ရထာလမ်း
မဟာပိန္နဲ ဟိန္ဒူဘုရားကျောင်း ဟိန္ဒူဘုရားကျောင်း ၁၄၉၊ ၂၄လမ်း
မတ်ဟယ်ရှီရာ ဗလီ ဗလီ ၉၁၊ ၃၀လမ်း
မြန်မာကုန်တိုက်စတိုး ရုံး ၁၉-၄၃၊ ဗိုလ်ဆွန်ပက်လမ်း
မြန်မာ့စီးပွားရေးဘဏ်၊ ဘဏ်ခွဲ ၄ ရုံး ၆၂၅၊ ကုန်သည်လမ်းနှင့် ၃၀လမ်းထောင့်
မြန်မာရေနံနှင့် သဘာ၀ ဓာတ်ငွေ့လုပ်ငန်း ရုံးချုပ် ရုံး ၆၀၄-၆၀၈၊ ကုန်သည်လမ်း
မြန်မာ့ဆက်သွယ်ရေး လုပ်ငန်း ငွေစာရင်းရုံး ရုံး ၄၆၅-၄၆၉၊ မဟာဗန္ဓုလလမ်း
စိန့်ဂျွန် ကက်သလစ် ခရစ်ယာန်ဘုရားရှိခိုးကျောင်း ခရစ်ယာန်ဘုရားရှိခိုးကျောင်း ၃၆၈၊ ဗိုလ်ဆွန်ပက်လမ်း
သီရိကလီမာ ဟိန္ဒူဘုရားကျောင်း ဟိန္ဒူဘုရားကျောင်း ၂၉၅၊ ကုန်ဈေးတန်းလမ်း
သီရိကန်မိချီ ဟိန္ဒူဘုရားကျောင်း ဟိန္ဒူဘုရားကျောင်း ၃၇၅၊ ဗိုလ်ချုပ်အောင်ဆန်းလမ်းနှင့် ဗိုလ်ဆွန်ပက်လမ်းထောင့်
သီရိစတိနာရာရန် ဟိန္ဒူဘုရားကျောင်း ဟိန္ဒူဘုရားကျောင်း ၂၃၊ ၂၉လမ်း
ရန်ကုန်ဆေးရုံကြီး ဆေးရုံ ဗိုလ်ချုပ်အောင်ဆန်းလမ်း

ကိုးကား[ပြင်ဆင်ရန်]

ပြင်ပလင့်ခ်များ[ပြင်ဆင်ရန်]