စင်္ကမသုတ်
| တစ်စိတ်တစ်ပိုင်း ဖော်ပြချက် |
| ဗုဒ္ဓဘာသာ |
|---|
 |
စင်္ကမသုတ် သည် မြတ်စွာဘုရားဟောကြားတော်မူခဲ့သည့် သုတ္တန်တစ်ခု ဖြစ်သည်။ ဤသုတ္တန်တွင် မြတ်စွာဘုရားသည် စင်္ကြန်လျှောက်ခြင်း၏ အကျိုးအာနိသင် ငါးမျိုးကို ဟောကြားထားသည်။[၁]
စင်္ကမသုတ်
ရဟန်းတို့ စင်္ကြန်လျှောက်ခြင်း၌ အာနိသင်တို့သည် ဤငါးမျိုးတို့တည်း။ အဘယ်ငါးမျိုးနည်းဟူမူ -
၁။ ခရီးရှည်သွားနိုင်၏။
၂။ ကြိုးစားအားထုတ်နိုင်၏။
၃။ အနာရောဂါကင်း၏။
၄။ စား သောက် ခဲ လျက်အပ်သော အစာအာဟာရသည် ကောင်းစွာကြေညက်နိုင်၏။
၅။ စင်္ကြန်လျှောက်ခြင်းဖြင့် ရအပ်သော တည်ကြည်မှု (သမာဓိ) သည် ကြာမြင့်စွာတည်နိုင်၏။
ရဟန်းတို့ ဤသည်တို့ကား စင်္ကြန်လျှောက်ခြင်း၌ အာနိသင်ငါးမျိုးတို့တည်းဟု (မိန့်တော်မူ၏)။[၁]