အပရာပရိယဝေဒနီယကံ

ဝီကီပီးဒီးယား မှ

အခြားတပါး အခြားတပါးသော- နောက်နောက်သော – ဘဝ၌-ခံစားအပ်သော - ခံစားအပ်သော အကျိုးရှိသော-ကံ၊ တတိယဘဝမှစ၍ ဘဝအဆက်ဆက် အကျိုးပေးခွင့်ရှိသောကံ၊ အလယ်ဇော ၅-ချက်စေတနာ။ [၁] [၂] [၃] [၄] [၅] (ဝိသုဒ္ဓိ၊ဋီ၊၂၊၂၇၆-၌ အပရာပရိယာယေတိ-ဟု တည်၍ ဖွင့်သည်၊ ၎င်းပုဒ် ဋ္ဌ-၌ မရှိ။ မ၊ဋီ၊၃၊၁၅၇-၌လည်း အပရာပရိယာယဝေဒနီယ-ဟု ရှိ သည်။ အပရပရိယာယ-ကြည့်။) [၆] [၇] (ပဋိသံ၊ဋ္ဌ၊၁၊၃၂၇-၌ အပရပရိယဝေဒနီယေန-ဟု ရှိသည်ကို အပရာပရိယဝေဒနီယေန-ဟု ပြင်သင့်သည်။) [၈] [၉] (အဘိဓမ္မာဝတာရ၊၁၆၀။၎င်း၊ဋီ၊သစ်၊၂၊၃၁၆-တို့လည်း ကြည့်။) အပရပရိယာယဝေဒနီယ-လည်း ကြည့်။ [၁၀]


အပရာပရိယာယဝေဒနီယကံ- ကုသိုလ်, အကုသိုလ် အလယ်ဇော ၅-ချက် စေတနာသည် အပရာပရိယာယဝေဒနီယကံ မည်၏။ ဤအလယ်ဇောငါးချက် စေတနာသည် အာသေဝနပစ္စည်းဖြင့် ကျေးဇူးပြုမှုကို ခံရသောကြောင့် အလွန်အားကောင်းသည်၊ ထို့ကြောင့် တတိယဘဝမှစ၍ ဘဝမဆုံးမချင်း နိဗ္ဗာန်ရသည့်ဘဝတိုင်အောင် အကြောင်း အခွင့်သင့်သော ဘဝ၌ အကျိုးပေးနိုင်သည်။ [၁၁] ဤအပရာပရိယာယဝေဒနီယကံမှ လွတ်သော သတ္တဝါမည်သည် မရှိ။ [၁၂] [၁၃]

ကိုးကား[ပြင်ဆင်ရန်]

  1. အပရာပရိယဝေဒနီယံ ကမ္မံ အပရာပရိယဝေဒနီယဋ္ဌေန နိယတန္တိ? အာမန္တာ။ အဘိ၊က၊၄၄၁။
  2. ဣဒံ ဒိဋ္ဌဓမ္မဝေဒနီယံ၊ ဣဒံ ဥပပဇ္ဇဝေဒနီယံ၊ ဣဒံ အပရာပရိယဝေဒနီယံ။ နေတ္တိ၊၈၂။
  3. အပရသ္မိံ အတ္တဘာဝေ ဝေဒိတဗ္ဗ ဖလံ (ဝေဒိတဗ္ဗဖလံ?) အပရာပရိယဝေဒနီယံ။ ...မဇ္ဈေ ပဉ္စ စေတနာ အပရာပရိယဝေဒနီယံ နာမ။ နေတ္တိ၊ဋ္ဌ၊၁၆၇။
  4. စတုတ္ထိဓံ ကမ္မံ ဒိဋ္ဌဓမ္မဝေဒနီယံ ဥပပဇ္ဇဝေဒနီယံ အပရာပရိယဝေဒနီယံ အဟောသိကမ္မန္တိ။ ဝိသုဒ္ဓိ၊၂၊၂၃၅။
  5. ဥဘိန္နံ အန္တရေ ပဉ္စ ဇဝနစေတနာ အပရာပရိယဝေဒနီယကမ္မံ နာမ၊ တံ အနာဂတေ ယဒါ ဩကာသံ လဘတိ၊ တဒါ ဝိပါကံ ဒေတိ။ ၎င်း။ ၂၃၆။ မ၊ဋ္ဌ၊၃၊၂၃၄။
  6. ယံ အပရာပရိယဝေဒနီယံ၊ တဿ အပရသ္မိံ ပရိယာယေ ဝိပါကံ ပဋိသံဝေဒေတိ။ မ၊ဋ္ဌ၊၄၊၁၈၃။ သာ အပရာပရိယဝေဒနီယေနေဝ ပုညကမ္မေန မနုဿေသု တိဟေတုကပဋိသန္ဓေယာ ဒိန္နာယ...။ ဥဒါန၊ဋ္ဌ၊၂၆၅။
  7. အပရာပရိယဝေဒနီယေန ကမ္မေန ဒေဝလောကေ နိဗ္ဗတ္တန္တိ။ ဝိသုဒ္ဓိ၊၂၊၄၅။
  8. အပရာပရိယဝေဒနီယံ ပန ဝိပါကံ အဒတွာ န နဿတိ။ ဇာ၊ဋ္ဌ၊၇၊၁၃၂။
  9. အပရေ အပရေ ဒိဋ္ဌဓမ္မတော အညသ္မိံ ယတ္ထ ကတ္ထစိ အတ္တဘာဝေ ဝေဒိတဗ္ဗေ ကမ္မံ အပရာပရိယဝေဒနီယံ။ ...ဒိဋ္ဌဓမ္မဝေဒနီယာဒိဘာဝံ အသမ္မတ္တာ အာဒိပရိယောသာနစေတနာနံ မဇ္ဈေ ပဝတ္တာ ပဉ္စ စေတနာ...အပရာပရိယဝေဒနီယံ နာမ။ ဝိဘာဝိနီ၊၁၇၀-၁။
  10. တိပိဋကအဘိဓာန် အတွဲ-၂
  11. (ပရမတ္ထဒီပနီ။)
  12. (အံ၊ဋ္ဌ၊၂၊၁၀၄။)
  13. တိပိဋကအဘိဓာန် အတွဲ-၅