ရူပါဝစရကုသိုလ်ကံ
| တစ်စိတ်တစ်ပိုင်း ဖော်ပြချက် |
| ဗုဒ္ဓဘာသာ |
|---|
 |
စတုက္ကနည်းအားဖြင့် ရူပါဝစရကုသိုလ် စေတနာ ၄-ပါး, ပဉ္စကနည်းအားဖြင့် ရူပါဝစရကုသိုလ် စေတနာ ၅-ပါးသည် ရူပါဝစရကုသိုလ်ကံမည်၏။ ထိုကံသည် သမထဘာဝနာဖြင့်ပြီးသော အပ္ပနာပတ္တ မနောကံသာတည်း၊ ရူပါဝစရ ဗြဟ္မာ့ဘုံ၌ ထိုက်သည့် အားလျော်စွာ ပဋိသန္ဓေ, ပဝတ္တိ အကျိုးကို ဖြစ်စေ၏၊
ပရိတ္တရူပကုသိုလ် ပဌမဈာန်သည် ဗြဟ္မပါရိသဇ္ဇာဘုံ၌ ပဋိသန္ဓေ ပဝတ္တိအကျိုးကို ပေး၏၊ မဇ္ဈိမရူပကုသိုလ် ပဌမဈာန်သည်ဗြဟ္မပုရောဟိတာဘုံ၌ ပဋိသန္ဓေ ပဝတ္တိကျိုးကိုပေး၏၊ ပဏီတရူပကုသိုလ် ပဌမဈာန်သည် မဟာဗြဟ္မာ့ဘုံ၌ ပဋိသန္ဓေ, ပဝတ္တိကျိုးကို ပေး၏။
ပရိတ္တရူပကုသိုလ် ဒုတိယ, တတိယဈာန်သည် ပရိတ္တာဘာဘုံ၌ ပဋိသန္ဓေ, ပဝတ္တိကျိုးကို ပေး၏၊ မဇ္ဈိမရူပကုသိုလ် ဒုတိယ, တတိယဈာန်သည် အပ္ပမာဏာဘာဘုံ၌ ပဋိသန္ဓေ, ပဝတ္တိကျိုးကို ပေး၏၊ ပဏီတရူပကုသိုလ် ဒုတိယ, တတိယဈာန်သည် အာဘဿရာဘုံ၌ ပဋိသန္ဓေ, ပဝတ္တိကျိုးကို ပေး၏။
ပရိတ္တရူပကုသိုလ် စတုတ္ထဈာန်သည် ပရိတ္တသုဘာဘုံ၌ ပဋိသန္ဓေ, ပဝတ္တိကျိုးကိုပေး၏၊ မဇ္ဈိမရူပကုသိုလ် စတုတ္ထဈာန်သည် အပ္ပမာဏာဘာဘုံ၌ ပဋိသန္ဓေ, ပဝတ္တိကျိုးကိုပေး၏၊ ပဏီတရူပကုသိုလ် စတုတ္ထဈာန်သည် သုဘကိဏှာဘုံ၌ ပဋိသန္ဓေ, ပဝတ္တိကျိုးကို ပေး၏၊
ရူပကုသိုလ် ပဉ္စမဈာန်သည် ဝေဟပ္ဖိုလ်ဘုံ၌ ပဋိသန္ဓေ, ပဝတ္တိကျိုးကို ပေး၏၊
“ဓီ စိတ္တံ ဓီ ဝိညာဏံ” စသည်ဖြင့် သညာကင်းအောင် အားထုတ်အပ်သော ရူပကုသိုလ် ပဉ္စမဈာန်သည် အသညသတ်ဘုံ၌ ပဋိသန္ဓေ, ပဝတ္တိကျိုးကို ပေး၏၊
သဒ္ဓါစသော ဣန္ဒြေငါးပါး လွန်ကဲစွာ အားထုတ်အပ်သော ရူပကုသိုလ် ပဉ္စမဈာန်သည် သုဒ္ဓါဝါသငါးဘုံတို့၌ ပဋိသန္ဓေ, ပဝတ္တိကျိုးကို ပေး၏။ [၁]
ကိုးကား[ပြင်ဆင်ရန်]
- ↑ တိပိဋကအဘိဓာန် အတွဲ-၅