မောင်မောင်ကျော်

ဝီကီပီးဒီးယား မှ
အ​ညွှန်း​သို့ ခုန်ကူးရန် ရှာဖွေရန် ခုန်ကူးမည်
ဗိုလ်ချုပ်ကြီး
ဇေယျကျော်ထင်

မောင်မောင်ကျော်
General Maung Maung Kyaw.jpg
နိုင်ငံတော်စီမံအုပ်ချုပ်ရေးကောင်စီ အဖွဲ့ဝင်
တာဝန်ထမ်းဆောင်ဆဲ
တာဝန် စတင်
၂ ဖေဖော်ဝါရီ ၂၀၂၁
တပ်မတော် (လေ) ကာကွယ်ရေးဦးစီးချုပ်
တာဝန်သက်တမ်း
၂ ဇန်နဝါရီ ၂၀၁၈ – ၁၀ ဇန်နဝါရီ ၂၀၂၂
ယခင်လူဗိုလ်ချုပ်ကြီး ခင်အောင်မြင့်
ဆက်ခံသူဗိုလ်ချုပ်ကြီး ထွန်းအောင်
ကိုယ်ရေး အချက်အလက်များ
ကြင်ဖော်(များ)ဒေါ်အောင်မာမြင့်
သားသမီးဟိန်းထက်
ကောင်းထက်
ဖခင်ဗိုလ်ချုပ်ကြီး သူရကျော်ထင်
စစ်မှုထမ်းခြင်း
သစ္စာခံနိုင်ငံ မြန်မာနိုင်ငံ
တပ်/တပ်ဖွဲ့ခွဲတပ်မတော် (လေ)
ရာထူးဗိုလ်ချုပ်ကြီး

ဗိုလ်ချုပ်ကြီး မောင်မောင်ကျော် သည် မြန်မာနိုင်ငံ တပ်မတော် (လေ)ကာကွယ်ရေးဦးစီးချုပ် အဖြစ် တာဝန်ထမ်းဆောင်ခဲ့သူဖြစ်သည်။ သက်ပြည့် အငြိမ်းစားယူသွားသည့် ကာကွယ်ရေးဦးစီးချုပ်(လေ) ဗိုလ်ချုပ်ကြီး ခင်အောင်မြင့်၏ နေရာတွင် ဗိုလ်ချုပ်ကြီး မောင်မောင်ကျော်အား ကာကွယ်ရေးဦးစီးချုပ်(လေ)အဖြစ် ၂၀၁၈ ခုနှစ် ဇန်နဝါရီလ ၂ ရက်နေ့မှ စတင်ခန့်အပ်ကြောင်း တပ်မတော်ကာကွယ်ရေးဦးစီးချုပ်ရုံးမှ ထုတ်ပြန်ခဲ့သည်။[၁] ၂၀၂၂ ခုနှစ် ဇန်နဝါရီလ ၁၀ ရက်နေ့တွင် လေတပ်ဦးစီးချုပ်ရာထူးမှ အနားပေးခံခဲ့ရသည်။[၂][၃]

ပုဂ္ဂိုလ်ရေးဘဝ[ပြင်ဆင်ရန်]

ဗိုလ်ချုပ်ကြီး မောင်မောင်ကျော်သည် ယခင်က စစ်ဦးစီးအရာရှိချုပ်(လေ) အဖြစ် ဗိုလ်ချုပ်ရာထူးဖြင့် ထမ်းဆောင်ခဲ့သည်။[၄] ဗိုလ်ချုပ်ကြီး မောင်မောင်ကျော်၏ ဖခင်မှာ မြန်မာ့ဆိုရှယ်လစ်လမ်းစဉ်ပါတီခေတ်တွင် တပ်မတော်ကာကွယ်ရေးဦးစီးချုပ်အဖြစ် တာဝန်ယူခဲ့သော ဗိုလ်ချုပ်ကြီးသူရကျော်ထင် ဖြစ်သည်။[၄]

ဇနီးဖြစ်သူ ဒေါ်အောင်မာမြင့်နှင့် ဟိန်းထက်နှင့်ကောင်းထက်ခေါ်သား ၂ ဦးရှိသည်။[၅] ဟိန်းထက် (ခေါ်) Ivan Htet သည် ပါရာမောင့်အီးဗန့်စ်မြန်မာကုမ္ပဏီလီမိတက် (Paramount Events Myanmar Company Ltd) နှင့် စင်္ကာစစ်စတန်ကုမ္ပဏီလီမိတက် (Singa Systems Company Limited) တွင် ဒါရိုက်တာတစ်ဦးဖြစ်သည်။[၆][၅]

စစ်ဖက်ဆိုင်ရာ တာဝန်ထမ်းဆောင်ခြင်း[ပြင်ဆင်ရန်]

ဗိုလ်ချုပ်ကြီး မောင်မောင်ကျော်သည် စစ်တက္ကသိုလ် အပတ်စဉ် (၂၆) ဆင်းဖြစ်ပြီး ၂၀၁၂ ခုနှစ်တွင် မြိတ်လေတပ်စခန်း ဌာနချုပ်မှူး၊ ၂၀၁၅ ခုနှစ်တွင် စစ်ဦးစီး အရာရှိချုပ် (လေ)နှင့် ၂၀၁၈ ခုနှစ်တွင် ကာကွယ်ရေး ဦးစီးချုပ် (လေ) ဖြစ်လာခဲ့သည်။[၂] ၂၀၂၁ ခုနှစ် ဖေဖော်ဝါရီလ ၁ ရက်နေ့တွင် စစ်အာဏာသိမ်းမှု ဖြစ်ပွားပြီးနောက် ဖွဲ့စည်းခဲ့သော နိုင်ငံတော်စီမံအုပ်ချုပ်ရေးကောင်စီတွင် အဖွဲ့ဝင်အဖြစ် ဖေဖော်ဝါရီလ ၂ ရက်နေ့မှ စတင်ထမ်းဆောင်ခဲ့သည်။[၇]

ကိုးကား[ပြင်ဆင်ရန်]

  1. ကာကွယ်ရေးဦးစီးချုပ် (လေ) ပြောင်းလဲခန့်အပ်ကြောင်း ထုတ်ပြန်Eleven Media (၂ ဇန်နဝါရီ ၂၀၁၈)။ ၄ ဇန်နဝါရီ ၂၀၁၈ တွင် ပြန်စစ်ပြီး။
  2. ၂.၀ ၂.၁ ဗိုလ်ချုပ်ကြီး မောင်မောင်ကျော် လေတပ်ဦးစီးချုပ်ရာထူးမှ အနားပေးခံရ (in en)။
  3. ၂၀၂၁ စစ်အာဏာသိမ်း - ဗိုလ်ချုပ်ကြီးမောင်မောင်ကျော် လေချုပ်တာဝန်ကအနားပေးခံရ - ဘီဘီစီ မြန်မာ | အထူးသတင်း | နောက်ဆုံးရ သတင်း | နောက်ဆုံးရခေါင်းစဉ် သတင်း |မြန်မာသတင်း (in my-MM)။
  4. ၄.၀ ၄.၁ ဗိုလ်ချုပ်ကြီး(ငြိမ်း) သူရကျော်ထင်၏ အငယ်ဆုံးသားကို လေတပ်ဦးစီးချုပ်အဖြစ် ခန့်အပ်The Voice (၂ ဇန်နဝါရီ ၂၀၁၈)။ 16 April 2021 တွင် မူရင်းအား မော်ကွန်းတင်ပြီး။ ၄ ဇန်နဝါရီ ၂၀၁၈ တွင် ပြန်စစ်ပြီး။
  5. ၅.၀ ၅.၁ Myanmar military SAC members, their businesses and associates that require targeted sanctions
  6. https://www.myco.dica.gov.mm/Corp/EntityProfile.aspx?id=f49d32f9-6548-42f8-b0a8-605b914523f6
  7. နိုင်ငံတော်စီမံအုပ်ချုပ်ရေးကောင်စီဖွဲ့စည်းခြင်း