ကာကွယ်ရေးဦးစီးချုပ်(လေ)

တပ်မတော် (လေ) ၏ ကာကွယ်ရေးဦးစီးချုပ်
ကာကွယ်ရေးဦးစီးချုပ်(လေ)၏ အလံတော်
တာဝန်ထမ်းဆောင်ဆဲပုဂ္ဂိုလ် ဗိုလ်ချုပ်ကြီး ​ထွန်းဝင်း ဧပြီ ၂၁၊ ၂၀၂၆ (၂၀၂၆-၀၄-၂၁) မှစ၍
ကက(လေ)
အမျိုးအစား	စစ်ဘက်ဆိုင်ရာ ရာထူး
အဖွဲ့ဝင်	ကာကွယ်ရေးဌာန​ကောင်စီ
အစီရင်ခံရသူ	တပ်မတော်ကာကွယ်ရေးဦးစီးချုပ်
စံအိမ်	တပ်မ​တော် အရာရှိကြီးများ အိမ်ရာ၊ ကကန၊ နေပြည်တော်
ရုံးတည်နေရာ	ကာကွယ်ရေးဦးစီးချုပ်ရုံး(လေ)၊ စစ်ရုံး၊ နေပြည်တော်
ခန့်အပ်သူ	တပ်မတော်ကာကွယ်ရေးဦးစီးချုပ်
ယခင်လူ	ဒုတိယကာကွယ်ရေးဦးစီးချုပ်(လေတပ်)
ဖွဲ့စည်းခြင်း	၁၁ ဒီဇင်ဘာ ၁၉၄၇ (၁၉၄၇-၁၂-11)
ပထမဆုံး ထမ်းဆောင်သူ	ဒုတိယဗိုလ်မှူးကြီး စောရှီးရှိုး
အခြားအမည်	​ လေချုပ်၊ လေချုပ်ကြီး
လက်ထောက်	စစ်ဦးစီးအရာရှိချုပ်(​လေ)
အဆင့် / တံဆိပ် အဆောင်အယောင်များ
လေတပ်ဗိုလ်ချုပ်ကြီး

ကာကွယ်ရေးဦးစီးချုပ်(လေ) (အင်္ဂလိပ်: Commander-in-Chief (Air)) သည် တပ်မတော်(လေ)၏ ပြန်တမ်းဝင်အရာရှိများကိုသာ ခန့်အပ်သော အဆင့်အမြင့်ဆုံးရာထူးဖြစ်ပြီး၊ အဆင့်သတ်မှတ်ချက်မှာ ဗိုလ်ချုပ်ကြီးဖြစ်သည်။ ဤရာထူးခန့်အပ်ခံရသည့် ဒုတိယဗိုလ်ချုပ်ကြီး အဆင့်ရှိသူ ပြန်တမ်းဝင် လေတပ်အရာရှိသည် ရာထူးအားလက်ခံရယူပြီး တစ်နှစ်အတွင်း ဗိုလ်ချုပ်ကြီးအဆင့်သို့ တိုးမြှင့်ခံရသည်။

ကြည်း၊ရေ၊လေ ဗမာ့တပ်မတော်များပေါင်းစည်းပြီးနောက် ၁၉၅၅ခုနှစ်မှ ၁၉၈၉အထိ တပ်မတော်(ကြည်း)၊ ​တပ်မတော်(ရေ)၊ တပ်မတော်(လေတပ်) တို့ကို သက်ဆိုင်ရာ ဒုတိယကာကွယ်ရေးဦးစီးချုပ် တစ်ဦးစီက အုပ်ချုပ်ခဲ့ကာ ၁၉၈၉ခုနှစ်တွင် ထို ဒုတိယကာကွယ်ရေးဦးစီးချုပ်များကို သက်ဆိုင်ရာတပ်များ၏ ကာကွယ်ရေးဦးစီးချုပ်များ အဖြစ် တိုးမြှင့်ခဲ့ခြင်းဖြစ်သည်။ လက်ရှိ ကာကွယ်ရေးဦးစီးချုပ်(လေ) ရာထူးတာဝန်ထမ်းဆောင်နေသူမှာ ဗိုလ်ချုပ်ကြီး ထွန်းဝင်း ဖြစ်သည်။

သမိုင်းကြောင်း

မြန်မာ့လေတပ်မတော် ၏ အကြီးအကဲမှာ လေတပ်ဦးစီးမှူး (Commanding Officer, Burma Air Force) ဖြစ်ခဲ့ပြီး ၁၉၄၈ခုနှစ် မေလ ၈ရက်နေ့တွင် စစ်ရုံးဖွဲ့စည်းပြီးသောအခါ လေတပ်ဦးစီးချုပ် (Chief of Air Staff) ဟုပြောင်းလဲခေါ်ဝေါ်ခဲ့သည်။

ဗမာ့တပ်မတော်၊ ဗမာ့ရေတပ်မတော်နှင့် မြန်မာ့လေတပ်မတော် တို့ကို တစ်ခုတည်းသောတပ်မတော်အဖြစ်ပေါင်းစည်းသောအခါ ၁၉၅၅ခုနှစ် နိုဝင်ဘာလ ၈ရက်နေ့မှ စ၍ ရေတပ်ဦးစီးချုပ် သည် ဒုတိယကာကွယ်ရေးဦးစီးချုပ် (လေတပ်) (Vice Chief of Staff (Air)) ဖြစ်လာခဲ့သည်။ ၁၉၈၉ခုနှစ် မေလ ၁၀ရက်နေ့တွင် ကာကွယ်ရေးဦးစီးချုပ်(လေ) (Commander-in-Chief (Air)) အဖြစ်​ ပြောင်းလဲခဲ့သည်။

တာဝန်ထမ်းဆောင်ခဲ့သူများ စာရင်း

စဉ်	ဓာတ်ပုံ	ပြန်တမ်းဝင်အမှတ်	ရာထူးအဆင့်နှင့်အမည်	စတင်ရက်	ပြီးဆုံးရက်	တာဝန်သက်တမ်းကာလ	မှတ်ချက်	ကိုးကား
လေတပ်ဦးစီးမှူး
၁။		လေ ၁၀၂၀	ဒုတိယဗိုလ်မှူးကြီး စောရှီးရှိုး	၁၅ ဒီဇင်ဘာ ၁၉၄၇	၈ မေ ၁၉၄၈	၁၄၅ ရက်
လေတပ်ဦးစီးချုပ်
(၁)		လေ ၁၀၂၀	ဒုတိယဗိုလ်မှူးကြီး စောရှီးရှိုး	၈ မေ ၁၉၄၈	၁၀ ဖေဖော်ဝါရီ ၁၉၄၉	၂၇၆ ရက်	ကရင်လူမျိုးဖြစ်သည့်အပြင် ကရင်ပြည်တွင်းစစ်ကြောင့် အငြိမ်းစားပေးခံခဲ့ရသည်။
၂။		လေ ၁၀၀၉	ဒုတိယဗိုလ်မှူးကြီး သူရ အက်စ်ဂျေခင်	၂၃ ဖေဖော်ဝါရီ ၁၉၄၉	၁၅ ဇွန် ၁၉၅၀	၁ နှစ်၊ ၁၁၂ ရက်
၃။		လေ ၁၀၀၅	ဗိုလ်မှူးချုပ် သူရ တီကလစ်	၁၅ ဇွန် ၁၉၅၀	၂၈ စက်တင်ဘာ ၁၉၅၅	၅ နှစ်၊ ၁၀၅ ရက်
ဒုတိယကာကွယ်ရေးဦးစီးချုပ်(လေတပ်)
(၃)		လေ ၁၀၀၅	ဗိုလ်မှူးချုပ် သူရ တီကလစ်	၂၈ စက်တင်ဘာ ၁၉၅၅	၂၆ နိုဝင်ဘာ ၁၉၆၃	၈ နှစ်၊ ၅၉ ရက်
၄။		လေ ၁၀၄၂	ဗိုလ်မှူးချုပ် သောင်းဒန်	၂၇ နိုဝင်ဘာ ၁၉၆၃	၇ မတ် ၁၉၇၄	၁၀ နှစ်၊ ၁၀၀ ရက်
၅။		လေ ၁၀၄၇	ဗိုလ်ချုပ် သူရစောဖြူ	၈ မတ် ၁၉၇၄	၁၈ မတ် ၁၉၈၀	၆ နှစ်၊ ၁၀ ရက်
၆။		လေ ၁၀၅၉	ဗိုလ်ချုပ် ကိုကြီး	၁၉ မတ် ၁၉၈၀	၁၄ နိုဝင်ဘာ ၁၉၈၅	၅ နှစ်၊ ၂၄၀ ရက်
၇။		လေ ၁၁၂၇	ဒုတိယဗိုလ်ချုပ်ကြီး တင်ထွန်း	၁၄ နိုဝင်ဘာ ၁၉၈၅	၁၀ မေ ၁၉၈၉	၃ နှစ်၊ ၁၇၇ ရက်
ကာကွယ်ရေးဦးစီးချုပ်(လေ)
(၇)		လေ ၁၁၂၇	ဒုတိယဗိုလ်ချုပ်ကြီး တင်ထွန်း	၁၀ မေ ၁၉၈၉	၅ ဖေဖော်ဝါရီ ၁၉၉၂	၂ နှစ်၊ ၂၇၁ ရက်
၈။		လေ ၁၁၉၃	ဒုတိယဗိုလ်ချုပ်ကြီး သိန်းဝင်း	၅ ဖေဖော်ဝါရီ ၁၉၉၂	၁၅ ဇွန် ၁၉၉၅	၃ နှစ်၊ ၁၃၀ ရက်
၉။		လေ ၁၃၀၂	ဒုတိယဗိုလ်ချုပ်ကြီး တင်ငွေ	၁၅ ဇွန် ၁၉၉၅	၁၄ နိုဝင်ဘာ ၁၉၉၇	၂ နှစ်၊ ၁၅၂ ရက်
၁၀။		လေ ၁၃၃၄	ဒုတိယဗိုလ်ချုပ်ကြီး ကျော်သန်း	၁၅ နိုဝင်ဘာ ၁၉၉၇	၁၃ ဇူလိုင် ၂၀၀၁	၃ နှစ်၊ ၂၄၀ ရက်
၁၁။		လေ ၁၅၈၁	ဗိုလ်ချုပ် မြင့်ဆွေ	၁၃ ဇူလိုင် ၂၀၀၁	၂ မေ ၂၀၀၂	၂၉၃ ရက်
၁၂။		လေ ၁၆၈၂	ဗိုလ်ချုပ်ကြီး မြတ်ဟိန်း	၁၈ မေ ၂၀၀၂	၁၄ ဖေဖော်ဝါရီ ၂၀၁၃	၁၀ နှစ်၊ ၂၇၂ ရက်
၁၃။		လေ ၁၇၅၄	ဗိုလ်ချုပ်ကြီး ခင်အောင်မြင့်	၁၄ ဖေဖော်ဝါရီ ၂၀၁၃	၂ ဇန်နဝါရီ ၂၀၁၈	၄ နှစ်၊ ၃၂၂ ရက်
၁၄။		လေ ၁၉၂၅	ဗိုလ်ချုပ်ကြီး မောင်မောင်ကျော်	၃ ဇန်နဝါရီ ၂၀၁၈	၉ ဇန်နဝါရီ ၂၀၂၂	၄ နှစ်၊ ၆ ရက်	ရာထူးမှအနားပေးခံရသည်။
၁၅။		လေ ၁၉၈၂	ဗိုလ်ချုပ်ကြီး ထွန်းအောင်	၁၀ ဇန်နဝါရီ ၂၀၂၂	၁၀ ဧပြီ ၂၀၂၆	၄ နှစ်၊ ၉၀ ရက်	ကာကွယ်ရေးဝန်ကြီးအဖြစ် ခန့်အပ်ခံရသည်။
၁၆။		လေ ၂၁၃၀	ဗိုလ်ချုပ်ကြီး ထွန်းဝင်း	၂၁ ဧပြီ ၂၀၂၆	လက်ရှိ	၃၀ ရက်