လွိုင်ကော်မြို့နယ်

ဝီကီပီးဒီးယား မှ
အ​ညွှန်း​သို့ ခုန်ကူးရန် ရှာဖွေရန် ခုန်ကူးမည်
လွိုင်ကော်‌မြို့နယ်
မြို့နယ်
Skyline of လွိုင်ကော်‌မြို့နယ်
လွိုင်ကော်ခရိုင်အတွင်း တည်နေရာ
လွိုင်ကော်ခရိုင်အတွင်း တည်နေရာ
လွိုင်ကော်‌မြို့နယ် သည် မြန်မာနိုင်ငံ တွင် တည်ရှိသည်
လွိုင်ကော်‌မြို့နယ်
လွိုင်ကော်‌မြို့နယ်
လွိုင်ကော်မြို့နယ် တည်နေရာ
ကိုဩဒိနိတ်: 19°40′27″N 97°12′34″E / 19.67417°N 97.20944°E / 19.67417; 97.20944ကိုဩဒိနိတ်: 19°40′27″N 97°12′34″E / 19.67417°N 97.20944°E / 19.67417; 97.20944
နိုင်ငံ မြန်မာ
ပြည်နယ်ကယားပြည်နယ်
ခရိုင်လွိုင်ကော်‌ခရိုင်
မြို့နယ်ရုံးစိုက်ရာမြို့လွိုင်ကော်မြို့
ဧရိယာ
 • မြို့နယ်၂၃၀.၉၁ စတုရန်းမိုင် (၅၉၈.၀၆ စတုရန်းကီလိုမီတာ)
ပင်လယ်ရေ မျက်နှာပြင်အမြင့်၂၉၅၀ ပေ (၉၀၀ မီတာ)
လူဦးရေ (စက်တင်ဘာ ၂၀၂၀)[၁]
 • မြို့နယ်၁၂၄,၁၃၀
 • သိပ်သည်းမှု၅၄၀/sq mi (၂၁၀/km)
 • မြို့ပေါ်၆၈,၀၈၃
 • ကျေးလက်၅၆,၀၄၇
 • ဒေသခံလူမျိုးများကယား (၃၈.၄၅%)
ဗမာ (၂၉.၇၆%)
ရှမ်း (၂၄.၅၃%)
ကရင် (၃.၄၇%)
ချင်း (၀.၃၁%)
ရခိုင် (၀.၂၇%)
မွန် (၀.၂၅%)
ကချင် (၀.၁၂%)
 • ကိုးကွယ်မှုဗုဒ္ဓခရစ်ယာန်အစ္စလာမ်ဟိန္ဒူ
အချိန်ဇုန်မြန်မာစံတော်ချိန် (UTC+6:30)

လွိုင်ကော်မြို့နယ် သည် မြန်မာနိုင်ငံကယားပြည်နယ်လွိုင်ကော်ခရိုင်တွင် ပါဝင်သည့် မြို့နယ်တစ်ခုဖြစ်သည်။ မြို့နယ်ရုံးစိုက်ရာမြို့မှာ လွိုင်ကော်မြို့ ဖြစ်သည်။

သမိုင်းကြောင်း[ပြင်ဆင်ရန်]

၁၈၃၈ ခုနှစ် (မြန်မာသက္ကရာဇ် ၁၂၀၀ ပြည့်နှစ်) တွင် ဦးသီရိ က သီရိဒေါရွာအဖြစ် တောင်ကွဲတောင်အနီးတွင် စတင်တည်ထောင်ခဲ့သည်။ ရှမ်းဘာသာစကားဖြင့် လွိုင်ခေါ် ဟု ခေါ်ဝေါ်ခဲ့ပြီး လွိုင် မှာ တောင်၊ ခေါ် မှာ တကွဲတပြားစီ ဟု အဓိပ္ပာယ်ရသည်။ လွိုင်ခေါ်မှ လွယ်ကော်၊ လွိုင်ကော်ဟူ၍ ဖြစ်ပေါ်လာခဲ့သည်။၂၀.၄.၁၈၈၈တွင် ကန္ဒရဝတီ​စော်ဘွား စဝ်လဝီက လွိုင်​ကော်မြို့​ဟော်နန်းကို စိုက်ထူခဲ့သည်။၁၉၅၁ခုနှစ်တွင် ကယားပြည်နယ်အဖြစ် သတ်မှတ်ကာ လွိုင်​ကော်မြို့ကို မြို့​တော်အဖြစ် သတ်မှတ်ထားသည်။

၁၉၇၂ ခုနှစ် ဖေဖော်ဝါရီလ ၂၂ ရက်နေ့တွင် လွိုင်ကော်မြို့နယ်ကို ရပ်ကွက် ၁၃ ခု၊ ကျေးရွာအုပ်စု ၁၂ ခု၊ ကျေးရွာ ၁၂၇ ရွာဖြင့် ဖွဲ့စည်းခဲ့သည်။၁၇.၃.၂၀၁၆တွင် ​ကျေးရွာအုပ်စုများမှ အချို့ကို ရပ်ကွက်အဖြစ် တိုးမြှင့်ခဲ့သည်။၂၀၁၇ခုနှစ်တွင် လွိုင်လင်လေးနှင့် လောပိတကျေးရွာအုပ်စုများကို မြို့အဖြစ် အဆင့်မြှင့်တင်ခဲ့သည်။၂၀၂၀ပြည့်နှစ် စက်တင်ဘာလတွင် လွိုင်ကော်မြို့နယ်၌ ရပ်ကွက် ၃၀၊ ကျေးရွာအုပ်စု ၁၂ ခုနှင့် ကျေးရွာပေါင်း ၁၁၅ ရွာ ပါဝင်သည်။[၂][၁][၃]

ပထဝီဝင်အ​နေအထား[ပြင်ဆင်ရန်]

မြောက်လတ္တီတွဒ် ၁၉ ဒီဂရီ ၁၄ မိနစ်နှင့် ၂၀ ဒီဂရီ ၅၉ မိနစ်ကြား၊ အရှေ့လောင်ဂျီတွဒ် ၉၇ ဒီဂရီ ၀၇ မီနစ်နှင့် ၉၇ ဒီဂရီ ၂၂ မိနစ်အကြားတွင် တည်ပြီး အကျယ်အဝန်းမှာ ၅၉၈.၀၆ စတုရန်းမိုင် (၁,၅၄၉.၀ စတုရန်း ကီလိုမီတာ) ဖြစ်သည်။[၄]

နယ်နိမိတ်[ပြင်ဆင်ရန်]

လွိုင်ကော်မြို့နယ်၏ အရှေ့ဘက်တွင် ရှားတောမြို့နယ်၊ အနောက်ဘက်တွင် ဒီးမော့ဆိုမြို့နယ်၊ တောင်ဘက်တွင် ဘော်လခဲမြို့နယ်၊ မြောက်ဘက်တွင် ရှမ်းပြည်နယ်ရှိ ဖယ်ခုံမြို့နယ်နှင့် ဆီဆိုင်မြို့နယ်တို့ဖြင့် ထိစပ်လျက်ရှိသည်။[၄]လွိုင်​ကော်မြို့နယ်၌ ​အောက်ပါမြို့များ ပါဝင်သည်။

မြေမျက်နှာသွင်ပြင်[ပြင်ဆင်ရန်]

လွိုင်ကော်မြို့နယ်သည် ပင်လယ်ရေမျက်နှာပြင်အထက် ပျမ်းမျှအမြင့်ပေ ၂၉၅၀ အထက်တွင် တည်ရှိသည်။ လွိုင်ကော်မြို့နယ်သည် တောတောင်နှင့် သစ်တောများ များပြားပြီး မြေပြန့်လွင်ပြင် နည်းပါးသည်။ ထင်ရှားသော တောင်များမှာ သီရိမင်္ဂလာတောင်တော် (တောင်ကွဲ)၊ ရွှေတောင်၊ တောင်သုံးလုံး၊ မြကလပ်တောင်နှင့် ရွှေလက်ဝါးတောင်တို့ ဖြစ်သည်။[၁]

ရေဆင်း[ပြင်ဆင်ရန်]

လွိုင်ကော်မြို့နယ်အတွင်း စီးဆင်းလျက်ရှိသော ထင်ရှားသည့် မြစ်ချောင်းများမှာ ဘီလူးချောင်း၊ ပွန်ချောင်းတို့ဖြစ်သည်။ ဘီလူးချောင်းသည် အနောက်မှ အရှေ့ဘက်သို့ စီးဆင်းလျက်ရှိပြီး ရေချိုဖြစ်သဖြင့် သောက်သုံးရေနှင့် စိုက်ပျိုးရေအဖြစ် သုံးစွဲသည်။[၁]

ရာသီဥတု[ပြင်ဆင်ရန်]

လွိုင်ကော်မြို့နယ်သည် အေးမြခြောက်သွေ့ပြီး သင့်တင့်မျှတသော ရာသီဥတု ရှိသည်။ အမြင့်ဆုံး အပူချိန်သည် ၃၇.၂ ဒီဂရီ စင်တီဂရိတ်ဖြစ်ပြီး အနိမ့်ဆုံးအပူချိန်မှာ ၅ ဒီဂရီ စင်တီဂရိတ် ဖြစ်သည်။[၁]

လူဦးရေ[ပြင်ဆင်ရန်]

လွိုင်​ကော်မြို့နယ်တွင်နေထိုင်ကြသော တိုင်းရင်းသားလူမျိုးစုများတွင် ကယားလူမျိုးများ အများဆုံးနေထိုင်ကြသည်။ထို့နောက် ဗမာ၊ရှမ်း၊ကရင်၊ချင်း၊ရခိုင်၊မွန်နှင့် ကချင်လူမျိုးများ အစဉ်လိုက်များပြားစွာနေကြသည်။ကိုးကွယ်မှုအနေဖြင့် ဗုဒ္ဓဘာသာကို အများဆုံး ကိုးကွယ်ကာ ခရစ်ယာန်၊အစ္စလာမ်၊ဟိန္ဒူနှင့် အခြားကိုးကွယ်သူဦးရေမှာ အစဉ်လိုက်များပြားသည်။မြို့နယ်လူဦးရေ၏ ၂.၈၁%မှာ အခြားသော နိုင်ငံခြားလူမျိုးနွယ်ဝင်များဖြစ်သည့် အိန္ဒိယ၊တရုတ်၊ဘင်္ဂလား​ဒေ့ရှ်၊ပါကစ္စတန်နှင့် အခြားစသည့်လူမျိုးများဖြစ်သည်။

လွိုင်ကော်မြို့နယ်၏ ၂၀၂၀ ပြည့်နှစ် စက်တင်ဘာလကုန်အထိ လူဦးရေမှာ ၁၂၄,၁၃၀ ဦး ဖြစ်သည်။ [၂] [၃]

စီးပွားရေး[ပြင်ဆင်ရန်]

လွိုင်ကော်မြို့နယ်သည် ကယားပြည်နယ်အတွင်းရှိ စီးပွား​ရေးအရ အချက်အခြာကျ​သော မြို့နယ်ဖြစ်သည်။မြို့နယ်​နေလူထုသည် စိုက်ပျိုးရေးလုပ်ငန်းများ၊ အသေးစား စက်မှုလက်မှု လုပ်ငန်းများနှင့် ဝန်ဆောင်မှုလုပ်ငန်းများကို အဓိက လုပ်ကိုင်ကြသည်။လွိုင်​ကော်စက်မှုဇုန်အပါအဝင် စက်ရုံ ၇၀၊ အိမ်တွင်းစက်မှုလက်မှုလုပ်ငန်း ၁၁၅ခုတည်ရှိသည်။

​ဈေးများ[ပြင်ဆင်ရန်]

  • သီရိမင်္ဂလာ​ဈေး

Siri Mingalar Market Loikaw.jpg

  • ကန္ဒရဝတီ ၂ထပ်​ဈေး
  • ဗဟို​ဈေး
  • ​နောင်ယား​ဈေး

ပို့​ဆောင်ဆက်သွယ်ရေး[ပြင်ဆင်ရန်]

လွိုင်ကော်မြို့နယ်သည် ကုန်းလမ်း၊ ရေလမ်းကြောင်းများ ဆုံရာလမ်းမပေါ်တွင် တည်ရှိ၍ လမ်းပန်းဆက်သွယ်ရေး ကောင်းမွန်သည်။လွိုင်ကော်လေဆိပ်မှ ရန်ကုန်မြို့သို့ ​နေ့စဉ်​လေ​ကြောင်းခရီးစဉ်ရှိသည်။သာစည်-လွိုင်​ကော်ရထားလမ်းသည် မြို့နယ်အတွင်း ၁၀မိုင်ခန့် ဖြတ်သန်းသွားသည်။ရှမ်းပြည်နယ် အင်း​လေးကန်နှင့် ဘီလူး​ချောင်းအတိုင်း ​ရေ​ကြောင်းခရီးဖြင့် သွားလာနိုင်သည်။​​အောင်ပန်း-လွိုင်​ကော်ကားလမ်း၊​တောင်ငူ-လိပ်သို-ယာဒို-လွိုင်​ကော်-ဟိုပုံးလမ်းတို့မှာ မြို့နယ်၏ အဓိကလမ်းမများဖြစ်သည်။[၁]

လွိုင်​ကော်ဘူတာ

ပညာရေး[ပြင်ဆင်ရန်]

အဆင့်မြင့်ပညာ[ပြင်ဆင်ရန်]

Loikaw University.jpg

CU Loikaw.jpg

TU Loikaw Main Building 1.jpg

Loikaw Education College.jpg

အ​ခြေခံပညာ[ပြင်ဆင်ရန်]

အထက[ပြင်ဆင်ရန်]

အထက်တန်းကျောင်း ၁၂ကျောင်းရှိသည်။

  • အထက ၁
  • အထက ၂
  • အထက ၃
  • အထက ၄
  • အထက ၅
  • အထက ၆
  • အထက ၇
  • အထက ​လောပိတ
  • အထက ​လွိုင်လင်​လေး
  • အထက နွားလဝိုး
  • အထက ကုန်းသာ
  • အထက လွိုင်​လင်​လေး[၃]

အထက(ခွဲ)/အလက[ပြင်ဆင်ရန်]

  • အလက (ထ(ခွဲ)) ချိကယ်
  • အလက (ထ(ခွဲ)) နာနတ်​တော
  • အလက (ထ(ခွဲ)) ပန်ကန်း
  • အလက (ထ(ခွဲ)) ကွန်နား
  • အလက (ထ(ခွဲ)) ​လောဓမ္မ
  • အလက (ထ(ခွဲ)) ​ရှမ်းရွာ
  • အလက (ထ(ခွဲ)) ဝါရီ​ကောခူ
  • အလက ၂
  • အလက ၃
  • အလက ​ဒေါတမ
  • အလက ​​ထေးငှားလျား
  • အလက နိုးကိုး
  • အလက ​လောဓ​လေး

အမက[ပြင်ဆင်ရန်]

မူလတန်း၊မူလွန်၊အလယ်တန်း(ခွဲ) ၉၂ကျောင်းရှိသည်။ [၁]

ကျန်းမာရေး[ပြင်ဆင်ရန်]

​ဆေးရုံများ[ပြင်ဆင်ရန်]

လွိုင်ကော်မြို့နယ်တွင် ပြည်နယ်ဆေးရုံ ၁ ခု၊ တိုက်နယ်ဆေးရုံ ၂ ခု၊ တိုက်နယ်ကျန်းမာရေးဌာန ၂ ခု၊ ကျေးလက်ကျန်းမာရေးဌာန ၅ ခုနှင့် ကျေးလက်ကျန်းမာရေးဌာနခွဲ ၂၉ ခု တည်ရှိသည်။

  • လွိုင်​​ကော်ပြည်သူ့​ဆေးရုံကြီး
  • ​လောဓ​လေး တိုက်နယ်​ဆေးရုံ
  • လွိုင်လင်​လေး တိုက်နယ်​ဆေးရုံ

[၁]

ထင်ရှား​သော​နေရာများ[ပြင်ဆင်ရန်]

Taung Kwel Pagoda of Loikaw.jpg

  • ဆု​တောင်းပြည့် မြို့နာမ်​စေတီ

MyoNam Pagoda.jpg

  • သီရိမင်္ဂလာပုံ(​​ဟော်ကြီး​ကျောင်း)

Mingalar Hor Gyi Loikaw.jpg

  • ခရစ်​တော်ဘုရင် ဘုရား​ကျောင်း
  • နောင်ယားကန်

Naung Yah Lake.jpg

ကိုးကား[ပြင်ဆင်ရန်]

  1. ၁.၀ ၁.၁ ၁.၂ ၁.၃ ၁.၄ ၁.၅ ၁.၆ ၁.၇ ၁.၈ လွိုင်ကော်မြို့နယ် ဒေသဆိုင်ရာအချက်အလက်များ (PDF)။ လွိုင်ကော်မြို့နယ် အထွေထွေ အုပ်ချုပ်ရေးဦးစီးဌာန။ အောက်တိုဘာ ၂၀၁၇။ ၇ ဩဂုတ် ၂၀၁၈ တွင် ပြန်စစ်ပြီး
  2. ၂.၀ ၂.၁ လွိုင်ကော်ခရိုင်၊ လွိုင်ကော်မြို့နယ်၏ ဒေသဆိုင်ရာအချက်အလက်ကယားပြည်နယ် အစိုးရအဖွဲ့
  3. ၃.၀ ၃.၁ ၃.၂ လွိုင်​ကော်မြို့နယ်၏ ဒေသဆိုင်ရာအချက်အလက်များအထွေထွေအုပ်ချုပ်ရေး ဦးစီးဌာန
  4. ၄.၀ ၄.၁ ၄.၂ လွိုင်ကော်မြို့နယ်၏ ဒေသန္တရအချက်အလက်များ။ ကယားပြည်နယ်အစိုးရအဖွဲ့။ ၇ ဩဂုတ် ၂၀၁၈ တွင် ပြန်စစ်ပြီး။