ပဌမ သေခသုတ်
| တစ်စိတ်တစ်ပိုင်း ဖော်ပြချက် |
| ဗုဒ္ဓဘာသာ |
|---|
 |
ပဌမ သေခသုတ် သည် မြတ်စွာဘုရားဟောကြားတော်မူခဲ့သည့် သုတ္တန်တစ်ခု ဖြစ်သည်။ ဤသုတ္တန်တွင် မြတ်စွာဘုရားသည် ကျင့်ဆဲ ‘သေက္ခ’ ပုဂ္ဂိုလ်အား (အထက်အထက်ဂုဏ်တို့မှ) ဆုတ်ယုတ်ရန်ဖြစ်သော တရားငါးမျိုးနှင့် မဆုတ်ယုတ်ရန်ဖြစ်သော တရားငါးမျိုးတို့ကို ဟောကြားတော်မူခဲ့သည်။[၁]
ပဌမ သေခသုတ်[ပြင်ဆင်ရန်]
ရဟန်းတို့ ဤတရားငါးမျိုးတို့သည် ကျင့်ဆဲ ‘သေက္ခ’ ပုဂ္ဂိုလ်အား (အထက်အထက်ဂုဏ်တို့မှ) ဆုတ်ယုတ်ရန် ဖြစ်ကုန်၏။ အဘယ်ငါးမျိုးတို့နည်း ဟူမူ -
- အမှုသစ်၌ မွေ့လျော်ခြင်း။
- စကားပြောခြင်း၌ မွေ့လျော်ခြင်း။
- အိပ်ခြင်း၌ မွေ့လျော်ခြင်း။
- အပေါင်းအဖော်၌ မွေ့လျော်ခြင်း။
- (ကိလေသာမှ) လွတ်မြောက်တိုင်းသောစိတ်ကို မဆင်ခြင်ခြင်းတို့တည်း။
ရဟန်းတို့ ဤတရားငါးမျိုးတို့သည် ကျင့်ဆဲ ‘သေက္ခ’ ပုဂ္ဂိုလ်အား ဆုတ်ယုတ်ရန် ဖြစ်ကုန်၏။
ရဟန်းတို့ ဤတရားငါးမျိုးတို့သည် ကျင့်ဆဲ ‘သေက္ခ’ ပုဂ္ဂိုလ်အား (အထက်အထက်ဂုဏ်တို့မှ) မဆုတ်ယုတ်ရန် ဖြစ်ကုန်၏။ အဘယ်ငါးမျိုးတို့နည်း ဟူမူ -
- အမှုသစ်၌ မမွေ့လျော်ခြင်း။
- စကားပြောခြင်း၌ မမွေ့လျော်ခြင်း။
- အိပ်ခြင်း၌ မမွေ့လျော်ခြင်း။
- အပေါင်းအဖော်၌ မွေ့မလျော်ခြင်း။
- (ကိလေသာမှ) လွတ်မြောက်တိုင်းသောစိတ်ကို ဆင်ခြင်ခြင်းတို့တည်း။
ရဟန်းတို့ ဤတရားငါးမျိုးတို့သည် ကျင့်ဆဲ ‘သေက္ခ’ ပုဂ္ဂိုလ်အား မဆုတ်ယုတ်ရန် ဖြစ်ကုန်၏ဟု (မိန့်တော်မူ၏)။[၁]