နီဝရဏ

ဝီကီပီးဒီးယား မှ
အ​ညွှန်း​သို့ ခုန်ကူးရန် ရှာဖွေရန် ခုန်ကူးမည်

ကင်းစောင့်သမားတို့သည် အလိုမရှိအပ်သော ပုဂ္ဂိုလ်များ၏ ဝင်ရာ၊ ထွက်ရာ၊ ဝင်ခွင့် ထွက်ခွင့်ကို တားမြစ်သကဲ့သို့ လောဘ၊ ဒေါသစသော စေတသိက်တို့သည် သတ္တဝါတို့၏ စိတ်သန္တာန်၌ ကုသိုလ်တရား၊ ဈာန်၊ မဂ်၊ ဖိုလ်တရားတို့၏ ဖြစ်ခွင့်၊ တိုးပွားခွင့်ကို မပေးဘဲ တားမြစ် ပိတ်ပင် ဖျက်ဆီးတတ်၏။ ထို့ကြောင့် လောဘ၊ ဒေါသစသော စေတသိက်တို့ကို ကင်းစောင့်သမား နီဝရဏဟု ခေါ်သည်။

နီဝရဏ (၆) ပါး[ပြင်ဆင်ရန်]

ထို နီဝရဏသည် ---

၁။ ကာမစ္ဆန္ဒနီဝရဏ - ကာမဂုဏ်တရားတို့၌ အားကြီးသော ရာဂ လောဘတည်းဟူသော တားမြစ်ပိတ်ပင်တတ်သော တရား။
၂။ ဗျာပါဒနီဝရဏ - သူတပါးစည်းစိမ်ကို ပျက်စီးစေလိုခြင်း ဒေါသတည်းဟူသော တားမြစ်ပိတ်ပင်တတ်သော တရား။
၃။ထိနမိဒ္ဓနီဝရဏ - တရားအားထုတ်သူတို့၏ ထိုင်းမိုင်းစေတတ်သော ထိန မိဒ္ဓတည်းဟူသော တားမြစ်ပိတ်ပင်တတ်သော တရား။
၄။ ဥဒ္ဓစ္စကုက္ကုစ္စနီဝရဏ - တရားအားထုတ်သူတို့၏ စိတ်ကို ပျံ့လွင့်စေတတ်၊ နောင်တတဖန် ပူပန်စေတတ်သော ဥဒ္ဓစ္စ ကုက္ကုစ္စ တည်းဟူသော တားမြစ်ပိတ်ပင်တတ်သော တရား။
၅။ ဝိစိကိစ္ဆာနီဝရဏ - တရားအားထုတ်သူတို့၏ စိတ်ကို ယုံမှားသံသယဖြစ်စေတတ်သော ဝိစိကိစ္ဆာ တည်းဟူသော တားမြစ်ပိတ်ပင်တတ်သော တရား။
၆။ အဝိဇ္ဇာနီဝရဏ - တရားအားထုတ်သူတို့၏ စိတ်ကို အမှန်တရားကို မသိအောင် ဖုံးလွှမ်းတတ်သော မောဟ တည်းဟူသော တားမြစ်ပိတ်ပင်တတ်သော တရား။
ဤသို့ (၆) ပါး အပြားရှိသည်။[၁]

ကိုးကား[ပြင်ဆင်ရန်]

  1. ဗုဒ္ဓဘာသာ တရားတော်(အထက်တန်းအဆင့်)၊ သာသနာရေးဝန်ကြီးဌာန၊ ခရစ် - ၁၉၉၇၊ နှာ ၃၉၈