တပေါဒါ
| တစ်စိတ်တစ်ပိုင်း ဖော်ပြချက် |
| ဗုဒ္ဓဘာသာ |
|---|
 |
ပူသောရေရှိသော၊ (က)တပေါဒါမြစ်။ (ခ) တပေါဒါအိုင်။ (ဂ) တပေါဒ ကျောင်းတိုက်။ (ဃ) တပေါဒါချောက်။[၁]
တပေါဒါမြစ်[ပြင်ဆင်ရန်]
[၂]ဝေဘာရတောင်အောက် နတ်ပြည်နှင့် တူသော ယူဇနာ-၅၀၀ ကျယ်သော နဂါးဘုံ ရှိသည်၊ ပတ္တမြားဖြင့်ပြီးသော ကျောက်မြေ အပြင်, ဥယျာဉ်, ဗိမာန်တို့နှင့်လည်း ပြည့်စုံသည်၊ ထိုနဂါးပြည်၌ နဂါးတို့ ရေကစားရာ ရေကန်ရှိ၏၊ တပေါဒါမြစ်သည် ထိုရေကန်မှ ကပ်၍ စီးလာပြီးလျှင် လောဟကုမ္ဘီ ငရဲကြီး ၂-ခုတို့၏ အကြားအရပ်မှ စီးလာသဖြင့် ရေသည် ကျိုက်ကျိုက်ဆူ၍ ပူလေသည် [၃] ရာဇဂြိုဟ်မြို့ဟောင်းအနီး၌ စီးဆင်း လျက်ရှိသော သရသွတီမည်သော မြစ်ငယ်ကို တပေါဒါရာမ တပေါဒါမြစ်ဟု ဆရာတစ်ဦး ဆို၏ (ဘာရတ-ဗောဒ္ဓသိဒ္ဓဋ္ဌာန သီဟိုဠ်ဘာသာစာအုပ်) [၁]
တပေါဒါအိုင်[ပြင်ဆင်ရန်]
တပေါဒါရုံ ကျောင်းတိုက်[ပြင်ဆင်ရန်]
(ကျောင်းတိုက်၏ ရှေးရှူ တူရူအရပ်၌ရှိသော ရေပူအိုင်ကို အစွဲပြု၍ တပေါဒါရုံ ကျောင်းတိုက်ဟု ခေါ်သည်။ [၅]
ဘုရားရှင်သည် တပေါဒါရုံကျောင်းတိုက်၌ သီတင်းသုံးခိုက် အရှင်အာနန္ဒာအား “ကိုယ်တော်မြတ်၏ အာယုကပ်ပတ်လုံးဖြစ်စေ, အာယုကပ်ထက် လွန်၍ဖြစ်စေ တည်နေနိုင်ကြောင်း” မိန့်တော် မူခဲ့ဘူးသည်။ [၆]
သေနာသန ပညာပက ဧတဒဂ်ဘွဲ့ရ အရှင်ဒဗ္ဗထေရ်ကို “တပေါဒါရုံကျောင်းတိုက်၌ မိမိတို့အတွက် ကျောင်း အိပ်ရာနေရာ ခင်းပေးရန်” ရဟန်း များစွာတို့ တောင်းပန် လျှောက်ထားကြသည်။ [၇]
တပေါဒါရုံ ကျောင်းတိုက်သည် ဝေဘာရတောင်၏ အရှေ့ မြောက်ဖက်တွင် တွေ့မြင်ရသော မြင့်မောက်သော အရပ်ဖြစ်နိုင်သည်ဟုလည်းကောင်း, ရာဇဂြိုဟ်မြို့ မြောက်ဖက် တံခါး အနီးအရပ် ဖြစ်သင့်သည် ဟု၎င်း ဆိုကြ၏။ ဘာရတဗောဒ္ဓသိဒ္ဓဋ္ဌာန သီဟိုဠ်ဘာသာစာအုပ်။)[၈] [၁]
တပေါဒါချောက်[ပြင်ဆင်ရန်]
တပေါဒါရုံကျောင်းတိုက်၏ အနီးရှိ–ချောက်–ရှိုမြောင်။ (ယင်းသည် တပေါဒ-ကျောင်းတိုက် အနီး၌ သဘာဝ အလျောက် ကျောက်ဂူအသွင် ဖြစ်နေသော လိုဏ်ဂူဖြစ်သည်၊ ရေပူချောင်းငယ်၏ အနီး၌ တည်ရှိ၏။ ယခုအခါ “တပေါဗာန်” အမည်ဖြင့် ထင်ရှားသောအရပ်၌ တည်ရှိသည်-ဟု “ဝိမလစရဏလော” သုတေသနပညာရှင်-က ဆိုသည်။ ဘာရတဗောဒ္ဓသိဒ္ဓဋ္ဌာန သီဟိုဠ် ဘာသာ စာအုပ်။) အမှာကံ အာဝုသော တပေါဒကန္ဒရာယံ သေနာသနံ ပညပေဟိ။ [၉] [၁]
ကိုးကား[ပြင်ဆင်ရန်]
- ↑ ၁.၀ ၁.၁ ၁.၂ ၁.၃ ၁.၄ တိပိဋကအဘိဓာန် အတွဲ-၉
- ↑ ယတာယံ အာဝုသော တပေါဒါ သန္ဒတိ။ ဝိ၊၁၊၁၄၉။ မ၊ဋ္ဌ၊၄၊၁၇၂။ သံ၊ဋ္ဌ၊၁၊၃၇။ ဥဏှဘာဝေန တပနတော တပံ ဥဒကံ ဧတိဿာတိ အနွတ္ထနာမဝသေန “တပေါဒါ”တိ ဝုစ္စတိ။ သာရတ္ထ၊၂၊၂၉၅။ (ဥဒါန၊ဋ္ဌ၊၉၇။ မ၊ဋီ၊၃၊၃၆၉။)
- ↑ (ဝိ၊၁၊၁၄၉။ ဝိ၊ဋ္ဌ၊၂၊၁၀၁။ မ၊ဋ္ဌ၊၄၊၁၇၂။ သံ၊ဋ္ဌ၊၁၊၃၇)။
- ↑ တေန ခေါ ပန သမယေန ဘိက္ခု၊ တပေါဒေ နဟာယန္တိ။ ဝိ၊၂၊၁၅၄။ ယေန တပေါဒေါ (တပေါဒါ၊ သီ)၊ တေနုပသင်္ကမိ။ မ၊၃၊၂၃၁။ သံ၊၁၊၈။ (၁၀၊ အံ၊၃၊၄၁၅။)
- ↑ မ၊ဋ္ဌ၊၄၊၁၇၃။ သံ၊ဋ္ဌ၊၁၊၃၇။
- ↑ ဒီ၊၂၊၉၈။
- ↑ ဝိ၊၁၊၂၄၅။ ဝိ၊၄၊၁၉၃။
- ↑ တပေါဒါရာမေ (မ၊၃၊၂၃၁။ သံ၊၁၊၈)တိ တပေါဒဿ တတ္တောဒကဿ ရဟဒဿ ဝသေန ဧဝံ လက္ခနာမေ အာရာမေ။ မ၊ဋ္ဌ၊၄၊၁၇၂။ သံ၊ဋ္ဌ၊၁၊၃၇။ (ဒီ၊၂၊၉၇-၈။ အံ၊၃၊၄၁၅။ ထေရ၊ဋ္ဌ၊၁၊၁၄၇။ ဇာ၊ဋ္ဌ၊၂၊၅၁။ မ၊ဋီ၊၃၊၃၆၉။)
- ↑ ဝိ၊၁၊၂၄၅။ ဝိ၊၄၊၁၉၃။