ဝိစိကိစ္ဆာ
| တစ်စိတ်တစ်ပိုင်း ဖော်ပြချက် |
| ဗုဒ္ဓဘာသာ |
|---|
 |
ဝိစိကိစ္ဆာ ဆိုသည်မှာ “ယုံမှားခြင်း” ဟု အဓိပ္ပါယ်ရသည်။[၁]
ဝိစိကိစ္ဆာ
သုတ္တန်လာ ဝိစိကိစ္ဆာသည် ၁၆ ပါး၊ အဘိဓမ္မာလာ ဝိစိကိစ္ဆာ ၈ ပါးဟူ၍ နှစ်မျိုးရှိ၏။[၁]
သုတ္တန်လာ ၁၆ ပါး
အတိတ်၌ ယုံမှားခြင်း (၅) ပါး
- ရှေး၌ ငါဖြစ်ဖူးပြီလော။
- ရှေး၌ ငါမဖြစ်ဖူးသေးလော။
- အဘယ်အမျိုးအနွယ်အားဖြင့် ဖြစ်ဖူးလေသနည်း။
- အဘယ်အဆင်းသဏ္ဌာန်အားဖြင့် ဖြစ်ဖူးလေသနည်း။
- အဘယ်အမျိုးအနွယ်ဖြစ်၍ အဘယ်အမျိုးအနွယ် ဖြစ်ခဲ့ရလေသနည်း။(ဤသည်မှာ အတိတ်၌ ယုံမှားခြင်းငါးပါး ဖြစ်သည်။) [၁]
အနာဂတ်၌ ယုံမှားခြင်း (၅) ပါး
- နောင်၌ ငါဖြစ်ရလတ္တံ့လော။
- နောင်၌ ငါမဖြစ်ရလတ္တံ့လော။
- အဘယ်အနွယ်အားဖြင့် ဖြစ်ရလတ္တံ့နည်း။
- အဘယ်အဆင်းသဏ္ဌာန်အားဖြင့် ဖြစ်ရလတ္တံ့နည်း။
- အဘယ်အမျိုးအနွယ်ဖြစ်၍ အဘယ်အမျိုးအနွယ် ဖြစ်ရလတ္တံ့နည်း။ (ဤကား အနာဂတ်၌ ယုံမှားခြင်းငါးပါး ဖြစ်သည်။) [၁]
ပစ္စပ္ပုန်၌ ယုံမှားခြင်း (၆) ပါး
- ယခု ငါသည် ဖြစ်ဆဲလော။
- ယခု ငါသည် ဖြစ်ဆဲမဟုတ်လေသလော။
- အဘယ်အမျိုးအနွယ်အားဖြင့် ဖြစ်လေသနည်း။
- အဘယ်အဆင်းသဏ္ဌာန်အားဖြင့် ဖြစ်လေသနည်း။
- အဘယ်ဘဝမှ လာခဲ့သနည်း။
- အဘယ်ဘဝသို့ သွားရမည်နည်း။ (ဤကား ပစ္စုပ္ပန်၌ ယုံမှားခြင်း (၆) ပါး ဖြစ်သည်။) [၁]
အဘိဓမ္မာလာ (၈) ပါး
- ဘုရား၌ ယုံမှားခြင်း
- တရား၌ ယုံမှားခြင်း
- သံဃာ၌ ယုံမှားခြင်း
- အကျင့်သိက္ခာ၌ ယုံမှားခြင်း
- သံသရာ၏ ရှေ့အစွန်း၌ ယုံမှားခြင်း
- သံသရာ၏ နောက်အစွန်း၌ ယုံမှားခြင်း
- သံသရာ၏ ရှေ့နောက်အစွန်းနှစ်ပါး၌ ယုံမှားခြင်း
- ပဋိစ္စသမုပ္ပါဒ်တရား၌ ယုံမှားခြင်း။ (ဤသည်မှာ အဘိဓမ္မာလာ ဝိစိကိစ္ဆာရှစ်ပါး ဖြစ်သည်။) [၁]
ရုပ်နာမ်ခန္ဓာ သတ္တဝါတို့မှာ ရှေးအကြောင်းဟူ၍ မရှိဟု ယူသော အဟောတုကဒိဋ္ဌိ, ရုပ်နာမ်ခန္ဓာ သတ္တဝါတို့ကို ထာဝရဘုရားဖန်ဆင်းသည်ဟူ၍ ယူသော ဝိသမဟေတုဒိဋ္ဌိ အစရှိသည့် ဒိဋ္ဌိအမျိုးမျိုးတို့ကိုလွန်မြောက်သော် ကင်္ခါဝိတရဏဝိသုဒ္ဓိ ဖြစ်သည်။[၁]