ကန့်ဘလူခရိုင်
| ကန့်ဘလူခရိုင် | |
|---|---|
 စစ်ကိုင်းတိုင်းအတွင်းတည်နေရာ | |
  ကန့်ဘလူခရိုင် | |
| ကိုဩဒိနိတ်: 23°20′N 95°51′E / 23.333°N 95.850°Eကိုဩဒိနိတ်: 23°20′N 95°51′E / 23.333°N 95.850°E | |
| နိုင်ငံ |  မြန်မာ |
| တိုင်းဒေသကြီး |  စစ်ကိုင်း |
| မြို့နယ်ပေါင်း | ၂ |
| မြို့တော် | ကန့်ဘလူမြို့ |
| လူဦးရေ (၂၀၁၄) | ၃၉၉,၆၄၈ |
| အချိန်ဇုန် | မြန်မာစံတော်ချိန် (UTC+6:30) |
ကန့်ဘလူခရိုင် (အင်္ဂလိပ်: Kanbalu District) သည် စစ်ကိုင်းတိုင်းဒေသကြီးရှိ ခရိုင်တစ်ခုဖြစ်သည်။ ခရိုင်ရုံးစိုက်ရာမြို့မှာ ကန့်ဘလူမြို့ဖြစ်သည်။[၁]
ပါဝင်သောမြို့နယ်များ
[ပြင်ဆင်ရန်]
ကန့်ဘလူခရိုင်တွင် ပါဝင်သည့် မြို့နယ်များမှာ အောက်ပါအတိုင်းဖြစ်သည်။
သမိုင်းကြောင်း
[ပြင်ဆင်ရန်]ယခင်က ရွှေဘိုခရိုင်တွင် ပါဝင်သော ကန့်ဘလူမြို့နယ် နှင့် ကျွန်းလှမြို့နယ်တို့ကို ခွဲထုတ်ကာ ကန့်ဘလူခရိုင်အဖြစ် အသစ်ဖွဲ့စည်းခဲ့ခြင်း ဖြစ်သည်။
ပထဝီဝင်အနေအထား
[ပြင်ဆင်ရန်]တည်နေရာနှင့်အကျယ်အဝန်း
[ပြင်ဆင်ရန်]ကန့်ဘလူခရိုင်သည် စစ်ကိုင်းတိုင်းဒေသကြီးအလယ်ပိုင်းတွင် တည်ရှိသည်။
နယ်နိမိတ်
[ပြင်ဆင်ရန်]ကန့်ဘလူခရိုင်၏ အရှေ့ဘက်တွင် မန္တလေးတိုင်းမှ သပိတ်ကျင်းခရိုင်၊ တောင်ဘက်တွင် ရွှေဘိုခရိုင်နှင့် ရေဦးခရိုင်၊ အနောက်ဘက်တွင် ရေဦးခရိုင်၊ မော်လိုက်ခရိုင်နှင့် ကလေးခရိုင်၊ မြောက်ဘက်တွင် ကောလင်းခရိုင်တို့ တည်ရှိသည်။
မြေမျက်နှာသွင်ပြင်
[ပြင်ဆင်ရန်]ကန့်ဘလူခရိုင်သည် တောင်တန်းနှင့် မြေပြန့်ရောနှောတည်ရှိသည်။ ခရိုင်အရှေ့ဘက်တွင် မင်းဝံတောင်တန်း တည်ရှိသည်။ ခရိုင်၏အနောက်ဘက်ခြမ်းတွင် ဇီးဖြူတောင်တန်း တည်ရှိသည်။
ရေဆင်း
[ပြင်ဆင်ရန်]ကန့်ဘလူခရိုင်၏ အရှေ့ဘက်ခြမ်းနေရာအနည်းငယ်တွင် ဧရာဝတီမြစ် စီးဆင်းနေသည်။ ကျွန်းလှမြို့နယ်တွင် သဖန်းဆိပ်ဆည်ကြီးတည်ရှိကာ ချောင်းငယ်များသည် ထိုဆည်၏ရေဝပ်ဧရိယာအတွင်း စီးဝင်ကြသည်။ ထိုဆည်မှနေ၍ မူးမြစ်သည် ဆက်လက်စီးဆင်းသည်။
လူဦးရေ
[ပြင်ဆင်ရန်]၂၀၁၄သန်းခေါင်စာရင်းကောက်ခံချိန်တွင် ကန့်ဘလူခရိုင်ကို ဖွဲ့စည်းထားခြင်းမရှိသေးဘဲ ရွှေဘိုခရိုင်လက်အောက်တွင်သာ ရှိသေးသည်။ ကန့်ဘလူမြို့နယ်နှင့် ကျွန်းလှမြို့နယ်တို့၏ လူဦးရေမှာ (၃၉၉,၆၄၈) ဖြစ်သည်။ မြို့ပြနေလူဦးရေ (၃၇,၁၇၀)ဦးရှိသည်။
| သမိုင်းတစ်လျှောက် လူဦးရေများ | ||
|---|---|---|
| ခုနှစ် | လူဦးရေ | ±% |
| ၂၀၁၄ | ၃၉၉၆၄၈ | — |
| Source: ၂၀၁၄ သန်းခေါင်စာရင်း | ||
စီးပွားရေး
[ပြင်ဆင်ရန်]ကန့်ဘလူခရိုင်သည် စစ်ကိုင်းတိုင်းအတွင်း စီးပွားရေးအသင့်အတင့်ကောင်းမွန်သော ခရိုင်ဖြစ်သည်။ ခရိုင်နေလူထုသည် စိုက်ပျိုးရေးကို အဓိကလုပ်ကိုင်ကြသည်။ စပါး၊ ပဲ၊ ပြောင်း၊ နှမ်းတို့ကို အဓိကထုတ်လုပ်ပြီး မန္တလေးမြို့သို့ တင်ပို့သည်။
ပို့ဆောင်ဆက်သွယ်ရေး
[ပြင်ဆင်ရန်]ရွှေဘို-မြစ်ကြီးနားကားလမ်းသည် ခရိုင်အတွင်းမှ ဖြတ်သန်းသွားသည်။ ထို့အပြင် မန္တလေး- မြစ်ကြီးနားရထားလမ်းလည်း ဖြတ်သန်းသွားသည်။ မူးမြစ်အတွင်း ရေကြောင်းခရီးသွားလာနိုင်သည်။
ကိုးကား
[ပြင်ဆင်ရန်]- ↑ "Sagaing Region District Map" Archived 2 February 2017 at the Wayback Machine. Myanmar Information Management Unit (MIMU)
.svg)
