၀၃၀၇ စစ်ဆင်ရေး
| ||||||||||||||||||||||||||||||||||
၀၃၀၇ စစ်ဆင်ရေး ဟုလည်း သိကြသော ကချင်ပြည်နယ်တွင် ဆောင်ရွက်နေသော ကချင်လွတ်မြောက်ရေးတပ်မတော် (ကေအိုင်အေ)၏ ထိုးစစ်သည် ၂၀၂၄ ခုနှစ် မတ်လ ၇ ရက်နေ့တွင် စတင်ခဲ့သည့် စစ်ကောင်စီ တပ်မတော်အား တိုက်ခိုက်သည့် စစ်ဆင်ရေးတစ်ခု ဖြစ်သည်။ မြစ်ကြီးနားနှင့် ဗန်းမော်အကြား လမ်းတလျောက်တွင် အဓိကထိုးစစ်ဆင်နေသည့် ၀၃၀၇ စစ်ဆင်ရေးသည် ကေအိုင်အေ၏ ဌာနချုပ် လိုင်ဇာမြို့အား ခြိမ်းခြောက်နေသည့် စစ်ကောင်စီ ဗျူဟာစခန်းများအား သိမ်းပိုက်ရန်ဖြစ်သည်။[၄]
ယခင်ထိုးစစ်များ
[ပြင်ဆင်ရန်]ဖားကန့်
[ပြင်ဆင်ရန်] | ဤအပိုင်းမှာ ဗလာဖြစ်နေသည်။ ဖြည့်စွက်ရေးသားခြင်းဖြင့် မြန်မာဝီကီပီးဒီးယားကို ကူညီပါ။ |
ရှမ်းပြည်နယ်မြောက်ပိုင်း
[ပြင်ဆင်ရန်]တပ်မတော်နှင့် ညီနောင်မဟာမိတ်သုံးဖွဲ့အား တရုတ်ကြားဝင်စေ့စပ်သော ရှမ်းမြောက်အပစ်အခတ်ရပ်စဲရေးအပြီးတွင် ကချင်လွတ်မြောက်ရေးတပ်မတော်၊ ကချင် ပြည်သူ့ကာကွယ်ရေးတပ်မတော်နှင့် မြန်မာနိုင်ငံလုံးဆိုင်ရာကျောင်းသားများဒီမိုကရက်တစ်တပ်ဦးတို့သည် မိုးမိတ်ခရိုင်ကို ထိန်းချုပ်နိုင်ရန် ရည်ရွယ်၍ ရှမ်းပြည်နယ်မြောက်ပိုင်းတွင် ထိုးစစ်တစ်ခုကို စတင်ခဲ့သည်။ ဇန်နဝါရီ ၁၈ ရက်နေ့တွင် မဟာမိတ်အဖွဲ့များက မိုးမိတ်မြို့တွင် တိုက်ခိုက်မှုများ ပြုလုပ်ခဲ့ပြီး မိုးမိတ်ရဲစခန်းနှင့် အနီးရှိ ရွာနှစ်ရွာကို သိမ်းပိုက်ခဲ့သည်။[၅] စစ်ကောင်စီတပ်များက လေကြောင်းနှင့် လက်နက်ကြီးများဖြင့် ပြန်လည်တုံ့ပြန်ခဲ့သည်။[၆] မိုးမိတ်ထိုးစစ်အတွင်း ကေအိုင်အေနှင့် မဟာမိတ်တပ်များသည် ဇန်နဝါရီ ၁၉ ရက်နေ့တွင် မဘိမ်းမြို့နယ်တွင်လည်း တိုက်ခိုက်မှုများ စတင်ပြုလုပ်ခဲ့သည်။ ဇန်နဝါရီ ၂၁ ရက်နေ့တွင် မဘိမ်းမြို့နှင့် မဘိမ်းမြို့နယ်၏ ဒေသအများအပြားကို သိမ်းပိုက်ခဲ့သည်။[၇] ထိုနေ့မှာပင် မံစီမြို့နယ်တိုက်ပွဲတွင် စစ်ကောင်စီတပ်သား ၁၇ ဦးသည် တရုတ်-မြန်မာနယ်စပ်ကို ဖြတ်ကျော်ထွက်ပြေးသွားခဲ့ကြသည်။[၈] မတ်လ ၂၅ ရက်နေ့တွင် မဟာမိတ်ပူးပေါင်းအဖွဲ့များသည် မိုးမိတ်မှ ဆုတ်ခွာခဲ့သည်။ မတ်လ ၂၆ ရက်နေ့တွင် ကွတ်ခိုင်မြို့နယ်ရှိ နမ့်ဖတ်ကာရွာကို ကေအိုင်အေက သိမ်းပိုက်ခဲ့သည်။[၉]
တီအန်အယ်လ်အေ နှင့် တင်းမာမှု
[ပြင်ဆင်ရန်]မြောက်ပိုင်းမဟာမိတ်အဖွဲ့ဝင်နှင့် မဟာမိတ်များဖြစ်ကြသော ကေအိုင်အေနှင့် တအာင်း အမျိုးသား လွတ်မြောက်ရေး တပ်မတော် (တီအန်အယ်လ်အေ)တို့သည် ဖေဖော်ဝါရီလတွင် တင်းမာမှုများ ဖြစ်ပေါ်ခဲ့သည်။ ဖေဖော်ဝါရီလ ၄ ရက်နေ့တွင် ကေအိုင်အေတပ်သား ၅၀ သည် တီအန်အယ်လ်အေက ဇန်နဝါရီလက သိမ်းပိုက်ထားသော ကွတ်ခိုင်မြို့သို့ ဝင်ရောက်ခဲ့သည်။ တီအန်အယ်လ်အေစစ်ဆေးရေးဂိတ်တွင် ညအိပ်နေမည်မဟုတ်ကြောင်း ပြောဆိုခဲ့သော်လည်း ကချင်တော်လှန်ရေးနေ့ကို ကျင်းပရန် မြို့လည်သို့ သွားရောက်ခဲ့ကာ အလံလွှင့်ထူခြင်းနှင့် စစ်သားစုဆောင်းခြင်းများကို ပြုလုပ်ခဲ့ကြသည်။ ယင်းအတွက် တီအန်အယ်လ်အေက အလံများဖယ်ရှားကာ အရပ်သားများကို ခြိမ်းခြောက်မှုများ ပြုလုပ်ခဲ့သည်။[၁၀] နမ့်ဖတ်ကာမှ ကွတ်ခိုင်မြို့သို့ ကေအိုင်အေက ဝင်ရောက်မည်ဟူသော ကောလဟာလများကြောင့် ကွတ်ခိုင်မြို့ခံများက တပ်ဖွဲ့နှစ်ခုအကြား တိုက်ခိုက်မှုများ ဖြစ်ပေါ်လာမည်ကို စိုးရိမ်ခဲ့ကြသည်။[၁၀]
၀၃၀၇ စစ်ဆင်ရေး
[ပြင်ဆင်ရန်]မတ်လ ၇ ရက်နေ့တွင် ကေအိုင်အေသည် ကချင်ပြည်နယ် အရှေ့ပိုင်းရှိ စစ်ကောင်စီစခန်း ဆယ်ခုကျော်အား တပြိုင်နက်တိုက်ခိုက်မှုများ ပြုလုပ်ခဲ့သည်။ တိုက်ခိုက်မှုများသည် ဗန်းမော်နှင့် မြို့တော် မြစ်ကြီးနားလမ်းတလျောက်နှင့် လိုင်ဇာမြို့ဝန်းကျင်တို့တွင် ဖြစ်ပွားခဲ့သည်။ တိုက်ခိုက်မှုများသည် ကချင်ပြည်နယ်အတွင်း ကြီးမားသော ထိုးစစ်တစ်ခုစတင်ခြင်းအဖြစ် ဖော်ပြခဲ့ကြပြီး ယင်းထိုးစစ်စတင်သည့် ရက်အား အစွဲပြုကာ "၀၃၀၇ စစ်ဆင်ရေး"ဟု အချို့က ခေါ်ဆိုခဲ့ကြသည်။[၁၁] မတ်လ ၈ ရက်နေ့အပြီးတွင် လိုင်ဇာမြို့နှင့် အနီးဆုံးရှိ စစ်ကောင်စီ၏ ရှေ့တန်းစခန်းတစ်ခုအပါအဝင် အခြေစိုက်စခန်းကြီး သုံးခုနှင့် စစ်စခန်းများစွာကို သိမ်းပိုက်ခဲ့သည်။[၁၂] တိုက်ပွဲများအတွင်း စစ်ကောင်စီကို ထောက်ခံသည့် လီဆူအမျိုးသားဖွံ့ဖြိုးတိုးတက်ရေးပါတီမှ ပြည်သူ့စစ်ခေါင်းဆောင် ဦးရွှေမင်းသည် အောင်မြေသစ်ရွာတွင် သေဆုံးခဲ့သည်။ [၃]
မတ်လ ၈ ရက်နေ့တွင် ဆွမ်ပရာဘွမ်၏ မြောက်ဘက်ရှိ စစ်ကောင်စီစခန်းအား ကေအိုင်အေက သိမ်းပိုက်ခဲ့ပြီး မတ်လ ၁၄ ရက်နေ့တွင် မြို့နှင့် မြို့စောင့်တပ်အား ဆက်လက်တိုက်ခိုက်ခဲ့သည်။[၁၃]
မတ်လ ၂၂ ရက်နေ့တွင် လိုင်ဇာမြို့ဝန်းကျင်ရှိ ရှေ့တန်းစခန်းများအားလုံး၊ မြို့နယ် ၅ မြို့နယ်ရှိ တပ်ရင်းဌာနချုပ်များနှင့် ပါဂျောင်အနီးရှိ စခန်းများအပါအဝင် မြစ်ကြီးနား-ဗန်းမော်လမ်းရှိ စစ်ကောင်စီ၏ စစ်စခန်း ၅၀ ကျော်နှင့် ဗျူဟာကုန်း ၁၃ ခုအား ကေအိုင်အေက သိမ်းပိုက်နိုင်ခဲ့သည်။[၁]
မတ်လ ၂၈ ရက်နေ့တွင် မိုးမောက်မြို့နယ်၊ လွယ်ဂျယ်မြို့အနီးရှိ စစ်ကောင်စီစခန်းနှစ်ခုကို ကေအိုင်အေက သိမ်းပိုက်ခဲ့သည်။[၁၄] ဧပြီလ ၁ ရက်နေ့တွင် ဗန်းမော်-လွယ်ဂျယ်လမ်းကို ကေအိုင်အေက ထိန်းချုပ်နိုင်ခဲ့သည်။[၁၅]
ဧပြီလ ၁၁ ရက်နေ့တွင် ဖားကန့်-ကာမိုင်းလမ်းကို ကေအိုင်အေတို့ သိမ်းပိုက်ထားနိုင်ခဲ့သည်။[၁၆] ဧပြီလ ၂၄ ရက်နေ့တွင် ဆယ်ဇင်းကို သိမ်းပိုက်ခဲ့ပြီး ဖားကန့်မြို့အဝင် အဓိကလမ်းများကို ထိန်းချုပ်ထားကာ မြို့အား ဝိုင်းရံထားနိုင်ခဲ့သည်။[၁၇] ဆင်ဘိုမြို့ရဲစခန်းအား တစ်လကြာ သိမ်းပိုက်ထားပြီးနောက် မြို့အား ဧပြီ ၂၉ ရက်နေ့တွင် ကေအိုင်အေက သိမ်းပိုက်ခဲ့ပြီး ဗန်းမော်-မြစ်ကြီးနားလမ်းကို ဖြတ်တောက်ထားခဲ့သည်။[၁၈]
မေလ ၄ ရက်နေ့တွင် ဝိုင်းမော်မြို့နယ်တွင်းရှိ စစ်ကောင်စီနေရာအတော်များများအား ကေအိုင်အေက တိုက်ခိုက်မှုများ တပြိုက်နက် ပြုလုပ်ခဲ့ကာ စစ်စခန်းများအား သိမ်းပိုက်ခဲ့သည်။ မေလ ၄-၅ ရက်နေ့အကြား ဆွမ်ပရာဘွမ်စစ်ဗျူဟာစခန်းနှင့် ဆွမ်ပရာဘွမ်ပတ်လည်ရှိ စစ်ကောင်စီစခန်းများအား သိမ်းပိုက်ခဲ့သည်။[၁၉] မေလ ၈ ရက်နေ့တွင် ဆွမ်ပရာဘွမ်မြို့နှင့် အနီးတဝိုက်ကို အလုံးစုံသိမ်းပိုက်နိုင်ခဲ့သည်။[၂၀] ထိုနေ့မှာပင် တပ်ရင်း ၁၁ ရင်း ဌာနချုပ်များအပါအဝင် စစ်ကောင်စီ စစ်စခန်း ၈၀ ကျော်ကို သိမ်းပိုက်ထားပြီးဖြစ်သည်ဟု ကေအိုင်အေက ကြေညာခဲ့သည်။[၂၁] မေလ ၉ ရက်နေ့တွင် မိုးမောက်မှ စစ်ကောင်စီတပ်သားများ ဆုတ်ခွာသွားခဲ့ကာ မိုးမောက်နှင့် မန်စီရဲစခန်းတို့ကို ကေအိုင်အေက သိမ်းပိုက်ခဲ့သည်။[၂၂][၂၃] ထိုနေ့မှာပင် မြစ်ကြီးနားမြို့အဝင်ရှိ ဗလမင်းထင်တံတားရှိ စစ်ကောင်စီစစ်ဆေးရေးဂိတ်ကို ကေအိုင်အေက တိုက်ခိုက်မှုများ ပြုလုပ်ခဲ့သည်။[၂၄] မေလ ၁၃ ရက်နေ့တွင် မန်စီမြို့၏ ထက်ဝက်ကို သိမ်းပိုက်ထားနိုင်ပြီဟု ကေအိုင်အေက ဆိုသည်။[၂၅] မေလ ၁၆ ရက်နေ့တွင် တနိုင်းမြို့၏ အနောက်တောင်ရှိ နမ့်ဗျူစခန်းကို ကေအိုင်အေက သိမ်းပိုက်ခဲ့သည်။[၂၆] မေလ ၁၈ ရက်နေ့တွင် ဆွမ်ပရာဘွမ်မြို့အား ပြန်လည်ရယူရန် ပူတာအိုမှ စစ်ကူလာသော စစ်ကောင်စီတပ်အား ကေအိုင်ကေက ကြားဖြတ်တိုက်ခိုက်ခဲ့ရာ စစ်ကောင်စီဖက်မှ အကျအဆုံး များပြားခဲ့သည်။[၂၇] ထိုနေ့မှာပင် ဝိုင်းမော်မြို့နယ်တွင် ကေအိုင်ကေ က ထိုးစစ်ပြုလုပ်ခဲ့ပြီး မေလ ၂၀ ရက်နေ့အထိ စစ်ကောင်စီစခန်း တစ်ဒါဇင်နီးပါး သိမ်းပိုက်ခဲ့သည်။[၂၈] မေလ ၁၉ ရက်နေ့တွင် ဝိုင်းမော်မြို့အဝင်ကို ထိန်းချုပ်ထားသော စစ်ကောင်စီစခန်းကို ကေအိုင်အေတပ်ဖွဲ့ဝင်များက သိမ်းပိုက်ခဲ့သည်။[၂၉]
ကိုးကား
[ပြင်ဆင်ရန်]- ↑ ၁.၀ ၁.၁ ၁.၂ "KIA: Nine Myanmar Junta Strongholds Seized in Two Days"၊ The Irrawaddy၊ 23 March 2024။
- ↑ "KIA Captured Over 70 Junta Military Installations in Two-Month Offensive"၊ Myitkyina Journal၊ 30 April 2024။
- ↑ ၃.၀ ၃.၁ "Junta-allied Lisu militia leader killed in battle with Kachin forces" (in en)၊ Myanmar Now၊ 8 March 2024။ Archived from the original on March 8, 2024။
- ↑ "KIA Attacks Over 10 Myanmar Military Outposts on Road Near China Border"၊ The Irrawaddy၊ 7 March 2024။
- ↑ "Junta attacks northern Shan State town by air in attempt to halt Kachin forces"၊ Myanmar Now၊ 19 January 2024။
- ↑ "Four Myanmar Junta Battalions Surrounded in Shan Town"၊ The Irrawaddy၊ 18 January 2024။
- ↑ "KIA-Led Troops Seize Another Shan Town From Myanmar Junta"၊ The Irrawaddy၊ 22 January 2024။
- ↑ "Myanmar Junta Troops Escape to China After KIA Attack"၊ The Irrawaddy၊ 22 January 2024။
- ↑ "Junta Battalion Controlling Myanmar-China Trade Route Surrenders to KIA"၊ The Irrawaddy၊ 26 January 2024။
- ↑ ၁၀.၀ ၁၀.၁ "Tension High Between KIA and TNLA in Northern Shan State"၊ The Irrawaddy၊ 14 February 2024။
- ↑ "KIA mounts new offensive, targeting air base, outposts near Myitkyina and Laiza" (in en)၊ Myanmar Now၊ 7 March 2024။
- ↑ "KIA and allies seize three large Myanmar army bases near Laiza" (in en)၊ Myanmar NOW၊ 8 March 2024။
- ↑ "KIA, allies continue bid to take full control of northern Kachin town" (in en)။
- ↑ Myanmar Junta Loses Another Town, More Bases in Four Days of Resistance Attacks။ The Irrawaddy (2024-03-29)။
- ↑ "Myanmar Junta Loses More Bases, Scores of Troops in Five Days of Resistance Attacks"၊ The Irrawaddy၊ 1 April 2024။
- ↑ "KIA Seizes Myanmar Junta Base Controlling Access to Jade Hub Hpakant"၊ The Irrawaddy၊ 11 April 2024။
- ↑ "KIA Seizes Myanmar Junta's Final Hpakant Road"၊ The Irrawaddy၊ 24 April 2024။
- ↑ "Kachin Independence Army takes control of Sinbo town after overrunning Myanmar military base"၊ Myanmar Now၊ 29 April 2024။
- ↑ "KIA Confirms Capture of Sumprabum Tactical Command Centre and Moves Closer to Complete Control along the Myitkyina-Bhamo Road"၊ Myitkyina Journal၊ 6 May 2024။
- ↑ "Kachin State Suffers Fuel Crisis as Fighting Blocks Trade"၊ The Irrawaddy၊ 8 May 2024။
- ↑ ကိုးကား အမှား - Invalid
<ref>tag; no text was provided for refs namedKIA_8May - ↑ "KIA Advances on Myanmar Junta's Kachin State Power Hub"၊ The Irrawaddy၊ 9 May 2024။
- ↑ "Clashes displace civilians in Kachin State as anti-junta offensive proceeds"၊ Myanmar Now၊ 9 May 2024။
- ↑ "KIA fighters attack Myanmar junta’s security gate in Kachin State’s Myitkyina Town"၊ Mizzima၊ 13 May 2024။
- ↑ "Myanmar’s Military is Being Cornered in Kachin State, Ethnic Army Says"၊ The Irrawaddy၊ 14 May 2024။
- ↑ "Another military base falls to KIA-led forces in Myanmar’s north"၊ Myanmar Now၊ 20 May 2024။
- ↑ "Reinforcements Sent by Junta Wiped Out by KIA-led Offensive in Putao District"၊ Kachin News Group၊ 29 May 2024။
- ↑ "Myanmar’s KIA Claims Big Gains in Lightning Kachin Offensive"၊ The Irrawaddy၊ 20 May 2024။
- ↑ "KIA captures junta army base on outskirts of Waingmaw Town, Kachin State"၊ Mizzima၊ 24 May 2024။