အရှေ့တောင်အာရှ အားကစားပြိုင်ပွဲ

ဝီကီပီးဒီးယား မှ
Jump to navigation Jump to search
အရှေ့တောင်အာရှ အားကစားပြိုင်ပွဲ
Southeast Asian Games
SEA Games logo.svg
အရှေ့တောင်အာရှ အားကစားပြိုင်ပွဲ၏ အမှတ်တံဆိပ်

အတိုကောက် ဆီးဂိမ်း (SEA Games)
ပထမအကြိမ် ၁၉၅၉ အရှေ့တောင်အာရှကျွန်းဆွယ် အားကစားပွဲတော်
Occur every 2 years
နောက်ဆုံးတစ်ခေါက်
ကျင်းပခဲ့သည့် ပြိုင်ပွဲ
၂၀၁၇ ခုနှစ် အရှေ့တောင်အာရှ အားကစားပြိုင်ပွဲ
ဝက်ဘ်ဆိုက် seagfoffice.org

အရှေ့တောင်အာရှ အားကစားပြိုင်ပွဲ (Southeast Asian Games) အတိုကောက်အားဖြင့် ဆီးဂိမ်းသည် အဖွဲ့ဝင်နိုင်ငံများမှ ၂ နှစ်တစ်ကြိမ် အလှည့်ကျကျင်းပသည့် အားကစားပြိုင်ပွဲ တစ်ရပ်ဖြစ်ပြီး အရှေ့တောင်အာရှဒေသ နိုင်ငံပေါင်း ၁၁ နိုင်ငံမှ အားကစား လက်ရွေးစင်များ ပါဝင်ဆင်နွှဲကြသည်။ ဆီးဂိမ်းကို အရှေ့တောင်အာရှ အားကစားပြိုင်ပွဲ အဖွဲ့ချုပ် (Southeast Asian Games Federation) မှ ထိန်းသိမ်းကွပ်ကဲကာ အပြည်ပြည်ဆိုင်ရာ အိုလံပစ်ကော်မတီ (International Olympic Committee, IOC) နှင့် အာရှ အိုလံပစ် ကောင်စီ (Olympic Council of Asia) တို့မှ ကြီးကြပ်သည်။

သမိုင်း​ကြောင်း[ပြင်ဆင်ရန်]

အ​ရှေ့​တောင်အာရှအားကစားပြိုင်ပွဲ၏မူလအမည်မှာ အ​ရှေ့​တောင်အာရှကျွန်းဆွယ်အားကစားပြိုင်ပွဲဖြစ်သည်။ထိုပွဲ​တော်များမတိုင်မီအချိန်က မြန်မာနိုင်ငံမှ ထိုင်းနိုင်ငံအားဖိတ်​ခေါ်ကာအားကစားပြိုင်ပွဲများကျင်းပခဲ့သည်။ထိုင်းနိုင်ငံဆိုင်ရာ အိုလံပစ်ကော်မတီ ဒုဥက္ကဋ္ဌ ဖြစ်လာမည့် လန် စူကွမ်နိုင်ပရာဒစ်က အကြံရလာပြီး​ဒေသတွင်းပြိုင်ပွဲတစ်ခုရှိလာရန်စဉ်းစားမိသည်။၁၉၅၈ ခုနှစ် မေလ ၂၂ ရက်နေ့ ဂျပန်နိုင်ငံက အိမ်ရှင်အဖြစ်လက်ခံ ကျင်းပခဲ့သည့် ၃ ကြိမ်မြောက် အာရှအားကစားပွဲတော်တွင် အရှေ့တောင်အာရှကျွန်းဆွယ်နိုင်ငံများ၏ ခေါင်းဆောင်များ တွေ့ဆုံဆွေးနွေးခဲ့ကြပြီး ဒေသဆိုင်ရာ အားကစားအဖွဲ့အစည်း ရှိသင့်သည်ဟု စဉ်းစားခဲ့ကြသည်။ ထို့နောက် ထိုင်းနိုင်ငံဆိုင်ရာ အိုလံပစ်ကော်မတီ ဒုဥက္ကဋ္ဌ ဖြစ်လာမည့် လန် စူကွမ်နိုင်ပရာဒစ်က အရှေ့တောင်အာရှ ကျွန်းဆွယ်အားကစားပွဲ (Southeast Asian Peninsular Games) ဆိုသည့် အမည်ကို ရွေးချယ်အတည်ပြုပေးခဲ့သည်။ဤပွဲသည် ဒေသတွင်း နိုင်ငံများ၏ အားကစားပွဲတော်ဟု ဆိုသော်လည်း ချစ်ကြည်ရေး၊ ပူးပေါင်းဆောင်ရွက်ရေး၊ နိုင်ငံရေး၊ စီးပွားရေးနှင့် ဒေသတွင်း တည်ငြိမ်ရေး စသည်တို့အတွက်လည်း ရည်ရွယ် ကျင်းပကြခြင်း ဖြစ်သည်။ဤပြိုင်ပွဲများမှ အစပြုပြီး အာရှအားကစားပွဲတော်၊ အိုလံပစ် အားကစားပွဲတော် စသည့် ကမ္ဘာ့ပြိုင်ပွဲများသို့ တက်လှမ်းယှဉ်ပြိုင်နိုင်ခွင့် ရရှိနိုင်သည့် အခွင့်အလမ်းများလည်း တည်ရှိနေသေးသည်။

ထိုင်း၊ မြန်မာ၊ မလေးရှား၊ လာအို၊ တောင်ဗီယက်နမ်၊ ကမ္ဘောဒီးယား တို့က အ​ရှေ့​တောင်အာရှကျွန်းဆွယ်အားကစားပြိုင်ပွဲ (SEA Games) ဖြစ်လာမည့် SEAP တည်ထောင်သူနိုင်ငံ၆နိုင်ငံ ဖြစ်လာကြပြီး အားကစားပွဲတော်ကို ၂ နှစ်တစ်ကြိမ် ကျင်းပရန် ၁၉၅၉ခုနှစ် ဇွန်လတွင် ဆုံးဖြတ်ခဲ့ကြသည်။ ပထမဦးဆုံးသော ပွဲတော်ကို ဘန်ကောက်မြို့၌ ၁၉၅၉ ခုနှစ်တွင် ကျင်းပခဲ့ပြီး မြန်မာ၊ ထိုင်း၊ မလေး၊ စင်္ကာပူ၊ တောင်ဗီယက်နမ်နှင့် လာအိုနိုင်ငံတို့ ပါဝင်ယှဉ်ပြိုင်ခဲ့ကြသည်။ အားကစားအမျိုးအစားပေါင်း ၁၂ ခုတွင် အားကစားသမားပေါင်း ၅၂၇ ဦးဖြင့် ပါဝင်ယှဉ်ပြိုင်ခဲ့ကြသည်။ဤပထမဆုံးပွဲ​တော်တွင် ကနဦး၆နိုင်ငံမှကမ္ဘောဒီးယားနိုင်ငံမပါဝင်နိုင်ခဲ့ပဲဒုတိယအကြိမ် ရန်ကုန်ပွဲ​တော်တွင်မှသာ ပါဝင်လာသည်။ကနဦး၆နိုင်ငံမဟုတ်​ပဲ ကျွန်းဆွယ်နိုင်ငံတစ်ခုဖြစ်​သော ဗြိတိသျှလက်​အောက်ခံစင်ကာပူနိုင်ငံပါဝင်လာသည်။

၁၉၇၁ခုနှစ်ပွဲ​တော်တွင် ဖိလစ်ပိုင်၊ဘရူနိုင်းနှင့် အင်ဒိုနီးရှားတို့အားပါဝင်ဆင်နွှဲနိုင်ရန်အိမ်ရှင် မ​လေးရှားမှအကြံပြု​သော်လည်းထိုင်းနိုင်ငံမှလက်မခံခဲ့​​ပေ။၁၉၇၅ခုနှစ်၈ ကြိမ်မြောက် အားကစားပွဲတော်တွင်နိုင်ငံ​ရေးအ​ခြေအ​နေများ​ကြောင့်နိုင်ငံ၄နိုင်ငံသာပါဝင်နိုင်ခဲ့၍ထိုအခါမှသာဘရူနိုင်း၊ အင်ဒိုနီးရှားနှင့် ဖိလစ်ပိုင်ကို အဖွဲ့ဝင်အဖြစ် လက်ခံရန် စဉ်းစားခဲ့ပြီးနောက် ၁၉၇၇ ခုနှစ်၌ ထို ၂ နိုင်ငံကို ပါဝင်ယှဉ်ပြိုင်ခွင့် ပြုပေးခဲ့သည်။ ထိုနှစ်တွင်ပင် SEAP အဖွဲ့ချုပ်က အရှေ့တောင်အာရှ အားကစားအဖွဲ့ချုပ် (Southeast Asian Games Federation - SEAGF) ဟု အမည်ပြောင်းလဲခေါ်ဝေါ်ခဲ့ပြီး ယင်းပွဲတော်ကို ဆီးဂိမ်း ဟု လူသိများလာခဲ့သည်။

အရှေ့တီမောကို ၂၀၀၃ ခုနှစ် ဗီယက်နမ်နိုင်ငံ၊ ဟနွိုင်းမြို့တွင် ကျင်းပခဲ့သည့် ၂၂ ကြိမ်မြောက်ပွဲတွင် အဖွဲ့ဝင်အဖြစ် ပါဝင်ယှဉ်ပြိုင်ခွင့် ပေးခဲ့သည်။ အာဆီယံအဖွဲ့ဝင် နိုင်ငံများဖြစ်လာသည့် နိုင်ငံများက ပူးပေါင်းကျင်းပလာခဲ့သည့် အရှေ့တောင်အားရှ အားကစားပွဲတော်ဖြစ်သည့် ဆီးဂိမ်းကို ကျင်းပလာခဲ့သည်မှာ၂၀၁၉ခုနှစ်တွင် နှစ်၆၀တိုင်ရှိပြီ ဖြစ်သကဲ့သို့ ၂၀၁၉ ခုနှစ် ဖိလစ်ပိုင်နိုင်ငံတွင် ကျင်းပမည့် ပွဲတော်မှာ ၃၀ ကြိမ်မြောက် ပွဲတော်လည်း$ဖြစ်လေသည်။

၂၀၁၇ခုနှစ် ကွာလာလမ်ပူဆီးဂိမ်းအပြီးတွင်ထိုင်းနိုင်ငံတွင်၆ကြိမ်၊မြန်မာပြည်တွင်၃ကြိမ်၊မ​လေးရှားတွင်၆ကြိမ်၊စင်ကာပူတွင်၄ကြိမ်၊အင်ဒိုနီးရှားတွင်၄ကြိမ်၊ဖိလစ်ပိုင်တွင်၃ကြိမ်၊ဗီယက်နမ်တွင်၁ကြိမ်၊ဘရူနိုင်းတွင်၁ကြိမ်နှင့်လာအိုတွင်၁ကြိမ် အိမ်ရှင်အဖြစ်လက်ခံကျင်းပနိုင်ခဲ့သည်။ကမ္ဘောဒီးယားနင့် တီ​မောတို့မှာတစ်ကြိမ်မျှအိမ်ရှင်မဖြစ်ဖူး​ချေ။၁၉၆၃ခုနှစ်ပွဲ​တော်ကို ကမ္ဘောဒီးယားအားကျင်းပခွင့်​ပေးခဲ့​သော်လည်းနိုင်ငံ​ရေူအ​ခြေအ​နေများ​ကြောင့်ပွဲပျက်ခဲ့ရသည်။၁၉၆၅ ခုနှစ် ပွဲတော်ကို လာအိုတွင် ကျင်းပခွင့် ပေးခဲ့သော်လည်း နိုင်ငံ၏ ဘဏ္ဍာရေးအခြေအနေ မတက်နိုင်သောကြောင့် မလေးရှားနိုင်ငံသို့ လွှဲပြောင်းပေးခဲ့သည်။

အထိမ်းအမှတ်တံဆိပ်[ပြင်ဆင်ရန်]

မူလအထိမ်းအမှတ်တံဆိပ်မှာ ကွင်း၆ကွင်း ဖြစ်သည်။မူလကနဦး၆နိုင်ငံဖြစ်​သော ထိုင်း၊မြန်မာ၊မ​လေးရှား၊လာအို၊ကမ္ဘောဒီးယားနှင့် ဗီယက်နမ်တို့ ကိုကိုယ်စားပြုသည်။ထိုတံဆိပ်ကို ၁၉၉၇၊ဂျာကာတာပွဲ​တော်အထိဖြစ်သည်။၁၉၉၉၊ဘန်ဒါဆရီဘီဂါဝန်ပွဲ​တော်တွင် ပြိုင်ပွဲဝင်နိုင်ငံ၁၀နိုင်ငံကိုကိုယ်စားပြု​သော ကွင်း၁၀ကွင်း ကိုစတင်အသုံးပြုခဲ့သည်။၂၀၁၁၊ဂျာကာတာပွဲ​တော်တွင် ကွင်း၁၁ကွင်း တံဆိပ်ကိုစတင်အသုံးပြုခဲ့သည်။

ကွင်း၁၀ကွင်း ဖြင့်တံဆိပ်
ကွင်း၁၁ကွင်း ဖြင့်လက်ရှိတံဆိပ်

ပါဝင်သောနိုင်ငံများ[ပြင်ဆင်ရန်]

အမျိုးသားအိုလံပစ်ကော်မတီ အမည်များ တရားဝင်အမည်များ စတင်ဝင်ရောက် ယှဉ်ပြိုင်သည့်နှစ် IOC ကုဒ် အခြားကုဒ်များ
ဘရူနိုင်းနိုင်ငံဘရူနိုင်းဒါရုစလမ် အမျိုးသား အိုလံပစ်ကောင်စီ နေဂါရာဘရုနိုင်းဒါရုစလမ်
၁၉၇၇
BRU
BRN (ISO)
ကမ္ဘောဒီးယားနိုင်ငံကမ္ဘောဒီးယားအမျိုးသား အိုလံပစ်ကော်မတီ ကမ္ဘောဒီးယား ဘုရင့်နိုင်ငံ
၁၉၆၁
CAM
KHM (၁၉၇၂–၁၉၇၆, ISO)
အင်ဒိုနီးရှားနိုင်ငံအင်ဒိုနီးရှား အိုလံပစ်ကော်မတီ အင်ဒိုနီးရှား သမ္မတနိုင်ငံ
၁၉၇၇
INA
IHO (၁၉၅၂), IDN (FIFA, ISO)
လာအိုနိုင်ငံလာအိုနိုင်ငံ အမျိုးသား အိုလံပစ်ကော်မတီ လာအိုပြည်သူ့ဒီမိုကရတစ်သမ္မတနိုင်ငံတော်
၁၉၅၉
LAO
မလေးရှားနိုင်ငံမလေးရှား အိုလံပစ်ကောင်စီ မလေးရှားဖက်ဒရယ်နိုင်ငံ
၁၉၅၉
MAS
MAL (၁၉၅၂ − ၁၉၈၈), MYS (ISO)
မြန်မာနိုင်ငံမြန်မာနိုင်ငံ အိုလံပစ်ကော်မတီ ပြည်ထောင်စု သမ္မတမြန်မာနိုင်ငံ
၁၉၅၉
MYA
BIR (၁၉၄၈ – ၁၉၈၈), MMR (ISO)
ဖိလစ်ပိုင်နိုင်ငံဖိလစ်ပိုင် အိုလံပစ်ကော်မတီ ဖိလစ်ပိုင်သမ္မတနိုင်ငံ
၁၉၇၇
PHI
PHL (ISO)
စင်ကာပူနိုင်ငံစင်ကာပူ အမျိုးသား အိုလံပစ်ကောင်စီ စင်ကာပူသမ္မတနိုင်ငံ
၁၉၅၉
SGP
SIN (၁၉၅၉ – ၂၀၁၆)
ထိုင်းနိုင်ငံထိုင်းနိုင်ငံ အမျိုးသား အိုလံပစ်ကော်မတီ ထိုင်းဘုရင့်နိုင်ငံ
၁၉၅၉
THA
အရှေ့တီမောနိုင်ငံအရှေ့တီမောနိုင်ငံ အမျိုးသား အိုလံပစ်ကော်မတီ အရှေ့တီမောဒီမိုကရက်တစ်သမ္မတနိုင်ငံ
၂၀၀၃
TLS
IOA (၂၀၀၀)
ဗီယက်နမ်နိုင်ငံဗီယက်နမ်နိုင်ငံ အိုလံပစ်ကော်မတီ ဗီယက်နမ်ဆိုရှယ်လစ်သမ္မတနိုင်ငံ
၁၉၅၉
VIE
VET (၁၉၆၄), VNM (၁၉၆၈–၁၉၇၆, ISO)

ပွဲ​​တော်များ[ပြင်ဆင်ရန်]

ပွဲ လာဘ်​ကောင် ကျင်းပရာမြို့ မှတ်ချက်
၁၉၅၉ ~ ထိုင်းနိုင်ငံ ဘန်​ကောက် အ​ရှေ့​တောင်အာရှကျွန်းဆွယ်အားကစားပြိုင်ပွဲ
၁၉၆၁
~
မြန်မာနိုင်ငံရန်ကုန်
၁၉၆၃ ကမ္ဘောဒီးယားနိုင်ငံ အားတတိယအကြိမ်ကိုကျင်းပခွင့်​ပေးခဲ့​သော်လည်းပြည်တွင်း​ရေးပြဿနာများ​ကြောင့်မကျင်းပနိုင်ခဲ့​ပေ။
၁၉၆၅
~
မလေးရှားနိုင်ငံကွာလာလမ်ပူ
၁၉၆၇
~
ထိုင်းနိုင်ငံဘန်​ကောက်
၁၉၆၉
~
မြန်မာနိုင်ငံရန်ကုန်
၁၉၇၁
~
မလေးရှားနိုင်ငံကွာလာလမ်ပူ
၁၉၇၃
~
စင်ကာပူနိုင်ငံစင်ကာပူ
၁၉၇၅
~
ထိုင်းနိုင်ငံဘန်​ကောက်
၁၉၇၇
~
မလေးရှားနိုင်ငံကွာလာလမ်ပူ
၁၉၇၉
~
အင်ဒိုနီးရှားနိုင်ငံဂျာကာတာ
၁၉၈၁
~
ဖိလစ်ပိုင်နိုင်ငံမနီလာ
၁၉၈၃
~
စင်ကာပူနိုင်ငံစင်ကာပူ
၁၉၈၅
ထိုင်း​ကြောင်
ထိုင်းနိုင်ငံဘန်​ကောက်
၁၉၈၇
~
အင်ဒိုနီးရှားနိုင်ငံဂျာကာတာ
၁၉၈၉
လိပ်
မလေးရှားနိုင်ငံကွာလာလမ်ပူ
၁၉၉၁
ကြက်ဖ
ဖိလစ်ပိုင်နိုင်ငံမနီလာ
၁၉၉၃
ခြင်္သေ့
စင်ကာပူနိုင်ငံစင်ကာပူ
၁၉၉၅
ထိုင်း​ကြောင်
ထိုင်းနိုင်ငံချင်းမိုင်
၁၉၉၇
ဟာနုမာ​မျောက်
အင်ဒိုနီးရှားနိုင်ငံဂျာကာတာ
၁၉၉၉
မ​​လေးလူငယ်
ဘရူနိုင်းနိုင်ငံဘန်ဒါဆရီဘီဂါဝန်
၂၀၀၁
ရှဥ့်
မလေးရှားနိုင်ငံကွာလာလမ်ပူ
၂၀၀၃
​ရွေကျွဲ
ဗီယက်နမ်နိုင်ငံ
၂၀၀၅
ဖိလစ်ပိုင်သိမ်းငှက်
ဖိလစ်ပိုင်နိုင်ငံမနီလာ
၂၀၀၇
ကိုရတ်​ကြောင်
ထိုင်းနိုင်ငံနခွန် ရက်ချာစီမာ
၂၀၀၉
ဆင်
လာအိုနိုင်ငံဗီယက်ကျင်း
၂၀၁၁
ကိုမိုဒိုဖွတ်
အင်ဒိုနီးရှားနိုင်ငံဂျာကာတာ
ဖလမ်းပင်
၂၀၁၃
ဇီးကွက်
မြန်မာနိုင်ငံနေပြည်​တော်
၂၀၁၅
ခြင်္သေ့
စင်ကာပူနိုင်ငံစင်ကာပူ
၂၀၁၇
မ​လေးရှားကျား
မလေးရှားနိုင်ငံကွာလာလမ်ပူ
၂၀၁၉
~
ဖိလစ်ပိုင်နိုင်ငံကလပ်မြို့သစ်
၂၀၂၁
~
ဗီယက်နမ်နိုင်ငံဟနွိုင်း
၂၀၂၃
~
ကမ္ဘောဒီးယားနိုင်ငံဖနွမ်းပင်
၂၀၂၅
~
ထိုင်းနိုင်ငံထိုင်းနိုင်ငံ

၂၀၁၇ခုနှစ်အထိ ယှဉ်ပြိုင်ကြသော နိုင်ငံများ၏ အဆင့် ရပ်တည်မှုများ[ပြင်ဆင်ရန်]

All-time Southeast Asian Games medal table
 အဆင့်  NOC ရွှေ ငွေ ကြေးညို စုစုပေါင်း
1  ထိုင်း 2162 1827 1821 5810
2  အင်ဒိုနီးရှား 1752 1620 1669 5041
3  မလေးရှား1 1248 1215 1614 4077
4  ဖိလစ်ပိုင် 918 1076 1357 3351
5  စင်ကာပူ 894 956 1294 3144
6  ဗီယက်နမ်4 830 782 886 2498
7  မြန်မာ5 560 723 941 2224
8  လာအို 68 88 291 447
9  ကမ္ဘောဒီးယား3 65 109 221 395
10  ဘရူနိုင်း 12 50 157 219
11  အရှေ့တီမော 3 5 21 29
Total (11 NOCs) 8512 8451 10272 27235
  • 1 – Competed as Malaya in the inaugural games until 1961.
  • 2 – The Republic of Vietnam was dissolved in July 1976 when it merged with the Democratic Republic of Vietnam (North Vietnam) to become the Socialist Republic of Vietnam also known as Vietnam. Therefore, the medal counts for this country are considered to be as until 1975. The International Olympic Committee (IOC) is not using codes for South Vietnam any more after unifying with North Vietnam.
  • 3 – Competed as Cambodia, Kampuchea, and Khmer Republic.
  • 4 – In the 1989 edition, a unified Vietnam rejoined the games with new name and new flag. Medals made by South Vietnam are already combined here.
  • 5 – Competed as Burma until 1987.

မြန်မာနိုင်ငံ[ပြင်ဆင်ရန်]

မြန်မာနိုင်ငံသည်ကား အ​ရှေ့​တောင်အာရှအားကစားပြိုင်ပွဲ၏ မူလ၆နိုင်ငံမှတစ်နိုင်ငံဖြစ်သည်။ထိုပွဲများမတိုင်မီက မြန်မာပြည်မှာထိုင်းနိုင်ငံအားဖိတ်​ခေါ်ကာ အားကစားပွဲများကျင်းပခြင်း​ကြောင့်ထိုင်းနိုင်ငံဆိုင်ရာ အိုလံပစ်ကော်မတီ ဒုဥက္ကဋ္ဌ ဖြစ်လာမည့် လန် စူကွမ်နိုင်ပရာဒစ်က အကြံရလာပြီး ဤအ​ရှေ့​တောင်အာရှကျွန်းဆွယ်အားကစားပြိုင်ပွဲများကိုစတင်ကျင်းပခဲ့၍ မြန်မာပြည်မှာဤအားကစားပွဲများ၏အစဟုပင်​ခေါ်ဆိုနိုင်သည်။ထိုင်းနိုင်ငံမှ ပထမဆုံးကျွန်းဆွယ်အားကစားပွဲကိုစတင်ကျင်းပပြီး​​နောက် နိုင်ငံအမည်များဖြင့်အလှည့်ကျကျင်းပခဲ့သည်။ထိုစဉ်က မြန်မာပြည်မှာ "Burma"ဟူ​သောအမည်ဖြင့်အသုံးပြု၍ကနဦးနိုင်ငံများထဲတွင်အရင်ဆုံးလာ၍ ဒုတိယအကြိမ်​မြောက်ပွဲ​တော်ဖြစ်​သော ၁၉၆၁၊ရန်ကုန်ပွဲ​တော်ကိုလက်ခံကျင်းပခဲ့သည်။ထိုစဉ်က ကနဦး၆နိုင်ငံတွင် ထိုင်း၊မြန်မာနှင့်မလာယာ(မ​လေးရှား)တို့သာ နိုင်ငံ​ရေး​ပြေလည်​နေချိန်ဖြစ်သည်။ထို့​ကြောင့်၁၉၆၉ခုနှစ်တွင်ဒုတိယအကြိမ်အိမ်ရှင်အဖြစ် ၁၉၆၉၊ရန်ကုန်ပွဲ​တော်ကို ကျင်းပခဲ့သည်။နှစ်ကြိမ်စလုံးတွင် မြန်မာနိုင်ငံက ရွှေတံဆိပ် အများဆုံးရရှိခဲ့သည်။ထို့​နောက်တွင်မူ နိုင်ငံ​ရေးအ​ခြေအ​နေများ​ကြောင့်အိမ်ရှင်အဖြစ်လက်ခံကျင်းပခြင်းမရှိ​တော့​ပေ။အရှေ့တောင်အာရှ အားကစားပွဲတော် (SEA Games)အဖြစ်အမည်​ပြောင်းပြီး​နောက်မှသာ ပထမဆုံးအဖြစ် ၂၀၁၃၊​နေပြည်​တော်ပွဲ​တော်ကိုလက်ခံကျင်းပခဲ့သည်။​နောက်ဆုံးအကြိမ် ၁၉၆၉၊ရန်ကုန်ပွဲ​တော်ကျင်းပပြီး ၄၄နှစ်အကြာမှသာ အိမ်ရှင်အဖြစ်ပြန်လည်ကျင်းပနိုင်ခဲ့ခြင်းဖြစ်သည်။ထို့​ကြောင့်စုစု​ပေါင်း၃ကြိမ် အိမ်ရှင်အဖြစ်လက်ခံကျင်းပခဲ့သည်။

ဆက်စပ်ကြည့်ရှုရန်[ပြင်ဆင်ရန်]

ကိုးကား[ပြင်ဆင်ရန်]