ကမ်းခြေစောင့်တပ်ဖွဲ့
| မြန်မာနိုင်ငံကမ်းခြေစောင့်တပ်ဖွဲ့ | |
|---|---|
| ကမ်းခြေစောင့်တပ်ဖွဲ့ | |
| |
| တည်ထောင် | ၆ အောက်တိုဘာ ၂၀၂၁[၁] |
| နိုင်ငံ |  မြန်မာ |
| တပ် အမျိုးအစား | ကမ်းခြေကာကွယ်ရေးတပ် |
| တပ် အရွယ်အစား | (၅၀+၅၀၀) ဦး |
| အစိတ်အပိုင်း |
|
| တပ်ဖွဲ့ဌာနချုပ် | ရန်ကုန်မြို့ |
| ဆောင်ပုဒ် | ”စောင့်ရှောက် ကာကွယ် ဒို့ပင်လယ်” |
| နှစ်ပတ်လည်များ | ၆ အောက်တိုဘာ |
| ဝက်ဘ်ဆိုဒ် | mcg.com.mm |
| အုပ်ချုပ်သူများ | |
| တပ်မတော်ကာကွယ်ရေးဦးစီးချုပ် |  ဗိုလ်ချုပ်မှူးကြီး မင်းအောင်လှိုင် |
| ဒုတိယတပ်မတော်ကာကွယ်ရေးဦးစီးချုပ်/ ကာကွယ်ရေးဦးစီးချုပ်(ကြည်း) |   ဒုတိယဗိုလ်ချုပ်မှူးကြီး စိုးဝင်း |
| ကာကွယ်ရေးဦးစီးချုပ်(ရေ) |  ရေတပ်ဗိုလ်ချုပ်ကြီး ထိန်ဝင်း |
| ကမ်းခြေစောင့်တပ်ဖွဲ့ ညွှန်ကြားရေးမှူးချုပ် |  ဗိုလ်မှူးချုပ် တက်လွင်ထွန်း[၂] |
| အဆောင်အယောင်များ | |
| တံဆိပ်အမှတ်အသား |  |
| သင်္ဘောအမှတ်အသား |  |
| အလံတော် |  |
မြန်မာနိုင်ငံ ကမ်းခြေစောင့်တပ်ဖွဲ့ (အင်္ဂလိပ်: Myanmar Coast Guard) သည် စစ်ရေးနှင့်မသက်ဆိုင်သည့် ပင်လယ်ရေကြောင်းဥပဒေ ထိန်းသိမ်းရေးအဖွဲ့ဖြစ်ပြီး၊ မြန်မာနိုင်ငံ၏ ပင်လယ်ပြင် ခရီးသွားလာရေး၊ ပင်လယ်ရေကြောင်း ကုန်သွယ်ရေး၊ ရေနက်ဆိပ်ကမ်းလုပ်ငန်းများ၊ ကမ်းလွန်ရေနံနှင့် သဘာဝဓာတ်ငွေ့ တူးဖော်ထုတ်လုပ်ရေး၊ ပင်လယ်ပြင် ငါးဖမ်းလုပ်ငန်းစသည့် ပင်လယ်ရေကြောင်း စီးပွားရေးလုပ်ငန်းများကို စောင့်ကြပ်ကာကွယ်ရန်နှင့် တရားမဝင်ကျူးကျော်လာမှုများကို ဥပဒေနှင့်အညီ တားဆီးကာကွယ်ရန် ဖွဲ့စည်းထားခြင်းဖြစ်သည်။[၃] ပင်လယ်ပြင်အကျိုးစီးပွားကို ကာကွယ်စောင့်ရှောက်ရန်၊ ပင်လယ်တွင်း ဒုက္ခသည်များကို ရှာဖွေကယ်ဆယ်ရန်၊ ပင်လယ်တွင်း သဘာဝပတ်ဝန်းကျင် ထိန်းသိမ်းရေးအတွက် ရှေးရှုစောင့်ရွက်ရန်နှင့် မြန်မာ့ရေပိုင်နက်အတွင်းရှိ ရေပေါ်ရေအောက်လုပ်ငန်းများကို စောင့်ကြပ်ကြည့်ရှုရန် တာဝန်ယူရသည်။[၄]
၂၀၂၅ ခုနှစ်၊ ဇူလိုင် ၁၇ ရက်နေ့တွင် နိုင်ငံတော်စီမံအုပ်ချုပ်ရေးကောင်စီက မြန်မာနိုင်ငံကမ်းခြေစောင့်တပ်ဖွဲ့ဥပဒေကို ပြဋ္ဌာန်းခဲ့သည်။[၅]
သမိုင်းကြောင်း
[ပြင်ဆင်ရန်]နောက်ခံသမိုင်း
[ပြင်ဆင်ရန်]ကမ်းခြေစောင့်တပ်ဖွဲ့ကို မဖွဲ့စည်းမီအချိန်ထိ မြန်မာနိုင်ငံသည် ကမ်းခြေစောင့်တပ်မရှိသော အာရှနိုင်ငံအနည်းငယ်တွင် ပါဝင်ခဲ့ပြီး၊[၃] ပင်လယ်ပြင်လုံခြုံရေးကို ရေတပ်နှင့် ကမ်းခြေရဲတပ်ဖွဲ့တို့ကသာ တာဝန်ယူခဲ့ကြရာ ကိစ္စအဝဝကို လွှမ်းခြုံနိုင်ခြင်း မရှိသကဲ့သို့ တပ်မတော်အဖွဲ့အစည်းတစ်ရပ်၏ စစ်ဆင်ရေးနှင့် သံတမန်ရေးကဏ္ဍများတွင် သက်ဆိုင်ရာ အခွင့်အရေးများ မရနိုင်ဘဲ ဖြစ်ခဲ့ရသည်။[၆]
၂၀၁၉ ခုနှစ် မတ်လ ၁၄ ရက်တွင် ကာကွယ်ရေးဝန်ကြီးဌာန ဒုတိယဝန်ကြီးက ပြည်သူ့လွှတ်တော်၌ မေးခွန်းများဖြေကြားစဉ် ကမ်းခြေစောင့်တပ် ဖွဲ့စည်းရန် စီစဉ်ထားရှိကြောင်း ထည့်သွင်းပြောကြားခဲ့သည်။[၇] ထိုစဉ်ကအရပ်သားအစိုးရ၏ စစ်ဘက်လုံခြုံရေးတပ်ဖွဲ့များကို အရပ်ဘက်သို့ပြောင်းလဲရေးမူများအရ ပို့ဆောင်ရေးနှင့် ဆက်သွယ်ရေးဝန်ကြီးဌာန သို့မဟုတ် နိုင်ငံတော် သမ္မတရုံး၏ လက်အောက်တွင် ဖွဲ့စည်းထားရှိရန် စီစဉ်ခဲ့သည်။[၆] သို့သော် ၂၀၀၈ ဖွဲ့စည်းပုံအခြေခံဥပဒေကမူ "နိုင်ငံတော်၏ လက်နက်ကိုင်အဖွဲ့အစည်းအားလုံးသည် တပ်မတော်၏ ကွပ်ကဲမှုအောက်တွင် ရှိရမည်"ဟု ဆိုထားသဖြင့် ကြန့်ကြာမှုများ ဖြစ်ပေါ်ခဲ့ရသည်။[၈]
ဖွဲ့စည်းတည်ထောင်ခြင်း
[ပြင်ဆင်ရန်]ကမ်းခြေစောင့်တပ်ဖွဲ့ကို ၂၀၂၁ ခုနှစ် အောက်တိုဘာ ၆ ရက်တွင်[၁] သန်လျင်ရှိ သီလဝါဆိပ်ကမ်း၌[၉] တပ်မတော်ကာကွယ်ရေးဦးစီးချုပ် ဗိုလ်ချုပ်မှူးကြီး မင်းအောင်လှိုင်က တပ်တော်ဝင်အခမ်းအနား ပြုလုပ်ပြီး ဖွဲ့စည်းပေးခဲ့သည်။[၁၀] ကမ်းခြေစောင့်တပ်ဖွဲ့သည် ကာကွယ်ရေးဝန်ကြီးဌာန၏ ကွပ်ကဲမှုအောက်တွင်ရှိပြီး တပ်မတော် (ရေ)၊ ပြည်တွင်း အစိုးရဌာန၊ အစိုးရအဖွဲ့အစည်းများ၊ အခြားအဖွဲ့အစည်းများနှင့် ပူးပေါင်းဆောင်ရွက်ရသည့်အပြင် အပြည်ပြည်ဆိုင်ရာ ပူးပေါ်းဆောင်ရွက်မှုကိုပါ အလေးပေးဆောင်ရွက်ရသည်။ ကမ်းခြေစောင့်တပ်ဖွဲ့၏ တာဝန်နှင့်လုပ်ပိုင်ခွင့်သည် မြန်မာနိုင်ငံ၏ အတွင်းပိုင်းရေပြင်မှစ၍ ပိုင်နက်ပင်လယ်အထိ တစ်ဆက်တည်းရှိသေ ကမ်းရိုးတန်းတစ်လျှောက်ရှိ ကျွန်းပေါင်း တစ်ထောင်ခန့် အပါအဝင် ကမ်းရိုးတန်းအရှည် ၁၉၃၀ ကီလိုမီတာ၊ ရေပိုင်နက်ဧရိယာ ၂၃,၀၇၀ စတုရန်းကီလိုမီတာအတွင်း သက်ရောက်မှုရှိသည်။[၁၁]၂၀၂၂ ခုနှစ် ဒီဇင်ဘာလ ၂၄ ရက်နေ့တွင် မြန်မာနိုင်ငံ ကမ်းခြေစောင့်တပ်ဖွဲ့ ကွပ်ကဲမှုဌာနချုပ် အား ထပ်မံဖွင့်လှစ်သည်။
စစ်ဆင်ရေးဆောင်ရွက်မှု
[ပြင်ဆင်ရန်]၂၀၂၁ ခုနှစ်မှ ၂၀၂၄ ခုနှစ်အထိ သုံးနှစ်တာကာလအတွင်း “နောင်ရိုးစစ်ဆင်ရေး”အမည်ဖြင့် ရေကြောင်းလုံခြုံရေးနှင့် တရားဥပဒေစိုးမိုးရေး တာဝန်များကို ဆောင်ရွက်ခဲ့သည်။ အဆိုပါစစ်ဆင်ရေးတွင် လိုင်စင်မဲ့ရေယာဉ် နှစ်စင်း၊ တရားမဝင်ရေယာဉ် သုံးစင်း၊ ခိုးဝင် ဘင်္ဂါလီလှေ တစ်စင်း၊ နယ်စပ်ဖြတ်ကျော်ဝင်ရောက်လာသည့် ရေယာဉ်တစ်စင်း၊ သစ်မှောင်ခိုလှေ နှစ်စင်း၊ ကုန်တင်(ကုန်မဲ့)လှေသုံးစင်းနှင့် ဆီအညစ်အကြေး စွန့်ပစ်သည့် ကွန်တိန်နာရေယာဉ်တစ်စင်းတို့အား ဖမ်းဆီးရမိခဲ့သည်။ ရှာဖွေကယ်ဆယ်ရေး အနေဖြင့် ရေဝင်တိမ်းစောင်း နစ်မြုပ်လျက်ရှိသည့် ကျားပိုက်ငါးဖမ်းလှေမှ ရေလုပ်သား ၂၂ ဦး၊ ကြိုးပြတ်၍ ရေမျောနေသည့် ကျားဖောင်ရေလုပ်သားသုံးဦးနှင့် ရေဝင်နစ်မြုပ်နေသည့် ဒေသခံချွန်းလှေမှ ရေလုပ်သား သုံးဦးတို့အား အသက်ဘေးမှ ကယ်ဆယ်နိုင်ခဲ့သည်။[၁၂]
ရေယာဉ်များ
[ပြင်ဆင်ရန်]မြန်မာနိုင်ငံကမ်းခြေစောင့်တပ်ဖွဲ့၊ ကမ်းခြေစောင့်တပ်ဖွဲ့ကွပ်ကဲမှုဌာနချုပ်၊ အမှတ်(၁)ကမ်းခြေစောင့်တပ်ဖွဲ့ရေယာဉ်စုကွပ်ကဲမှုအောက်တွင် ကမ်းလွန်ကင်းလှည့်ရေယာဉ် ၁ စီး (P-211)၊ အမြန်သွားကင်းလှည့်ရေယာဉ် ၇ စီး (P-311၊ P-312၊ P-313၊P-314၊P-315၊P-316၊P-317) နှင့် ကမ်းခြေစောင့်ကင်းလှည့်ရေယာဉ် ၅ စီး (P-411၊ P-412၊ P-413၊ P-414၊ P-415)၊တွဲဆွဲ ရေယာဉ်တစ်စင်း(T-01)နှင့် ရှာဖွေကယ်ဆယ်ရေး ကင်းလှည့်ရေယာဉ်လေးစင်း[၁၃] စုစုပေါင်း ၁၈ စင်းတို့ဖြင့် ပင်လယ်ပြင်တရားဥပဒေစိုးမိုးရေး၊ လုံခြုံရေးနှင့် ရှာဖွယ်ကယ်ဆယ်ရေးတာဝန်များ ထမ်းဆောင်လျက်ရှိသည်။
ကမ်းခြေစောင့် ကင်းလှည့်ရေယာဉ်များ
[ပြင်ဆင်ရန်]| အမျိုးအစား | တည်ဆောက်သူ | နံပါတ်စဉ် | စတင်အသုံးပြုသောနှစ် | လက်နက်တပ်ဆင်ထားခြင်း | မှတ်ချက် |
|---|---|---|---|---|---|
| PGM 43 class | Marinette Marine, Wisconsin; last two by Peterson Builders, Sturgeon Bay, WI,  အမေရိကန် | P-411 P-412 P-413 P-414 P-415 |
၁၉၅၉-၁၉၆၁ | ||
အမြန်သွား ကင်းလှည့်ရေယာဉ်များ
[ပြင်ဆင်ရန်]| အမျိုးအစား | တည်ဆောက်သူ | နံပါတ်စဉ် | စတင်အသုံးပြုသောနှစ် | လက်နက်တပ်ဆင်ထားခြင်း | မှတ်ချက် |
|---|---|---|---|---|---|
| 5 series class | ရေတပ် သင်္ဘောကျင်း | P-311 P-312 P-313 | ၂၀၁၃-၂၀၁၄ | ||
| 48 m Fast Patrol Cutter | တရုတ်ပြည်သူ့သမ္မတနိုင်ငံ | P-314
P-315 P-316 P-317 |
၂၀၂၃-၂၀၂၄ | ||
ညွှန်ကြားရေးမှူးချုပ်များ
[ပြင်ဆင်ရန်]| စဉ် | အမည် | ကာလ | |
|---|---|---|---|
| မှ | ထိ | ||
| ၁ | ဗိုလ်ချုပ် ကိုကိုကျော် | ၆ အောက်တိုဘာ ၂၀၂၁ | ၂၂ အောက်တိုဘာ ၂၀၂၄ |
| ၂ | ဗိုလ်မှူးချုပ် တက်လွင်ထွန်း | ၂၃ အောက်တိုဘာ ၂၀၂၄ | ယနေ့ထိ |
ပြင်ပလင့်များ
[ပြင်ဆင်ရန်]ကိုးကား
[ပြင်ဆင်ရန်]- 1 2 "ကမ်းခြေစောင့်တပ်ဖွဲ့သစ်ဖွင့်ပွဲ စစ်ကောင်စီအကြီးအကဲတက်ရောက်" (in my)၊ VOA Burmese။
- ↑ Myanmar inaugurates coastguard service with initial fleet of four vessels။ Janes.com။ 11 October 2021 တွင် မူရင်းအား မော်ကွန်းတင်ပြီး။ 11 October 2021 တွင် ပြန်စစ်ပြီး။
- 1 2 "မြန်မာကမ်းခြေစောင့်တပ်ဖွဲ့ ဖွဲ့စည်းနိုင်ရန် စတင် လေ့လာ ဆောင်ရွက်နေ" (in mm-MM)၊ Frontier Myanmar၊ 5 September 2018။
- ↑ "The Unique Role of The Myanmar Coast Guard"၊ The Global New Light of Myanmar။
- ↑ မြန်မာနိုင်ငံကမ်းခြေစောင့်တပ်ဖွဲ့ဥပဒေ[လင့်ခ်သေ] (မြန်မာဥပဒေသတင်းအချက်အလက်စနစ်)
- 1 2 "ကမ်းခြေစောင့်တပ်ကို ကာကွယ်ရေးဝန်ကြီးဌာနအောက်မှာ ဖွဲ့ရန်စီစဉ်"၊ The Irrawaddy၊ 13 March 2019။
- ↑ "ကမ်းခြေစောင့်တပ် ဖွဲ့စည်းရန် စီစဉ်နေ"၊ The Myanmar Times၊ 13 March 2019။ 15 October 2021 တွင် ပြန်စစ်ပြီး။ Archived from the original on 29 October 2021။
- ↑ New coastguard Myanmar looks improve maritime security။ 9 September 2019 တွင် ပြန်စစ်ပြီး။
- ↑ "စစ်ခေါင်းဆောင်သွားမည့် သန်လျင်တွင် ပေါက်ကွဲမှုဖြစ်၊ စစ်သား ၂ ဦး သေ" (in my)၊ Myanmar NOW။
- ↑ "မြန်မာနိုင်ငံ၏ ပထမဆုံး ကမ်းခြေစောင့်တပ် ဖွဲ့စည်းခြင်းနှင့် တပ်တော်ဝင် အခမ်းအနားကို သီလဝါ အမှတ် (၃) ဆိပ်ခံတံတား၌ ပြုလုပ်ခဲ့ပြီး ကမ်းခြေစောင့်တပ်အား စစ်ရေယာဉ်လေးစင်း လွှဲပြောင်းပေးအပ်" (in my)၊ Eleven Media Group Co., Ltd။
- ↑ "Myanmar Junta Launches New Coastguard"၊ The Irrawaddy၊ 7 October 2021။
- ↑ အမျိုးသားအကျိုးစီးပွားကို ကာကွယ်စောင့်ရှောက်မည့် မြန်မာ့ကမ်းခြေစောင့် တပ်ဖွဲ့။ MWD Webportal (၉ အောက်တိုဘာ ၂၀၂၄)။ ၇ အောက်တိုဘာ ၂၀၂၄ တွင် ပြန်စစ်ပြီး။
- ↑ ကမ်းခြေစောင့်တပ်ဖွဲ့ကို တိုးချဲ့ဖွဲ့စည်းဖို့ စစ်ခေါင်းဆောင်ပြော။ RFA Burmese (၉ အောက်တိုဘာ ၂၀၂၄)။ ၆ အောက်တိုဘာ ၂၀၂၄ တွင် ပြန်စစ်ပြီး။
| ပင်မတပ်ဖွဲ့များ |  | ||||||
|---|---|---|---|---|---|---|---|
| ထိပ်တန်းအရာရှိကြီးများ | |||||||
| အမျိုးသားလုံခြုံရေး | |||||||
| ဝန်ကြီးဌာနများ | |||||||
| အရန်တပ်ဖွဲ့ခွဲများ | |||||||
| အထူးတပ်ဖွဲ့များ | |||||||
| စစ်လက်နက်ပစ္စည်းများ | |||||||
| ရာထူးအဆင့်များ | |||||||
| အကြောင်းအရာများ | |||||||
| စစ်ဘက်အစိုးရအဖွဲ့များ | |||||||
| စစ်ဘက်ဆိုင်ရာ အကယ်ဒမီ၊ တက္ကသိုလ်၊ နှင့် သင်တန်းကျောင်းများ | |||||||
| သမိုင်းဝင် | |||||||
