တောင်တွင်းကြီးမြို့နယ်

တောင်တွင်းကြီး မြို့နယ်
မြို့နယ်
မ​ကွေးခရိုင်အတွင်းတည်​နေရာ
နိုင်ငံ	မြန်မာ
တိုင်းဒေသကြီး	မကွေး
ခရိုင်	မ​ကွေး
မြို့	တောင်တွင်းကြီးမြို့
ဧရိယာ
• စုစုပေါင်း	၁၉၄ စတုရန်းမိုင် (၅၀၃ စတုရန်းကီလိုမီတာ)
လူဦးရေ (၂၀၁၄)
• စုစုပေါင်း	၂၅၉,၈၆၀
• သိပ်သည်းမှု	၁၃၃၈/sq mi (၅၁၆.၆/km၂)
အချိန်ဇုန်	မြန်မာစံတော်ချိန် (UTC+6:30)

တောင်တွင်းကြီးမြို့နယ် သည် မြန်မာနိုင်ငံအလယ်ပိုင်း မကွေးတိုင်းဒေသကြီး၊ မကွေးခရိုင်တွင်းရှိ မြို့နယ်တစ်ခုဖြစ်သည်။ မြို့နယ်ရုံးစိုက်ရာမြို့မှာ တောင်တွင်းကြီးမြို့ဖြစ်သည်။ ဤဒေသတွင် ရှေးနှစ်ပေါင်းများစွာကတည်းက အခြေချနေထိုင်ခဲ့ကြပြီး၊ ရှေးပျူမြို့ဟောင်းတစ်ခုဖြစ်သည့် ဗိဿနိုးမြို့ဟောင်းမှာ တောင်တွင်းကြီးမြို့အနီးတွင် တည်ရှိသည်။ မြေမျက်နှာသွင်ပြင်မှာ ညီညာပြန့်ပြူးကာ ဆန်စပါး၊ ကြံနှင့် အခြားသီးနှံများ ဖြစ်ထွန်းသည်။

နယ်နမိတ်

တောင်တွင်းကြီးမြို့နယ်သည် အောက်ပါမြို့နယ်များနှင့် နယ်နမိတ်ထိစပ်လျက်ရှိသည်။

• မြောက်ဘက်တွင် မြို့သစ်မြို့နယ်၊
• တောင်ဘက်တွင် ဆင်ပေါင်ဝဲမြို့နယ်၊
• အရှေ့ဘက်တွင် လယ်ဝေးမြို့နယ် နှင့် တပ်ကုန်းမြို့နယ် (နေပြည်တော်)၊
• အနောက်ဘက်တွင် မကွေးမြို့နယ်။

စီးပွားရေး

တောင်တွင်းကြီးမြို့နယ်၏ အဓိကစီးပွားရေးမှာ စိုက်ပျိုးရေးဖြစ်သည်။ ဆန်စပါး၊ ပဲအမျိုးမျိုးနှင့် ကြံတို့ စိုက်ပျိုးထွက်ရှိသည်။

သယ်ယူပို့ဆောင်ရေး

တောင်တွင်းကြီးမြို့သည် အနောက်ဘက်ရှိ မကွေးမြို့(၆၈ ကီလိုမီတာ/၄၂ မိုင် အကွာ)၊ တောင်ဘက်ရှိ ပြည်မြို့ (၁၆၂ ကီလိုမီတာ/၁၀၁ မိုင်) နှင့် အရှေ့ဘက်ရှိ နေပြည်တော် (၆၈ ကီလိုမီတာ/၄၂ မိုင်) မြို့များသို့ ရထားလမ်းနှင့် ကားလမ်းများဖြင့် ဆက်သွယ်ထားသည်။ မန္တလေးမြို့သို့ ၂၂၇ ကီလိုမီတာနှင့် ရန်ကုန်မြို့သို့ ၃၆၅ ကီလိုမီတာ ကွာဝေးသည်။ အနီးဆုံးလေဆိပ်မှာ မကွေးမြို့ရှိ မကွေးလေဆိပ်ဖြစ်သည်။

ရာသီဥတု

အပူဆုံးအချိန်မှာ ဧပြီလဖြစ်ကာ မွန်းတည့်ပျမ်းမျှအပူချိန် ၃၉ ဒီဂရီစင်တီဂရိတ်ဖြစ်သည်။ အအေးဆုံးအချိန်မှာ ဇန်နဝါရီလဖြစ်ပြီး ညဖက်ပျမ်းမျှအပူချိန် ၁၄ ဒီဂရီစင်တီဂရိတ်ဖြစ်သည်။ ဩဂုတ်လတွင် မိုးရွာသွန်းသည်။ မတ်လသည် ခြောက်သွေ့ကာလဖြစ်သည်။