ကာတာနိုင်ငံ

Wikipedia မှ
ဤနေရာသို့သွားရန် - အ​ညွှန်း​, ရှာ​ဖွေ​ရန်​
ကာတာနိုင်ငံ
دولة قطر
Dawlat Qaṭar
Flag of Qatar.svg Emblem of Qatar.svg
နိုင်ငံတော်အလံ နိုင်ငံတော်အမှတ်တံဆိပ်
နိုင်ငံတော်သီချင်း - As-salām al-amīrī
ပထဝီ
LocationQatar.png
မြို့တော် ဒိုဟာမြို့
အကြီးဆုံးမြို့ ဒိုဟာမြို့
ဧရိယာ
  • ဧရိယာ - ၁၁,၄၃၇km² (၄,၄၁၆sq mi) (အဆင့်: ၁၆၄)
  • ရေဖုံးလွှမ်းမှု - မပြောပလောက်%
စံတော်ချိန်ဇုန် UTC +၃
လူနေမှု
လူဦးရေ
နိုင်ငံရေး
အမျိုးအစား သက်ဦးဆံပိုင် ဘုရင်စံနစ်
အစိုးရခေါင်းဆောင်များ
  • အီမာ - ဟာမက် ဘင် ခါလီဖာ အယ်လ် သာနီ
  • အိမ်ရှေ့ မင်းသား - တာမင် ဘင် ဟာမက် အယ်လ်သာနီ
ထူထောင်မှု
  • ရှိတ်ဘုရင်မှ ထူထောင်ခြင်း - ဒီဇင်ဘာ ၁၈ ၁၈၇၈
  • လွတ်လပ်ရေး (အိုတိုမန်အင်ပိုင်ယာမှ) - ၁၉၁၃
  • လွတ်လပ်ရေး (ယူကေမှ) - စက်တင်ဘာ ၃ ၊ ၁၉၇၁
စီးပွားရေး
GDP(PPP) ၁၅၀.၅၅၀ ဘီလီယံ (အဆင့် - )
GDP(PPP) S$၈၈,၅၅၈ (အဆင့် - )
HDI ၀.၈၀၃ အလွန်မြင့် (အဆင့် - ၃၈)
ငွေ ရိုင်ယယ်
နိုင်ငံတော်အထိမ်းအမှတ်နှင့် သင်္ကေတများ
CCLTD .qa
Calling code +၉၇၄

ကာတာနိုင်ငံ ကို ဒေသအခေါ်အားဖြင့် ဒေါ်လတ်ကာတာ (Dawlat Qaṭar) ဟု ခေါ်ပြီး အရှေ့အလယ်ပိုင်း ဒေသတွင် ရှိသော အာရပ်စော်ဘွား ပြည်ထောင်စု တစ်ခု ဖြစ်သည်။ အာရပ်ကျွန်းဆွယ်ကြီး၏ အရှေ့မြောက်ဘက်ခြမ်းတွင် ရှိသော ကာတာ ကျွန်းဆွယ်လေး ပေါ်တွင် တည်ရှိသည်။ ကုန်းတွင်းနယ်နိမိတ်အားဖြင့် ဆော်ဒီအာရေဗျနိုင်ငံ နှင့် တောင်ဘက်တွင် ထိစပ်လျှက် ရှိပြီး ကျန်ရှိသော နယ်နိမိတ်များမှ ပါရှန်းပင်လယ်ကွေ့က ဝန်းရံလျှက် ရှိသည်။ အနီးအနားရှိ ကျွန်းနိုင်ငံ ဖြစ်သော ဘာရိန်းနိုင်ငံ နှင့် ပင်လယ်ကွေ့ ရေလက်ကြားက ပိုင်းခြားထားသည်။

ကာတာနိုင်ငံကို အယ်လ်သာနီ မိသားစုက ၁၉ ရာစု အလယ်ပိုင်းမှ စ၍ သက်ဦးဆံပိုင် ဘုရင်စနစ်ဖြင့် အုပ်ချုပ်ခဲ့သည်။ ယခင်က ဗြိတိသျှတို့ ပုလဲရှာဖွေခဲ့သော ဗြိတိသျှ အင်ပိုင်ယာ၏ အစိတ်အပိုင်း ပရိုတက်တိုရိတ် တစ်ခု ဖြစ်ခဲ့ပြီး ၁၉၇၁ ခုနှစ်တွင် လွတ်လပ်ရေး ရခဲ့သည်။ ထိုအချိန်မှစ၍ ကာတာနိုင်ငံသည် ရေနံ နှင့် သဘာဝ ဓာတ်ငွေ့တို့မှရသော အမြတ်ငွေ အမြောက်အများကြောင့် ဒေသအတွင်း အချမ်းသာဆုံးသော နိုင်ငံများတွင် တစ်နိုင်ငံ အပါအဝင် ဖြစ်လာခဲ့သည်။ ၁၉၉၅ တွင် ရှိတ်ဟာမတ် ဘင် ခါလီဖာ အယ်လ် သာနီသည် သူ၏ ဖခင် ခါလီဖာ ဘင် ဟာမက် အယ်လ် သာနီထံမှ အာဏာကို ငြိမ်းချမ်းစွာ သိမ်းယူခဲ့ပြီး အီမာဘုရင် ဖြစ်လာခဲ့သည်။ ကာတာနိုင်ငံရှိ အရေးပါသော ရာထူးအများစုကို အယ်လ်သာနီ မိသားစုနှင့် အယ်လ်သာနီ မိသားစုနှင့် နီးစပ်သူများမှ ရယူထားကြသည်။ ၁၉၉၂ ခုနှစ်မှစ၍ ကာတာနိုင်ငံသည် အမေရိကန်ပြည်ထောင်စု နှင့် နီးစပ်သော စစ်ရေးပူးပေါင်းဆောင်ရွက်မှုများ ပြုခဲ့ပြီး ယခုအခါတွင် အမေရိကန် ဗဟို စစ်ရေး ညွှန်ကြားမှု ဌာန၏ ရှေ့တန်း ဌာနချုပ် တစ်ခု အဖြစ်နှင့် လေကြောင်း ပူးပေါင်းစစ်ဆင်ရေး ဌာန တစ်ခု အဖြစ် တည်ရှိနေသည်။

ကာတာနိုင်ငံသည် ကမ္ဘာပေါ်တွင် အကြီးမားဆုံးသော ရေနံနှင့် သဘာဝဓာတ်ငွေ့ ထုတ်လုပ်မှု လုပ်ငန်း ရှိခဲ့ပြီး ၂၀၁၀ ခုနှစ်တွင် လူတစ်ဦးချင်း ဝင်ငွေအများဆုံးနိုင်ငံ အဖြစ်ရှိခဲ့သည်။ စီးပွားရေ ၁၉.၄၀ ရာခိုင်နှုန်း တိုးတက်လာခဲ့ပြီး ကမ္ဘာပေါ်တွင် အမြန်ဆန်ဆုံး တိုးတက်မှုပင် ဖြစ်သည်။ ထိုသို့အလျှင်အမြန် တိုးတက်ရခြင်း၏ အဓိက အကြောင်းအရင်း များမှာ သဘာဝဓာတ်ငွေ့ရည် (LNG) များ၊ ရေနံများ၊ ရေနံဓာတုပစ္စည်းများ နှင့် ၎င်းတို့နှင့် ဆက်စပ်နေသော လုပ်ငန်းများ ၏ ထုတ်လုပ်မှု အလျှင်အမြန် တိုးတက်လာရခြင်း ကြောင့် ဖြစ်သည်။ ကာတာသည် အာရပ်ကမ္ဘာတွင် အာရပ်စော်ဘွားများပြည်ထောင်စု ပြီးလျှင် ဒုတိယမြောက် လူထုဖွံ့ဖြိုးရေးညွှန်းကိန်း ရှိသည်။ ၂၀၀၉ ခုနှစ်တွင် ကာတာသည် အမေရိကန်ပြည်ထောင်စု၏ အရှေ့အလယ်ပိုင်းရှိ ပဉ္စမမြောက် အကြီးဆုံး ပို့ကုန် ဈေးကွက် နေရာ ရှိပြီး အာရပ်စော်ဘွားများပြည်ထောင်စု ၊ အစ္စရေးနိုင်ငံ၊ ဆော်ဒီအာရေဗျနိုင်ငံ နှင့် အီဂျစ်နိုင်ငံတို့၏ နောက်မှ ဖြစ်သည်။ နိုင်ငံသား လူဦးရေ ၃ သိန်းမျှ သာ ရှိသဖြင့် ကာတာသည် လုပ်သားလိုအပ်မှုကို ကာကွယ်ဖြည့်တင်းရန် နိုင်ငံခြား အလုပ်သမားများအပေါ်တွင် မှီခိုနေရသည်။ ကာတာသည် စုစုပေါင်း ၁၀၀ ဘီလီယံမျှ ရှိသော နိုင်ငံခြား ရင်းနှီးမြှုပ်နှံမှုများကို ဆွဲဆောင် ခေါ်ယူနိုင်ခဲ့ပြီး ဘီလီယံ ၆၀ မှ ဘီလီယံ ၇၀ အထိမှာ စွမ်းအင် ကဏ္ဍတွင် အမေရိကန်၏ ရင်းနှီးမြှုပ်နှံမှုဖြစ်သည်။ ကာတာသည် လာမည့် ဆယ်နှစ်အတွင်းတွင် စွမ်းအင်ကဏ္ဍ၌ စုစုပေါင်း ၁၂၀ ဘီလီယံ ကျော်မျှ ရင်းနှီးမြှုပ်နှံမှု ပြုလိမ့်မည်ဟု ခန့်မှန်းရသည်။

ကိုးကား[ပြင်​ဆင်​ရန်​]