ပွင့်ဖြူမြို့နယ်
| ပွင့်ဖြူမြို့နယ် | |
|---|---|
| မြို့နယ် | |
  ပွင့်ဖြူမြို့နယ် | |
| ကိုဩဒိနိတ်: 20°21′48″N 94°40′10″E / 20.363335°N 94.669334°E | |
| နိုင်ငံ |  မြန်မာ |
| တိုင်းဒေသကြီး | မကွေးတိုင်းဒေသကြီး |
| ခရိုင် | မင်းဘူးခရိုင် |
| လူဦးရေ (၂၀၀၄) | |
| • မြို့နယ် | ၁၆၃,၆၉၂[၁] |
| • မြို့ပေါ် | ၆,၃၅၀ |
| • ကျေးလက် | ၁၅၇,၃၄၂ |
| အချိန်ဇုန် | မြန်မာစံတော်ချိန် (UTC+6:30) |
ပွင့်ဖြူမြို့နယ် သည် မြန်မာနိုင်ငံ၊ မကွေးတိုင်းဒေသကြီး၊ မင်းဘူးခရိုင်တွင် ပါဝင်သည့် မြို့နယ်တစ်ခုဖြစ်သည်။ မြို့နယ်ရုံးစိုက်ရာမြို့မှာ ပွင့်ဖြူမြို့ဖြစ်သည်။
တည်နေရာနှင့်အကျယ်အဝန်း
ပွင့်ဖြူမြို့နယ်သည် မြောက်လတ္တီတွဒ် (၂၀)ဒီဂရီ (၁၈)မိနစ်နှင့် (၂၀)ဒီဂရီ (၁၉)မိနစ်အကြား အရှေ့ လောင်ဂျီတွဒ် (၉၀)ဒီဂရီ (၃၀)မိနစ်နှင့် (၉၄)ဒီဂရီ (၅၈)မိနစ်အကြားတွင် တည်ရှိသည်။ အရှေ့မှအနောက် သို့ (၅၀)မိုင်နှင့် တောင်မှမြောက်သို့ (၂၀)မိုင် ရှည်လျားသည်။ ပွင့်ဖြူမြို့နယ်၏ အကျယ်အဝန်းမှာ (၄၇၁.၀၄) စတုရန်းကီလိုမီတာ နှင့် လူဦးရေသိပ်သည်းဆမှာ ၁၃၄.၂ ဦး ရှိသည်။
နယ်နိမိတ်
ပွင့်ဖြူမြို့နယ်၏ အရှေ့ဘက်တွင် ရေနံချောင်းမြို့နယ် ၊ တောင်ဘက်တွင် မင်းဘူး(စကု)မြို့နယ် နှင့် ထိစပ်လျက်ရှိသည်။ အနောက်ဘက်တွင် စေတုတ္တရာမြို့နယ်နှင့် ငဖဲမြို့နယ် တို့နှင့် ထိစပ်လျက်ရှိပြီး မြောက်ဘက်တွင် စလင်းမြို့နယ် တို့နှင့် နယ်နိမိတ် ထိစပ်လျက်ရှိသည်။
မြေမျက်နှာသွင်ပြင်
ပွင့်ဖြူမြို့နယ်၏ အလယ်တွင် မုန်းချောင်းဖြတ်သန်း စီးဆင်းနေသဖြင့် မုန်းချောင်းချိုင့်ဝှမ်းရှိပြီး ညီ ညာပြန့်ပြူးသည်။ မြို့နယ်၏ သုံးပုံနှစ်ပုံမှာ ညီညာသော မြေပြန့်လွင်ပြင်ဖြစ်ပြီး မြို့နယ်၏ အနောက် ဘက်ခြမ်း သုံးပုံတစ်ပုံမှာ တောင်ကုန်းတောင်တန်းများ ရှိသည်။ ထင်ရှားသော တောင်များမှာ လွမ်းတောင် ၊ မြကျိုင်းတောင် နှင့် သံဆည်တောင် တို့ဖြစ်သည်။
ရေဆင်း
ပွင့်ဖြူမြို့နယ်တွင် တောင်ကုန်းတောင်တန်းများ ပေါများသည့် ဒေသတစ်ခုဖြစ်ပြီး မြစ်ချောင်းများ သည် မြောက်မှတောင်သို့ စီးဆင်းလျက် ရှိသည်။ ပွင့်ဖြူမြို့နယ်၏ အလယ်တွင် မုန်းချောင်း မှာ အနောက် မှ အရှေ့သို့ စီးဆင်းလျက်ရှိပြီး ဧရာဝတီမြစ် မှာ မြောက်မှတောင်သို့ စီးဆင်းသည်။ မုန်းချောင်းရေမှာ ရေချို ဖြစ်၍ စိုက်ပျိုးရေ၊ သောက်သုံးရေအဖြစ် အသုံးပြုသည်။ မုန်းချောင်းမှာ နွေရာသီတွင် ရေအနက်(၃)ပေခန့် သာရှိ၍ သာမန်လှေများသာ သွားနိုင်သည်။
ပင်လယ်ရေမျက်နှာပြင်အထက်အမြင့်
ပွင့်ဖြူမြို့နယ်သည် ပင်လယ်ရေမျက်နှာပြင်အထက် ပျှမ်းမျှအမြင့် (၂၀၀)ပေတွင် တည်ရှိသည်။
ရာသီဥတု
ပွင့်ဖြူမြို့နယ်သည် ပူပြင်းခြောက်သွေ့သော ရာသီဥတုရှိပြီး အမြင့်ဆုံးအပူချိန်(၄၁)ဒီဂရီစင်တီဂရိတ် နှင့် အနိမ့်ဆုံးအပူချိန်မှာ (၁၄)ဒီဂရီစင်တီဂရိတ်ဖြစ်သည်။
သဘာဝပေါက်ပင်များ
ပွင့်ဖြူမြို့နယ်အတွင်း ပေါက်ရောက်သည့် သဘာဝပေါက်ပင်များမှာ ကျွန်း၊ ပျဉ်းကတိုး၊ အင်ကြင်း၊ ရှား၊ ဒဟတ်၊ သန်း၊ ထောက်ကြံ့၊ မျှင်ဝါး၊ သစ်စေး၊ လွန်ဘို၊ တည်ပင်တို့ဖြစ်ပြီး ဆေးဘက်ဝင်သည့် အပင် များမှာ ဇီးဖြူ၊ ဝံအူ၊ စာသူငယ်ဦးနှောက်တို့ ဖြစ်သည်။
ရပ်ကွက်၊ ကျေးရွာအုပ်စုများနှင့် ကျေးရွာများ
ပွင့်ဖြူမြို့နယ်တွင် ပွင့်ဖြူမြို့ပေါ် (၄) ရပ်ကွက်၊ ကျေးရွာအုပ်စုပေါင်း (၅၂) အုပ်စု ၊ ကျေးရွာပေါင်း (၂၀၅) ကျေးရွာ ရှိသည်။ ပွင့်ဖြူမြို့ပေါ်ရှိ ရပ်ကွက်များမှာ - အရှေ့ပိုင်းရပ်ကွက်၊ အနောက်ပိုင်းရပ်ကွက်၊ အလယ်ပိုင်းရပ်ကွက်နှင့် သက်တော်ရှည်ရပ်ကွက် တို့ ဖြစ်သည်။
လူဦးရေ
ပွင့်ဖြူမြို့နယ် တွင် ၂၀၁၄ ခုနှစ် သန်းခေါင်စာရင်းအရ လူဦးရေ စုစုပေါင်း ၁၆၃၆၉၂ ဦး ရှိသည်။[၂]
ထင်ရှားသည့် စေတီများ
- ၁။ ကုက္ကုဋာရုံ (အုတ်ဖိုကျေးရွာ)
- ၂။ ဃောသိတာရုံ (ရွာခိုင်ကျေးရွာ)
- ၃။ ပါဝါရုံ (ဘုရားကုန်းကျေးရွာ)
- ၄။ ဂန္ဓာရုံ (စန္ဒကူးနံ့သာကျောင်းတော်ရာဘုရား)
ထင်ရှားသည့် ဈေးများ
- ၁။ မြို့မဈေး (အရှေ့ပိုင်းရပ်ကွက်)
- ၂။ လယ်ကိုင်းဈေး (လယ်ကိုင်းကျေးရွာ)
- ၃။ ကျောင်းတော်ရာဈေး (ကျောင်းတော်ရာကျေးရွာ)
- ၄။ ရှောက်တောဈေး (ရှောက်တောကျေးရွာ)
- ၅။ ကုန်းဇောင်းဈေး (ကုန်းဇောင်းကျေးရွာ)
ကိုးကား
မြို့တော်: မကွေးမြို့။ မြို့နယ်ပေါင်း: (၂၅) မြို့နယ်။ | ||
| ခရိုင်ရုံးစိုက်ရာမြို့များ |  | |
| မကွေးခရိုင်(၆) မြို့နယ် | ||
| မင်းဘူးခရိုင်(၅) မြို့နယ် | ||
| ပခုက္ကူခရိုင်(၅) မြို့နယ် | ||
| ဂန့်ဂေါခရိုင်(၃) မြို့နယ် | ||
| သရက်ခရိုင်(၆) မြို့နယ် | ||
| မြို့များ |
| |
 | ဤ မကွေးတိုင်းဒေသကြီး ပထဝီဝင်တည်နေရာဆိုင်ရာ ဆောင်းပါးမှာ ဆောင်းပါးတိုတစ်ပုဒ် ဖြစ်သည်။ ဖြည့်စွက်ရေးသားခြင်းဖြင့် မြန်မာဝီကီပီးဒီးယားကို ကူညီပါ။ |