မြနန်းနွယ်

ဝီကီပီးဒီးယား မှ
အ​ညွှန်း​သို့ ခုန်ကူးရန် ရှာဖွေရန် ခုန်ကူးမည်

မြနန်းနွယ် သည် ရန်ကုန်မြို့ ဗိုလ်တစ်ထောင်စေတီတော် တွင် တည်ရှိသည်။[၁] သူမအား တစ်ထီးတစ်နန်းဖြင့် ကျောင်းဆောင်ဆောက်ကာ ထားရှိထားပြီး ဘုရားဒါယကာမကြီးတစ်ဦးအဖြစ်လည်းကောင်း၊သိုက်နန်းရှင်တစ်ဦးအဖြစ်လည်းကောင်း သက်ဝင် ယုံကြည်ကြ၍  လူသိများသည်။ ထိုင်းလူမျိုးများအကြားလည်း ထင်ရှားသူဖြစ်သည်။[၂] ရုပ်တုနားကပ်ပြီး တီးတိုးဆုတောင်းသည့် လူသိများသော အပြုအမှုတစ်ခုကိုလည်း ခံယူရသည်။[၃]

ငယ်ဘဝ[ပြင်ဆင်ရန်]

မြနန်းနွယ်ကို ၁၈၉၇ ခုနှစ် ဒီဇင်ဘာလ ၂၂ ရက်နေ့တွင် မြန်မာနိုင်ငံ မိုးကုတ်မြို့၌ မွေးဖွားခဲ့သည်။ သူမသည် စော်ဘွား၏သားမြေးဖြစ်ပြီး ချမ်းသာနှင့် နန်းခမ်းတို့၏သမီးဖြစ်သည်။ အသက် ၁၅ နှစ်အရွယ်တွင် အိန္ဒိယတွင် ပညာသင်ကြားခဲ့ပြီး ၁၉ ၂၆ ခုနှစ်တွင် B.A ဖြင့် ဘွဲ့ရခဲ့သည်။[၄] မိုးကုတ်မြို့မှ ဂုဏ်သရေရှိသူများသည် သူမအား လက်ထပ်ချင်သော်လည်း ငြင်းပယ်ခဲ့သည်ဟုဆိုသည်။ ငယ်ငယ်ကတည်းက အသားမစားဟုလည်းဆိုကြသည်။ ၁၉၄၂ ခုနှစ်တွင် သူမ၏ အိပ်မက်ထဲတွင် အဖြူရောင် ဝတ်စုံဝတ် အဘိုးကြီး က သူမအား သာသနာပြုအဖြစ် ရန်ကုန်သို့ ပြောင်းရွှေ့သင့်သည်ဟု ပြောခဲ့သည်။ ထို့ကြောင့် ဗိုလ်တထောင်ဘုရားလမ်းသို့ ပြောင်းရွှေ့ကာ ဗိုလ်တထောင်ဘုရားကို နေ့စဉ် သွားရောက်ခဲ့သည်။ အစိမ်းရောင်အဝတ်အစားကို အမြဲဝတ်ဆင်ထားသည်ဟုလည်းပြောကြသည်။ ဒုတိယကမ္ဘာစစ်အတွင်း ပျက်စီးသွားသည့် ဗိုလ်တစ်ထောင်စေတီတော်အား ပြန်လည်တည်ဆောက်ခြင်းအပါအဝင် ဘာသာရေးလုပ်ငန်းများတွင် ပါဝင်လှူဒါန်းခဲ့သည်ဟု မှတ်ယူကြသည်။ [၅] [၆]

ကွဲပြားသည့် မှတ်တမ်းအချို့[ပြင်ဆင်ရန်]

မြနန်းနွယ်ရုပ်တု
ဗိုလ်တထောင်ဘုရားရှိ မြနန်းနွယ်ဘုရား

ယနေ့ခေတ်တွင် ဗိုလ်တစ်ထောင်စေတီတော်‎သမိုင်းနှင့် မြနန်းနွယ်၏ သမိုင်းစဉ်သည်လည်း ယှဉ်လျက် ပါလာသည်ကို တွေ့ရသည်။ အချို့က မြနန်းနွယ်သည် သိုက်နန်းရှင်ဖြစ်သည် ဟု ဆို၏။ အချို့က မြနန်းနွယ် သည် သိုက်ချုပ် ဟုပင်ဆို၏။ သိုက်နှင့် ဆက်နွယ်သူများ သိုက်ကြိုးဖြတ် လိုသူများက မြနန်းနွယ်ထံသို့ အရောက်သွားကြသည်။ မြနန်းနွယ် နတ်နန်းတွင် ပွဲထိုးခြင်း၊ ပုဝါအဝတ်အထည် လှူခြင်းများနှင့် ပူဇော်ပသကာ ဆုတောင်းကြသည်။ အမ မြနန်းနွယ် ဟာ လူအများကို အကျိုးဩဇာသက်ရောက်မှု ကြီးမားသည်။ ရန်ကုန်အနှံ့တွင် မြနန်းနွယ်နှင့် မြနန်းနွယ် အဆက်အနွယ်တို့က မင်းမူနေသည်မှာ အမှန်ပင်။ မြနန်းနွယ်တို့ ညီအစ်မ သုံးဖော်ဟု တချို့က ပြောကြသည်။ တချို့က မြနန်းနွယ်တွင် ညီအစ်မနှစ်ဖော် ရှိသည်ဟု ပြောကြသည်။ အချို့က မြနန်းနွယ် သည် ရှမ်းပြည်မှ ရောက်လာရဟုပြော၏။ တချို့က မြနန်းနွယ် ဆိုတာ သိုက်နန်းက လူ့ပြည်ကို အလည်လာသူဟု ပြော၏။

မြနန်းနွယ်အား ဗိုလ်တထောင်ဆံတော်ဦးစေတီတော်တွင်သာမဟုတ်၊ လှိုင်သာယာရှိ ရှေးဟောင်းရွှေရင်အေး စေတီတော်၌ လည်းကောင်း၊ အောင်မြေသာယာရွှေစေတီတွင် လည်းကောင်း၊ သန်လျင်မြို့ရှိ မွေ့လွန်းရှင်စေတီတော်တွင်လည်းကောင်း မြနန်းနွယ်နတ်နန်း တွေ့ရှိရသည်။

ယုံကြည်ပသခြင်း[ပြင်ဆင်ရန်]

မြနန်းနွယ်သည် ၁၉၅၆ ခုနှစ် ဖေဖော်ဝါရီလတွင် မိုးကုတ်မြို့တွင် နာတာရှည် ပန်းနာရင်ကျပ်ရောဂါဖြင့် ကွယ်လွန်ခဲ့သည်။ ၁၉၅၇ ခုနှစ်တွင် ကွယ်လွန်ပြီးနောက်ပိုင်း မြနန်းနွယ်သည် ယုံကြည်ပသခံရသူတစ်ဦးဖြစ်လာသည်။ [၇] ၁၉၉၀ ခုနှစ်အရောက်တွင် သူမ၏ ဘုရားကန်တော့်နေဟန်ရုပ်တုကို ထိုစဉ်ကာလ လက်ထက်က ဗိုလ်တစ်ထောင်စေတီတော်၏ ဂေါပကတစ်ဦးဖြစ်သူ ဦးအောင်ဆုက ကြီးကြပ်ထုလုပ်ခဲ့သည်။ သူမ၏ အကြောင်းအားလည်း စာအုပ်ထုတ်ဝေခဲ့သည်။စာအုပ်ထဲတွင် သူမပိုင်ဆိုင်သော ကျောက်မျက်ရတနာများအား စေတီတော်အတွက် ရက်ရောစွာလှူဒါန်းခဲ့သည်ဟု ဖော်ပြထားသည်။[၈] ထိုနောက်ပိုင်းမှ စပြီး မြနန်းနွယ်သည် ပူဇော်ပသမှုကို ခံယူသူဖြစ်လာခဲ့သည်။အထူးသဖြင့် ပညာရေးကိစ္စပိုင်း တက္ကသိုလ်ဝင်စာမေးပွဲဖြေဆိုခံနီးအချိန်တွင် ကန်တော့ပွဲများ လာရောက်ထိုးသူ အထူးများပြားသည်။ [၉]အရောင်းအဝယ်အလုပ်အကိုင်၊ စီးပွားရေးဆိုင်ရာကိစ္စများ၊သိုက်ပိုင်းဆိုင်ရာကိစ္စများ အပြင် အိမ်ထောင်ပြု သားမွေး အတွက်လည်း ကန့်တော့ပွဲထိုးကြသည်။ [၁၀]ဝါတွင်း(၃)လကာလရောက်တိုင်း သူမကို သီလရှင်ဝတ်ပေးကြသည်။[၁၁] နှစ်စဉ် မွေးနေ့ရောက်တိုင်း မွေးနေ့ပွဲလည်းကျင်းပပေးကြသည်။ [၁၂]

ကိုးကား[ပြင်ဆင်ရန်]

  1. https://www.gomyanmartours.com/botahtaung-pagoda/
  2. https://www.irrawaddy.com/lifestyle/thais-find-spiritual-home-yangon.html
  3. https://www.youtube.com/watch?v=oadNU80XWB0
  4. https://www.letpandailynews.com/archivse/4496
  5. https://myanmar.mmtimes.com/timeout/15742-2015-09-02-17-35-46.html
  6. http://www.myanmarlits.com/blog/a-spirit-at-the-harbour-of-yangon-mya-nan-nwe
  7. https://www.mmtimes.com/lifestyle/15734-living-on-borrowed-time.html
  8. http://www.myanmarbookshop.com/MyanmarBooks/BookDetails/13051
  9. http://burmese.dvb.no/archives/316309
  10. https://www.duwun.com.mm/article/tkuiltnsaempe-nilalui-ntnnetmwa-peepu-ak-puima-id12326
  11. https://www.framekung.com/myanmar-trip-from-yangon-to-mandalay-ep-1.html/mya-nan-nwe-angel-of-whispers
  12. https://www.dreamstime.com/stock-photo-ahmagyi-mya-nan-nwe-devotee-to-botahtaung-pagoda-whisper-angel-was-known-be-dragon-guarding-hundreds-image43093963