တုသိတာဘုံ

ကြီးကျယ်မြင့်မြတ်သော စည်းစိမ်ကျက်သရေတို့နှင့် ပြည့်စုံကြ၍ နှစ်သက်ရွှင်လန်းခြင်းသို့ ရောက်နေကြသော နတ်တို့၏ စံရာဘုံ ဖြစ်သည်။ ထိုဘုံ၌ဖြစ်ကြသောနတ်တို့သည် အမြဲမပြတ် ရွှင်မြူးနှစ်သက်ပျော်ပါးနေကြရသောကြောင့် တုသိတာနတ်ဘုံဟု ခေါ်သည်။

သန္တုဿိတာနတ်မင်းသည် အကြီးအကဲနတ်မင်း ဖြစ်သည်။

ဘုရားအလောင်းများသည် ဤနတ်ဘုံ၌ စံလေ့ရှိသည်။

ဗုဒ္ဓဘုရားအလောင်းသည် ဘုရားမဖြစ်မီ တဘဝ၌ တုသိတာနတ်ပြည်၌ “သေတကေတု”မည်သောနတ်မင်း ဖြစ်လေသည်။ မယ်တော် မဟာမာယာသည် အလောင်းတော်ကို ဖွားမြင်ပြီးနောက် ၇-ရက်မြောက်နေ့၌ စုတေ၍ ယင်း-၌ပင် ဖြစ်ရသည် ။

ဘုရားအလောင်း၏မယ်တော် စသည့် သူတော်ကောင်းပုဂ္ဂိုလ်များ စံရာ နတ်ပြည်လည်း ဖြစ်သည်။

အနာထပိဏ်သူဌေးသည် ဤ တုသိတာနတ်ဘုံတွင်နတ်သားဖြစ်ရသည်။*

အလောင်းတော်သည် ယင်း-၌ နေစဉ်ပင် လူ့ပြည်၌ ဗုဒ္ဓကောလာဟလ-ဖြစ်၏ ။ ဤစကြဝဠာမှ တစ်ပါးသော စကြဝဠာတို့၌လည်း တုသိတာနတ်ပြည် ရှိသေး၏ ။ ဘုရားဖြစ်ရန် အခွင့်မျှော်လင့်နေသော အရိမေတ္တေယျ-ဘုရားအလောင်းတော်သည် ယင်း-၌ စံနေတော်မူဆဲ ဖြစ်၏ ။ သီဟိုဠ်ကျွန်း B.E. ၃၈၃-မှ စ၍ ၂၄-နှစ်တိုင်တိုင် မင်းပြုခဲ့သော လောဟမဟာပါသာဒ-ပြာသာဒ်ကြီးနှင့် မရိစဝဋ္ဋိစေတီ မဟာစေတီတော်ကြီးတို့၏ ဒါယကာ ဒုဋ္ဌဂါမဏိမင်းမြတ်သည် ယင်း-မှ ရောက်ရှိလာသော နတ်ရထားအသစ်ဖြင့် ယင်း-သို့လိုက်ပါ၍ နတ်စည်းစိမ်ကို ခံစားရလေသည် ။

တုသိတာနတ်သက်သည် နှစ်ပေါင်း(၄၀၀၀)ရှိသည်။

လူတို့၏အရေအတွက်အားဖြင့် နှစ်ပေါင်း(၅၇)ကုဋေ နှင့် ခြောက်သန်းရှိသည်။

လူတို့၏ နှစ်(၄၀၀)သည် တုသိတာနတ်(၁)ရက် ဖြစ်သည်။

ဆက်စပ်ဖတ်ရှုရန်

• ရဟန်းသံဃာများ ပြန်ကြွသွားပြီးနောက် တုသိတာနတ်ရထား ပန်းကုံးစွပ်ခြင်း
• ဖခင်ထက် သမီး ဂုဏ်သိက္ခာကြီးခြင်း၊ တုသိတာနတ်ပြည်၌ ဖြစ်ခြင်းတို့ကို ဟောကြားခြင်း
• ငရဲမှလွတ်၍ တုသိတာ၌ဖြစ်ခြင်း
• သန်းဘဝမှ တုသိတာဘုံ၌ ဖြစ်ခြင်း
• ကုန်သည်ကြီး သေ၍ တုသိတာ၌ ဖြစ်ခြင်း
• မယ်တော် မဟာမာယာဒေဝီ နတ်ရွာစံ၍ တုသိတာနတ်ပြည်၌ ဖြစ်ခြင်း