နိုင်ငံတော် အေးချမ်းသာယာရေးနှင့် ဖွံ့ဖြိုးရေး ကောင်စီ

ဝီကီပီးဒီးယား မှ
ဤနေရာသို့သွားရန် - အ​ညွှန်း​, ရှာဖွေရန်

နိုင်ငံတော် အေးချမ်းသာယာရေးနှင့် ဖွံ့ဖြိုးရေး ကောင်စီ(နယက) (State Peace and Development Council) ကို နိုင်ငံတော် ငြိမ်ဝပ်ပိပြားမှု တည်ဆောက်ရေးအဖွဲ့ (နဝတ) State Law and Order Restoration Council (SLORC) အမည်မှ ၁၉၉၇ ခုနှစ်တွင် အမည်ပြောင်းလဲ ဖွဲ့စည်းခဲ့ခြင်း ဖြစ်သည်။ ဥက္ကဋ္ဌမှာ ဗိုလ်ချုပ်မှူးကြီး သန်းရွှေ ဖြစ်သည်။ ဒုတိယ ဥက္ကဋ္ဌမှာ ဒုတိယ ဗိုလ်ချုပ်မှူးကြီး မောင်အေး ဖြစ်သည်။

မြန်မာနိုင်ငံသည့် ၁၉၆၂ ခုနှစ်မှစ၍ ကာကွယ်ရေးဦးစီးချုပ် ဗိုလ်ချုပ်ကြီးနေဝင်း ဦးဆောင်သောတပ်မတော်ကဖဆပလ အစိုးရထံမှအာဏာသိမ်းယူပြီး မြန်မာ့ဆိုရှယ်လစ်လမ်းစဉ်ပါတီ (မဆလ) ကိုထူထောင်ကာ တစ်ပါတီစနစ်ဖြင့် အုပ်ချုပ်ခဲ့ပြီး ၁၉၈၈ခုနှစ်တွင်ရှစ်လေးလုံးအရေးအခင်းဖြင့် စစ်အစိုးရအသစ် ပေါ်ပေါက်လာခဲ့သည်။ ကာကွယ်ရေးဦးစီးချုပ်ဗိုလ်ချုပ်မှူးကြီး စောမောင်ဦးဆောင်သောတပ်မတော်က မြန်မာ့ဆိုရှယ်လစ်လမ်းစဉ်ပါတီထံမှအာဏာသိမ်းယူခဲ့ခြင်းဖြစ်သည်။ ထိုအသစ်သော စစ်ကောင်စီ အစိုးရကို SLORC ဟုခေါ်ပြီး ပြည်သူ့ထံ အာဏာပြန်လွှဲရန်အတွက် လိုအပ်သော အခြေခံဥပဒေကို ကာလရှည်ကြာစွာ ရေးဆွဲခဲ့သည်။

၂၀၀၇ စက်တင်ဘာလတွင် ရွှေဝါရောင်တော်လှန်ရေးဟု အမည်တွင်သော သံဃာတော်များဦးဆောင်သော အရေးအခင်းဖြစ်ပွားခဲ့သည်။ ထို့နောက်တွင် နာဂစ် မုန်တိုင်းဒဏ် ခံပြီးကာစ ၂၀၀၈ မေလ အခြေခံဥပဒေကို ပြည်သူများအား မဲဆန္ဒပေးစေပြီး အတည်ပြုခဲ့သည်။ ထိုအချိန်တွင် မြန်မာ့ရာဇဝင်တွင် တခါမျှမပေါ်ဖူးသော နာဂစ်မုန်တိုင်းကြီး ၂၀၀၈ မေလတွင် တိုက်ခတ်ခံရ၍ လူနှစ်သိန်းနီးပါး သေဆုံးခဲ့ရပြီး နှစ်သန်းခန့် အိုးမဲ့အိမ်မဲ့ဖြစ်ရကာ မြန်မာအစိုးရ၏ တရားဝင်ကြေညာချက်အရ အမေရိကန်ဒေါ်လာ ဘီလျံ ၂၀ ခန့် နှင့်ညီသော ဆုံးရှုံးမှုရှိသည်ဟု သိရသည်။

ထိုမုန်တိုင်းနောက်ပိုင်းတွင် နယက သည် ၂၀၁၀ တွင်ကျင်းပပေးမည့် ရွေးကောက်ပွဲအတွက် လိုအပ်သည်များကို ပြင်ဆင်လျက်ရှိသည်။

နိုင်ငံတော်အေးချမ်းသာယာရေးနှင့် ဖွံ့ဖြိုးရေးကောင်စီဝင်များ[ပြင်ဆင်ရန်]

မြန်မာ အစိုးရအဖွဲ့ဝင်များ[ပြင်ဆင်ရန်]

ရုံး အမည် စတင်၍
ဝန်ကြီးချုပ် သိန်းစိန်, ဗိုလ်ချုပ်ကြီး
လယ်ယာစိုက်ပျိုးရေးနှင့် ဆည်မြောင်း ဝန်ကြီးဌာန ဌေးဦး, ဗိုလ်ချုပ်
စီးပွားရေးနှင့် ကူးသန်းရောင်းဝယ်ရေး ဝန်ကြီးဌာန တင်နိုင်သိန်း,ဗိုလ်မှူးချုပ်
ဆက်သွယ်ရေး၊ စာတိုက်နှင့် ကြေးနန်းဝန်ကြီးဌာန သိန်းဇော်, ဗိုလ်မှူးချုပ်
ဆောက်လုပ်ရေး ဝန်ကြီးဌာန စောထွန်း, ဗိုလ်ချုပ်
သမဝါယမ ဝန်ကြီးဌာန တင်ထွဋ်, ဗိုလ်ချုပ်
ယဉ်ကျေးမှု ဝန်ကြီးဌာန ခင်အောင်မြင့်, ဗိုလ်ချုပ်
ကာကွယ်ရေး ဝန်ကြီးဌာန သန်းရွှေ, ဗိုလ်ချုပ်မှူးကြီး
ပညာရေး ဝန်ကြီးဌာန ချမ်းငြိမ်း, ဒေါက်တာ
အမှတ်(၁)လျှပ်စစ်စွမ်းအား ဝန်ကြီးဌာန ဇော်မင်း, ဗိုလ်မှူးကြီး
အမှတ်(၂)လျှပ်စစ်စွမ်းအား ဝန်ကြီးဌာန ခင်မောင်မြင့်, ဗိုလ်ချုပ်
စွမ်းအင် ဝန်ကြီးဌာန လွန်းသီ, ဗိုလ်မှူးချုပ်
ဘဏ္ဍာရေးနှင့် အခွန် ဝန်ကြီးဌာန လှထွန်း, ဗိုလ်ချုပ်
နိုင်ငံခြားရေး ဝန်ကြီးဌာန ဉာဏ်ဝင်း, ဗိုလ်ချုပ်
သစ်တောရေးရာ ဝန်ကြီးဌာန သိန်းအောင်, ဗိုလ်မှူးချုပ်
ကျန်းမာရေး ဝန်ကြီးဌာန ကျော်မြင့်, ဒေါက်တာ
ပြည်ထဲရေး ဝန်ကြီးဌာန မောင်ဦး, ဗိုလ်ချုပ်
ဟိုတယ်နှင့် ခရီးသွားလာရေးလုပ်ငန်း ဝန်ကြီးဌာန စိုးနိုင်, ဗိုလ်ချုပ်
လူဝန်မှုကြီးကြပ်ရေးနှင့် ပြည်သူ့အင်အား ဝန်ကြီးဌာန စောလွင်, ဗိုလ်ချုပ်
အမှတ်(၁)စက်မှု ဝန်ကြီးဌာန အောင်သောင်း၊ ဦး
အမှတ်(၂)စက်မှု ဝန်ကြီးဌာန စိုးသိန်း, ဒုတိယဗိုလ်ချုပ်ကြီး
ပြန်ကြားရေး ဝန်ကြီးဌာန ကျော်ဆန်း, ဗိုလ်မှူးချုပ်
အလုပ်သမား ဝန်ကြီးဌာန အောင်ကြည်၊ ဦး
မွေးမြူရေးနှင့် ရေလုပ်ငန်း ဝန်ကြီးဌာန မောင်မောင်သိန်း, ဗိုလ်မှူးချုပ်
သတ္တုတွင်း ဝန်ကြီးဌာန အုန်းမြင့်, ဗိုလ်မှူးချုပ်
အမျိုးသားစီမံကိန်းနှင့် စီးပွားရေးဖွံ့ဖြိုးတိုးတက်မှု ဝန်ကြီးဌာန စိုးသာ ၊ ဦး
နယ်စပ်ဒေသ တိုင်းရင်းသားများ ဖွံ့ဖြိုးတိုးတက်ရေးနှင့်စည်ပင်သာယာရေး ဝန်ကြီးဌာန သိန်းညွှန့်, ဗိုလ်မှူးကြီး
ရထားပို့ဆောင်ရေး ဝန်ကြီးဌာန အောင်မင်း, ဗိုလ်ချုပ်
သာသနာရေး ဝန်ကြီးဌာန သူရမြင့်မောင်, ဗိုလ်မှူးချုပ်
သိပ္ပံနှင့် နည်းပညာ ဝန်ကြီးဌာန သောင်း ၊ ဦး
လူမှုဝန်ထမ်း ကယ်ဆယ်ရေးနှင့် ပြန်လည်နေရာချထားရေး ဝန်ကြီးဌာန မောင်မောင်ဆွေ, ဗိုလ်ချုပ်
အားကစား ဝန်ကြီးဌာန သူရအေးမြင့်, ဗိုလ်မှူးချုပ်
ပို့ဆောင်ရေး ဝန်ကြီးဌာန သိန်းဆွေ, ဗိုလ်ချုပ်

အစိုးရဝန်ကြီးဌာနများနှင့် အခြားအစိုးရဌာနများ[ပြင်ဆင်ရန်]

  1. ကာကွယ်ရေး ဝန်ကြီးဌာန
  2. ကျန်းမာရေး ဝန်ကြီးဌာန
  3. စီးပွားရေးနှင့် ကူးသန်းရောင်းဝယ်ရေး ဝန်ကြီးဌာန
  4. စွမ်းအင် ဝန်ကြီးဌာန
  5. ဆက်သွယ်ရေး၊ စာတိုက်နှင့် ကြေးနန်းဝန်ကြီးဌာန
  6. ဆောက်လုပ်ရေး ဝန်ကြီးဌာန
  7. နယ်စပ်ဒေသ တိုင်းရင်းသားများ ဖွံ့ဖြိုးတိုးတက်ရေးနှင့်စည်ပင်သာယာရေး ဝန်ကြီးဌာန
  8. နိုင်ငံခြားရေး ဝန်ကြီးဌာန
  9. ပညာရေး ဝန်ကြီးဌာန
  10. ပို့ဆောင်ရေး ဝန်ကြီးဌာန
  11. ပြည်ထဲရေး ဝန်ကြီးဌာန
  12. ပြန်ကြားရေး ဝန်ကြီးဌာန
  13. ဘဏ္ဍာရေးနှင့် အခွန် ဝန်ကြီးဌာန
  14. မွေးမြူရေးနှင့် ရေလုပ်ငန်း ဝန်ကြီးဌာန
  15. ယဉ်ကျေးမှု ဝန်ကြီးဌာန
  16. ရထားပို့ဆောင်ရေး ဝန်ကြီးဌာန
  17. လယ်ယာစိုက်ပျိုးရေးနှင့် ဆည်မြောင်း ဝန်ကြီးဌာန
  18. လူမှုဝန်ထမ်း ကယ်ဆယ်ရေးနှင့် ပြန်လည်နေရာချထားရေး ဝန်ကြီးဌာန
  19. လူဝန်မှုကြီးကြပ်ရေးနှင့် ပြည်သူ့အင်အား ဝန်ကြီးဌာန
  20. သမဝါယမ ဝန်ကြီးဌာန
  21. သာသနာရေး ဝန်ကြီးဌာန
  22. သစ်တောရေးရာ ဝန်ကြီးဌာန
  23. သတ္တုတွင်း ဝန်ကြီးဌာန
  24. သိပ္ပံနှင့် နည်းပညာ ဝန်ကြီးဌာန
  25. ဟိုတယ်နှင့် ခရီးသွားလာရေးလုပ်ငန်း ဝန်ကြီးဌာန
  26. အမျိုးသားစီမံကိန်းနှင့် စီးပွားရေးဖွံ့ဖြိုးတိုးတက်မှု ဝန်ကြီးဌာန
  27. အမှတ်(၁)စက်မှု ဝန်ကြီးဌာန
  28. အမှတ်(၂)စက်မှု ဝန်ကြီးဌာန
  29. အမှတ်(၁)လျှပ်စစ်စွမ်းအား ဝန်ကြီးဌာန
  30. အမှတ်(၂)လျှပ်စစ်စွမ်းအား ဝန်ကြီးဌာန
  31. အလုပ်သမား ဝန်ကြီးဌာန
  32. အားကစား ဝန်ကြီးဌာန
  33. စာရင်းစစ်ချုပ်ရုံး
  34. ရှေ့နေချုပ်ရုံး
  35. တရားရုံးချုပ်
  36. ဝန်ထမ်းရွေးချယ်လေ့ကျင့်ရေးအဖွဲ့ တို့ဖြစ်သည်။

နိုင်ငံတော် အေးချမ်းသာယာရေးနှင့် ဖွံ့ဖြိုးရေး ကောင်စီ၏ ရှေ့ ဆက်သွားမည့်မူဝါဒလမ်းစဉ် (၇) ရပ်[ပြင်ဆင်ရန်]

၁။ ၁၉၉၆ ခုနှစ်က စတင်၍ ယာယီအားဖြင့် ဆိုင်ငံ့ထားလျှက်ရှိသော အမျိုးသားညီလာခံကို ပြန်လည်ကျင်းပခြင်း။

၂။ အမျိုးသားညီလာခံကြီး အောင်မြင်စွာကျင်းပပြီးစီးသည့်အခါ စစ်မှန်သည့် စည်းကမ်းပြည့်ဝသော ဒီမိုကရေစီစနစ် ဖြစ်ထွန်းရေးအတွက် လိုအပ်သော ဆောင်ရွက်ဖွယ်ရာ လုပ်ငန်းစဉ်များကို တဆင့်ပြီးတဆင့် ဆက်လက်ဆောင်ရွက်ခြင်း။

၃။ အမျိုးသားညီလာခံကြီးက ချမှတ်ပေးသော အခြေခံမူများနှင့် အသေးစိတ်အခြေခံရမည့်မှုများနှင့်အညီ ဖွဲ့စည်းပုံ အခြေခံဥပဒေမူကြမ်းကို ရေးဆွဲခြင်း။

၄။ ဖြစ်ပေါ်လာသည့်ဖွဲ့စည်းပုံ အခြေခံဥပဒေမူကြမ်းကိုပြည်လုံးကျွတ်ဆန္ဒခံယူပွဲများကျင်းပ၍အတည်ပြုခြင်း။

၅။ ဖွဲ့စည်းပုံအခြေခံဥပဒေသစ်အရ လွှတ်တော်များဖွဲ့စည်းရေးအတွက် တရားမျှတသော ရွေးကောက်ပွဲများ ကျင်းပခြင်း။

၆။ ဖွဲ့စည်းပုံအခြေခံ ဥပဒေအသစ်နှင့်အညီ လွှတ်တော်ကိုယ်စားလှယ်များဖြင့် လွှတ်တော်အစည်းအဝေးပွဲများ ကျင်းပခြင်း။

၇။ လွှတ်တော်က ရွေးကောက်တင်မြှောက်သော နိုင်ငံတော်အကြီးအကဲများနှင့် လွှတ်တော်ကဖွဲ့စည်းပေးသော အစိုးရအဖွဲ့နှင့် အာဏာပိုင်အဖွဲ့အစည်းများဖြင့် ခေတ်မှီဖွံ့ဖြိုးတိုးတက်သော ဒီမိုကရေစီနိုင်ငံတော်သစ် တည်ဆောက်ခြင်း တို့ဖြစ်သည်။

နိုင်ငံတော် အေးချမ်းသာယာရေးနှင့် ဖွံ့ဖြိုးရေး ကောင်စီ၏ ဆောင်ပုဒ်များ[ပြင်ဆင်ရန်]

ဒို့တာဝန်အရေးသုံးပါး[ပြင်ဆင်ရန်]

  • ပြည်ထောင်စုမပြိုကွဲရေး ...............................ဒို့အရေး
  • တိုင်းရင်းသားစည်းလုံးညီညွတ်မှုမပြိုကွဲရေး ...................ဒို့အရေး
  • အချုပ်အခြာအဏာ တည်တံ့ခိုင်မြဲရေး .......................ဒို့အရေး

နိုင်ငံရေး ဦးတည်ချက် (၄) ရပ်[ပြင်ဆင်ရန်]

  • နိုင်ငံတော် တည်ငြိမ်ရေး၊ ရပ်ရွာ အေးချမ်း သာယာရေး နှင့် တရား ဥပဒေ စိုးမိုးရေး
  • အမျိုးသား ပြန်လည် စည်းလုံး ညီညွတ်ရေး
  • ခိုင်မာသည့် ဖွဲ့စည်းပုံ အခြေခံ ဥပဒေသစ် ဖြစ်ပေါ်လာရေး
  • ဖြစ်ပေါ်လာသည့် ဖွဲ့စည်းပုံ အခြေခံဥပဒေသစ် နှင့် အညီ ခေတ်မီဖွံ့ ဖြိုးတိုး တက်သော နိုင်ငံတော် သစ်တစ်ရပ် တည်ဆောက်ရေး

စီးပွားရေး ဦးတည်ချက် (၄)ရပ်[ပြင်ဆင်ရန်]

  • စိုက်ပျိုးရေးကို အခြေခံ၍ အခြားစီးပွားရေး ကဏ္ဍများကိုလည်း ဘက်စုံဖွံ့ ဖြိုး တိုးတက်အောင် တည်ဆောက်ရေး
  • ဈေးကွက်စီးပွားရေးစနစ် ပီပြင်စွာဖြစ်ပေါ်လာရေး
  • ပြည်တွင်းပြည်ပ မှ အတတ်ပညာ နှင့် အရင်းအနှီးများ ဖိတ်ခေါ်၍ စီးပွားရေး ဖွံ့ ဖြိုး တိုးတက်အောင် တည်ဆောက်ရေး
  • နိုင်ငံတော် စီးပွားရေးတစ်ရပ်လုံးကို ဖန်တီးနိုင်မှု စွမ်းအားသည် နိုင်ငံတော်နှင့် တိုင်းရင်းသား ပြည်သူတို့၏ လက်ဝယ်တွင်ရှိရေး

လူမှုရေး ဦးတည်ချက် (၄)ရပ်[ပြင်ဆင်ရန်]

  • တစ်မျိုးသားလုံး၏ စိတ်ဓာတ်နှင့် အကျင့်စာရိတ္တမြင့်မားရေး
  • အမျိုးဂုဏ်၊ ဇာတိဂုဏ် မြင့်မားရေးနှင့် ယဉ်ကျေးမှု အမွေအနှစ်များ၊ အမျိုးသားရေး လက္ခဏာများ မပျောက်ပျက်အောင် ထိန်းသိမ်း စောင့်ရှောက်ရေး
  • မျိုးချစ်စိတ်ဓာတ် ရှင်သန်ထက်မြက်ရေး
  • တစ်မျိုးသားလုံး ကျန်းမာ ကြံ့ခိုင်ရေး နှင့် ပညာရည် မြင့်မားရေး

အကျိုးသက်ရောက်မှုများ[ပြင်ဆင်ရန်]

နယက အုပ်ချုပ်နေသောကာလ ၁၉၈၈ မှ ၂၀၀၈ အနှစ်၂ဝအတွင်း မြန်မာနိုင်ငံသား ၄၇၀၅၇ ဦးသာ ပြည်ပနိုင်ငံများသို့ (တရားဝင်) ထွက်ခွာ သွားရောက် အလုပ်လုပ်ကိုင်နေကြပြီး သက်ဆိုင်ရာ နိုင်ငံများမှ ထုတ်ပြန်သည့် စာရင်းဇယားအရ ပြည်ပနိုင်ငံများတွင် (တရားမဝင်) အလုပ်လုပ်နေသော မြန်မာအလုပ်သမား နှစ်သန်းကျော် ရှိကြောင်း အစိုးရ သတင်းစာက ဖော်ပြထားသည်။

ကိုးကား[ပြင်ဆင်ရန်]