ခင်အောင်မြင့်၊ ဦး

ဝီကီပီးဒီးယား မှ
ဤနေရာသို့သွားရန် - အ​ညွှန်း​, ရှာဖွေရန်
ဦးခင်အောင်မြင့်
Khin Aung Myint Seenate of Poland 2015.JPG
အမျိုးသားလွှတ်တော် အမတ်
တာဝန်ထမ်းဆောင်ဆဲ
တာဝန် စတင်
၃ ဖေဖော်ဝါရီ ၂၀၁၆
မဲဆန္ဒနယ် မန္တလေးတိုင်းဒေသကြီး မဲဆန္ဒနယ် ၈
ပထမအကြိမ် အမျိုးသားလွှတ်တော် ဥက္ကဋ္ဌ
တာဝန်သက်တမ်း
၃၁ ဇန်နဝါရီ ၂၀၁၁ – ၂၉ ဇန်နဝါရီ ၂၀၁၆
လက်ထောက် ဦးမြငြိမ်း
ယခင်လူ ရာထူးစတင်
ဆက်ခံသူ မန်းဝင်းခိုင်သန်း
အမျိုးသားလွှတ်တော် အမတ်
တာဝန်သက်တမ်း
၃၁ ဇန်နဝါရီ ၂၀၁၁ – ၂၉ ဇန်နဝါရီ ၂၀၁၆
ဆက်ခံသူ ဦးမောင်မောင်ဆွေ
မဲဆန္ဒနယ် မန္တလေးတိုင်းဒေသကြီး မဲဆန္ဒနယ် ၉
ရမည်းသင်းမြို့နယ် နှင့် ပျော်ဘွယ်မြို့နယ်
ယဉ်ကျေးမှု ဝန်ကြီးဌာန ဝန်ကြီး
တာဝန်သက်တမ်း
၁၅ မေ ၂၀၀၆ – ၃၀ မတ် ၂၀၁၁
ယခင်လူ ဦးကြည်အောင်
ဆက်ခံသူ ဦးကျော်ဆန်း
ပြည်သူ့ဆက်ဆံရေးနှင့်စိတ်ဓာတ်စစ်ဆင်ရေး ညွှန်ကြားရေးမှူး
ကာကွယ်ရေး ဝန်ကြီးဌာန
ကိုယ်ရေး အချက်အလက်များ
မွေးဖွား ၁၉၄၆ (အသက် ၇၀–၇၁)[၁]
ပဲခူးတိုင်းဒေသကြီး၊ ပဲခူးမြို့၊ ဘုရားကလေးကျေးရွာ
လူမျိုး မြန်မာ
နိုင်ငံရေးပါတီ ပြည်ထောင်စုကြံ့ခိုင်ရေးနှင့် ဖွံ့ဖြိုးရေးပါတီ
ကြင်ဖော် ဒေါ်ခင်ပြုံး
စစ်မှုထမ်းခြင်း
သစ္စာခံနိုင်ငံ မြန်မာနိုင်ငံ
တပ်/တပ်ဖွဲ့ခွဲ တပ်မတော်
ရာထူး ဗိုလ်ချုပ်

ဦးခင်အောင်မြင့် သည် မြန်မာနိုင်ငံသား နိုင်ငံရေးသမားတစ်ဦးဖြစ်ပြီး အမျိုးသားလွှတ်တော် ဥက္ကဋ္ဌ အဖြစ် တာဝန်ယူခဲ့သူတစ်ဦး ဖြစ်သည်။[၂] ကာကွယ်ရေးဝန်ကြီးဌာန၊ ပြည်သူ့ဆက်ဆံရေးနှင့်စိတ်ဓာတ်စစ်ဆင်ရေး ညွှန်ကြားရေးမှူးအဖြစ် တာဝန်ထမ်းဆောင်ခဲ့ပြီး ၂၀၀၆ ခုနှစ်တွင် ယဉ်ကျေးမှု ဝန်ကြီးဌာန ဝန်ကြီးအဖြစ် ခန့်အပ်ခံခဲ့ရသည်။ မြန်မာနိုင်ငံ စစ်မှုထမ်းဟောင်းအဖွဲ့ ဗဟိုအဖွဲ့ကော်မတီ၏ အဖွဲ့ဝင်လည်း ဖြစ်သည်။[၃]

ဦးခင်အောင်မြင့်အား ၁၉၄၆ ခုနှစ်တွင် ပဲခူးတိုင်းဒေသကြီးပဲခူးမြို့၊ ဘုရားကလေးကျေးရွာ၌ မွေးဖွားခဲ့ပါသည်။ ၁၉၆၇ ခုနှစ်တွင် ရန်ကုန်တက္ကသိုလ် မှ ဝိဇ္ဇာဘွဲ့ကိုရရှိခဲ့ပြီး ၁၉၉၇ ခုနှစ်တွင် နိုင်ငံတော် ကာကွယ်ရေးတက္ကသိုလ်မှ Diploma in Defence and Security ကို ရရှိခဲ့ပါသည်။ တပ်မတော်တွင် တာဝန်ထမ်းဆောင်စဉ်ကာလအတွင်း ဘွဲ့တံဆိပ်ပေါင်း (၁၉) ခုကိုလည်းကောင်း၊ ၂၀၁၁ ခုနှစ်တွင် သီရိပျံချီဘွဲ့ကိုလည်းကောင်း နိုင်ငံတော်မှ ချီးမြှင့်ခဲ့သည်။[၄]

ဦးခင်အောင်မြင့်သည် ကာကွယ်ရေးဝန်ကြီးဌာနတွင် ၁၉၆၅ခုနှစ်မှ ၁၉၉၇ ခုနှစ်တိုင်အောင် ဒုတပ်မမှူးအဆင့်အထိ အဆင့် ဆင့်တာဝန်များ ထမ်းဆောင်ခဲ့ပြီး ၁၉၉၇ ခုနှစ်မှ ၂၀၀၆ ခုနှစ်အထိ ပြည်သူ့ဆက်ဆံရေးနှင့် စိတ်ဓာတ်စစ်ဆင်ရေး ညွှန်ကြားရေးမှူးရုံးတွင် ဗိုလ်ချုပ် ရာထူးအထိ ညွှန်ကြားရေးမှူးတာဝန်ကို ထမ်းဆောင်ခဲ့သည်။ ထို့နောက် ၂၀၀၆ ခုနှစ် ၂၀၁၀ ခုနှစ်အထိ ယဉ်ကျေးမှုဝန်ကြီးဌာန ဝန်ကြီးအဖြစ် တာဝန် ထမ်းဆောင်ခဲ့သည်။ ၂၀၀၆ ခုနှစ် အောက်တိုဘာလတွင် တပ်မတော်မှ ဗိုလ်ချုပ်အဆင့်ဖြင့် အငြိမ်းစားယူခဲ့သည်။ ဦးခင်အောင်မြင့်သည် ဇနီး၊ သား(၂) ဦး၊ မြေး (၃) ဦးတို့နှင့်အတူ နေပြည်တော်တွင် နေထိုင်လျက်ရှိသည်။[၄]

၂၀၁၆ ခုနှစ် မတ်လ ၁၀ ရက်နေ့တွင် ကျင်းပသော ဒုတိယအကြိမ် အမျိုးသားလွှတ်တော် အစည်းအဝေး တွင် အမျိုးသားလွှတ်တော်မှ တင်မြောက်သော ဒုတိယသမ္မတလောင်းအဖြစ် ပြည်ထောင်စုကြံ့ခိုင်ရေးနှင့် ဖွံ့ဖြိုးရေးပါတီမှ နေ၍ နာမည်စာရင်း တင်သွားခံရသောလည်း မတ်လ ၁၁ ရက်နေ့ ကျင်းပပြုလုပ်သော အစည်းအဝေးပွဲတွင် ပြိုင်ဘက် အမျိုးသားဒီမိုကရေစီ အဖွဲ့ချုပ်ပါတီမှ ဦးဟင်နရီ ဘန်ထီးယူ နှင့် မဲခွဲဆုံးဖြတ်ရာ ရှံးနိမ့်ခဲ့သည်။

ကိုးကား[ပြင်ဆင်ရန်]

  1. Hpyo Wai Tha။ "Corruption is Burma's Biggest Problem: Upper House Speaker"၊ The Irrawaddy၊ 26 March 2012။ 27 March 2012 တွင် ပြန်စစ်ပြီး 
  2. "Burma's parliament opens new session"၊ BBC News၊ 31 January 2011။ 27 March 2012 တွင် ပြန်စစ်ပြီး 
  3. Saw Yan Naing။ "Ceasefire Groups Pressured to Support National Convention"၊ The Irrawaddy၊ 27 November 2007။ 27 March 2012 တွင် ပြန်စစ်ပြီး 
  4. ၄.၀ ၄.၁ ပထမအကြိမ် အမျိုးသားလွှတ်တော်ဥက္ကဋ္ဌ ဦးခင်အောင်မြင့်။ အမျိုးသားလွှတ်တော် (၈ ဩဂုတ် ၂၀၁၄)။ ၁၁ မတ် ၂၀၁၆ တွင် ပြန်စစ်ပြီး။