မာတိကာသို့ ခုန်သွားရန်

တပ်မတော်စိန်ရတုနှစ်တံဆိပ်

ဝီကီပီးဒီးယား မှ
တပ်မတော်စိန်ရတုနှစ်တံဆိပ်
စိန်ရတုနှစ်တံဆိပ်ပုံ[၁]
နိုင်ငံတော်သမ္မတ မှ ချီးမြှင့်ခြင်း
အမျိုးအစားစစ်ဘက်ဆိုင်ရာ ဂုဏ်ပြုတံဆိပ်
တည်ထောင်ခဲ့၅ မတ် ၂၀၂၀ (၄ နှစ် အကြာက) (၂၀၂၀-၀၃-05)
နိုင်ငံ မြန်မာ
အရည်အချင်းပြည့်မီစာတွင်ရှု့
အချက်အလက်များ
ရရှိသူ စုစုပေါင်း၄၃၄၁၆[၂]

တာဝန်ချိန်တပ်ဆင်ရသော ဖဲကြိုးဘားတန်းပုံ[၁]

စိန်ရတုနှစ်တံဆိပ် သည် ၂၀၂၀ ပြည့်နှစ်၊ မတ်လ ၂၇ ရက်နေ့တွင်ကျရောက်သော (၇၅)နှစ်မြောက် စိန်ရတုတပ်မတော်နေ့ကို ဂုဏ်ပြုသောအားဖြင့် တပ်မတော်တွင် စစ်မှုထမ်းသက်(၂၅)နှစ်နှင့်အထက် ထမ်းဆောင်ခဲ့သော စစ်မှုထမ်းများအား ချီးမြှင့်သည့် တံဆိပ် ဖြစ်သည်။ “နိုင်ငံတော်သမ္မတရုံး၏ ၂၀၂၀ ပြည့်နှစ် မတ်လ ၅ ရက်နေ့စွဲပါ အမိန့်ကြော်ငြာစာအမှတ်၊ ၄၂/၂၀၂၀” ဖြင့် ထုတ်ပြန်ခဲ့သည့် “တပ်မတော်စိန်ရတုနှစ်တံဆိပ် ချီးမြှင့်အပ်နှင်းခြင်းဆိုင်ရာ ပြဋ္ဌာန်းချက်”ပါ အရည်အချင်းသတ်မှတ်ချက်များနှင့်ကိုက်ညီသူ အရာရှိ (၁၂၄၉)ဦး၊ စစ်သည် (၄၂၁၆၇)ဦး၊ စုစုပေါင်း (၄၃၄၁၆) ဦးအား တပ်မတော်စိန်ရတုနှစ်တံဆိပ်ကို ချီးမြှင့်ခဲ့သည်။[၁][၂]

ပြည့်စုံရမည့် အရည်အချင်းများ[ပြင်ဆင်ရန်]

အောက်ပါအရည်အချင်းများနှင့် ပြည့်စုံသူ တပ်မတော် (ကြည်း၊ ရေ၊ လေ) စစ်မှုထမ်းများကို ချီးမြှင့်ခြင်းဖြစ်သည်[၁] -

  1. ၂၀၂၀ ပြည့်နှစ်၊ မတ်လ ၂၇ ရက်နေ့တွင် ပြစ်မှုကင်းရှင်းစွာဖြင့် တာဝန်ထမ်းဆောင်လျက်ရှိသော စစ်မှုထမ်းဆဲများဖြစ်ခြင်း။
  2. ၂၀၂၀ ပြည့်နှစ်၊ မတ်လ ၂၇ ရက်နေ့တွင် စစ်မှုထမ်းသက် (၂၅) နှစ်အပြည့်ရှိခြင်း။
  3. တာဝန်ထမ်းဆောင်ခဲ့သည့်ကာလအတွင်း နိုင်ငံတော်၏ ကျေးဇူးသစ္စာကို စောင့်သိ၍ တာဝန်ကို ကျေပွန်စွာထမ်းဆောင်ခဲ့သူဖြစ်ခြင်း။
  4. အမှုထမ်းခဲ့သည့် ကာလအတွင်း ပြစ်မှုကင်းရှင်းသူများဖြစ်ခြင်း။

တံဆိပ်ပါအမှတ်အသားများ၏ အဓိပ္ပါယ်ဖော်ဆောင်ချက်များ[ပြင်ဆင်ရန်]

တံဆိပ်ပါ အမှတ်အသား တစ်ခုချင်းစီအတွက် အဓိပ္ပါယ်ဖော်ဆောင်ချက်များမှာ[၁] -

  1. အနား ၅ ဘက်ညီ ပဉ္စဂံပုံသည် တပ်မတော်၏ အခြေခံအရည်အချင်း ၅ ပါးကို ရည်ညွှန်းခြင်းဖြစ်သည်။
  2. သပြေခက်သည် အောင်မြင်ခြင်းအထိမ်းအမှတ်ကို ဖော်ညွှန်းခြင်းဖြစ်သည်။
  3. ကြယ်ငယ် ၇၅ လုံးသည် (၇၅) နှစ်မြောက် တပ်မတော်နေ့၊ စိန်ရတုနှစ်ကို ဖော်ညွှန်းခြင်းဖြစ်သည်။

ငွေကြေးချီးမြှင့်ခြင်း[ပြင်ဆင်ရန်]

တပ်မတော်စိန်ရတုနှစ်တံဆိပ် ချီးမြှင့်အပ်နှင်းခြင်းခံရသည့် စစ်မှုထမ်းများသည် တစ်လုံးတစ်ခဲတည်း ချီးမြှင့်ငွေ ကျပ် ၂၅၀၀၀၀/- (ကျပ်နှစ်သိန်းငါးသောင်းတိတိ) ကိုပါ ရရှိသည်။[၁]

ကိုးကား[ပြင်ဆင်ရန်]