ပြည်မင်း
| ပြည်မင်း | |||||
|---|---|---|---|---|---|
| ဘုရင် ပြည် မင်းသား | |||||
| နန်းသက် | ၃ ဇန်နဝါရီ ၁၆၆၂ – ၁၄ ဧပြီ ၁၆၇၂ | ||||
| နန်းတက်ချိန် | ၇ ဇန်နဝါရီ ၁၆၆၂ မြန်မာသက္ကရာဇ် ၁၀၂၃၊ တော်သလင်းလပြည့်၊ ဗုဒ္ဓဟူးနေ့[၁] | ||||
| ရှေ့မင်းဆက် | ပင်းတလဲမင်း | ||||
| ဆက်ခံသူ | နရာဝရ | ||||
| မွေးဖွား | ၂၆ မေ ၁၆၁၉ မြန်မာသက္ကရာဇ် ၉၈၁၊ နယုန်လဆန်း ၁၄ ရက်၊ တနင်္ဂနွေ[၂] | ||||
| ကွယ်လွန် | ၁၄ ဧပြီ၊ ၁၆၇၂ (အသက် ၅၂) မြန်မာသက္ကရာဇ် ၁၀၃၄ တန်ခူးလဆုတ် ၂ ရက်၊ ကြာသပတေး[၃] အင်းဝ | ||||
| ထာဝရ အိပ်စက်ရာ နေရာ | ၁၅ ဧပြီ ၁၆၇၂ အင်းဝနန်းတော် | ||||
| ကြင်ရာတော် | ခင်မလတ်[၄] | ||||
| သားသမီးများ | နရာဝရ အပါအဝင် သားတော် ၆ ဦးနှင့် သမီးတော် ၈ ဦး[၃] | ||||
| |||||
| စံအိမ် | တောင်ငူ | ||||
| ခမည်းတော် | သာလွန်မင်း | ||||
| မယ်တော် | ခင်မြတ်ဆက်[၂] | ||||
| ကိုးကွယ်မှု | ထေရဝါဒ ဗုဒ္ဓဘာသာ | ||||
ပြည်မင်း (၁၆ မေ ၁၆၁၉ – ၁၄ ဧပြီ ၁၆၇၂) သည် ၁၆၆၂ ခုနှစ်မှ ၁၆၇၂ ခုနှစ်အထိ တောင်ငူထီးနန်းကို စိုးစံခဲ့သူ ဖြစ်သည်။ ပြည်မင်းသည် သာလွန်မင်း၏ သားတော် ဖြစ်ပြီး နောင်တော် ပင်းတလဲမင်းကို ပုန်ကန်ကာ နန်းတက်ခဲ့သည်။ ထိုသို့ မပြုသင့်သည့် အမှုကို ပြုခဲ့သဖြင့် ပြေလည်ရာပြေလည်ကြောင်းအနေဖြင့် ဆရာတော်၊သံဃာတော်များကို နန်းတွင်းသို့ပင့်ဖိတ်ကာ မိမိဆန္ဒအလျောက် ပြုကျင့်ခြင်းမဟုတ်ကြောင်း၊ အမှူးအမတ်တို့၏ ဆန္ဒအရသာဖြစ်ကြောင်း လျှောက်တင်လေသည်။ ဆရာတော်အများက ချီးပ ပြီး ပြောဆိုကြသော်လည်း၊ မြောက်နန်းကျောင်းဆရာတော်ကမူ "ယခု ဒကာတော် လျှောက်ထားသည်မှာ ငါတို့အရာမဟုတ်၊ ညီတော်နောင်တော်နှစ်ပါး ဟုတ်မဟုတ်ကို အောက်ကိုရောက်မှပဲ ငြင်းကြခုန်ကြပေရော့"ဟု မိန့်တော်မူလေသည်။ သို့သော် ပြည်မင်း၏တောင်းပန် မှုကြောင့် ဆရာတော်လည်း ရာဇဝင်ချုပ် တစ်စောင်ရေးသားစီရင်တော်မူခဲ့လေသည်။
ထိုမင်းလက်ထက်တွင် နာမည်ကျော် နန်းစဉ်ရတနာဖြစ်သည့် ပတ္တမြားငမောက်ကို ရှာဖွေတွေ့ရှိပြီး နန်းတွင်းသို့ ဆက်သလာလေသည်။ သို့သော် နောင်တွင် ငမောက်သည် မိမိအား ပတ္တမြားကို အပြည့်အဝ မဆက်သကြောင်းသိလျှင် ဆွေမျိုးများနှင့် တကွသတ်စေသည်။ နန်းသက် ၁၀ နှစ်အရောက်တွင် နတ်ရွာစံသဖြင့် သားတော် နရာဝရ အင်းဝနန်းကို ဆက်ခံသည်။
မိဖုရား၊ ကိုယ်လုပ်နှင့် သားသမီးများ
[ပြင်ဆင်ရန်]* မိဖုရားခေါင်ခင်မလတ်တွင် ဥပရာဇာမင်းရဲကျော်စွာသမီး [၅]
** သမီးတော် ပဒုမပဘာ ငါးနှစ်တွင် ကျောက် ပေါက်၍ လွန်သည် တစ်။
** မောင်တော် နရာဝရ၊ ခမည်းတော်တွင် အိမ်ရှေ့နေ၍ မင်းဖြစ်သည် တစ်။
** နှမတော် ရုစိရပဘာ တစ်။
** ညီမတော် ငယ်ကလွန် တစ်။ ပေါင်း လေးပါးတည်း။
ကိုယ်လုပ်တော်
* ဝရာကတော် ခင်ညီတွင်
** သားတော် မြင်ကွန်း စား သီရိစံဖြိုး တစ်။ ။
* သီရိဓမ္မရတ်သမီး ခင်မိတွင် မြင်သည့်
** သမီးတော် အဉ္စန တစ်၊ မျောက် သားတော်ကား ငစည့်ကူးစား မင်းရဲရန္တသူတည်း။
** မောင်တော်ပြင်စည်စား နေမျိုးဖုန်းကျော်- တစ်။ သားတော် လက်ထက် မင်းရဲနရာ အမည် / နှင့် ပြည်ဝန်ခန့်ရာမှာ မသင့်မတင့် ကျင့်သည်ဟု ရေမှာ ဖျောက်လေသည်။ ပေါင်း နှစ်ပါးတည်း။ ။
* မြစ်ကိုင်းကတော် ခင်စိုးမင်းတွင် (မြင်သည့်
** သမီးတော်) သီရိဖုန်းဖြိုး တစ်။
** ညီမတော် သီရိဖုန်းမြတ် တစ်။ ပေါင်း နှစ်ပါးတည်း။ ။
* ငမြာကြီးစား ခင်သူဇာတွင် (မြင်သည့်)
** သမီးတော် ပဉ္စကလျာ တစ်။
** မောင်တော် မောင်ဖုန်းခိုင် တစ်။ နောက် မြင်ကွန်းကို စားသည်။ နောက် မင်းရဲနရာ အမည်နှင့် သန်လျင်ကို ဝန်ပြုရသည်။ နောက် မင်းရဲရန်နောင် ခံသည်။ ပေါင်း နှစ်ပါးတည်း။ ။
* တုရင်ရာဇာသမီး ခင်ထွန်းစံတွင်
** သားတော် ရှင်နန်းတက် သခင်ဖြူ ဟူ၍လည်း ခေါ်ကြသည်။ နောက်(ကို) မင်းရဲရန်နောင် အမည်နှင့် ပြည်မြို့ကို ဝန် ခန့်သည်။
* ။ ခင်စံဖြိုးတွင်
** ရှင်ကြောင်ဖြူ တစ်။ နောက် မြဝတီကို စား၍ စလင်းကို ဝန်ပြု ရသည်။ ။
* ခင်လှစံတွင်
** သမီးတော် သီရိပဘာ တဆဲ့ခုနစ်နှစ်တွင် လွန်သည်။ ။
* သဘင်တော် သည်တွင်
** သားတော် သီဟရဲကျော် တစ်။ နဝင်းချောင်းကူးတွင် ရေနစ်၍ လွန်သည်။ ။
မိဖုရားနှင့်ကိုယ်လုပ်တော်တို့တွင် သားတော် ခုနှစ်၊ သမီးတော် ရှစ်၊ ပေါင်း တဆဲ့ငါးပါးတည်း။
ကိုးကား
[ပြင်ဆင်ရန်]- မင်း၁၀ပါးရာဇဝင်-ဒေါက်တာမတင်ဝင်း
- နှစ် ၆၀ဝ ပြည့်အင်းဝ-ရွှေကိုင်းသား