တောင်ကမ္ဘာလုံးခြမ်း

ဝီကီပီးဒီးယား မှ
Jump to navigation Jump to search
အပိုလို ၁၇ မှမြင်တွေ့ရသော ကမ္ဘာ၏ဓာတ်ပုံ
တောင်ကမ္ဘာလုံးခြမ်း ကို အဝါရောင်ခြယ်ပြထားသည်။ (အန္တာတိက အားဖော်ပြမထား)
တောင်ဝင်ရိုးစွန်းအထက်မှ မြင်ရသော တောင်ကမ္ဘာလုံးခြမ်း

တောင်ကမ္ဘာလုံးခြမ်း ဆိုသည်မှာ အီကွေတာမှ တောင်ဖက် ကမ္ဘာတစ်ခြမ်းကို ဆိုလိုသည်။ တောင်ကမ္ဘာလုံးခြမ်းတွင် တိုက်ကြီးငါးတိုက် (အန္တာတိကဩစတြေးလျတောင်အမေရိက ၏ တစ်ဆယ်ပုံကိုးပုံ၊ အာဖရိက ၏ သုံးပုံတစ်ပုံ(တောင်ဖက်အခြမ်း)၊ အာရှ၏ တောင်ဖက် ကျွန်းစုအချို့)[၁]သမုဒ္ဒရာ လေးခု (အိန္ဒိယသမုဒ္ဒရာတောင်အတ္တလန္တိတ်သမုဒ္ဒရာတောင်ပိုင်း သမုဒ္ဒရာတောင်ပစိဖိတ်သမုဒ္ဒရာ)နှင့် အိုရှန်းနီးယားဒေသအများစု ပါဝင်သည်။

ကမ္ဘာသည် တိမ်းစောင်း၍ လည်ပတ်နေခြင်းကြောင့် တောင်ကမ္ဘာလုံးခြမ်းဒေသတွင် နွေရာသီမှာ ဒီဇင်ဘာလမှ မတ်လ အထိဖြစ်ပြီး၊ ဆောင်းရာသီမှာ ဇွန်လမှ စက်တင်ဘာလအထိ ဖြစ်သည်။ နေ့တာနှင့်ညတာ ညီမျှသောရက်များမှာ နွေဦးကာလအတွက် စက်တင်ဘာလ ၂၂ သို့ ၂၃ ရက်ဖြစ်ပြီး ဆောင်းဦးအတွက် မတ်လ ၂၀ သို့ ၂၁ ရက်ဖြစ်သည်။

ရာသီဥတု[ပြင်ဆင်ရန်]

ဩစတြေးလျနိုင်ငံ၊ ဗစ်တိုးရီးယားပြည်နယ်ရှိ အန်းထရန့်ရေအိုင်၏ မြောက်ဖက် ကီလိုမီတာ ၁၀၀ ခန့်ရှိ ဆွစ်ဖ်ချောင်းငယ်၏ ညကောင်းကင်တွင် ဖြစ်ပေါ်နေသော အော်ရိုရာ
နယူးဇီလန်နိုင်ငံ၊ တောင်ကျွန်း၏ တောင်ဖက်ထိပ်ရှိ စတီးဝပ်ကျွန်းတွင် တွေ့မြင်ရသော အော်ရိုရာ

တောင်ကမ္ဘာလုံးခြမ်း၏ ရာသီဥတုမှာ ဆင်တူလတ္တီတွဒ်ဒေသများတွင် ယေဘုယျအားဖြင့် မြောက်ကမ္ဘာလုံးခြမ်းနှင့်စာလျှင် အနည်းငယ် လျော့နည်းသည်။ သို့သော် အန္တာတိကဒေသမှာ အာတိတ်ဒေသထက် အအေးပိုသည်။ အဘယ့်ကြောင့်ဆိုသော် တောင်ကမ္ဘာလုံးခြမ်းဖက်တွင် သမုဒ္ဒရာပိုများပြီး ကုန်းမြေဒေသနည်းသောကြောင့် ဖြစ်သည်။

တောင်ကမ္ဘာလုံးခြမ်းတွင် နေသည် အရှေ့မှ အနောက်သို့ မြောက်ဖက်အရပ်မှ ဖြတ်သန်းသော်လည်း တောင်ယဉ်စွန်းတန်း၏ မြောက်အရပ်တွင် မွန်းတည့်နေသည် ဦးခေါင်းအထက်တည့်တည့် သို့မဟုတ် တောင်စူးစူး၌ ရှိသည်။ မြောက်ကမ္ဘာလုံးခြမ်းတွင် ဆိုင်ကလုံးမုန်တိုင်းများနှင့် အပူပိုင်းမုန်တိုင်းများမှာ လက်ဝဲရစ် လည်ပတ်တိုက်ခတ်သော်လည်း တောင်ကမ္ဘာလုံးခြမ်းတွင်မူ ကိုရီယိုလစ်အကျိုးဆက်ကြောင့် လက်ယာရစ်အတိုင်း လည်ပတ်တိုက်ခတ်ကြသည်။[၂]

တောင်ကမ္ဘာလုံးခြမ်း၏ တစ်စိတ်တစ်ပိုင်းဖြစ်သော တောင်သမပိုင်းဇုန်တည်ရှိရာသည် သမုဒ္ဒရာဒေသအများစုတွင် ဖြစ်သည်။ တောင်သမပိုင်းဇုန်တွင် ဥရုဂွေးလီဆိုသိုဆွာဇီလန်နှင့် နယူးဇီလန် ဒေသများအားလုံး၊ ချီလီအာဂျင်တီးနားတောင်အာဖရိကနှင့် ဩစတြေးလျနိုင်ငံများ၏ ဒေသအများစုနှင့်၊ ပါရာဂွေးဘရာဇီးနမီးဘီးယားဘော့ဆွာနာမိုဇမ်ဘစ်မဒါဂတ်စကားနိုင်ငံများ၏ တစ်စိတ်တစ်ပိုင်းတို့ ပါဝင်သည်။

ပါဝင်သည့်တိုက်များနှင့် နိုင်ငံများ[ပြင်ဆင်ရန်]

တိုက်ကြီးများနှင့် တိုက်ငယ်လေးများ[ပြင်ဆင်ရန်]


နိုင်ငံများနှင့် နယ်မြေဒေသများ[ပြင်ဆင်ရန်]

အာဖရိက
အားလုံး
အများစု
တစ်စိတ်တစ်ပိုင်း
အာရှ
အားလုံး
အများစု
တစ်စိတ်တစ်ပိုင်း
ဩစတြေးလျ
အားလုံး
တောင်အမေရိက
အားလုံး
အများစု
တစ်စိတ်တစ်ပိုင်း
အိန္ဒိယသမုဒ္ဒရာ
အားလုံး
တောင်အတ္တလန္တိတ်သမုဒ္ဒရာ
အားလုံး
တောင်ပိုင်းသမုဒ္ဒရာ
အားလုံး
တောင်ပစိဖိတ်သမုဒ္ဒရာ
အားလုံး
တစ်စိတ်တစ်ပိုင်း

ကိုးကား[ပြင်ဆင်ရန်]

  1. Hemisphere Map။ WorldAtlas။ ၁၃ ဇွန် ၂၀၁၄ တွင် ပြန်စစ်ပြီး။
  2. Surface Ocean Currents။ National Oceanic and Atmospheric Administration။ ၁၃ ဇွန် ၂၀၁၄ တွင် ပြန်စစ်ပြီး။