ဂါဘွန်နိုင်ငံ

Wikipedia မှ
ဤနေရာသို့သွားရန် - အ​ညွှန်း​, ရှာ​ဖွေ​ရန်​
ဂါဘွန် သမ္မတနိုင်ငံ
Gabonese Republic
République Gabonaise
Flag of Gabon.svg Coat of arms of Gabon.svg
နိုင်ငံတော်အလံ နိုင်ငံတော်အမှတ်တံဆိပ်
နိုင်ငံတော်သီချင်း - The Concord
ပထဝီ
Gabon (orthographic projection).svg
မြို့တော် လစ်ဗာဗီးလ်မြို့
အကြီးဆုံးမြို့ မြို့တော်
ဧရိယာ
  • ဧရိယာ - ၁၀၃,၃၄၇ စတုရန်းမိုင် (၂၆၇,၆၆၇ km 2) (အဆင့်: ၇၆)
  • ရေဖုံးလွှမ်းမှု - ၃.၇၆%
စံတော်ချိန်ဇုန် UTC +၁
လူနေမှု
ရုံးသုံးဘာသာများ ပြင်သစ်ဘာသာ
လူဦးရေ
နိုင်ငံရေး
အမျိုးအစား သမ္မတ အစိုးရ
အစိုးရခေါင်းဆောင်များ
  • သမ္မတ - အလီ ဘွန်ဂို အွန်ဒင်မ်ဘာ
  • ဝန်ကြီးချုပ် - Daniel Ona Ondo
ထူထောင်မှု
  • လွတ်လပ်ရေး (ပြင်သစ်မှ) - ဩဂုတ် ၁၇၊ ၁၉၆၀
စီးပွားရေး
GDP(PPP) $၃၂.၆၈၂ ဘီလီယံ[၂] (အဆင့် - )
GDP(PPP) $၂၀,၆၁၂[၂] (အဆင့် - )
HDI ၀.၆၇၄ [၃] (အဆင့် - ၁၁၂)
ငွေ အလယ်အာဖရိက ဖရန့်
နိုင်ငံတော်အထိမ်းအမှတ်နှင့် သင်္ကေတများ
CCLTD .ga
Calling code +၂၄၁


ဂါဘွန်နိုင်ငံသည် အာဖရိကအလယ်ပိုင်း အနောက်ဘက်တွင် ရှိသော နိုင်ငံတစ်နိုင်ငံဖြစ်သည်။ အနောက်မြောက်ဘက်တွင် အီကွေတာဂီနီနိုင်ငံ၊ မြောက်ဘက်တွင် ကင်မရွန်းနိုင်ငံ၊ အရှေ့ဘက်နှင့် မြောက်ဘက်တွင် ကွန်ဂိုသမ္မတနိုင်ငံတို့နှင့် နယ်နိမိတ်ခြင်း ထိစပ်လျှက် ရှိသည်။ အတ္တလန္တိတ် သမုဒ္ဒရာ၏ တစိတ်တဒေသဖြစ်သော ဂီနီပင်လယ်ကွေ့သည် အနောက်ဘက်တွင် တည်ရှိသည်။ အကျယ်အဝန်းမှာ ၂၇၀,၀၀၀ စတုရန်းကီလိုမီတာ ရှိပြီး ခန့်မှန်းခြေ လူဦးရေမှာ ၁သန်းခွဲခန့် ရှိသည်။ မြို့တော်နှင့် အကြီးဆုံးမြို့မှာ လစ်ဗရီဗေးလ်မြို့ ဖြစ်သည်။

ဂါဗွန်သမ္မတနိုင်ငံသည် ၁၉၆ဝ ပြည့်နှစ် ဩဂုတ်လ ၁၇ရက်နေ့တွင်လွတ်လပ်သော သမ္မတနိုင်ငံ ဖြစ်လာသည်။

ဂါဗွန်သမ္မတနိုင်ငံသည် အာဖရိကတိုက် အနောက်ဘက် ကမ်းတွင် အီကွေတာကို ခွလျက် တည်ရှိသည်။ မြောက်ဘက် တွင် ကမ္မရွန်းနိုင်ငံ၊ အရှေ့ဘက်နှင့် တောင်ဘက်တွင် ကွန်ဂို သမ္မတနိုင်ငံနှင့် အနောက်ဘက်တွင် အတ္တလန္တိတ်သမုဒ္ဒရာတို့ တည်ရှိကြသည်။

ဂါဗွန်သမ္မတနိုင်ငံ၏ အကျယ်အဝန်းမှာ စတုရန်းမိုင် ၁ဝ၂,၃၁၇ ရှိပြီး ၁၉၇၆ ခုနှစ် သန်းခေါင်စာရင်းအရ လူဦးရေ ၅၃ဝဝဝဝ ခန့်ရှိသည်။ ဂါဗွန်သည် ပြင်သစ် အီကွေတာ အာဖရိက နယ်လေးခုအနက် အတိုးတက်ဆုံးနိုင်ငံ ဖြစ်သည်။ မြို့တော်မှာ ရီလစ်ဗရီဗီမြို့ ဖြစ်သည်။

ဂါဗွန် သမ္မတနိုင်ငံသည် သစ်တောထူထပ်၍ သစ်လုပ်ငန်း တွင် အာဖရိကတိုက်၌ နာမည်ကျော်ကြားသောနိုင်ငံ ဖြစ်သည်။ အဖိုးတန်သစ်များ ထွက်ရှိသည့်အပြင် မန်းဂနိ၊ ယူရေနီယံနှင့် ရေနံတို့ ထွက်ရှိပြီး နိုင်ငံခြားသို့ တင်ပို့ ရောင်းချသည်။ သီးနှံ စိုက်ပျိုးရေးတွင် ကိုကိုး၊ စပါး၊ ငှက်ပျောနှင့် ဆီအုန်းပင်များကို အများအပြား စိုက်ပျိုး၍ ပြည်ပသို့ တင်ပို့ ရောင်းချနိုင်ခဲ့သည်။ ပြည်တွင်း သွင်းကုန်ထက် ပြည်ပသို့ ကုန်ပိုမိုတင်ပို့နိုင်၍ နိုင်ငံစီးပွားရေး အခြေအနေ ကောင်းမွန်လျက် ရှိသည်။

ဂါဗွန်နိုင်ငံသို့ ၁၄၇ဝ ပြည့်နှစ်လောက်မှ အစပြု၍ ဥရောပတိုက်သားများ ရောက်ရှိ အခြေစိုက်ခဲ့ကြသည်။ ပထမတွင် ပေါ်တူဂီလူမျိုးများ ရောက်ရှိခဲ့ကြပြီး နောက်ပိုင်း တွင် ဒပ်ချနှင့် ပြင်သစ်လူမျိုးများ ရောက်ရှိခဲ့ကြသည်။ ၁၈၈၄-၈၅ ခုနှစ် ဘာလင်မြို့၌ ကျင်းပသော ဥရောပတိုက် နိုင်ငံကြီးများ ကွန်ဖရင့်ကဂါဗွန်ကို ပြင်သစ်ပိုင်နယ်ပယ်အဖြစ် အသိအမှတ်ပြုခဲ့သည်။

၁၉၈၅ ခုနှစ် နိုင်ဝင်ဘာလ ၂၈ ရက်နေ့တွင် ပြင်သစ် လူမျိုးစု သဟာယအဖွဲ့ဝင် ကိုယ်ပိုင်အုပ်ချုပ်ရေး ရှိသောနိုင်ငံ ဖြစ်လာသည်။ ၁၉၆ဝ ပြည့်နှစ် ဩဂုတ်လ ၁၇ ရက်နေ့တွင်မူ လွတ်လပ်သော ဂါဗွန်သမ္မတ နိုင်ငံအဖြစ် ကြေငြာခဲ့သည်။ ထို နှစ်အတွင်းတွင်ပင် ကုလသမဂ္ဂ အဖွဲ့ဝင်အဖြစ် အသိအမှတ် ပြုခြင်း ခံခဲ့ရသည်။ လက်ရှိသမ္မတအွမ္မဗွန်ဂိုသည် နိုင်ငံတွင်း တစ်ပါတီစနစ်ကို ကျင့်သုံးသည်။ ဗွန်ဂိုသည် ၁၉၆၇ ခုနှစ်တွင် ကွယ်လွန်သူ သမ္မတလီယွန်အမ်ဗာကို ဆက်ခံသူဖြစ်သည်။

နိုဗဲဆုရ ဒေါက်တာ ရွိုက်ဇာသည် ၁၉၁၃ ခုနှစ်မှစ၍ ဂါဗွန် နိုင်ငံ၊ လမ်ဗာရိန်းမြို့၌ ကုဋ္ဌရောဂါသည်များအတွက် ဆေးရုံကို တည်ဆောက်ခဲ့လေသည်။

[၄]

ကိုးကား[ပြင်​ဆင်​ရန်​]

  1. Department of Economic and Social Affairs Population Division (2009). "World Population Prospects, Table A.1" (PDF). United Nations. Retrieved on 2009-03-12. 
  2. ၂.၀ ၂.၁ Gabon။ International Monetary Fund။ April 20, 2014 တွင် ပြန်စစ်ပြီး။
  3. 2014 Human Development Report Summary 21–25။ United Nations Development Programme (2014)။ July 27, 2014 တွင် ပြန်စစ်ပြီး။
  4. မြန်မာ့စွယ်စုံကျမ်း၊ အတွဲ(၃)