တစ်စီးရှင် သီဟသူ
| သီဟသူ | |
|---|---|
| မြင်စိုင်း–ပင်းယ ဘုရင် | |
| နန်းသက် | ၇ ဖေဖော်ဝါရီ ၁၃၁၃ – ဖေဖော်ဝါရီ ၁၃၂၅ |
| နန်းတက်ချိန် | ၇ ဖေဖော်ဝါရီ ၁၃၁၃ |
| ဆက်ခံသူ | ဥဇနာ (ပင်းယဘုရင် အဖြစ်) စောယွန်း (စစ်ကိုင်းဘုရင် အဖြစ်) |
| နန်းသက် | ၁၇ ဒီဇင်ဘာ ၁၂၉၇ – ၇ ဖေဖော်ဝါရီ ၁၃၁၃ |
| နန်းတက်ချိန် | ၂၀ အောက်တိုဘာ ၁၃၀၉ |
| ရှေ့မင်းဆက် | စတင်တည်ထောင် |
| နောက်မင်းဆက် | himself (as King of Myinsaing–Pinya) |
| ပင်လယ်မြို့စား | |
| နန်းသက် | ၁၉ ဖေဖော်ဝါရီ ၁၂၉၃ – ၁၇ ဒီဇင်ဘာ ၁၂၉၇ |
| ရှေ့မင်းဆက် | စတင်တည်ထောင် |
| နောက်မင်းဆက် | ငါးစီးရှင် ကျော်စွာ (as Governor) |
| မွေးဖွား | ၁၂၆၅ မြန်မာသက္ကရာဇ် ၆၂၇၊ တနင်္လာ မြင်စိုင်း |
| ကွယ်လွန် | c. ဖေဖော်ဝါရီ ၁၃၂၅ (အသက် ၅၉) မြန်မာသက္ကရာဇ် ၆၈၆ ပင်းယ |
| ကြင်ရာတော် | မိစောဦး ရတနာပုံ |
| သားသမီးများ | ဥဇနာ (stepson; adopted) တရဖျားကြီး (stepson) စောယွန်း ကျော်စွာ နော်ရထာ စောပုလဲ |
| စံအိမ် | မြင်စိုင်း |
| ခမည်းတော် | သိင်္ခဗိုလ် |
| မယ်တော် | အသည်သမီး |
| ကိုးကွယ်မှု | ထေရဝါဒ ဗုဒ္ဓဘာသာ |
တစ်စီးရှင် သီဟသူ (၁၂၆၅–၁၃၂၅) သည် ပင်းယမြို့တည် ဘုရင်တစ်ပါးဖြစ်သည်။
ပုဂံကို မွန်ဂိုတို့တိုက်ခိုက်ဖျက်ဆီးကာ အပြန်တွင် ကျော်စွာအား ပုဂံမင်းအဖြစ်နန်းတင်ခဲ့ကြသည်။ သို့သော် အမှန်တကယ်အင်အားကြီးနေခဲ့ကြသူများမှာ ကျောက်ဆည် နှင့် လယ်တွင်းနယ်များကို အုပ်စီးမိနေသည့် အသင်္ခယာ၊ ရာဇသင်္ကြံ နှင့် သီဟသူ တို့ မင်းညီနောင်သုံးဦးဖြစ်သည်။ ပုဂံမင်းကျော်စွာအား နန်းချကာ မိမိတို့ ဩဇာခံဖြစ်သည့် စောနစ်ကို နန်းတင်သည်။ ထိုနောက် မက္ခရာ၊ မြင်စိုင်း နှင့် ပင်လယ်တို့တွင် အသီးသီး မင်းလုပ်အုပ်ချုပ်ခဲ့ကြသည်။ အဆုံးတွင် အငယ်ဆုံးဖြစ်သည့် ပင်လယ်မင်း သီဟသူက နောင်တော်များကို လုပ်ကြံကာ ၁၃၁၃ ခုနှစ် တွင် ပင်းယနန်းတည်၍ မင်းပြုအုပ်ချုပ်သည်။ ဆင်ဖြူအသေတစ်စီးမျောလာသည်ကို ဆယ်ယူစေပြီး ဆင်ကတင်ကာ ဆင်ဖြူရှင်ဘွဲ့ခံသဖြင့် သမိုင်းတွင် "တစ်စီးရှင်သီဟသူ" အဖြစ်လည်းကောင်း၊ ပင်းယမြို့တည်သီဟသူ အဖြစ်လည်းကောင်း ကျော်ကြားပေသည်။ ရံဖန်ရံခါ သီဟသူရ ဟူသောဘွဲ့ဖြင့်လည်း တွေ့ရတတ်သည်။
ပင်းယတွင် မြို့မတည်မီ အင်းဝနေရာတွင် မြို့တည်ရန် သုံးကြိမ်တိုင်တိုင် ကြိုးပမ်းသော်လည်း မအောင်မြင်ခဲ့ပေ။ ပင်းယတည်ပြီးနောက် သုံးနှစ်အကြာတွင် သားတော်တစ်ပါးဖြစ်သည့် အသင်္ခယာ စောယွန်းကို စစ်ကိုင်းမြို့တည်ပေးပြီး မင်းအဖြစ်အုပ်ချုပ်စေသည်။ သီဟသူလွန်လျှင် သားဖြစ်သူ ဥဇနာက ပင်းယနန်းကို ဆက်ခံသည်။
ဆင်ဖြူရှင် ခံခြင်း
[ပြင်ဆင်ရန်]သက္ကရာဇ် ၆၇၆ ခုတွင် စမုန်မြစ်တွင် ဆင်ဖြူသေမျောလာရာ ငမွဲဥယျာဉ်၌ ဆယ်ထား၍ ပညာရှိတို့နှင့်တိုင်ပင်ကာ ညှပ်လုပ်၍ ရတနာကတင်ပြီး ဆင်ဖြူရှင် ခံသည်။ သို့ဖြင့် တစီးရှင် တွင်၏။ [၁]
ကြင်ဘက်များ
[ပြင်ဆင်ရန်]တောင်နန်းမိဘုရား ဘွားစော
[ပြင်ဆင်ရန်]နရသီဟပတေ့၏ မိဘုရားငယ်တွင် မြင်သော မိစောဦးကို ဘွားစောအမည်နှင့် ကျော်စွာ မိဘုရားမြှောက်သည်။ ကျော်စွာ နန်းကျသည့်နောက် ထိုအမည်နှင့်ပင် မိဘုရားအရာ ဆက်ထားသည်။ မြင်သည့် သား ၃ ယောက်မှာ -
- ဥစ္စနာ (ဥဇနာဟု အတိုရေးလေ့ရှိ) (ကျော်စွာနှင့်ရကာ ပဋိသန္ဓေ ၃-လပါလာကာ မြင်သည့် မယားပါသား)
- ကျော်စွာ
- နော်ရထာ
မြောက်နန်းမိဘုရား ရတနာပုံ
[ပြင်ဆင်ရန်]လင်းယဉ်ရွာနေ သားတယောက်အမေ မုဆိုးမကို ပင်လယ်၌တွေ့စဉ် မိဘုရားမြှောက်သည်။ သမီး စောပုလဲကို မြင်မှ ရတနာပုံအမည်နှင့် မြောက်နန်းတင်သည်။ သားသမီး ၃ ယောက်မှာ -
- တရဖျား (မယားပါသား)
- အသင်္ခယာ (အမည်ရင်း စောယွမ်း)
- စောပုလဲ
ကိုးကား
[ပြင်ဆင်ရန်]- ↑ မှန်နန်း မဟာရာဇဝင်