ဝင်းခိုင်

ဦးဝင်းခိုင်
လျှပ်စစ်နှင့်စွမ်းအင်ဝန်ကြီးဌာန ဝန်ကြီး
တာဝန်သက်တမ်း ၂ ဩဂုတ် ၂၀၁၇ – ၁ ​ဖေ​ဖော်ဝါရီ ၂၀၂၁
သမ္မတ	ဦးထင်ကျော် ဦးဝင်းမြင့်
လက်ထောက်	ဒေါက်တာထွန်းနိုင်
ယခင်လူ	ဦးဖေဇင်ထွန်း
ဆက်ခံသူ	ဦး​အောင်သန်းဦး
ဆောက်လုပ်ရေး ဝန်ကြီးဌာန ဝန်ကြီး
တာဝန်သက်တမ်း ၃၀ မတ် ၂၀၁၆ – ၁၅ ဇန်နဝါရီ ၂၀၁၈
ယခင်လူ	ဦးကျော်လွင်
ဆက်ခံသူ	ဦးဟန်ဇော်
ကိုယ်ရေး အချက်အလက်များ
မွေးဖွား	(၁၉၅၀--၁၃)ဒီဇင်ဘာ ၁၃၊ ၁၉၅၀ ရန်ကုန်မြို့
ကွယ်လွန်	နိုဝင်ဘာ ၈၊ ၂၀၂၄(၂၀၂၄--0၈) (အသက် ၇၃) မန္တလေးဆေးရုံကြီး၊အထူးကြပ်မတ်ကုသဆောင်
လူမျိုး	မြန်မာ
ကြင်ဖော်(များ)	ဒေါ်လှလှမူ
သားသမီး	ကြည်မွန်ခိုင်၊ ပွင့်ထူးခိုင်
မိဘ	ဦးအေးမောင်၊ ဒေါ်သင်သင်
ပညာရေး	B.E(Mechanical)
ကိုးကွယ်သည့်ဘာသာ	ဗုဒ္ဓဘာသာ

ဦးဝင်းခိုင် (၁၃ ဒီဇင်ဘာ ၁၉၅၀-၈ နိုဝင်ဘာ ၂၀၂၄) သည် မြန်မာနိုင်ငံ လျှပ်စစ်နှင့်စွမ်းအင်ဝန်ကြီးဌာန၏ ပြည်ထောင်စုဝန်ကြီးအဖြစ် တာဝန်ထမ်းဆောင်ခဲ့သူ ဖြစ်သည်။

ဦးဝင်းခိုင်သည် နိုင်ငံတော်သမ္မတ ဦးထင်ကျော်၏ အစိုးရအဖွဲ့တွင် ဆောက်လုပ်ရေး ဝန်ကြီးဌာန ပြည်ထောင်စုဝန်ကြီးအဖြစ် စတင်ခန့်အပ်ခြင်း ခံရသည်။ ၂၀၁၇ ခုနှစ် ဩဂုတ်လ ၂ ရက်နေ့တွင် လျှပ်စစ်နှင့်စွမ်းအင်ဝန်ကြီးဌာန ပြည်ထောင်စုဝန်ကြီး ဦးဖေဇင်ထွန်းက ၎င်း၏ သဘောဆန္ဒအရ ရာထူးမှ နုတ်ထွက်ခဲ့သဖြင့် ဦးဝင်းခိုင်က လျှပ်စစ်နှင့်စွမ်းအင်ဝန်ကြီးဌာန ဝန်ကြီးအဖြစ် ပူးတွဲ တာဝန်ယူခဲ့သည်။ ၂၀၁၈ ခုနှစ် ဇန်နဝါရီလ ၁၅ ရက်နေ့တွင် ဆောက်လုပ်ရေးဝန်ကြီးဌာန နှင့် လျှပ်စစ်နှင့် စွမ်းအင်ဝန်ကြီးဌာန ပြည်ထောင်စုဝန်ကြီး ဦးဝင်းခိုင် ကို လျှပ်စစ်နှင့်စွမ်းအင်ဝန်ကြီးဌာန ပြည်ထောင်စု ဝန်ကြီးအဖြစ် ပြောင်းလဲတာဝန်ပေးခဲ့သည်။

အစောပိုင်းဘဝနှင့် မိသားစု

ဦးဝင်းခိုင်ကို ဖခင်ဦးအေးမောင်နှင့် မိခင် ဒေါ်သင်သင်တို့က ၁၉၅၀ ခုနှစ် ဒီဇင်ဘာလ ၁၃ ရက်နေ့တွင် ရန်ကုန်မြို့၌ မွေးဖွားခဲ့သည်။ ဦးဝင်းခိုင်သည် ဒေါ်လှလှမူနှင့် လက်ထပ်ခဲ့ပြီး သမီးနှစ်ဦး ရှိသည်။

ဖမ်းဆီးခံရခြင်း

၂၀၂၁ ဖေဖော်ဝါရီ မြန်မာနိုင်ငံစစ်အာဏာသိမ်းချိန် တွင် အခြားသော NLDပါတီ ဝန်ကြီးများနှင့်အတူ ၎င်းလည်း ဖမ်းဆီးထိန်းသိမ်းခံရသည်။စစ်ကောင်စီ က ၂၀၂၁ ခုနှစ် ဒီဇင်ဘာ ၈ရက်နေ့တွင် အထက်ရဲရွာရေအား လျှပ်စစ်စီမံကိန်းမှ ရေသွယ်ဥမင်ဖောက်လုပ်ခြင်းလုပ်ငန်း နှင့် ထားဝယ်ဒေသ လျှပ်စစ်ထုတ်လုပ်ရေးလုပ်ငန်းများနှင့် စပ်လျဥ်းပြီး ၎င်အားအမှုဖွင့်ခဲ့သည့်အပြင် ၂၀၂၂ ခုနှစ် ဧပြီ ၂၆ ရက်တွင်လည်း တီကျစ် ကျောက်မီးသွေးသုံး ရေနွေးငွေ့ဓာတ်အားပေးစက်ရုံ နှင့်စပ်လျဥ်းပြီးလည်း ထပ်မံအမှုဖွင့်သည်။ ၎င်းက အပြစ်မရှိကြောင်း ထွက်ဆိုချက်ပေးသော်လည်း အထူးတရားရုံးက ထောင် ၁၈ နှစ်ချမှတ်ခဲ့သည်။စစ်ကောင်စီက သူ့အား နေပြည်တော်အချုပ်ထောင်၊ရမည်းသင်းအကျဥ်းထောင်နှင့် မန္တလေး အိုးဘိုအကျဥ်းထောင် တို့တွင် အသီးသီးချုပ်နှောင်ခဲ့သည်။

ဘဝနိဂုံး

သူသည် မန္တလေး အိုးဘိုအကျဥ်းထောင် တွင် ချုပ်နှောင်ခံရစဥ် ၂၀၂၃ ခုနှစ် ဇွန်လထဲတွင် နှလုံးရောဂါဖောက်လာသည့်အတွက် မန္တလေးဆေးရုံကြီး သို့တက်ရောက်ကုသမှုခံခဲ့ရသည်။ ဆေးရုံကဆင်းပြီးနောက် ၂၀၂၄ ခုနှစ် အောက်တိုဘာလထဲတွင် နောက်တစ်ကြိမ်တက်ရပြန်သည်။ကျန်းမာရေးအတော်ဆိုးရွားလာ၍ အထူးကြပ်မတ်ဆောင်သို့ပြောင်းရွေ့ကုသမှုခံယူနေရစဥ် စစ်ကောင်စီက ၎င်းအား ၂၀၂၄ ခုနှစ် အောက်တို ဘာ ၂၈ရက် ညနေပိုင်းတွင် လွတ်ငြိမ်းချမ်းသာခွင့်ပေးခဲ့သည်။ ၂၀၂၄ ခုနှစ် နိုဝင်ဘာ ၈ရက် ည ၁၀နာရီ တွင် မန္တလေးဆေးရုံကြီး အထူးကြပ်မတ်ဆောင်တွင်ပင် ကွယ်လွန်ခဲ့သည်။