ထန်တလန်မြို့
| ထန်တလန်မြို့ | |
|---|---|
| မြို့ | |
  ထန်တလန်မြို့ | |
| ကိုဩဒိနိတ်: 22°41′57″N 93°25′41″E / 22.69917°N 93.42806°E | |
| နိုင်ငံ |  မြန်မာ |
| ပြည်နယ် | ချင်းပြည်နယ် |
| ခရိုင် | ဟားခါးခရိုင် |
| မြို့နယ် | ထန်တလန်မြို့နယ် |
| လူဦးရေ (၂၀၁၄) | |
| • စုစုပေါင်း | ၇,၅၈၇[၁] |
| အချိန်ဇုန် | မြန်မာစံတော်ချိန် (UTC+6.30) |
ထန်တလန်မြို့ သည် မြန်မာနိုင်ငံ၊ ချင်းပြည်နယ်၊ ဟားခါးခရိုင်တွင် ပါဝင်ပြီး ထန်တလန်မြို့နယ်၏ မြို့နယ်ရုံးစိုက်ရာ မြို့ ဖြစ်သည်။
ပထဝီဝင်[ပြင်ဆင်ရန်]
ထန်တလန်မြို့သည် ချင်းပြည်နယ်မြို့တော် ဟားခါးမြို့မှ ၂၅ မိုင်အကွာတွင် တည်ရှိသည်။ ကုလားတန်မြစ်သည် ဟားခါးမြို့နှင့် ထန်တလန်မြို့များ အကြားမှ စီးဆင်းကာ အိန္ဒိယနိုင်ငံ မီဇိုရမ်ပြည်နယ်တွင်းသို့ စီးဝင်သွားပြီး ပလက်ဝမြို့နေရာတွင် မြန်မာနိုင်ငံဖက် ပြန်လည်စီးဆင်းလာကာ ဘင်္ဂလားပင်လယ်အော်တွင်းသို့ စီးဝင်သွားသည်။ ထန်တလန်မြို့သည် အိန္ဒိယနိုင်ငံ နှင့် နယ်နမိတ်ထိစပ်နေသည်။
၂၀၂၁ ဖြစ်စဉ်[ပြင်ဆင်ရန်]
၂၀၂၁ ခု၊ ဩဂုတ်လ ၂၀-၂၁ ရက်တို့တွင် ဟားခါးနှင့် ထန်တလန်မြို့အကြားတွင် ပြည်သူ့ကာကွယ်ရေးတပ်(ထန်တလန်)နှင့် စစ်တပ်တို့ တိုက်ပွဲဖြစ်သည်။ [၂]
ဩဂုတ်လ ၂၅ ရက်တွင် ပလကရပ်ကွက်ရှိ ရဲစခန်းအနီးတွင် တိုက်ပွဲဖြစ်ပွားရာ ကလေးတဦး သေပြီး အခြား အရပ်သား ၂ ဦးလည်း ဒဏ်ရာရသည်။ [၃]
စက်တင်ဘာလ ၉ ရက်တွင် ထန်တလန်မြို့တွင်းရှိ စစ်တပ်မှ စစ်ဆေးရေးဂိတ်တခုအား ပြည်သူ့ကာကွယ်ရေးတပ်(ထန်တလန်) မှ ရှောင်တခင်ဝင်တိုက်သည်။ နှစ်ဘက်ပစ်ခတ်ကြသည်နောက် အရပ်သား ၄ ယောက် ဒဏ်ရာရ၏။ ပြည်သူ့ကာကွယ်ရေးတပ် ပြန်ဆုတ်သည်တွင် စစ်တပ်မှ လက်နက်ကြီးဖြင့် ပစ်ရာ နေအိမ်တလုံး မီးလောင်ပျက်စီးသည်။ [၄][၅] မြို့တွင်းတိုက်ပွဲများ ဖြစ်လာသည်နောက် မြို့ခံအချို့ အိန္ဒိယနယ်စပ်ရှိ မီဇိုရမ်ပြည်နယ်သို့ ဝင်ကြ၏။ အိန္ဒိယဗဟိုအစိုးရ သည် မြန်မာစစ်ဘေးရှောင်တို့ကို လက်မခံ။ သို့သော် မီဇိုရမ်ပြည်နယ်အစိုးရက ကယ်ဆယ်နေရာချရေး မစီစဉ်ပေးသော်လည်း ပြန်မပို့ဟု ကြေညာထားသဖြင့် ထိုသို့ ပြေးကြခြင်းတည်း။ [၆]
စက်တင်ဘာလ ၁၄ ရက်၌ ဂျွန်ဆင်အောက်မေ့ဖွယ်နှစ်ခြင်းအသင်းတော်ဘုရားကျောင်းသို့ လက်နက်ကြီးကျည်ကျကာ ပျက်စီးမှု ရှိခဲ့၏။ [၇] ယင်းနောက် စစ်တပ်မှ စစ်ရေးအချက်အချာကျသော နေအိမ်တို့တွင် နေရာယူထားပြီး စစ်ရှောင်နေအိမ်တို့မှ ပုဂ္ဂလပစ္စည်းတို့ကို သဘောရှိ သုံးစားသည်။ [၈]
စက်တင်ဘာလ ၁၈ ရက်တွင် ပြည်သူ့ကာကွယ်ရေးတပ်(ထန်တလန်) နှင့် မြို့ပေါ်တွင် စောင့်ကြပ်နေသော စစ်တပ်မှအဖွဲ့များ ၆-နာရီကြာ တိုက်ပွဲဖြစ်၏။ စစ်တပ်မှ တပ်ခွဲအဆင့်လက်နက်ကြီးများဖြင့် ပစ်ခတ်ရာ လူနေအိမ်ပေါ်ကျ၍ အိမ်များ မီးလောင်သည်။ [၇][၉] ကနဦးမှာ အိမ် ၁၀ လုံးခန့်သာ လောင်သော်လည်း မီးငြှိမ်းရန်သွားသည့် သင်းအုပ်ဆရာအား စစ်တပ်မှ ပစ်သတ်ပြီးနောက် မည်သူမှ မီးကို အာရုံမဝင်တော့။ တိုက်ပွဲပြီးသည့် ညနေ ၄ နာရီကျော်မှသာ နီးစပ်ရာလူတို့ ငြှိမ်းသတ်ကြရာ အိမ် ၁၈ လုံး၊ ဟိုတယ် ၁ လုံးဖြင့် စာရင်းပိတ်ရသည်။ [၁၀][၁၁] နောက်တရက်တွင် မြို့ပေါ်နေလူထုတို့ နေရပ်စွန့်ကာ အိန္ဒိယနယ်စပ်သို့ တိမ်းရှောင်ကြပြီး အလွန်နည်းသော အလွန်ရဲသော မိသားစုတချို့သာ ကျန်၏။ [၁၂][၁၃][၁၄]
ပြည်သူ့ကာကွယ်ရေးတပ်၏ အလစ်အငိုက်တိုက်ခိုက်မှုကို မကြာခဏ ခံရသည်နောက် စက်တင်ဘာလ ၂၀ ရက်တွင် စစ်တပ်မှ စခန်းချရာပတ်ဝန်းကျင်ရှိ လူထုကို မြို့မှရှောင်ရန် အမိန့်ထုတ်ထားပြီး ၂၁ ရက်ကို နောက်ဆုံးအဖြစ် ရက်ချိန်းပေးထားသည်။ [၁၅]
ကိုးကား[ပြင်ဆင်ရန်]
- ↑ သန်းခေါင်စာရင်း အစီရင်ခံစာ။ ၂၀၁၄ ခုနှစ် လူဦးရေနှင့် အိမ်ထောင်စု သန်းခေါင်စာရင်း အစီရင်ခံစာ။ အတွဲ-၂။ နေပြည်တော်: လူဝင်မှုကြီးကြပ်ရေးနှင့် ပြည်သူ့အင်အား ဝန်ကြီးဌာန။ မေ ၂၀၁၅။ pp. ၅၁။
- ↑ "အကြမ်းဖက်စစ်ကောင်စီတပ်၏ လက်နက်ကြီးကျည်ကြောင့် ထန်တလန်မြို့ခံ ၁၀နှစ်အရွယ် ကလေးငယ်သေဆုံးခဲ့ပြီး နှစ်ဦးဒဏ်ရာရရှိ ဟုဆို". Myanmar Peace Monitor. 2021-08-27.
- ↑ "ထန်တလန်မြို့ ပစ်ခတ်မှုတွင် ၁၀ နှစ်ကလေးတစ်ဦး ကျည်ထိလို့ သေဆုံး". The Chin Journal. 2021-08-25.
- ↑ "ထန်တလန်မြို့တိုက်ခိုက်မှုတွင် စစ်သား ၂ ဦး သေ၊ အရပ်သား ၄ ဦး ဒဏ်ရာရ". Myanmar Now. 2021-09-10.
- ↑ "ထန်တလန်မြို့တွင်း တိုက်ခိုက်မှုတွင် အာဏာသိမ်းတပ်က လူနေရပ်ကွက်တွင်း လက်နက်ကြီးပစ်ခတ်၍ အရပ်သား (၄) ဦး ဒဏ်ရာရ". Tachileik News. 2021-09-09.
- ↑ "၄ ရက်အတွင်း မီဇိုရမ်းဘက်သို့ မြန်မာစစ်ဘေးရှောင် ၁၈၀၀ ကျော်ထွက်ပြေးတိမ်းရှောင်". Zalen Media. 2021-09-15.
- ↑ ၇.၀ ၇.၁ "ထန်တလန်မှာ စစ်ကောင်စီနဲ့ CDF တို့ တိုက်ပွဲဖြစ်၊ အိမ် ၁၀ လုံးထက်မနည်း မီးလောင်ဆုံးရှုံး". RFA Burmese. 2021-09-18.
- ↑ "ထန်တလန်မြို့ပေါ်တွင် စစ်ကောင်စီတပ်သားများက ပစ္စည်းနှင့် အိမ်မွေးတိရစ္ဆာန်များအား ခိုးယူမှုရှိနေ". 2021-09-17.
- ↑ "ထန်တလန်တွင် စစ်ကောင်စီတပ်၏ လက်နက်ကြီးပစ်ခတ်မှုကြောင့် ဒေသခံများ၏ နေအိမ်များ မီးလောင်ပျက်စီး". 74 Media. 2021-09-18.
- ↑ "ထန်တလန်တိုက်ပွဲကြောင့် ဒေသခံ တစ်သောင်းကျော် ထွက်ပြေးနေ၊ သင်းအုပ်ဆရာတစ်ဦး ပစ်သတ်ခံရ". RFA Burmese. 2021-09-19.
- ↑ "စစ်ကောင်စီရဲ့ လက်နက်ကြီးပစ်ခတ်မှုကြောင့် ထန်တလန်မြို့ မီးလောင်မှုနဲ့ပတ်သက်ပြီး ဒေသခံလူငယ်ခေါင်းဆောင်တစ်ဦးနဲ့ ဆက်သွယ်မေးမြန်းချက်". ခေါနုသုန်. 2021-09-21.
- ↑ "ထန်တလန်ပြည်သူများ မြို့မှစွန့်ခွာပြီး အိန္ဒိယနယ်စပ်သို့ စစ်ရှောင်များလာ". Federal Journal. 2021-09-20.
- ↑ "ထန်တလန်တမြို့လုံး နီးပါး စစ်ဘေးရှောင်". BBC Burmese. 2021-09-20.
- ↑ "ချင်း ထန်တလန်မြို့ တမြို့လုံးနီးပါးတိမ်းရှောင်နေရ" VOA News. 2021-09-20.
- ↑ "အကြမ်းဖက်စစ်တပ်၏ ခြိမ်းခြောက်မှုကြောင့် ထန်တလန်တမြို့လုံးနီးပါး နေရပ်စွန့်ခွာ". DVB Burmese. 2021-09-20.
ပြင်ပလင့်ခ်များ[ပြင်ဆင်ရန်]
- "Tlantlang Google Satellite Map" Maplandia.com
မြို့တော်: ဟားခါးမြို့ မြို့နယ်ပေါင်း : (၉)မြို့နယ် | ||
| ခရိုင်ရုံးစိုက်ရာမြို့များ |  | |
| မတူပီခရိုင် (၂) မြို့နယ် | ||
| မင်းတပ်ခရိုင် (၂) မြို့နယ် | ||
| ဖလမ်းခရိုင် (၃) မြို့နယ် | ||
| ဟားခါးခရိုင် (၂) မြို့နယ် | ||
| မြို့များ | ||
 | ဤ ချင်းပြည်နယ် ပထဝီဝင်တည်နေရာဆိုင်ရာ ဆောင်းပါးမှာ ဆောင်းပါးတို တစ်ပုဒ်ဖြစ်သည်။ ဖြည့်စွက်ရေးသားခြင်းဖြင့် မြန်မာဝီကီပီးဒီးယားကို ကူညီပါ။ |