မင်းတပ်မြို့နယ်
| မင်းတပ်မြို့နယ် | |
|---|---|
| ချင်းပြည်နယ်အတွင်းရှိ မြို့နယ် | |
 မင်းတပ်ခရိုင်အတွင်းတည်နေရာ (အနီ) | |
  မင်းတပ်မြို့နယ် | |
| ကိုဩဒိနိတ်: 21°20′N 93°15′E / 21.333°N 93.250°Eကိုဩဒိနိတ်: 21°20′N 93°15′E / 21.333°N 93.250°E | |
| နိုင်ငံ |  မြန်မာ |
| ပြည်နယ် |  ချင်း |
| ခရိုင် | မင်းတပ် |
| အုပ်ချုပ်ရေးရုံးစိုက်ရာမြို့ | မင်းတပ်မြို့ |
| လူဦးရေ (၂၀၁၄) | |
| • စုစုပေါင်း | ၄၂,၆၀၀[၁] |
| အချိန်ဇုန် | မြန်မာစံတော်ချိန် (UTC+6:30) |
မင်းတပ်မြို့နယ် သည် မြန်မာနိုင်ငံ၊ ချင်းပြည်နယ်၊ မင်းတပ်ခရိုင်တွင် ပါဝင်သည့် မြို့နယ်တစ်ခုဖြစ်သည်။[၂] မြို့နယ်ရုံးစိုက်ရာမြို့မှာ မင်းတပ်မြို့ဖြစ်သည်။[၃]
သမိုင်းကြောင်း
[ပြင်ဆင်ရန်]အင်္ဂလိပ်အစိုးရမင်းများ ယာယီတဲစခန်းအဖြစ် တည်းခိုခဲ့သောနေရာဖြစ်သဖြင့် မင်းတပ်မြို့ကို ယခင်က မင်းတဲမြို့ဟုခေါ်ဆိုခဲ့သည်။ နှစ်ကာလကြာသောအခါ မင်းတဲမြို့မှ မင်းတပ်မြို့ဖြစ်လာခဲ့သည်။ ချင်းရေးရာဝန်ကြီး၏ ၁၉၆၀ ခုနှစ် မေလ ၂၀ ရက်နေ့ပါ အမိန့်ဖြင့် မင်းတပ်မြို့အဖြစ် သတ်မှတ်ခဲ့သည်။[၄]မင်းတပ်မြို့နယ်တွင် ကျေးရွာအုပ်စု ၄၆ ခုနှင့် ကျေးရွာပေါင်း ၄၉၇ ရွာ ပါဝင်သည်။[၅]
ပထဝီဝင်အနေအထား
[ပြင်ဆင်ရန်]မြောက်လတ္တီတွဒ် ၂၀ ဒီဂရီ ၁၉ မိနစ်နှင့် ၂၁ ဒီဂရီ ၄၀ မိနစ် အကြား၊ အရှေ့လောင်ဂျီတွဒ် ၉၃ ဒီဂရီ ၂၃ မိနစ်နှင့် ၉၄ ဒီဂရီ ၁၆ မိနစ်အကြားတွင် တည်ရှိသည်။ အရှေ့မှ အနောက်သို့ ၃၃ မိုင်၊ တောင်မှမြောက်သို့ ၃၇ မိုင်ရှိပြီး ၁၂၁၉.၈၆ စတုရန်းမိုင် ကျယ်ဝန်းသည်။[၄]
နယ်နိမိတ်
[ပြင်ဆင်ရန်]မင်းတပ်မြို့နယ်၏ အရှေ့ဘက်တွင် မကွေးတိုင်းဒေသကြီးရှိ ထီးလင်းမြို့နယ်နှင့် ဆောမြို့နယ်၊ တောင်ဘက်တွင် ကန်ပက်လက်မြို့နယ်၊ အနောက်ဘက်တွင် မတူပီမြို့နယ်နှင့် ပလက်ဝမြို့နယ်၊ မြောက်ဘက်တွင် မတူပီမြို့နယ်များ တည်ရှိသည်။
မြေမျက်နှာသွင်ပြင်
[ပြင်ဆင်ရန်]ပင်လယ်ရေမျက်နှာပြင်အထက် ၄၈၆၀ ပေအထက်တွင် တည်ရှိသည်။ တောင်ထူထပ်၍ အမြဲစိမ်းသစ်တောများပေါက်ရောက်ကာ မြေပြန့်လွင်ပြင် နည်းပါးသည်။ မုန်းချောင်း၊ ယောချောင်းနှင့် ချီချောင်းတို့သည် အရှေ့မှအနောက်သို့ စီးဆင်းနေသည်။
လူဦးရေ
[ပြင်ဆင်ရန်]မင်းတပ်မြို့နယ်တွင်နေထိုင်ကြသော တိုင်းရင်းသားလူမျိုးစုများတွင် ချင်းလူမျိုးများ အများဆုံးနေထိုင်ကြသည်။မင်းတပ်မြို့နယ်တွင် အခြေပြုနေထိုင်သော ဒိုင် မကာဏ်း နှင့် မွိုင်း တို့ဖြစ်ကြသည်။ ထို့နောက် ဗမာ၊ ကရင်၊ မွန်၊ ရခိုင်၊ ကယား၊ ကချင်နှင့် ရှမ်းလူမျိုးများ အစဉ်လိုက်များပြားစွာနေကြသည်။ ကိုးကွယ်မှုအနေဖြင့် ခရစ်ယာန်ဘာသာကို အများဆုံး ကိုးကွယ်ကာ ဗုဒ္ဓဘာသာနှင့် အခြားကိုးကွယ်သူဦးရေမှာ အစဉ်လိုက်များပြားသည်။
စီးပွားရေး
[ပြင်ဆင်ရန်]မင်းတပ်မြို့နယ်သည် ချင်းပြည်နယ်အတွင်းရှိ စီးပွားရေးဖွံ့ဖြိုးမှု နောက်ကျသော မြို့နယ်ဖြစ်သည်။ မြို့နယ်နေလူထုသည် စိုက်ပျိုးရေးနှင့် မွေးမြူရေးလုပ်ငန်းကို အဓိကထား လုပ်ကိုင်ကြသည်။ မြို့နယ်၏ အဓိကထွက်ကုန်မှာ ဝဥနှင့် လက်ဖက်ဖြစ်ပြီး ပခုက္ကူနှင့် မန္တလေးဒေသများသို့ အများဆုံးတင်ပို့ရောင်းချသည်။ ထိုဒေသများမှ စားသောက်ကုန်နှင့် လူသုံးကုန်ပစ္စည်းများ ပြန်လည်တင်သွင်းသည်။ မြို့နယ်အတွင်း အိမ်တွင်းစက်မှုလက်မှုလုပ်ငန်း ၉ ခုတည်ရှိသည်။
ဈေးများ
[ပြင်ဆင်ရန်]- မင်းတပ်ဈေး ။ယခင် အစိုးရခေတ်အဆက်ဆက်တွင် မင်းတပ်မြို့တွင်းဍ် ရပ်ကွပ်စျေးသာသာခန့်ရှိသော ဟင်းသီးဟင်းရွက်များလဲ စျေးတစ်ခုသာရှိသည်
လမ်းပန်းဆက်သွယ်ရေး
[ပြင်ဆင်ရန်]မင်းတပ်မြို့နယ်သည် ပခုက္ကူနှင့် မန္တလေးမြို့များသို့ ကုန်းလမ်းဖြင့် သွားလာနိုင်ပြီး လမ်းပန်းဆက်သွယ်ရေးကောင်းမွန်သည်။သို့သော် လမ်းပန်းဆက်သွယ်ရေး တွင် အင်မတန် အားနည်းသေးသည်ကို တွေ့ရသည်။အဝေးပြေးကားများ အဌားယဉ်များ မရှိခြင်းကြောင့် ပြည်သူ့ဝန်ဆောင်မူများ အင်မတန်ခက်ခဲလှသည်။သို့သော် ၂၀၁၅-၂၀၁၆ ခုနှစ်တွင် မြို့တွင်း လမ်းမ ပြုပြင်ချဲ့ထွင်ရာတွင် ပြည်သူတို့အား လျော်ကြေမပေးဘဲ နေအိမ်များ စိုက်ခင်းများကို အတင်းပြောင်းရွှေ့ခိုင်းရာတွင် အစိုးရသည် ပြည်သူလူထု ၏ အမျက်ရှခြင်း ခံရသည်။
ပညာရေး
[ပြင်ဆင်ရန်]အခြေခံပညာ
[ပြင်ဆင်ရန်]အထက
[ပြင်ဆင်ရန်]အထက်တန်းကျောင်း ၄ကျောင်းရှိသည်။
- အထက ၁
- အထက ၂
- အထက ၃
- အထက မကွီအိမ်နူး
အထက(ခွဲ)/အလက
[ပြင်ဆင်ရန်]- အလက (ထ(ခွဲ)) ရမ်ပန်း
- အလက (ထ(ခွဲ)) လုပ်ရှဲ
- အလက (ထ(ခွဲ)) အောက်ချိုင်
- အလက (ထ(ခွဲ)) တပ်မြေ
- အလက (ထ(ခွဲ)) ဝမ္မသူး
- အလက (ထ(ခွဲ)) အုံ
- အလက ကီးသာ
- အလက ရို
- အလက ကင်းလှိ
- အလက ဒုတ်
- အလက ကြာလေလှိုင်း
- အလက ကြုတ်ဟောင်း
- အလက ချပ်
- အလက မဒပ်
- အလက ထားအိမ်နူး
- အလက ဝေးလောင်း
- အလက ဟီးလောင်း
အမက
[ပြင်ဆင်ရန်]မူလတန်း၊မူလွန်၊အလယ်တန်း(ခွဲ) ၁၃၄ကျောင်းရှိသည်။
ကျန်းမာရေး
[ပြင်ဆင်ရန်]ဆေးရုံများ
[ပြင်ဆင်ရန်]- ခရိုင်ပြည်သူ့ဆေးရုံကြီး
- ဝမ္မတူး တိုက်နယ်ဆေးရုံ
- မကွီအိမ်နူး တိုက်နယ်ဆေးရုံ
ကိုးကား
[ပြင်ဆင်ရန်]- ↑ သန်းခေါင်စာရင်း အစီရင်ခံစာ။ ၂၀၁၄ ခုနှစ် လူဦးရေနှင့် အိမ်ထောင်စု သန်းခေါင်စာရင်း အစီရင်ခံစာ။ အတွဲ-၂။ နေပြည်တော်: လူဝင်မှုကြီးကြပ်ရေးနှင့် ပြည်သူ့အင်အား ဝန်ကြီးဌာန။ မေ ၂၀၁၅။ pp. ၅၁။
- ↑ Chin State။ Myanmar Explore။ 14 July 2011 တွင် မူရင်းအား မော်ကွန်းတင်ပြီး။ 2010-05-12 တွင် ပြန်စစ်ပြီး။
- ↑ "Mindat Township - Chin State"[လင့်ခ်သေ] map ID:MIMU 154v01 created: 17 May 2010, Myanmar Information Management Unit (MIMU)
- ↑ ၄.၀ ၄.၁ မင်းတပ်မြို့နယ်၏ ဒေသဆိုင်ရာအချက်အလက်များ။ အထွေထွေအုပ်ချုပ်ရေး ဦးစီးဌာန။ 1 February 2021 တွင် မူရင်းအား မော်ကွန်းတင်ပြီး။
- ↑ "Mindat_Township_Profile"[လင့်ခ်သေ] Myanmar Information Management Unit (MIMU), January 2010, population figures from State General Administration Department, October 2008
ပြင်ပလင့်ခ်များ
[ပြင်ဆင်ရန်]- "Mindat Google Satellite Map" Maplandia World Gazetteer
မြို့တော်: ဟားခါးမြို့ မြို့နယ်ပေါင်း : (၉)မြို့နယ် | ||
| ခရိုင်ရုံးစိုက်ရာမြို့များ |  | |
| တီးတိန်ခရိုင် (၂) မြို့နယ် | ||
| မတူပီခရိုင် (၂) မြို့နယ် | ||
| မင်းတပ်ခရိုင် (၂) မြို့နယ် | ||
| ဖလမ်းခရိုင် (၁) မြို့နယ် | ||
| ဟားခါးခရိုင် (၂) မြို့နယ် | ||
| မြို့များ | ||
| | ဤ ချင်းပြည်နယ် ပထဝီဝင်တည်နေရာဆိုင်ရာ ဆောင်းပါးမှာ ဆောင်းပါးတိုတစ်ပုဒ် ဖြစ်သည်။ ဖြည့်စွက်ရေးသားခြင်းဖြင့် မြန်မာဝီကီပီးဒီးယားကို ကူညီပါ။ |