မြန်မာနိုင်ငံ ရဲတပ်ဖွဲ့

Wikipedia မှ
ဤနေရာသို့သွားရန် - အ​ညွှန်း​, ရှာ​ဖွေ​ရန်​
မြန်မာနိုင်ငံ၏ အလံတော် မြန်မာအစိုးရအဖွဲ့အစည်း
မြန်မာနိုင်ငံရဲတပ်ဖွဲ့
Myanmar Police Force
Myanmar Police Force coat of arms.png
မြန်မာနိုင်ငံရဲတပ်ဖွဲ့၏ လက်မောင်းတံဆိပ်
Myannmar Police Force1.svg
မြန်မာနိုင်ငံရဲတပ်ဖွဲ့၏ အလံ
ရဲတပ်ဖွဲ့ အကျဉ်းချုပ်
ဖွဲ့စည်းသည့်အချိန် ၁၉၆၄ ခုနှစ်
ယခင်အဖွဲ့အစည်း ပြည်သူ့ရဲတပ်ဖွဲ့
ဌာနချုပ် နေပြည်တော်
ဝန်ထမ်းဦးရေ ၇၂,၀၀၀
ဌာနအကြီးအမှူးများ ဇော်ဝင်း၊ ရဲချုပ်, ရဲချုပ်
သိန်းဦး၊ ရဲမှူးချုပ်, ဒုတိယရဲချုပ်
မိခင်အဖွဲ့အစည်း ပြည်ထဲရေး ဝန်ကြီးဌာန
ဝက်ဘ်ဆိုက် myanmarpoliceforce.org

မြန်မာနိုင်ငံ ရဲတပ်ဖွဲ့ ရဲချုပ် မှာ ဇော်ဝင်း ဖြစ်သည်။ ဒုတိယရဲချုပ်မှာ ရဲမှူးချုပ်သိန်းဦး ဖြစ်ပြီး လက်အောက်ခံတပ်ဖွဲ့နှင့် အကြီးအကဲများမှာ- ရဲဦးစီးအရာရှိချုပ် ရဲမှူးချုပ် ဝင်းခေါင်၊ ရဲရေးချုပ် ရဲမှူးချုပ် စိုးဝင်းမြင့်၊ ရဲထောက်ချုပ် ရဲမှူးချုပ်ဝင်းစိုး၊ ရဲတပ်ရင်းများကွပ်ကဲရေးမှူး ရဲမှူးချုပ်သန်းဟန် သတင်းတပ်ဖွဲ့ တပ်ဖွဲ့မှူး ရဲမှူးချုပ် မြင့်သိန်း ၊စည်ပင်သာယာရေးတပ်ဖွဲ့ တပ်ဖွဲ့မှူး ရဲမှူးချုပ်ဝင်းကြည်၊ မှုခင်းတပ်ဖွဲ့ တပ်ဖွဲ့မှူး ရဲမှူးချုပ် ခင်မောင်၊ရဲဗဟိုလေ့ကျင့်ရေးကျောင်း ကျောင်းအုပ်ကြီးရဲမှူးချုပ်သိန်းတင့်ဖြစ်သည်။ ပြည်နယ်နှင့် တိုင်ဒေသကြီးရဲတပ်ဖွဲ့မှူး များမှာ - ရဲမှူးကြီးအောင်နိုင်သူ(ရန်ကုန်)၊ ရဲမှူးကြီးအောင်ထွဋ်(မန္တလေး)၊ ရဲမှူးကြီးဘကြည်(မကွေး)၊ ရဲမှူးကြီးသိန်းကြည်(ပဲခူး)၊ ရဲမှူးကြီးမျိုးဆွေဝင်း(ပဲခူး အနောက်)၊ ရဲမှူးကြီးညွန့်ဝင်း(တနင်္သာရီ)၊ ရဲမှူးကြီးမောင်မောင်လွင်(ကချင်)၊ ရဲမှူးကြီး မောင်မောင်(ကယား)၊ ရဲမှူးကြီးဆယ်မောင်(ကရင်)၊ ရဲမှူးကြီးမြင့်တိုး(ချင်း)၊ ရဲမှူးကြီးတင်မောင်(မွန်)၊ ရဲမှူးကြီး အောင်ဒိုင်း(ရခိုင်)၊ ရဲမှူးကြီးဝင်းနိုင်(ရှမ်း တောင်ပိုင်း)၊ ရဲမှူးကြီးစန်းလွင်(ရှမ်း မြောက်ပိုင်း)၊ ရဲမှူးကြီးဝင်းကြည်(ရှမ်း အရှေ့ပိုင်း)တို့ ဖြစ်သည်။

မြန်မာနိုင်ငံရဲတပ်ဖွဲ့နောက်ခံသမိုင်းကြောင်း[ပြင်​ဆင်​ရန်​]

ဗြိတိသျှတို့သည် ၁၈၈၇ အောက်တိုဘာလ ၂၈ တွင် ကျေးရွာအက်ဥပဒေကို ပြဌာန်းခဲ့ပြီး ကျေးရွာပုလိပ်အဖွဲ့ကို စတင်ဖွဲ့စည်းခဲ့သည်။ ၁၈၈၉တွင် ရန်ကုန်ပုလိပ်အက်ဥပဒေကိုပြဌာန်းပြီး ရန်ကုန်ပုလိပ်အဖွဲ့(Rangoon city Police) ကိုခွဲထုတ်ဖွဲ့စည်းခဲ့ရာ ပုလိပ်အဖွဲ့ ၊ မြို့ပြပုလိပ်အဖွဲ့၊ ရန်ကုန်မြို့တော်ပုလိပ်အဖွဲ့၊တို့ ပေါ်ပေါက်လာသည်။ ၁၉၃၇တွင် Home rule(ကိုယ်ပိုင်အုပ်ချုပ်ရေး)ကာလတွင် ပုလိပ်အဖွဲ့ကို ပြန်လည်ဖွဲ့စည်းခဲ့ပြီး ပုလိပ်မင်းကြီးတစ်ဦးမှအုပ်ချုပ်သော သာမန်ပုလိပ်နှင့် စစ်ဘက်အရာရှိကြီးတစ်ဦးမှ အုပ်ချုပ်သော စစ်ပုလိပ်ဆိုပြီး ၂မျိုး ခွဲထုတ်ခဲ့ပါသည်။ မြန်မာနိုင်ငံ လွတ်လပ်ရေးရပြီးနောက်ပိုင်း လက်နက်ကိုင်ပုလိပ်တပ်ဖွဲ့များအား ပြည်ထောင်စုစစ်ရဲတပ်(Union Military Police - UMP) အဖြစ်ပေါင်းစည်းဖွဲ့ခဲ့သည်။တပ်ရင်းပေါင်း ၂၁ရင်းရှိပြီး နယ်ခြားစောင့်နှင့် ပြည်တွင်းလုံခြုံရေးတပ် ဟုဖွဲ့စည်းခဲ့သည်။ ၁၉၅၄တွင် အပြည်ပြည်ဆိုင်ရာရဲတပ်ဖွဲ့(အင်တာပိုလ်)သို့ ဝင်ရောက်ခဲ့သည်။ ၁၉၆၀ ဧပြီလ ၁၇က်နေ့တွင် ပြည်ထောင်စုစစ်ရဲကို ပြည်စောင့်ရဲ(Union Constabulary)ဟု ပြင်ဆင်ခဲ့သည်။ ၁၉၆၄အောက်တိုဘာ ၁ တွင် ပြည်သူ့ရဲတပ်ဖွဲ့(People's Police Force) အမည်ဖြင့် အောက်ပါအတိုင်းပြန်လည်ဖွဲ့စည်းခဲ့သည်။

  1. ပြည်သူ့ရဲတပ်ဖွဲ့ဌာနချုပ်
  2. ပြည်နယ်/တိုင်း ပြည်သူ့ရဲတပ်ဖွဲ့များ
  3. ခရိုင်ရဲတပ်ဖွဲ့များ
  4. ပြည်သူ့ရဲတပ်ဖွဲ့စခန်းများနှင့် ကင်းစခန်းများ
  5. အထူးသတင်းထောက်လှမ်းရေးတပ်ဖွဲ့ခွဲ(သတင်းတပ်ဖွဲ့)
  6. မှုခင်းစုံစမ်းရေးတပ်ဖွဲ့ခွဲ(မှုခင်းတပ်ဖွဲ့)
  7. မီးရထား ရဲတပ်ဖွဲ့(ရထားတပ်ဖွဲ့)
  8. အထူးတပ်ဖွဲ့များ တို့ဖြစ်ပါသည်။

၁၉၉၅ စက်တင်ဘာ၁၃ ရက်နေ့တွင် နိုင်ငံတော် ငြိမ်ဝပ်ပိပြားမှု တည်ဆောက်ရေးအဖွဲ့မှ အမိန့်အမှတ် ၁/၉၅ ကိုထုတ်ပြန်ကာ မြန်မာနိုင်ငံရဲတပ်ဖွဲ့ (Myanmar Police Force) ဟု အမည်ပြောင်းလဲခဲ့ပြီး နှစ်စဉ် အောက်တိုဘာလ ၁ရက်နေ့ကို မြန်မာနိုင်ငံရဲတပ်ဖွဲ့နေ့ဟု သတ်မှတ်ခဲ့သည်။

ဖွဲ့စည်းပုံ[ပြင်​ဆင်​ရန်​]

ရဲတပ်ဖွဲ့ ဖွဲ့စည်းပုံ

မြန်မာနိုင်ငံရဲတပ်ဖွဲ့ဌာနချုပ် တွင် ရဲချုပ်၊ ဒုတိယရဲချုပ်နှင့် ဦးရေးထောက် ဆိုင်ရာရဲမှူးချုပ်အဆင့်များက တာဝန်ယူကြီးကြပ်ကာ မြန်မာနိုင်ငံ ရဲတပ်ဖွဲ့တစ်ခုလုံးအား ကြီးကြပ်ကွပ်ကဲထိန်းချုပ်သည်။ ဦးစီးဌာနတွင် ရဲမှူးချုပ် တစ်ဦးမှ ဦးစီး၍ နိုင်ငံအတွင်းလုံခြုံရေး၊ ထောက်လှမ်းရေး၊ မှုခင်းများ၊ သင်တန်းများ၊ ဖွဲ့စည်းမှု၊ ကြီးကြပ်ကန့်သတ်ပစ္စည်း များ ထုတ်ပေးအပ်နှံခြင်း၊ စစ်ဆေးရေးနှင့် မူးယစ်ဆေးဝါးတိုက်ဖျက်ရေးများကို ကြီးကြပ်ဆောင်ရွက်သည်။ ရေးဌာနတွင် ရဲမှူးချုပ်တစ်ဦးမှကွပ်ကဲပြီး ရာထူးခန့်ထားရေး၊ ပြောင်းရွှေ့နေရာချထားရေး၊ ရဲစည်းကမ်း၊ လစာစရိတ်၊ သက်သာချောင် ချိမှုနှင့် အငြိမ်းစားခံစားခွင့်များ ဆောင်ရွက်သည်။ ထောက်ဌာနတွင် ရဲမှူးချုပ် တစ်ဦးမှကွပ်ကဲပြီး ထောက်ပံ့ပို့ဆောင်ရေး၊ ပြင်ဆင်ရေး၊ ဝယ်ယူဖြည့်တင်းရေး၊ ဘဏ္ဍာရေးများဆောင်ရွက်သည်။ ဓါတုဗေဒစစ်ဆေးရေးဌာနကို ညွှန်ကြားရေးမှူးအဆင့်မှ ကြီးကြပ် ကွပ်ကဲ၍ အစွန်းအထင်း/ အဆိပ်အတောက် ဓါတ်ခွဲစစ်ဆေးပေးခြင်း၊ မူးယစ်ဆေးဝါးနှင့် အထွေထွေ ဓါတ်ခွဲစစ်ဆေးပေးခြင်းများ ဆောင်ရွက်သည်။

ပြည်နယ်နှင့်တိုင်းဒေသကြီးရဲတပ်ဖွဲ့များ[ပြင်​ဆင်​ရန်​]

တိုင်းဒေသကြီး/ပြည်နယ်ရဲတပ်ဖွဲ့ ၁၄ ဖွဲ့ကို ဖွဲ့စည်းထားသည်။ ၄င်းတို့အုပ်ချုပ်ပိုင်ခွင့်နယ်မြေ အပိုင်းအခြားမှာ နယ်ဘက် အုပ်ချုပ်ရေးအတိုင်းဖြစ်သည်။ တိုင်းဒေသကြီး/ ပြည်နယ်နှင့် တွဲဖက်တိုင်း ဒေသကြီး/ ပြည်နယ်ရဲတပ်ဖွဲ့များမှာ အဆင့်အတန်း တူညီမှုရှိကာ ၄င်းတို့တွင် အောက်ပါအတိုင်း တပ်ဖွဲ့ရုံးများနှင့် ရဲစခန်းများပါဝင်သည်။

  • တိုင်းဒေသကြီး/ပြည်နယ်ရဲတပ်ဖွဲ့မှူးရုံး။
  • ခရိုင်ရဲတပ်ဖွဲ့မှူးရုံး။
  • မြို့နယ်ရဲတပ်ဖွဲ့မှူးရုံး။
  • ရဲစခန်းများ။

နယ်မြေဒေသလူဦးရေနှင့် ဖွံ့ဖြိုးမှုတို့အပေါ် မူတည်လျက် ခရိုင်ရဲတပ်ဖွဲ့ များကို နှစ်ပိုင်းခွဲခြား သတ်မှတ်ထားသည်။ ကအဆင့်နှင့် အဆင့် ခရိုင်ရဲတပ်ဖွဲ့များဟု သတ်မှတ်၍ ဒုတိယရဲမှူးကြီးအဆင့်ရှိ အရာရှိကြီးများမှ ကြီးကြပ်ကွပ်ကဲသည်။ မြို့နယ်ရဲတပ်ဖွဲ့မှူးများမှာ ဒုတိယရဲမှူးအဆင့်ဖြစ်ပြီး ရဲစခန်းမှူးများကိုမူ ရဲအုပ်အဆင့် သတ်မှတ်ထားရှိသည်။[၁]

အဖွဲ့အစည်းများနှင့် ဌာနများ[ပြင်​ဆင်​ရန်​]

  • ရဲဦးစီးဌာန
  • ရဲရေးဌာန
  • ရဲထောက်ဌာန
  • နိုင်ငံဖြတ်ကျော်မှုခင်းဌာန
  • ရဲလေ့ကျင့်ရေးဌာန
  • ဓါတုဗေဒစစ်ဆေးရေးဌာန
  • လုံခြုံရေးရဲကွပ်ကဲမှုအဖွဲ့
  • နယ်ခြားစောင့်ရဲကွပ်ကဲမှုအဖွဲ့
  • မှုခင်းရဲတပ်ဖွဲ့
  • သတင်းရဲတပ်ဖွဲ့
  • လူကုန်ကူးမှုတားဆီးနှိမ်နင်းရေးရဲတပ်ဖွဲ့
  • ငွေကြေးဆိုင်ရာစုံစမ်းထောက်လှမ်းရေးတပ်ဖွဲ့
  • မူးယစ်ဆေးဝါးတားဆီးနှိမ်နင်းရေးရဲတပ်ဖွဲ့
  • ရထားရဲတပ်ဖွဲ့
  • ရေကြောင်းရဲတပ်ဖွဲ့
  • လေကြောင်းရဲတပ်ဖွဲ့
  • ကမ္ဘာလှည့်ခရီးသွားလုပ်ငန်းလုံခြုံရေးရဲတပ်ဖွဲ့
  • စည်ပင်သာယာရေးရဲတပ်ဖွဲ့
  • ယာဉ်ထိန်းရဲတပ်ဖွဲ့
  • အမြန်လမ်းမကြီးရဲတပ်ဖွဲ့
  • ရေနံမြေလုံခြုံရေးရဲတပ်ဖွဲ့
  • သစ်တောလုံခြုံရေးရဲတပ်ဖွဲ့

ရဲတပ်ရင်းများ[ပြင်​ဆင်​ရန်​]

ရဲတပ်ရင်းပေါင်း ၁၆ ခုရှိသည်။ ၇ ခုမှာ ရန်ကုန်တိုင်းဒေသကြီးအတွင်း၊ ၂ ခုမှာ မန္တလေးတိုင်းဒေသကြီးအတွင်း၊ ၃ ခုမှာ ရခိုင်ပြည်နယ်အတွင်းတွင် တည်ရှိပြီး မွန်ပြည်နယ်၊ စစ်ကိုင်း၊ ပဲခူးနှင့် ပြည် တို့တွင် တစ်ခုစီ တည်ရှိသည်။

  1. ရဲတပ်ရင်း (၁)
  2. ရဲတပ်ရင်း (၂)
  3. ရဲတပ်ရင်း (၃)
  4. ရဲတပ်ရင်း (၄)
  5. ရဲတပ်ရင်း (၅)
  6. ရဲတပ်ရင်း (၆)
  7. ရဲတပ်ရင်း (၇)
  8. ရဲတပ်ရင်း (၈)
  9. ရဲတပ်ရင်း (၉)
  10. ရဲတပ်ရင်း (၁၀)
  11. ရဲတပ်ရင်း (၁၁)
  12. ရဲတပ်ရင်း (၁၂)
  13. ရဲတပ်ရင်း (၁၃)
  14. ရဲတပ်ရင်း (၁၄)
  15. ရဲတပ်ရင်း (၁၅)
  16. ရဲတပ်ရင်း (၁၆)

ထို့အပြင်အခြားလက်အောက်ခံအဖွဲ့များမှာ-

  1. အရံရဲတပ်ဖွဲ့တို့ဖြစ်သည်။

လေ့ကျင့်ရေးကျောင်းများ[ပြင်​ဆင်​ရန်​]

  • ရဲအရာရှိလေ့ကျင့်ရေးကျောင်း (ဇီးပင်ကြီး)
  • တောင်လေးလုံး ရဲလေ့ကျင့်ရေးသင်တန်းကျောင်း
  • အမှတ် ၁ ရဲလေ့ကျင့်ရေးသင်တန်းကျောင်း (ရမည်းသင်း)
  • အမှတ် ၂ ရဲလေ့ကျင့်ရေးသင်တန်း ကျောင်း (ပြည်-ဝက်ထီးကန်)

ရည်မှန်းချက်တာဝန်များ[ပြင်​ဆင်​ရန်​]

မြန်မာနိုင်ငံရဲတပ်ဖွဲ့၏ ရည်မှန်းချက်တာဝန်များမှာ အောက်ပါအတိုင်း ဖြစ်သည်။

  • ပြည်တွင်းလုံခြုံရေးနှင့် ရပ်ရွာအေးချမ်းသာယာရေး။
  • တရားဥပဒေစိုးမိုးရေး။
  • မူးယစ်ဆေးဝါးအန္တရာယ်တားဆီးကာကွယ်ရေး။
  • ပြည်သူ့အကျိုးပြုလုပ်ငန်းများ ဆောင်ရွက်ရေး။

ပြင်ပလင့်ခ်[ပြင်​ဆင်​ရန်​]

ကိုးကား[ပြင်​ဆင်​ရန်​]

  1. ရဲတပ်ဖွဲ့ ဖွဲ့စည်းပုံ. မြန်မာနိုင်ငံရဲတပ်ဖွဲ့. Retrieved on ၂၀၁၄-၁၁-၁၃