တပ်မတော်

Wikipedia မှ
ဤနေရာသို့သွားရန် - အ​ညွှန်း​, ရှာ​ဖွေ​ရန်​
ဗမာ့လွတ်လပ်ရေး တပ်မတော်(BIA)အလံတော်
ယနေ့ မြန်မာ့တပ်မတော် ၏ အလံတော်

မြန်မာ့ တပ်မတော် သည် မြန်မာနိုင်ငံ၊ နိုင်ငံတော် စစ်အင်အားစု အားလုံးကို ရည်ညွန်းသည်။ တပ်မတော်ကို ကာကွယ်ရေး ဝန်ကြီးဌာန မှ ထိန်းချုပ်ပြီး တပ်မတော် (ကြည်း)တပ်မတော် (ရေ)တပ်မတော် (လေ) တို့ဖြစ်ကြသည်။ ၂၀၁၁ခုနှစ်မှစတင်ပြီး တပ်မတော်ကို တပ်မတော်ကာကွယ်ရေးဦးစီးချုပ်ရုံး၏ လက်အောက်တွင် တိုက်ရိုက်ထားရှိပြီး ကာကွယ်ရေးဝန်ကြီးဌာနအနေဖြင့် အစိုးရအဖွဲ့နှင့်ပတ်သက်သော တပ်ပိုင်းဆိုင်ရာစီမံခန့်ခွဲမှုများ ပြုလုပ်ရသည်။ ၂၀၀၈ ဖွဲ့စည်းပုံ အခြေခံဥပဒေအရ တပ်မတော်သည် လွတ်လပ်သော စီမံခန့်ခွဲမှုရှိသော်လည်း နိုင်ငံတော်သမ္မတ ဦးဆောင်သော အဖွဲ့ဝင် ၁၁ ဦးပါဝင်သည့် အမျိုးသားကာကွယ်ရေးနှင့်လုံခြုံရေးကောင်စီ၏ လက်အောက်တွင် မူဝါဒအရ ကွပ်ကဲမှုကို ခံယူရသည်။

၎င်းတပ်ဖွဲ့ဝင် အားလုံးတို့မှာ နိုင်ငံတော် ကာကွယ်ရေး အတွက် မိမိ ဆန္ဒအလျောက် အစိုးရ အင်အားဖြည့်တင်းရန် ဝင်ရောက်ခြင်းဖြစ်သည်။ ၁၉၄၈ ခု ဗြိတိသျှ ကိုလိုနီ လက်အောက်မှ လွတ်လပ်ရေး ရသည်မှစ၍ တပ်မတော်သည် ပြည်ပကျူးကျော်သူများ၊ပြည်တွင်းသောင်းကျန်းသူများ၊ တိုင်းရင်းသားလက်နက်ကိုင်အဖွဲ့များ၊ နိုင်ငံရေး ဆန္ဒပြသူများ နှင့် မူးယစ်ဆေးဝါး အင်အားစုများအား ပြင်းပြင်းထန်ထန် ခြေမှုန်းသည်။ ဗြိတိသျှ ကိုလိုနီ ခေတ်မှစခဲ့သော စစ်ဖွဲ့စည်းပုံကို ယူခဲ့ပြီး နောက်ပိုင်းတွင် အခြားနိုင်ငံများမှ လက်နက်သစ်များ ဖြင့် ဖြည့်တင်းခဲ့သော်လည်း များစွာ ခေတ်နောက်ကျ လျှက်ပင် ရှိသေးသည်။ထို့ကြောင့် လက်ရှိတပ်မတော် အစိုးရ မှ ခေတ်မှီတပ်မတော် အဖြစ်ရပ်တည်နိုင်ရန် အစွမ်းကုန် ကြိုးပမ်းလုပ်ဆောင်လျှက်ရှိသည်။

သမိုင်း[ပြင်​ဆင်​ရန်​]

မြန်မာနိုင်ငံတွင်ရှေးယခင်က အမြဲတမ်းတပ်မတော်ဟူ၍ မရှိဘဲအနော်ရထာမင်းကြီး လက်ထက်မှစ၍ မြို့များကို ဆယ်ပြုမြို့၊ ရာပြုမြို့၊ ထောင်ပြုမြို့များဟူ၍ ဖွဲ့စည်းသည်။ စစ်ရေးပေါ်ပေါက်မှ ဆိုင်ရာမြို့များက ခွဲတမ်းကျစစ်သည်များ ထောက်ပံ့ရသည်။ ဗြိတိသျှတို့လက်အောက် ရောက်သွားသောအခါ အပျော်တမ်းတပ်များ တည်ထောင်ပေးခဲ့သော်လည်း ပုန်ကန်မည်စိုးသဖြင့် ဗမာလူမျိုးများကို ထည့်သွင်းခြင်းမရှိဘဲ ကချင်၊ ကရင်၊ ချင်းစသည့် တောင်တန်ဒေသလူနည်းစု တိုင်းရင်းသားများဖြင့် အဓိကထား ဖွဲ့စည်းခဲ့သည်။ ပထမကမ္ဘာစစ် ဖြစ်သောအခါမှ ဗြိတိသျှတပ်များသည် မေဆိုပိုတေးမီးယား စစ်မြေပြင်တွင် တူရကီတပ်များနှင့် အကြိတ်အနယ် ရင်ဆိုင်ရသောအခါ ဗမာလူမျိုးများကို စစ်တပ်ထဲဝင်ခွင့်ပြုကာ စစ်မြေပြင်သို့ စေလွှတ်ခဲ့သည်။ မြန်မာတပ်သားများသည် မေဆိုပိုတေးမီးယား စစ်မြေပြင်တွင်ရွပ်ရွပ်ချွံချွံ တိုက်ပွဲဝင်ခဲ့ကြသည်။

ခေတ်သစ်တပ်မတော်၏အစမှာ ရဲဘော်သုံးကျိပ်ဖြစ်သည်။ ဒုတိယကမ္ဘာစစ် စတင်ဖြစ်ပွားသောအခါ ဗြိတိသျှတို့အား လက်နက်ဖြင့် တော်လှန်ရန် ဗိုလ်ချုပ်အောင်ဆန်း ဦးဆောင်တဲ့ သူရဲကောင်းအာဇာနည် ရဲဘော်သုံးကျိပ်တို့သည် ၁၉၄၁ ခုနှစ် ဒီဇင်ဘာလ ၂၆ ရက်နေ့တွင် ထိုင်းနိုင်ငံ ဘန်ကောက်မြို့တွင် ဗမာ့လွတ်လပ်ရေးတပ်မတော်(BIA) ကို စတင်စုဖွဲ့ တည်ထောင် ခဲ့ရာမှ ဗမာ့ ကာကွယ်ရေးတပ်မတော် (BDA)၊ ဗမာ့အမျိုးသားတပ်မတော် (BNA)၊ ဗြိတိသျှနယ်ချဲ့တို့ အခေါ်အဝေါ်အရ မျိုးချစ်တပ်မတော် (PBF) ဟူ၍ တစတစ ပြောင်းလဲဖွဲ့စည်းခဲ့သည်။ ၎င်းတပ်မတော်သုံးရပ်၏ ဦးစီးခေါင်းဆောင် စစ်သေနာပတိသည် တပ်မတော်၏ မူလ ပထမ ဖခင်အစစ် ဗိုလ်ချုပ်အောင်ဆန်း ဖြစ်သည်။

သမိုင်းအစဉ်အလာအရ ဖခင် ဗိုလ်ချုပ်အောင်ဆန်းပြီးလျှင် ရဲဘော်သုံးကျိပ်ဝင် စစ်ခေါင်းဆောင်များ၊ ဝါစဉ်အားဖြင့် ဗိုလ်လင်္ကျာဗိုလ်စင်္ကြာဗိုလ်ဇေယျဗိုလ်နေဝင်း စသည်ဖြင့် ရှိခဲ့သည်။ ၁၉၄၅ ခုနှစ် စက်တင်ဘာလ ၇ ရက်နေ့တွင် ကန္ဒီစာချုပ်အရ အမြဲတမ်း တပ်မတော်အဖြစ် ပြင်ဆင် စုဖွဲ့ခဲ့ရာ ဗိုလ်ချုပ်အောင်ဆန်းက တပ်မတော်မှ ထွက်ပြီး နိုင်ငံရေးလောကသို့ ကူးပြောင်းသွားခဲ့သည်။ ရဲဘော်သုံးကျိပ်ဝင် သူရဲကောင်း ၆ ဦးသာ အမြဲတမ်း တပ်မတော်တွင် စစ်မှုဆက်ထမ်းခဲ့ကြသည်။သခင်ထွန်းအုပ်၏ မေတ္တာရပ်ခံချက်အရ ဗိုလ်နေဝင်းသည် အမြဲတမ်း ဗမာ့တပ်မတော်တွင် ဗိုလ်လက်ျာပြီးလျှင် နံပါတ် ၂ နေရာ ရခဲ့ပြီး ဗိုလ်ဇေယျက နံပါတ် ၃ နေရာရခဲ့သည်။

တပ်မတော်ကာကွယ်ရေးဦးစီးချုပ်များ[ပြင်​ဆင်​ရန်​]

  1. ဗိုလ်ချုပ်အောင်ဆန်း
  2. ဗိုလ်ချုပ်စမစ်ဒွန်း
  3. ဗိုလ်ချုပ်ကြီးနေဝင်း
  4. ဗိုလ်ချုပ်ကြီးသူရတင်ဦး
  5. ဗိုလ်ချုပ်ကြီး စန်းယု
  6. ဗိုလ်ချုပ်ကြီးသူရကျော်ထင်
  7. ဗိုလ်ချုပ်မှူးကြီးစောမောင်
  8. ဗိုလ်ချုပ်မှူးကြီးသန်းရွှေ
  9. ဗိုလ်ချုပ်မှူးကြီး မင်းအောင်လှိုင်


ဖွဲ့စည်းပုံ[ပြင်​ဆင်​ရန်​]

ရှေးခေတ်က စစ်သည်ငါးဦးလျှင် တစ်အိုးစားဖြစ်ပြီး အကြပ်တစ်ယောက်က ကြီးကြပ်သည်။ ၎င်းအထက်တွင် သွေးသောက်၊ သွေးသောက်ကြီး၊ နာခံ၊ ‌ဗိုလ်စသည်ဖြင့် အဆင့်ဆင့်ရှိကြသည်။ တပ်မှူအဆင့်မှာ ဗိုလ်ချုပ်ဖြစ်သည်။ ဗိုလ်ချုပ်၏အထက်တွင် ဗိုလ်မှူးရှိသည်။

ခေတ်သစ်ဖွဲ့စည်းပုံမှာ တပ်သား ၁၀ ယောက်လျှင် တပ်စိတ်တစ်စိတ်ဖြစ်ပြီး တပ်ကြပ်သို့မဟုတ် ဒုတပ်ကြပ် တစ်ယောက်က ကြီးကြပ်ရသည်။ တပ်စိတ် ၃ ခုလျှင် တပ်စုတစ်စုဖြစ်ပြီး ဒုတိယဗိုလ် သို့မဟုတ် ဗိုလ်တစ်ယောက်က တာဝန်ယူ အုပ်ချုပ်ရသည်။ တပ်စု ၃ စုလျှင် တပ်ခွဲတစ်ခွဲဖြစ်ပြီး ဗိုလ်ကြီး သို့မဟုတ် ဗိုလ်မှူးတစ်ယောက် အုပ်ချုပ်ရသည်။ တပ်ခွဲ ၄ ခုလျှင် တပ်ရင်းတစ်ရင်းဖြစ်ပြီး ဗိုလ်မှူး သို့မဟုတ် ဒုတိယဗိုလ်မှူးကြီး တစ်ယောက်က အုပ်ချုပ်ရသည်။ တပ်ရင်သုံးရင်းလျှင် ဗျူဟာတစ်ခုဖြစ်ပြီး ဗိုလ်မှူးကြီးတစ်ယောက်က ဗျူဟာမှူးအဖြစ် အုပ်ချုပ်ရသည်။ ဗျူဟာ ၃ ခုနှင့် တပ်ရင်းတစ်ရင်းကို ပေါင်း၍ တပ်မတစ်ခု သို့မဟုတ် စကခ သို့မဟုတ် ဒကစ သို့မဟုတ် စစ်တိုင်းတစ်ခုအဖြစ် ဖွဲ့စည်းသည်။ တိုင်းမှူးသည် မိမိလက်အောက် တပ်ရင်းများသာမက မိမိတိုင်းနယ်မြေအတွင်းရှိ စကခ၊ ဒကစ နှင်တပ်မများကိုလည်း အုပ်ချူပ်ရသည်။

၁၉၉၄ ခု အောက်တိုဘာ ၁၈ ရက်တွင် နည်းဗျူဟာ လေ့လာရေး ဌာနကြီး (The Office of Strategic Studies) နှင့် စစ်ထောက်လှမ်းရေး (Defence Service Intelligence) ကို ဗိုလ်ချုပ်ကြီးခင်ညွန့် အား ထုတ်ပယ်စဉ်မှစ၍ ပယ်ဖျက်ခဲ့သည်။ နည်းဗျူဟာ လေ့လာရေး ဌာနကြီးမှ တပ်ရင်း လေးရင်းကို ရန်ကုန် စစ်ထောက်လှမ်းရေးကို ထိန်းသိမ်းရန် ညွန်ကြားခဲ့သည်။ တချိန်တည်းမှာပင် အခြား စစ်ထောက်လှမ်းရေးများကိုလည်း ထိန်းသိမ်းခဲ့သည်။ စစ်ထောက်လှမ်းရေး တပ်သား သုံးပုံ နှစ်ပုံခန့် နှစ်ရှည် ထိန်းသိမ်းခဲ့သည်။

၂၀၀၆ နှစ်ဦးပိုင်းတွင် တိုင်းမှူး အသစ်များဖြင့် တပ်မတော်ကို ပြန်လည် ဖွဲ့စည်းခဲ့ပြီး စစ်ဌာနချူပ်ကို နေပြည်တော် တိုင်း သို့ ပြောင်းရွှေ့ခဲ့သည်။

File:File-2005-c2.jpg


မြန်မာစစ်တပ် ရာထူးအဆင့်အခေါ်အဝေါ်များ[ပြင်​ဆင်​ရန်​]


(၁) တပ်မတော်ကာကွယ်ရေးဦးစီးချုပ် Commander in Chief of Defense Services

(၂) ဒုတိယတပ်မတော်ကာကွယ်ရေးဦးစီးချုပ် Deputy Commander in Chief of Defense Services

(၃) ကာကွယ်ရေး ဦးစီးချုပ် (ကြည်း) Commander in Chief (Army)

(၄) ကာကွယ်ရေး ဦးစီးချုပ် (ရေ) Commander in Chief (Navy)

(၅) ကာကွယ်ရေး ဦးစီးချုပ် (လေ) Commander in Chief (Air)

(၆) စစ်ရေးချုပ် Adjutant General

(၇) စစ်ထောက်ချုပ် Quartermaster General

(၈) တပ်မတော်စစ်ဆေးရေး အရာရှိချုပ် Defense Services Inspector General

(၉ ) တပ်မတော်လေ့ကျင့်ရေး အရာရှိချုပ် Chief of Armed Forces Training

(၁ဝ) တပ်မတော် စစ်ဘက်ရေးရာ လုံခြုံရေး အရာရှိချုပ် Military Affairs Security (Chief)

(၁၁) စစ်ဦးစီးအရာရှိချုပ် (ကြည်း) Chief of Staff (Army)

(၁၂) စစ်ဦးစီး အရာရှိချုပ် (ရေ) Chief of Staff (Navy)

(၁၃) စစ်ဦးစီး အရာရှိချုပ် (လေ) Chief of Staff (Air)

(၁၄) စစ်ရာထူးခန့်ချုပ် Military Appointments General

(၁၅) စစ်ဥပဒေချုပ် Judge Advocate General

(၁၆) တွဲဖက်စစ်ရေးချုပ် Vice Adjutent General

(၁၇) တွဲဖက် စစ်ထောက်ချုပ် Vice Quartermaster General

(၁၈) တပ်မတော် တပ်ထိန်းချုပ် Provost Marshal

(၁၉ ) စစ်လက်နက်ပစ္စည်းညွှန်ကြားရေးမှူး Director of Ordinance

(၂ဝ) စစ်အင်ဂျင်နီယာ ညွှန်ကြားရေးမှူး Director of Military Engineering

(၂၁) ဆေးဝန်ထမ်း ညွှန်ကြားရေးမှူး Director of Medical Services

(၂၂) ဆက်သွယ်ရေး ညွှန်ကြားရေးမှူး Director of Signal

(၂၃) ပစ္စည်းဝယ်ယူမှု ညွှန်ကြားရေးမှူး Director of Defense Services Procurement

(၂၄) ပြည်သူ့စစ်နှင့် နယ်ခြားစောင့်တပ်များ ညွှန်ကြားရေးမှူး Director of People Militias and Frontier Forces

(၂၅) ပြည်သူ့ဆက်ဆံရေးနှင့် စိတ်ဓာတ်စစ်ဆင်ရေး ညွှန်ကြားရေးမှူး Director of People Relation and Psychological Welfare

(၂၆) ပြန်လည်နေရာချထားရေး ညွှန်ကြားရေးမှူး Director of Resettlement

(၂၇) လေ့ကျင့်ရေး ညွှန်ကြားရေးမှူး Director of Military Training

(၂၈) သံချပ်ကာယန္တရားတပ်ဖွဲ့ ညွှန်ကြားရေးမှူး Director of Armor

(၂၉ ) အမြောက်တပ်ဖွဲ့ ညွှန်ကြားရေးမှူး Director of Artillery

(၃ဝ) တိုင်းမှူး Command Commander

(၃၁) တပ်မမှူး Division Commander

(၃၂) စစ်ဗျူဟာမှူး Tectical Operation Command

(၃၃) လက်ထောက်စစ်ဥပဒေချုပ် Assistant Judge Advocate General

(၃၄) တပ်ရင်းမှူး Commanding Officer

(၃၅) ဒုတိယ တပ်ရင်းမှူး Second in Command

(၃၆) စစ်ဦးစီးအရာရှိ (ပထမတန်း) General Staff Officer Grade I

(၃၇) စစ်ဦးစီးအရာရှိ (ဒုတိယတန်း) General Staff Officer Grade II

(၃၈) စစ်ဦးစီးအရာရှိ (တတိယတန်း) General Staff Officer Grade III

(၃၉ ) တပ်ရေးဗိုလ်ကြီး Adjutant

(၄ဝ) တပ်ထောက်ဗိုလ်ကြီး Quarter Master

(၄၁)ထောက်လှမ်းရေးအရာရှိ Intelligence Officer

(၄၂) ဆက်သွယ်ရေးအရာရှိ Signal Officer

(၄၃) ဆေးမှူး Medical Officer

(၄၄) ဆေးလက်ထောက် အရာခံဗိုလ် Medical Assistant

(၄၅) တပ်ရင်းတပ်ထောက် အရာခံဗိုလ် Regimental Quarter Master Sergeant

(၄၆) ရုံးအုပ်ကြီး Head Clerk

(၄၇) တပ်ကြပ်ကြီးစာရေး Sergeant Clerk

(၄၈) တပ်စာရင်းကိုင် Unit Accountant

(၄၉ ) ဗိုလ်လောင်း Cadet

(၅ဝ) အလုပ်သင်ဗိုလ် Apprentice


(၁) ဗိုလ်ချုပ်မှူးကြီး Senior General

(၂) ဒုတိယဗိုလ်ချုပ်မှူးကြီး Vice Senior General

(၃) ဗိုလ်ချုပ်ကြီး General

(၄) ဒုတိယ ဗိုလ်ချုပ်ကြီး Lieutenant General

(၅) ဗိုလ်ချုပ် Major General

(၆) ဗိုလ်မှူးချုပ် Brigadier General

(၇) ဗိုလ်မှူးကြီး Colonel

(၈) ဒုတိယ ဗိုလ်မှူးကြီး Lieutenant Colonel

(၉ ) ဗိုလ်မှူး Major

(၁ဝ) ဗိုလ်ကြီး Captain

(၁၁) ဗိုလ် Lieutenant

(၁၂) ဒုတိယ ဗိုလ် Second Lieutenant

(၁၃) အရာခံ ဗိုလ် Warrant Officer I

(၁၄) ဒုတိယအရာခံ ဗိုလ် Warrant Officer II

(၁၅) တပ်ခွဲ တပ်ကြပ်ကြီး Quarter Master Sergeant

(၁၆) တပ်ကြပ်ကြီး Sergeant

(၁၇) တပ်ကြပ် Corporal

(၁၈) ဒုတပ်ကြပ် Lance Corporal

(၁၉ ) တပ်သား Private

လက်ရှိ စစ်အစိုးရပေးနေသော တပ်တွင်း လစာများ[ပြင်​ဆင်​ရန်​]

  • တပ်သား တဦးလျှင် ဝင်ဝင်ခြင်း ကျပ် ၁၆၀ဝ၀ ဟု သတ်မှတ်ထားပြီး ၂ နှစ်လုပ်သက်ရှိလာပါက ၂၁၀ဝ၀၊
  • ဒုတပ်ကြပ်တဦးလျှင် ၂၂၀ဝ၀ မှ လုပ်သက်ရလာပါက ၂၇၀ဝ၀၊
  • တပ်ကြပ် တဦးလျှင် ၂၈၀ဝ၀ မှ လုပ်သက်ရလာပါက ၃၃၀ဝ၀၊
  • တပ်ကြပ်ကြီး တဦးလျှင် ၃၄၀ဝ၀ မှ ၃၉၀ဝ၀၊
  • တပ်ခွဲတပ်ကြပ်ကြီးတဦးလျှင် ၄၀ဝ၀ဝ မှ ၄၅၀ဝ၀၊
  • ဒုအရာခံ ဗိုလ်တဦးလျှင် ၄၆၀ဝ၀ မှ ၅၁၀ဝ၀၊
  • အရာခံဗိုလ် တဦးလျှင် ၅၂၀ဝ၀ မှ ၅၇၀ဝ၀၊
  • ဒုဗိုလ်တဦးလျှင် ၁ သိန်း၊ ဗိုလ်တဦးလျှင် ၁ သိန်း နှစ်သောင်း၊
  • သုံးပွင့်အဆင့်ရှိ ဗိုလ်ကြီးတဦးလျှင် ၁ သိန်း ၃ သောင်းမှ နှစ်နှစ်သက်တမ်းရှိပါက ၁ သိန်း ၄ သောင်း၊
  • ဗိုလ်မှူးတဦးလျှင် ၁ သိန်း ၅ သောင်းမှ ၁ သိန်း ၆ သောင်း၊
  • ဒုဗိုလ်မှူးကြီး တဦးလျှင် ၁ သိန်း ၇ သောင်းမှ ၁ သိန်း ၈ သောင်း၊
  • ဗိုလ်မှူးကြီး တဦးလျှင် ၁ သိန်း ၉ သောင်းမှ ၂ သိန်း၊
  • ဗိုလ်မှူးချုပ် တဦးလျှင် ၃ သိန်း၊ ဗိုလ်ချုပ် တဦးလျှင် ၄ သိန်း၊
  • ဒုဗိုလ်ချုပ်ကြီးတဦးလျှင် ၆ သိန်း၊ ဗိုလ်ချုပ်ကြီး တဦးလျှင် ကျပ် ၈ သိန်း၊
  • ဒုတိယဗိုလ်ချုပ်မှူးကြီး တဦးလျှင် ကျပ် ၁၀ သိန်းနှင့်
  • ဗိုလ်ချုပ်မှူးကြီးအတွက် ကျပ် ၁၂ သိန်း သတ်မှတ်ထားသည်။
  • အဆိုပါ လစာများကို ၁ ရက် ဧပြီလ ၂၀ဝ၆ ခုနှစ်မှ စပြီး ခံစားစေခဲ့ခြင်းဖြစ်ကြောင်း သိရှိရသည်။

တိုင်းစစ်ဌာနချုပ် များ[ပြင်​ဆင်​ရန်​]

ကာကွယ်ရေး ဝန်ကြီးဌာနလက်အောက်ရှိ တိုင်းစစ်ဌာနချုပ်များမှာ-

တိုင်းစစ်ဌာနချုပ် တိုင်းမှူး
နေပြည်တော်တိုင်းစစ်ဌာနချုပ် (နပတ) ဗိုလ်ချုပ်မောင်မောင်အေး
ကမ်းရိုးတန်းတိုင်းစစ်ဌာနချုပ် (ကရခ) ဗိုလ်ချုပ်ခင်မောင်ဌေး
အလယ်ပိုင်းတိုင်းစစ်ဌာနချုပ် (လပခ) ဗိုလ်ချုပ်ညိုစော
ရန်ကုန်တိုင်းစစ်ဌာနချုပ် (ရကခ) ဗိုလ်ချုပ်ဆန်းဦး
အရှေ့မြောက်တိုင်းစစ်ဌာနချုပ် (ရမခ) ဗိုလ်မှူးချုပ်အောင်စိုး
အရှေ့တောင်တိုင်းစစ်ဌာနချုပ် (ရတခ) ဗိုလ်မှူးချုပ်တင်မောင်ဝင်း
အရှေ့ပိုင်းတိုင်းစစ်ဌာနချုပ် (ရပခ) ဗိုလ်ချုပ်စိုးထွဋ်
အနောက်ပိုင်းတိုင်းစစ်ဌာနချုပ် (နပခ) ဗိုလ်ချုပ်ကိုကိုနိုင်
အနောက်မြောက်တိုင်းစစ်ဌာနချုပ် (နမခ) ဗိုလ်ချုပ်စိုးလွင်
အနောက်တောင်တိုင်းစစ်ဌာနချုပ် (နတခ) ဗိုလ်ချုပ်စိုးသိန်း
မြောက်ပိုင်းတိုင်းစစ်ဌာနချုပ် (မပခ) ဗိုလ်မှူးချုပ်ထွန်းထွန်းနောင်
တောင်ပိုင်းတိုင်းစစ်ဌာနချုပ် (တပခ) ဗိုလ်မှူးချုပ်အောင်ကျော်ဇော
တြိဂံတိုင်းစစ်ဌာနချုပ် ဗိုလ်ချုပ်သန်းထွန်းဦး
အရှေ့အလယ်ပိုင်းတိုင်းစစ်ဌာနချုပ် ဗိုလ်မှူးချုပ်မြင့်နောင်

တို့ဖြစ်သည်။

တပ်မ​များ[ပြင်​ဆင်​ရန်​]

ကာကွယ်ရေး ဝန်ကြီးဌာနလက်အောက်ရှိ ခြေမြန်တပ်မ ဌာနချုပ်များ မှာ-

  1. အမှတ်(၁၁)ခြေမြန်တပ်မ ဌာနချုပ် (အင်းတိုင်)
  2. အမှတ်(၂၂)ခြေမြန်တပ်မ ဌာနချုပ် (ဘားအံ)
  3. အမှတ်(၃၃)ခြေမြန်တပ်မ ဌာနချုပ် (ရွာထောင်/စစ်ကိုင်း)
  4. အမှတ်(၄၄)ခြေမြန်တပ်မ ဌာနချုပ် (သထုံ)
  5. အမှတ်(၅၅)ခြေမြန်တပ်မ ဌာနချုပ် (ကလော)
  6. အမှတ်(၆၆)ခြေမြန်တပ်မ ဌာနချုပ် (အင်းမ)
  7. အမှတ်(၇၇)ခြေမြန်တပ်မ ဌာနချုပ် (ပဲခူး)
  8. အမှတ်(၈၈)ခြေမြန်တပ်မ ဌာနချုပ် (မကွေး)
  9. အမှတ်(၉၉)ခြေမြန်တပ်မ ဌာနချုပ် (မိတ္ထီလာ)
  10. အမှတ်(၁ဝ၁)ခြေမြန်တပ်မ ဌာနချုပ် (ပခုက္ကူ) တို့ဖြစ်သည်။

ဒေသကွပ်ကဲမှုစစ်ဌာနချုပ်များ (ဒကစ)[ပြင်​ဆင်​ရန်​]

ဒေသကွပ်ကဲမှု စစ်ဆင်ရေးဌာနချုပ် ဆိုသည့် ဒကစ ဆိုသည်မှာ ရှေ့တန်း နယ်အစွန်အဖျားပြည်မ နှင့် အလှမ်းဝေးသောနေရာဒေသများတွင် တာဝန်ပေးအပ်ထားခြင်းကြောင့် စီမံခန့်ခွဲမှုအာဏာ၊ တရားစီရင်မှုအာဏာ၊ ရိက္ခာထုတ်ပေးမှုအာဏာ စသဖြင့် ရရှိထားသော ဌာနဖြစ်သည်။ ၎င်းသည် စစ်ဦးစီးပိုင်းဆိုင်ရာများကို တိုင်းမှူးထံ သို့တင်ပြရသည်။ ဒကစမှူးသည် တပ်မမှူးနှင့် စကခမှူးတို့ထက် အနည်းငယ်နိမ့်သော တပ်မတော်(ကြည်း) ၏ စစ်ဖက်အဆင့်မြင့်ရာထူးဖြစ်သည်။လက်ရှိ ဒေသကွပ်ကဲမှု စစ်ဌာနချုပ်များ မှာ-

  1. တနိုင်း ဒေသကွပ်ကဲမှု စစ်ဌာနချုပ်
  2. လွိုင်ကော် ဒေသကွပ်ကဲမှု စစ်ဌာနချုပ်
  3. လောက်ကိုင် ဒေသကွပ်ကဲမှု စစ်ဌာနချုပ်
  4. ပြည် ဒေသကွပ်ကဲမှု စစ်ဌာနချုပ်
  5. မိုင်းဖြတ် ဒေသကွပ်ကဲမှု စစ်ဌာနချုပ်
  6. စစ်တွေ ဒေသကွပ်ကဲမှု စစ်ဌာနချုပ်
  7. ကလေး ဒေသကွပ်ကဲမှု စစ်ဌာနချုပ်

တို့ဖြစ်သည်။

စစ်ဆင်ရေး ကွပ်ကဲမှုဌာနချုပ်များ[ပြင်​ဆင်​ရန်​]

စစ်ဆင်ရေး ကွပ်ကဲမှုဌာနချုပ်(ခ) စကခ ဆိုသည်မှာ တပ်မကိုအသွင်ပြောင်းယူ ထားသော တပ်ဖွဲ့ ဖြစ်သည်။ တပ်မများနှင့် စကခများသည် ကကကြည်း (စစ်ဆင်ရေး)၏ တိုက်ရိုက်ကွပ်ကဲစီမံထားသော တပ်များဖြစ်ပြီး စစ်ဆင်ရေးခွင် ပုံသေမရှိဘဲ ရန်သူအင်အားပေါ် မူတည်ပြီး လိုအပ်သလို စစ်ကစားနိုင်ရန် စီစဉ်ထားခြင်း ဖြစ်သည်။ လက်ရှိ စစ်ဆင်ရေး ကွပ်ကဲမှု ဌာနချုပ်များ မှာ-

  1. အမှတ်(၁)စစ်ဆင်ရေးကွပ်ကဲမှုဌာနချုပ် - ကျောက်မဲ
  2. အမှတ်(၂)စစ်ဆင်ရေးကွပ်ကဲမှုဌာနချုပ် - မိုင်းနောင်
  3. အမှတ်(၃)စစ်ဆင်ရေးကွပ်ကဲမှုဌာနချုပ် - မိုးကောင်း
  4. အမှတ်(၄)စစ်ဆင်ရေးကွပ်ကဲမှုဌာနချုပ် - ဖူးကြီး
  5. အမှတ်(၅)စစ်ဆင်ရေးကွပ်ကဲမှုဌာနချုပ် - တောင်ကုတ်
  6. အမှတ်(၆)စစ်ဆင်ရေးကွပ်ကဲမှုဌာနချုပ် - ပျဉ်းမနား (နေပြည်တော်)
  7. အမှတ်(၇)စစ်ဆင်ရေးကွပ်ကဲမှုဌာနချုပ် - ဖယ်ခုံ
  8. အမှတ်(၈)စစ်ဆင်ရေးကွပ်ကဲမှုဌာနချုပ် - ထားဝယ်
  9. အမှတ်(၉)စစ်ဆင်ရေးကွပ်ကဲမှုဌာနချုပ် - ကျောက်တော်
  10. အမှတ်(၁၀)စစ်ဆင်ရေးကွပ်ကဲမှုဌာနချုပ် - ကျီကုန်း (ကလေးဝ)
  11. အမှတ်(၁၁)စစ်ဆင်ရေးကွပ်ကဲမှုဌာနချုပ် -လွိုင်လင်
  12. အမှတ်(၁၂)စစ်ဆင်ရေးကွပ်ကဲမှုဌာနချုပ် -ကော့ကရိတ်
  13. အမှတ်(၁၃)စစ်ဆင်ရေးကွပ်ကဲမှုဌာနချုပ် - ဘုတ်ပြင်း
  14. အမှတ်(၁၄)စစ်ဆင်ရေးကွပ်ကဲမှုဌာနချုပ် - မိုင်းဆတ်
  15. အမှတ်(၁၅)စစ်ဆင်ရေးကွပ်ကဲမှုဌာနချုပ် - ဘူးသီးတောင်
  16. အမှတ်(၁၆)စစ်ဆင်ရေးကွပ်ကဲမှုဌာနချုပ် - သိန်းနီ
  17. အမှတ်(၁၇)စစ်ဆင်ရေးကွပ်ကဲမှုဌာနချုပ် - မိုင်းပန်
  18. အမှတ်(၁၈)စစ်ဆင်ရေးကွပ်ကဲမှုဌာနချုပ် - မိုင်းပေါက်
  19. အမှတ်(၁၉)စစ်ဆင်ရေးကွပ်ကဲမှုဌာနချုပ် - ရေး
  20. အမှတ်(၂၀)စစ်ဆင်ရေးကွပ်ကဲမှုဌာနချုပ် - ခမောက်ကြီး
  21. အမှတ်(၂၁)စစ်ဆင်ရေးကွပ်ကဲမှုဌာနချုပ် - ဗန်းမော်

တို့ဖြစ်သည်။

စစ်ဘက်ထောက်လှမ်းရေး[ပြင်​ဆင်​ရန်​]

စစ်ဘက်စက်မှု လုပ်ငန်းများ[ပြင်​ဆင်​ရန်​]

ကာကွယ်ရေးပစ္စည်းစက်ရုံများ(ကပစ)အနေဖြင့် တပ်မတော်သုံးလက်နက်ငယ်များ၊ လက်နက်ကြီးများကိုထုတ်လုပ်သည်။ ကပစစက်ရုံများသည် ဆင်တဲ၊ ညောင်ခြေထောက် တို့တွင်တည်ရှိသည်။ ထုတ်လုပ်သည့်ပစ္စည်းများ အရည်အသွေးကောင်းမွန်သောကြောင့်သိရိလင်္ကာစသည့်နိုင်ငံများသို့တင်ပို့ရောင်းချရသည်။

[ပြင်​ဆင်​ရန်​]