မောင်မောင်အုန်း

ဗိုလ်ချုပ် (ငြိမ်း) သရေစည်သူ၊ ဦး မောင်မောင်အုန်း
ပြန်ကြားရေးဝန်ကြီး
တာဝန်ထမ်းဆောင်ဆဲ
တာဝန် စတင် ၃၁ ဇူလိုင် ၂၀၂၅
ခန့်အပ်သူ	အမျိုးသားကာကွယ်ရေးနှင့် လုံခြုံရေးကောင်စီ
လက်ထောက်	ဦးရဲတင့် ဗိုလ်ချုပ်ဇော်မင်းထွန်း
ဝန်ကြီးချုပ်	ညိုစော
ယခင်လူ	ကိုယ်တိုင်
တာဝန်သက်တမ်း ၁ ဩဂုတ် ၂၀၂၁ – ၃၁ ဇူလိုင် ၂၀၂၅
ခန့်အပ်သူ	နိုင်ငံတော်စီမံအုပ်ချုပ်ရေးကောင်စီ
ဝန်ကြီးချုပ်	မင်းအောင်လှိုင်
ယခင်လူ	ဦးချစ်နိုင်
ဆက်ခံသူ	ကိုယ်တိုင်
ဟိုတယ်နှင့် ခရီးသွားလာရေး ဝန်ကြီးဌာန ပြည်ထောင်စုဝန်ကြီး
တာဝန်သက်တမ်း ၇ ဖေဖော်ဝါရီ ၂၀၂၁ – ၅ ဩဂုတ် ၂၀၂၁
ခန့်အပ်သူ	နိုင်ငံတော်စီမံအုပ်ချုပ်ရေးကောင်စီ
သမ္မတ	မြင့်ဆွေ (ယာယီ)
ယခင်လူ	ဦးအုန်း​မောင်
ဆက်ခံသူ	ဗိုလ်ချုပ်တင်အောင်ချစ်
ရခိုင်ပြည်နယ် ဝန်ကြီးချုပ်
တာဝန်သက်တမ်း ၃၀ ဇွန် ၂၀၁၄ – ၂၅ ဩဂုတ် ၂၀၁၅
သမ္မတ	သိန်းစိန်
ယခင်လူ	လှမောင်တင်
ဆက်ခံသူ	ညီပု
နယ်စပ်ရေးရာ ဒုတိယဝန်ကြီး
တာဝန်သက်တမ်း ၂၅ ဇူလိုင် ၂၀၁၃ – ၁၈ ဇွန် ၂၀၁၄
ခေါင်းဆောင်	ဒုတိယဗိုလ်ချုပ်ကြီး သက်နိုင်ဝင်း
ယခင်လူ	ဗိုလ်ချုပ်ဇော်ဝင်း
ကိုယ်ရေး အချက်အလက်များ
မွေးဖွား	(1950-05-30) မေ ၃၀၊ ၁၉၅၀ မြန်မာနိုင်ငံ
ကြင်ဖော်	အေးအေးသိန်း
သားသမီး	ဒေါက်တာ အိမို့မို့အောင်၊ ရန်လင်းမောင်မောင်၊ ဉာဏ်လင်းမောင်မောင်
အစိုးရအဖွဲ့	မင်းအောင်လှိုင်အစိုးရ ဦးညိုစောအစိုးရ
ဆုတံဆိပ်များ	စည်သူဘွဲ့ (၂၀၂၂) သရေစည်သူ (၂၀၂၆)
စစ်မှုထမ်းခြင်း
သစ္စာခံနိုင်ငံ	မြန်မာ
တပ်/တပ်ဖွဲ့ခွဲ	တပ်မတော် (ကြည်း)
ရာထူး	ဗိုလ်ချုပ်
ပြန်တမ်းဝင်အမှတ်	ကြည်း ၁၆၅၁၇

ဦးမောင်မောင်အုန်း (၁၈ မေ ၁၉၅၀ မွေးဖွား) သည် ပြန်ကြားရေးဝန်ကြီးဌာနတွင် ပြည်ထောင်စုဝန်ကြီးတာဝန် ထမ်းဆောင်နေသူဖြစ်သည်။

သူသည် ဟိုတယ်နှင့်ခရီးသွားလာရေးဝန်ကြီးဌာန ပြည်​ထောင်စုဝန်ကြီးအဖြစ်လည်း​ကောင်း၊ ရခိုင်ပြည်နယ် ဝန်ကြီးချုပ်အဖြစ် ၂၀၁၄ ဇူလိုင်လမှ ၂၀၁၆ မတ်လအထိလည်း​ကောင်း တာဝန်ထမ်းဆောင်ခဲ့သူ ဖြစ်သည်။

သူသည် တပ်မတော် (ကြည်း)မှ ဗိုလ်ချုပ်တစ်ဦးဖြစ်ပြီး နယ်စပ်ရေးရာ ဒုတိယဝန်ကြီးအဖြစ် တာဝန်ထမ်းဆောင်ခဲ့ဖူးသည်။

နိုင်ငံရေးသမားဘဝ

၂၀၁၄

၂၀၁၄ ဇွန်လတွင် ရခိုင်ပြည်နယ် ဝန်ကြီးချုပ်နေရာမှ နုတ်ထွက်သွားခဲ့သော ဦးလှမောင်တင် နေရာတွင် အစားထိုးခန့်အပ်ခဲ့ခြင်း ဖြစ်သည်။ ထိုဝန်ကြီးချုပ်နေရာအား ရခိုင်တိုင်းရင်းသားများထဲမှ ခန့်အပ်ရန် ရခိုင်အမျိုးသားပါတီမှ တောင်းဆိုခဲ့သော်လည်း ဗမာလူမျိုးတစ်ဦးဖြစ်သူ ဦးမောင်မောင်အုန်းအား ခန့်အပ်ခဲ့သည်။ ဦးမောင်မောင်အုန်းအား ခန့်အပ်ရန် သမ္မတ ဦးသိန်းစိန်က အဆိုပြုခဲ့ပြီး ဇွန်လ ၃၀ ရက်နေ့တွင် ရခိုင်ပြည်နယ် လွှတ်တော်က အတည်ပြုခဲ့သည်။

၂၀၂၁

တပ်မတော်မှ အာဏာသိမ်းပြီးနောက် ဖွဲ့စည်းခဲ့သော နိုင်ငံတော်စီမံအုပ်ချုပ်ရေးကောင်စီအစိုးရလက်ထက်တွင် ၇ ဖေဖော်ဝါရီ ၂၀၂၁ မှ ဟိုတယ်နှင့် ခရီးသွားလာရေး ပြည်ထောင်စုဝန်ကြီးအဖြစ် ခန့်အပ်ခံရသည်။ ၂၀၂၁ ခုနှစ်၊ ဩဂုတ်လ ၁ ရက်နေ့မှစ၍ ပြန်ကြားရေး ပြည်ထောင်စုဝန်ကြီးအဖြစ် ပူးတွဲထမ်းဆောင်စေခဲ့သည်။ ထို့နောက် ၂၀၂၁ ဩဂုတ် ၅ ရက်တွင် ဦးဌေးအောင်က ဟိုတယ်နှင့် ခရီးသွားလာရေး ပြည်ထောင်စုဝန်ကြီးအဖြစ် ဆက်ခံခဲ့သည်။

၂၀၂၅

၂၀၂၅ ခုနှစ်၊ ဇူလိုင်လ ၃၁ ရက်နေ့တွင် နိုင်ငံတော်စီမံအုပ်ချုပ်ရေးကောင်စီကို ဖျက်သိမ်းပြီး အသစ်ဖွဲ့စည်းလိုက်သော ဦးညိုစောအစိုးရတွင် ပြန်ကြားရေးဝန်ကြီး ရာထူးကို အမျိုးသားကာကွယ်ရေးနှင့် လုံခြုံရေးကောင်စီက ဆက်လက် ခန့်အပ်ခံရသည်။

နိုင်ငံတကာ၏ ပိတ်ဆို့အရေးယူမှုများ

လူ့အခွင့်အရေးချိုးဖောက်မှုများကြောင့် နိုင်ငံတကာမှ ဒဏ်ခတ်ပိတ်ဆို့မှုများ ခံနေရသည့် စစ်ကောင်စီနှင့် ပတ်သက်ဆက်နွယ်မှုရှိသောကြောင့် ဦးမောင်မောင်အုန်း အပါအဝင် စကစနှင့် စကစအစိုးရအဖွဲ့ဝင်များစွာသည် နိုင်ငံတကာ၏ ပိတ်ဆို့အရေးယူခြင်းကို ခံရသည်။

	အရေးယူသည့် နိုင်ငံများ	ပိတ်ဆို့အရေးယူသည့် ရက်စွဲ	ရင်းမြစ်
၁။	ဥရောပသမဂ္ဂ	၂၀၂၂ ဖေဖော်ဝါရီ ၂၁
၂။	ပြင်သစ်
၃။	ဘယ်လ်ဂျီယမ်
၄။	မိုနာကိုနိုင်ငံ
၅။	ဆွစ်ဇာလန်	၂၀၂၂ မတ် ၇
၆။	ကနေဒါ	၂၀၂၂ ဒီဇင်ဘာ ၇

ဂုဏ်ပြုခံရခြင်း

နိုင်ငံတော်စီမံအုပ်ချုပ်ရေးကောင်စီ ဥက္ကဋ္ဌ က ၂၀၂၂ ခုနှစ်၊ နိုဝင်ဘာလ  ၁၇  ရက် နေ့တွင် အမိန့်ကြော်ငြာစာအမှတ် ၂၁၁/၂၀၂၂ ဖြင့် ပြည်ထောင်စုစည်သူသင်္ဂဟဘွဲ့ဖြစ်သော စည်သူဘွဲ့ကို ကြည်း ၁၆၅၁၇ ဗိုလ်ချုပ်မောင်မောင်အုန်း(ငြိမ်း) အား ချီးမြှင့်အပ်နှင်းထားသည်။

၂၀၂၆ ခုနှစ်၊ မတ်လ (၂) ရက်နေ့တွင် အမိန့်ကြော်ငြာစာအမှတ် ၄၃/၂၀၂၆ ဖြင့် ပြည်ထောင်စုစည်သူသင်္ဂဟဘွဲ့ဖြစ်သော သရေစည်သူဘွဲ့ကို ဗိုလ်ချုပ်မှူးကြီး မင်းအောင်လှိုင်က ချီးမြှင့်အပ်နှင်းခဲ့သည်။