နိုင်ငံတကာ စာတတ်မြောက်ရေးနေ့

နိုင်ငံတကာ စာတတ်မြောက်ရေးနေ့
လိုက်နာကျင့်သုံးသူများ	ကုလသမဂ္ဂ အဖွဲ့ဝင်နိုင်ငံများ အားလုံး
ရက်စွဲ	၈ စက်တင်ဘာ
ပြန်လည်ကျင်းပမှုအကြိမ်ရေ	နှစ်စဉ်

နိုင်ငံတကာ စာတတ်မြောက်ရေးနေ့ (အင်္ဂလိပ်: International Literacy Day) သည် အပြည်ပြည်ဆိုင်ရာ အထိမ်းအမှတ်နေ့ဖြစ်သည်။ နှစ်စဉ် စက်တင်ဘာလ ၈ ရက်နေ့ကို ၁၉၆၆ ခုနှစ် အောက်တိုဘာလ ၂၆ ရက်နေ့တွင် UNESCO ၏ ၁၄ ကြိမ်မြောက် အထွေထွေညီလာခံတွင် နိုင်ငံတကာ စာတတ်မြောက်ရေးနေ့ အဖြစ် ကြေညာခဲ့သည်။ ၁၉၆၇ ခုနှစ်တွင် ပထမဆုံးအကြိမ် ကျင်းပခဲ့သည်။ နိုင်ငံတကာ စာတတ်မြောက်ရေးနေ့သည် ကမ္ဘာတစ်ဝန်း စာတတ်မြောက်ရေးဆိုင်ရာ ပညာရေးလိုအပ်ချက်အတွက် အသိပညာပေးရန်အတွက် အရေးကြီးသောအခွင့်အရေးဖြစ်သည်။ ဤနေ့သည် လူတစ်ဦးချင်းစီ၏ဘဝတိုးတက်စေရန်အတွက် လိုအပ်သော အသိပညာနှင့် အရည်အချင်းများကို မြှင့်တင်ရန်အတွက် စာတတ်မြောက်မှုစွမ်းရည်သည် မရှိမဖြစ်လိုအပ်ကြောင်း သတိပေးချက်တစ်ခုဖြစ်သည်။

စာတတ်မြောက်ရေးသည် လူထုတိုးတက်မှုအတွက် မဖြစ်မနေလိုအပ်သော အခြေခံ အုပ်မြစ်တစ်ခုဖြစ်သည်။ စာဖတ်ခြင်းဟူသည် တန်ဖိုးမဖြတ်နိုင်သော ရတနာတစ်ပါးပင်ဖြစ်သည်။ စာဖတ်ခြင်းသည် လူတို့၏အသိဉာဏ်ကိုဖွင့်ပေးသောကြောင့်မျက်စိနှင့်တူသည်။ သိုဖြစ်၍ နိုင်ငံတော်အစိုးရက လူတိုင်းပညာရှိဖြစ်လာစေရန် စာတတ်မြောက်ရေးလှုပ်ရှားမှုများဖြင့် ဆောင်ရွက်ပေးလျက်ရှိသည်။

သို့ရာတွင် ၂၁ရာစု နည်းပညာများ အရှိန်အဟုန်ဖြင့် ထွန်းကားနေသည့် ယနေ့ခေတ်ကာလသို့ရောက်ရှိနေပြီ‌ဖြစ်သော်လည်း ကမ္ဘာတစ်ဝန်းတွင်လည်ကောင်း၊ ကျွန်ုပ်တို့၏ လူ့ဘောင်အဖွဲ့အစည်းအတွင်း၌လည်းကောင်း အကြောင်းအမျိုးမျိုးကြောင့် စာမတတ်သေးသူများစွာ တည်ရှိနေဆဲဖြစ်သည်း စာမတတ်သူတစ်ဦး၏ဘဝသည် မှောင်မဲ၍ပိတ်လှောင်ခံထားရသော အခန်းကျဉ်းငယ်တစ်ခုအတွင်းရောက်ရှိနေသကဲ့သို့ ခက်ခဲကြမ်းတမ်းလှသည်။ ထို့ကြောင့် စာမတတ်သူအား စာတတ်မြောက်အောင်၊ ပညာအလင်းရောင်ရရှိအောင် ကူညီဖေးမပေးခြင်းသည် လူသားတိုင်း၏ တာဝန်တစ်ရပ်ပင်ဖြစ်ပေသည်။