ထားဝယ် လေဆိပ်

ထားဝယ်လေဆိပ်
IATA: TVY ICAO: VYDW TVY ထားဝယ်လေဆိပ် တည်နေရာ
အချက်အလက်များ
အမျိုးအစား	အများပြည်သူနှင့်ဆိုင်ရာ လေဆိပ်
စီမံကွပ်ကဲသူ	အစိုးရ
ဝန်ဆောင်မှု ဧရိယာ	ထားဝယ်မြို့၊ တနင်္သာရီတိုင်းဒေသကြီး
ပင်လယ်မျက်နှာပြင် အထက်	၈၄ ပေ / ၂၆ မီတာ
ကိုဩဒိနိတ်	14°06′13″N 098°12′13″E
ပြေးလမ်း
ဦးတည်ရာအရပ် အလျား မျက်နှာပြင် မီတာ ပေ ၁၆/၃၄ ၂,၁၃၅ ၇,၀၀၅ ကွန်ကရစ်
ရင်းမြစ်:

ထားဝယ်လေဆိပ် သည် မြန်မာနိုင်ငံအောက်ပိုင်း တနင်္သာရီတိုင်းဒေသကြီး၊ ထားဝယ်မြို့တွင် တည်ရှိသည်။ လေဆိပ်သည် ပင်လယ်ရေမျက်နှာပြင်အထက် ၈၄ ပေ (၂၆ မီတာ)တွင် တည်ရှိသည်။ လေယာဉ်ပြေးလမ်းမျက်နှာပြင်မှာ ကွန်ကရစ်အမျိုးအစားဖြစ်ကာ ၂၁၃၅ မီတာရှည်ပြီး ၃၀ မီတာအကျယ်ရှိသည်။

သမိုင်းကြောင်း

မူလလေယာဉ်ပြေးလမ်း (၄၅၀၀× ၅၀) ပေ သည် ဒုတိယကမ္ဘာစစ်အတွင်း စတင်အသုံးပြုခဲ့သော စစ်သုံးလေယာဉ်ကွင်းဖြစ်ပြီး ၁၉၈၇ ခုနှစ်တွင် လေယာဉ်ပြေးလမ်းကို (၄၅၀၀× ၅၀) ပေမှ (၅၁၀၀× ၅၀) ပေအထိ တိုးချဲ့တည်ဆောက်ခဲ့သည်။ ၁၉၉၅-၁၉၉၆ ခုနှစ်တွင် (၅၁၀၀× ၇၅) ပေအထိ တိုးချဲ့ဆောင်ရွက်ခဲ့သည်။

၂၀၀၄ ခုနှစ်မှ စတင်၍ (၅၁၀၀× ၅၀) ပေအား စစ်အင်ဂျင်နီယာညွှန်ကြားရေးမှူးရုံးမှ (၁၂၀၀၀× ၁၀၀) ပေ အဝင်လမ်း (၂၂၀× ၁၀၀) ပေနှင့် လေယာဉ်ရပ်နားနေရာ (၆၀၀× ၃၀၀) ပေ အထူ (၂၆) လက်မ ကွန်ကရိခင်းခြင်းလုပ်ငန်းများ ဆောင်ရွက်ခဲ့ရာ ၂၀၀၈-၂၀၀၉ ခုနှစ်တွင် လုပ်ငန်းများ ပြီးစီး၍ စတင်အသုံးပြုခဲ့သည်။

လေကြောင်းလိုင်းများနှင့် ပျံသန်းမှုများ

လေကြောင်းလိုင်း	မြို့အမည်
အဲပုဂံ	ကော့သောင်း၊ မြိတ်၊ ရန်ကုန်
မြန်မာအမျိုးသား လေကြောင်းလိုင်း	မော်လမြိုင်၊ ရန်ကုန်
အေးပတ်စ် လေကြောင်းလိုင်း	ရန်ကုန်