စက်မှု ဝန်ကြီးဌာန

မြန်မာနိုင်ငံရှိ ဝန်ကြီးဌာနများတွင် စက်မှုနှင့် ပတ်သက်၍ အမှတ်(၁)စက်မှု ဝန်ကြီးဌာနနှင့် အမှတ်(၂)စက်မှု ဝန်ကြီးဌာန ဟူ၍ ဝန်ကြီးဌာနနှစ်ခု ခွဲထားသည်။ သို့သော် ၂၈-၈-၂၀၁၂ နေ့တွင် နိုင်ငံတော်သမ္မတမှ အမှတ်(၁)စက်မှု ဝန်ကြီးဌာနနှင့် အမှတ်(၂)စက်မှု ဝန်ကြီးဌာန တို့ကို စက်မှု ဝန်ကြီးဌာနအဖြစ်ပေါင်းစပ်ဖွဲ့စည်းလိုက်သည်။ လက်ရှိ စက်မှုဌာန ဝန်ကြီးမှာ ဦးအေးမြင့် ဖြစ်သည်။ ဒုတိယဝန်ကြီးများမှာ ဦးအောင်သန်းဦးနှင့် ဦးမြင့်ဇော် တို့ဖြစ်သည်။

ဖွဲ့စည်းပုံ

စက်မှု ဝန်ကြီးဌာန၏ လက်အောက်တွင် ပြည်ထောင်စုဝန်ကြီးရုံး၊ ဦးစီးဌာန (၃)ခု၊ လုပ်ငန်းဌာန (၆)ခုနှင့် ဗဟို(၂)ခုဖြင့် ဖွဲ့စည်းထားပါသည်။ ၎င်းတို့မှာ-

1. ပြည်ထောင်စုဝန်ကြီးရုံး
2. စက်မှုစီမံကိန်း ဦးစီးဌာန
3. စက်မှုကြီးကြပ်ရေးနှင့် စစ်ဆေးရေး ဦးစီးဌာန
4. အမှတ်(၁) အကြီးစားစက်မှုလုပ်ငန်း
5. အမှတ်(၂) အကြီးစားစက်မှုလုပ်ငန်း
6. အမှတ်(၃) အကြီးစားစက်မှုလုပ်ငန်း
7. အထည်အလိပ်လုပ်ငန်း
8. ဆေးဝါးနှင့်စားသောက်ကုန်လုပ်ငန်း
9. စက္ကူနှင့်အိမ်သုံးလုပ်ငန်း
10. သုတေသနနှင့်ဖွံ့ဖြိုးရေးဗဟိုဌာန
11. အသေးစားနှင့်အလတ်စားလုပ်ငန်းများဖွံ့ဖြိုးရေးဗဟိုဌာန တို့ဖြစ်သည်။

ရည်ရွယ်ချက်

• နိုင်ငံနှင့်အဝှမ်းပြည့်ဝသော လူ့စွမ်းအားအရင်းအမြစ်များ ဖော်ထုတ်ပေးရေး။
• လူငယ်လူရွယ်များအတွက် အလုပ်အကိုင်အခွင့်အလမ်းများ ဖန်တီးဖော်ထုတ်၍ စက်မှုကဏ္ဍများတွင် ပူးပေါင်းပါဝင်ဆောင်ရွက်လာစေရေး။
• ထုတ်လုပ်ရေးဆိုင်ရာ အဆင့်မြင့်နည်းပညာရပ်များနှင့် အရည်အသွေးထိန်းသိမ်းမှုဆိုင်ရာ နည်းပညာရပ်များကို စက်ရုံအလုပ်ရုံများတွင် လက်တွေ့အသုံးချ ဆောင်ရွက်နိုင်စေရေး။
• အရည်အသွေးပြည့်ဝသော စက်ပစ္စည်းအစိတ်အပိုင်းများနှင့် စက်အရန်ပစ္စည်းများကို စီးပွားဖြစ် တိုးမြှင့်ထုတ်လုပ်၍ စက်မှုကဏ္ဍ ဖွံ့ဖြိုးတိုးတက်လာစေရေး။
• ပုဂ္ဂလိကပိုင်နှင့် နိုင်ငံတော်ပိုင်စက်ရုံများအတွက် Tools, Die, Jig & Fixtures များကို ထုတ်လုပ်ဖြန့်ဖြူး၍ စက်ရုံအလုပ်ရုံများတွင် ထုတ်ကုန်များကို ပိုမိုတိုးမြှင့်ထုတ်လုပ်နိုင်စေရေး။
• ပြည်တွင်းကုန်ကြမ်းများကို အသုံးပြူ၍ အရည်အသွေးပြည့်ဝသော ထုတ်ကုန်များကို တိုးမြှင့်ထုတ်လုပ်ပြီး နိုင်ငံတော်၏ စီးပွားရေး၊ လူမှုရေးနှင့် နည်းပညာရပ်ပိုင်း ဆိုင်ရာများကို ပိုမိုအထောက်အကူပြု တိုးတက်လာစေရေး။
• နည်းပညာနှင့် အရည်အသွေးမြင့်မားသော အနာဂတ် ထုတ်ကုန်များကို ထုတ်လုပ်နိုင်ရန်အတွက် သုတေသနနှင့်ဖွံ့ဖြိုးရေးဆိုင်ရာလုပ်ငန်းများကို ပိုမိုတိုးမြင့်ဆောင်ရွက်စေခြင်း။

ဆက်သွယ်ရန်လိပ်စာ

ရုံးအမှတ်(၃၀)၊ ဇေယျဌာနီလမ်း၊ နေပြည်တော်။
ဖုန်း - ၀၆၇-၄၀၅၁၃၅၊ ၀၆၇-၄၀၅၃၃၃၊ ၀၆၇-၄၀၅၃၃၄၊ ၀၆၇-၄၀၅၃၃၆
ဖက်(စ်): ၀၆၇-၄၀၅၀၅၂
Email: ministryofindustry@gmail
Website: www.myanmarindustry2.com