ဘောလခဲခရိုင်

ဝီကီပီးဒီးယား မှ
Jump to navigation Jump to search
ဘော်လခဲခရိုင်
ဘော်လခဲခရိုင် သည် မြန်မာနိုင်ငံ တွင် တည်ရှိသည်
ဘော်လခဲခရိုင်
ဘော်လခဲခရိုင်
ကိုဩဒိနိတ်: 18°55′N 97°26′E / 18.917°N 97.433°E / 18.917; 97.433ကိုဩဒိနိတ်: 18°55′N 97°26′E / 18.917°N 97.433°E / 18.917; 97.433
နိုင်ငံ မြန်မာ
ပြည်နယ်ကယားပြည်နယ်
မြို့နယ်ပေါင်း
မြို့တော်ဘော်လခဲမြို့
ဧရိယာ
 • စုစုပေါင်း၁၉၉၄.၇၇ စတုရန်းမိုင် (၅၁၆၆.၄ စတုရန်းကီလိုမီတာ)
လူဦးရေ (၂၀၁၄)
 • စုစုပေါင်း၄၂,၈၅၉
 • သိပ်သည်းမှု၂၁/sq mi (၈.၃/km)
အချိန်ဇုန်မြန်မာစံတော်ချိန် (UTC+6:30)

ဘော်လခဲခရိုင် သည် ကယားပြည်နယ်ရှိ ခရိုင်တစ်ခု ဖြစ်သည်။ ဘော်လခဲခရိုင်တွင်းရှိ လူဦးရေမှာ ၂၀၁၄ ခုနှစ် သန်းခေါင်စာရင်းအရ ၄၂,၈၅၉ ယောက်[၁] ဖြစ်သည်။ ဘော်လခဲခရိုင်တွင် ပါဝင်သည့် မြို့နယ်များမှာ ဘော်လခဲမြို့နယ်ဖားဆောင်းမြို့နယ် နှင့် မယ်စဲ့မြို့နယ်တို့ ဖြစ်သည်။

ပထဝီဝင်[ပြင်ဆင်ရန်]

တည်နေရာနှင့် အကျယ်အဝန်း[ပြင်ဆင်ရန်]

ဘော်လခဲခရိုင်သည် ကယားပြည်နယ် တောင်ပိုင်းတွင် တည်ရှိပြီး၊ အကျယ်အဝန်းမှာ ၁,၉၉၄.၇၇ စတုရန်းမိုင် (၅,၁၆၆.၄ စတုရန်း ကီလိုမီတာ) ဖြစ်ပြီး မြောက်လတ္တီတွဒ် ၁၈ ဒီဂရီ ၂၉ မိနစ် နှင့် ၁၉ ဒီဂရီ ၂၀ မိနစ်အတွင်း၊ အရှေ့လောင်ဂျီတွဒ် ၉၆ ဒီဂရီ ၅၆ မိနစ်နှင့် ၉၇ ဒီဂရီ ၅၀ မိနစ်အတွင်း တည်ရှိသည်။[၂]

နယ်နိမိတ်[ပြင်ဆင်ရန်]

ဘော်လခဲခရိုင်သည် အရှေ့ဘက်တွင် ထိုင်းနိုင်ငံ၊ အနောက်ဘက်တွင် ဘားအံခရိုင် (ကရင်ပြည်နယ်)နှင့် လွိုင်ကော်ခရိုင်၊ တောင်ဘက်တွင် ဖာပွန်ခရိုင် (ကရင်ပြည်နယ်)နှင့် ထိုင်းနိုင်ငံ၊ မြောက်ဘက်တွင် လွိုင်ကော်ခရိုင် တို့နှင့် နယ်နမိတ်ထိစပ်နေသည်။

မြေမျက်နှာ သွင်ပြင်[ပြင်ဆင်ရန်]

ဘော်လခဲခရိုင်သည် တောင်ကုန်းတောင်တန်း ထူထပ်ပြီး မြေပြန့် လွင်ပြင်နည်းပါးသည်။ ပင်လယ်ရေမျက်နှာပြင် အထက် ပျမ်းမျှအမြင့် ၄၅၂ ပေမှ ၁၄၅၀ ပေ အထိရှိသည်။ အမြင့်ဆုံးတောင်မှာ ဖားဆောင်းမြို့နယ်ရှိ နတ်တောင် ဖြစ်ပြီး အမြင့်ပေ ၈၆၀၇ ပေ ဖြစ်သည်။[၂]

ရေဆင်း[ပြင်ဆင်ရန်]

ဘော်လခဲခရိုင်အတွင်း စီးဆင်းသော မြစ်ချောင်းများမှာ ရှားတောမြို့နယ်မှ မြစ်ဖျားခံ၍ ဘော်လခဲမြို့နယ်သို့ ဖြတ်သန်းစီးဆင်းသော ပွန်ချောင်း၊ ရွာသစ်မြို့နယ်ခွဲအတွင်း မယ်ပိုင်ချောင်းနှင့် သံလွင်မြစ်၊ ဖားဆောင်းမြို့နယ်တွင် ထူးချောင်းနှင့် သံလွင်မြစ်၊ မယ်စဲ့မြို့နယ်တွင် မယ်စဲ့ချောင်းတို့ ဖြစ်သည်။[၂]

ရာသီဥတု[ပြင်ဆင်ရန်]

ဘော်လခဲခရိုင်သည် အပူပိုင်းမုတ်သုံရာသီဥတုမျိုးရှိပြီး အမြင့်ဆုံးအပူချိန်မှာ ၄၃ ဒီဂရီစင်တီဂရိတ်နှင့် အနိမ့်ဆုံးအပူချိန်မှာ ၇ ဒီဂရီစင်တီဂရိတ် ဖြစ်သည်။ ရွာသွန်းမြဲမိုးရေချိန်မှာ ၂၄.၀၈ လက်မ ဖြစ်သည်။[၂]

ကိုးကား[ပြင်ဆင်ရန်]

  1. Provisional Results Census 26 August 2014 FINAL, ပြည်သူ့အင်အားဦးစီးဌာန, 26 August 2014, p. ၁၆, retrieved February 26, 2015 
  2. ၂.၀ ၂.၁ ၂.၂ ၂.၃ ၂.၄ ဘောလခဲခရိုင်၏ ဒေသန္တရအချက်အလက်များ။ ကယားပြည်နယ်အစိုးရအဖွဲ့။ ၂ ဩဂုတ် ၂၀၁၈ တွင် ပြန်စစ်ပြီး။