မြန်မာနိုင်ငံ မသန်စွမ်းသူများ အားကစားအဖွဲ့ချုပ်

မြန်မာနိုင်ငံ မသန်စွမ်းသူများ အားကစားအဖွဲ့ချုပ်

မြန်မာနိုင်ငံ မသန်စွမ်းသူများ အားကစားအဖွဲ့ချုပ် ၏အမှတ်တံဆိပ်
နိုင်ငံ/ဒေသ	မြန်မာ
ကုဒ်	MYA
စတင်တည်ထောင်ခြင်း	၁၉၈၉
ဥက္ကဋ္ဌ	ဗိုလ်မှူးချုပ် စိုးဝင်း
အထွေထွေ အတွင်းရေးမှူးချုပ်	ဦးပီတာ
ဝဘ်ဆိုဒ်	paralympic.org/myanmar

မြန်မာနိုင်ငံမသန်စွမ်းသူများ အားကစားအဖွဲ့ချုပ် (အင်္ဂလိပ်: Myanmar Paralympic Sports Federation) သည် မြန်မာနိုင်ငံအိုလံပစ်ကော်မတီ လက်အောက်ရှိ မသန်စွမ်းသူများဆိုင်ရာ အားကစားအဖွဲ့ချုပ်တစ်ခုဖြစ်သည်။ အခြားနိုင်ငံများကဲ့သို့ အမျိုးသား ပါရာလမ်းပစ်ကော်မတီ မထားရှိပဲ အားကစားအဖွဲ့ချုပ်သာထားရှိပြီး အိုလံပစ်ကော်မတီ၏ လက်အောက်တွင် ထားရှိသည်။မြန်မာနိုင်ငံ ပါရာလမ်းပစ်ကော်မတီကိုမူ ဖွဲ့စည်းနိုင်ရန် ဆောင်ရွက်နေဆဲဖြစ်သည်။

မသန်သော်လည်း စွမ်းသည် ဟူသော စကားရပ်နှင့်အညီ မသန်စွမ်းသူများ အားကစားနည်းများတွင် ပါဝင်ယှဉ်ပြိုင်နိုင်ရန် စွမ်းဆောင်နေသော အားကစားအဖွဲ့ချုပ်တစ်ခုဖြစ်သည်။ အားကစားအဖွဲ့ချုပ်သည် ရန်ကုန်မြို့၊ ဗိုလ်ချုပ်အောင်ဆန်းအားကစားကွင်းတွင် တည်ရှိသည်။

သမိုင်းကြောင်း

မြန်မာနိုင်ငံရှိ မသန်စွမ်းသူများ အားကစားနည်းများတွင် ပါဝင်ဆောင်ရွက်နိုင်ရန်နှင့် ကိုယ်လက်ကြံ့ခိုင်စေရန်အတွက် မသန်စွမ်းသူများအားကစားအဖွဲ့ချုပ်ကို ၁၉၈၉ခုနှစ်တွင် အားကစားဝန်ကြီးဌာနလက်အောက်တွင် ဖွဲ့စည်းခဲ့သည်။ မြန်မာနိုင်ငံလုံးဆိုင်ရာ မသန်စွမ်းသူများအားကစားပွဲကို ၁၉၉၀ပြည့်နှစ်မှစ၍ နှစ်စဉ်ကျင်းပလာခဲ့သည်။၂၀၁၄ခုနှစ်တွင် မသန်စွမ်းသူများအတွက် စခန်းသွင်းအားကစားလေ့ကျင့်နိုင်ရန် ရန်ကုန်တိုင်းဒေသကြီး၊ မြောက်ဒဂုံမြို့နယ်တွင် အားကစားစခန်းဖွင့်လှစ်ပေးနိုင်ခဲ့သည်။ မြန်မာနိုင်ငံအနေဖြင့် ၂၀၁၄ခုနှစ်တွင် (၇)ကြိမ်မြောက် အာဆီယံမသန်စွမ်းအားကစားပြိုင်ပွဲကို အိမ်ရှင်အဖြစ် လက်ခံကျင်းပနိုင်ခဲ့သည်။'

အောင်မြင်မှုများ

မြန်မာနိုင်ငံ မသန်စွမ်းအားကစားသမားများအနေဖြင့် ပြည်တွင်းပြိုင်ပွဲများအပြင် နိုင်ငံတကာပွဲတော်များတွင်ပါ ဆုတံဆိပ်များ ဆွတ်ခူးနိုင်ခဲ့သည်။အာဆီယံမသန်စွမ်းအားကစားပြိုင်ပွဲ၊ အာရှမသန်စွမ်းအားကစားပြိုင်ပွဲ၊ မသန်စွမ်းအိုလံပစ်ပြိုင်ပွဲများတွင်ပါ ဆုတံဆိပ်များ ရရှိခဲ့သည်။၂၀၁၈ခုနှစ်အထိ နိုင်ငံတကာအားကစားပွဲများမှ ဆုတံဆိပ် (၇၈၆)ခု ရရှိထားသည်။

မသန်စွမ်းအိုလံပစ်ပြိုင်ပွဲ (ပါရာလမ်းပစ်)

ပွဲ​တော်	ရွှေ	​ငွေ	​ကြေး	စုစု​ပေါင်း
၁၉၇၆	၁	၁	၁	၃
& ၁၉၈၄	၁	၂	၁	၄
စုစု​ပေါင်း	၂	၃	၂	၇

အာရှမသန်စွမ်းအားကစားပြိုင်ပွဲ

အောက်ပါစာရင်းမှာ အာရှ မသန်စွမ်း အားကစားပြိုင်ပွဲအပြင် ထိုပြိုင်ပွဲ၏ ယခင်အမည်ဖြစ်သော အရှေ့ဖျားနှင့် တောင်ပစိဖိတ်ဒေသ မသန်စွမ်းအားကစားပြိုင်ပွဲ (FESPIC Games) တွင် ယှဉ်ပြိုင်ခဲ့မှုများပါ ပါဝင်သည်။

ပွဲ​တော်	ရွှေ	​ငွေ	​ကြေး	စုစု​ပေါင်း
အရှေ့ဖျားနှင့် တောင်ပစိဖိတ်ဒေသ မသန်စွမ်းအားကစားပြိုင်ပွဲ
၁၉၇၅	၃	၁	၀	၄
၁၉၇၇	၁၆	၁၅	၁	၃၂
၁၉၈၂	၄	၃	၄	၁၁
၁၉၈၉	၈	၉	၁၀	၂၇
၁၉၉၄	၄	၇	၁၄	၂၅
၁၉၉၉	၇	၁၆	၁၈	၄၁
၂၀၀၂	၄	၁၃	၄	၂၁
၂၀၀၆	၆	၃	၆	၁၅
စုစု​ပေါင်း	၅၂	၆၇	၅၇	၁၇၆
အာရှ မသန်စွမ်း အားကစားပြိုင်ပွဲ
၂၀၁၀	၀	၀	၁	၁
၂၀၁၄	၁	၀	၆	၇
၂၀၁၈	၀	၄	၂	၆
စုစု​ပေါင်း	၁	၄	၉	၁၄

အာရှ လူငယ်မသန်စွမ်း အားကစားပြိုင်ပွဲ

ပွဲ​တော်	ရွှေ	​ငွေ	​ကြေး	စုစု​ပေါင်း
၂၀၁၃	၃	၄	၄	၁၁
စုစု​ပေါင်း	၃	၄	၄	၁၁

အာဆီယံ မသန်စွမ်း အားကစားပြိုင်ပွဲ

ပွဲ​တော်	ရွှေ	​ငွေ	​ကြေး	စုစု​ပေါင်း
၂၀၀၁	၄၃	၂၃	၁၁	၇၇
၂၀၀၃	၂၄	၁၂	၁၁	၄၇
၂၀၀၅	၂၉	၁၃	၄	၄၆
၂၀၀၈	၁၄	၁၆	၂၁	၅၁
၂၀၀၉	၁၄	၁၉	၇	၄၀
၂၀၁၁	၁၁	၉	၁၄	၃၄
၂၀၁၄	၃၄	၂၆	၃၆	၉၆
၂၀၁၅	၁၆	၁၇	၂၉	၆၂
၂၀၁၇	၁၁	၁၅	၁၇	၄၃
စုစု​ပေါင်း	၁၉၆	၁၅၀	၁၅၀	၄၉၆