မောင်တောမြို့နယ်

ဝီကီပီးဒီးယား မှ
အ​ညွှန်း​သို့ ခုန်ကူးရန် ရှာဖွေရန် ခုန်ကူးမည်
မောင်တောမြို့နယ်
မြို့နယ်
​မောင်​တောခရိုင်အတွင်းတည်​နေရာ (အနီ)
​မောင်​တောခရိုင်အတွင်းတည်​နေရာ (အနီ)
မောင်တောမြို့နယ် သည် မြန်မာနိုင်ငံ တွင် တည်ရှိသည်
မောင်တောမြို့နယ်
မောင်တောမြို့နယ်
မြန်မာနိုင်ငံတွင်း တည်နေရာပြမြေပုံ
ကိုဩဒိနိတ်: 20°49′N 92°22′E / 20.817°N 92.367°E / 20.817; 92.367ကိုဩဒိနိတ်: 20°49′N 92°22′E / 20.817°N 92.367°E / 20.817; 92.367
နိုင်ငံ မြန်မာ
ပြည်နယ်ရခိုင်ပြည်နယ်
ခရိုင်မောင်တောခရိုင်
မြို့နယ်ရုံးစိုက်ရာမြို့မောင်တောမြို့
ဧရိယာ
 • စုစုပေါင်း၁၅၁၇.၅ စတုရန်းကီလိုမီတာ (၅၈၅.၉၂ စတုရန်းမိုင်)
လူဦးရေ (၂၀၁၄)[၁]၃၈,၁၉၉
အချိန်ဇုန်မြန်မာစံတော်ချိန် (UTC+6.30)

မောင်တောမြို့နယ် သည် မြန်မာနိုင်ငံရခိုင်ပြည်နယ်မောင်တောခရိုင်ရှိ မြို့နယ်တစ်ခု ဖြစ်သည်။[၂] မောင်တောမြို့နယ်တွင် မောင်တောမြို့တောင်ပြိုလက်ဝဲမြို့ခမောင်းဆိပ်မြို့နှင့် မြင်းလွှတ်မြို့တို့ ပါဝင်ပြီး မြို့နယ်ရုံးစိုက်ရာမြို့မှာ မောင်တောမြို့ ဖြစ်သည်။

နယ်နမိတ်[ပြင်ဆင်ရန်]

မောင်တောမြို့နယ်၏ အရှေ့ဘက်တွင် ဘူးသီးတောင်မြို့နယ်၊ အနောက်ဘက်တွင် ဘင်္ဂလားဒေ့ရှ်နိုင်ငံနှင့် နတ်မြစ်၊ တောင်ဘက်တွင် ရသေ့တောင်မြို့နယ်နှင့် ဘင်္ဂလားပင်လယ်အော်၊ မြောက်ဘက်တွင် ဘင်္ဂလားဒေ့ရှ်နိုင်ငံတို့နှင့် ထိစပ်နေသည်။ မောင်တောမြို့နယ်၏ အနောက်ဘက်နှင့် မြောက်ဘက်တွင် ဘင်္ဂလားဒေ့ရှ်နိုင်ငံနှင့် နတ်မြစ်ရေမိုင် ၄၁ မိုင်၊ ကုန်းမိုင် ၄၂ မိုင် ဖြင့် နယ်စပ်ထိစပ်လျက်ရှိသည်။ တောင်ဘက်တွင် ဘင်္ဂလားပင်လယ်အော်နှင့် ကမ်းရိုးတမ်း ၂၅ မိုင် အရှည်တည်ရှိပြီး ရသေ့တောင်မြို့နယ်နှင့် ကုန်းမိုင် ၁၂ မိုင်ခန့်၊ အရှေ့ဘက်တွင် ဘူးသီးတောင်မြို့နယ်နှင့် ၆၃ မိုင်ခန့် ထိစပ်လျက်ရှိသည်။[၃]

ပထဝီဝင်[ပြင်ဆင်ရန်]

မောင်တောမြို့နယ်၏ ဧရိယာ အကျယ်အဝန်းမှာ ၅၈၅.၉၂ စတုရန်းမိုင် (၁,၅၁၇.၅ စတုရန်း ကီလိုမီတာ) ဖြစ်သည်။[၃] မောင်တောမြို့နယ်၏ အရှေ့ဘက်တွင် မေယုတောင်တန်း တည်ရှိပြီး နတ်မြစ်၏ ချောင်းလက်တက်များသည် ယင်းမှ မြစ်ဖျားခံကာ အနောက်ဘက်သို့ စီးဆင်းသည်။

မောင်တောမြို့နယ်သည် ပင်လယ်ရေမျက်နှာပြင်အထက် အမြင့် ပျမ်းမျှ ၁၀ ပေတွင် ရှိသည်။ အရှေ့ဘက်ရှိ မေယုတောင်တန်းရှိ အမြင့်ဆုံးတောင်ဖြစ်သော မင်္ဂလာကြီးတောင်မှာ ပင်လယ်ရေမျက်နှာပြင်အထက်ပေ ၁၀၀၀ ခန့်မြင့်သည်။

ရာသီဥတု[ပြင်ဆင်ရန်]

မောင်တောမြို့နယ်သည် ပူအိုက်စွတ်စိုသော ရာသီဥတုရှိပြီး အမြင့်ဆုံးအပူချိန်မှာ ၃၈ ဒီဂရီစင်တီဂရိတ်နှင့် အနိမ့်ဆုံးအပူချိန်မှာ ၉ ဒီဂရီစင်တီဂရိတ် ဖြစ်သည်။[၃]

စီးပွားရေး[ပြင်ဆင်ရန်]

မောင်တောမြို့နယ်တွင် ပင်လယ်ပြင် ငါးဖမ်းလုပ်ငန်းနှင့် စိုက်ပျိုးရေးလုပ်ငန်း၊ ပုဇွန်မွေးမြူရေးလုပ်ငန်းတို့ကို အဓိက လုပ်ကိုင်ကြသည်။

ပညာရေး[ပြင်ဆင်ရန်]

မောင်တောမြို့နယ်အတွင်းတွင် တက္ကသိုလ်၊ ကောလိပ် စသော အဆင့်မြင့် ပညာရေးကျောင်းများ မရှိပေ။ ၂၀၁၉ ခုနှစ် စက်တင်ဘာလ စာရင်းများအရ မောင်တောမြို့နယ်တွင် အထက်တန်းကျောင်း ၈ ခု၊ အထက်တန်းကျောင်းခွဲ ၈ ခု၊ အလယ်တန်းကျောင်း ၃ ခု၊ အလယ်တန်းကျောင်းခွဲ ၁၄ ခု၊ မူလတန်းလွန်ကျောင်း ၉၅ ခု၊ မူလတန်းကျောင်း ၅၇ ခုနှင့် မူလတန်းကြိုကျောင်း ၁ ခု တည်ရှိသည်။

ကျန်းမာရေး[ပြင်ဆင်ရန်]

မောင်တောမြို့နယ်တွင် ကုတင် ၅၀ ဆံ့ မောင်တောမြို့နယ် ပြည်သူ့ဆေးရုံ၊ ၁၆ ကုတင်ဆံ့ တောင်ပြိုလက်ဝဲမြို့ဆေးရုံ နှင့် ၁၆ ကုတင်ဆံ့ တိုက်နယ်ဆေးရုံ ၃ ရုံ ရှိသည်။ မြို့နယ်အတွင်း ကျေးလက်ကျန်းမာရေးဌာန ၉ ခု၊ ကျေးလက်ကျန်းမာရေးဌာနခွဲ ၄၄ ခု တည်ရှိသည်။

ကိုးကား[ပြင်ဆင်ရန်]

  1. သန်းခေါင်စာရင်း အစီရင်ခံစာ။ ၂၀၁၄ ခုနှစ် လူဦးရေနှင့် အိမ်ထောင်စု သန်းခေါင်စာရင်း အစီရင်ခံစာ။ အတွဲ-၂။ နေပြည်တော်: လူဝင်မှုကြီးကြပ်ရေးနှင့် ပြည်သူ့အင်အား ဝန်ကြီးဌာန။ မေ ၂၀၁၅။ pp. ၆၀။
  2. "Myanmar States/Divisions & Townships Overview Map" Myanmar Information Management Unit (MIMU)
  3. ၃.၀ ၃.၁ ၃.၂ ၃.၃ မောင်တောမြို့နယ် ဒေသဆိုင်ရာအချက်အလက်များ (PDF)။ မောင်တောမြို့နယ် အထွေထွေ အုပ်ချုပ်ရေးဦးစီးဌာန။ အောက်တိုဘာ ၂၀၁၇။ ၂၉ ဇူလိုင် ၂၀၁၈ တွင် ပြန်စစ်ပြီး