ထားဝယ်မြို့

Wikipedia မှ
ဤနေရာသို့သွားရန် - အ​ညွှန်း​, ရှာ​ဖွေ​ရန်​
ထားဝယ်မြို့
—  မြန်မာနိုင်ငံရှိ မြို့များ  —
ထားဝယ်မြို့ is located in Burma
ထားဝယ်မြို့
မြို့တည်နေရာပြ မြန်မာနိုင်ငံမြေပုံ
Coordinates: 14°5′N 98°12′E / 14.083°N 98.2°E / 14.083; 98.2
နိုင်ငံအမည် မြန်မာနိုင်ငံ၏ အလံတော် မြန်မာ
တိုင်းဒေသကြီး Flag of Tanintharyi Division.svg တနင်္သာရီတိုင်း
ခရိုင် ထားဝယ်
လတ္တီကျု (၁၄)ဒီဂရီ၊ (၅)မိနစ်
လောင်ဂျီကျု (၉၈)ဒီဂရီ၊ (၁၂)မိနစ်
မြို့နယ်ရုံးစိုက်ရာမြို့ ထားဝယ်မြို့
Time zone မြန်မာစံတော်ချိန် (UTC+ ၆ နာရီ ၃၀ မိနစ်)


ထားဝယ်မြို့[ပြင်​ဆင်​ရန်​]

ထားဝယ်မြို့သည် မြန်မာပြည်အောက်ပိုင်း၊ တနင်္သာရီတိုင်းမြို့တော်ဖြစ်သည်။ ထားဝယ်ခရိုင်၏ ခရိုင်ဝန်ရုံး စိုက်ရာမြို့ဖြစ်သည်။ ထားဝယ် မြစ်ဝမှ မိုင် ၃ဝ ခန့်ကွာဝေး၍၊ ထားဝယ်မြစ်၏ လက်ဝဲဘက် ကမ်းပေါ်တွင် တည်ရှိသည်။ ထားဝယ်မြို့သည် ခရိုင်ဝန်ရုံးစိုက်ရာမြို့ ဖြစ်သည့်အားလျော်စွာ အစိုးရဌာနအသီးသီး၏ ခရိုင်ဌာန ချုပ်ရုံးများ၊ မြူနီစပယ်ရုံး၊ ဆေးရုံကြီး၊ အစိုးရတန်းမြင့်ကျောင်း နှင့် ဈေးရုံများရှိ၍၊ စည်ကားသော မြို့ကြီးတစ်မြို့ဖြစ်သည်။

ထားဝယ်မြို့

ကောဇာသက္ကရာဇ် ၁၁၁၆ ခုနစ် တပေါင်းလဆန်း ၁၃ ရက်နေ့တွင် ထားဝယ်မြို့အား စတင်တည်ထောင်ခဲ့ခြင်းဖြစ်သည်။ ထို့ကြောင့် ဥသြအော်သည် ထား၀ယ်တည်ဟု ဆိုကြသည်။ ထားဝယ်မြို့အား စတင်တည်ထောင်စဉ်က သာယာဝတီမြို့ဟု ခေါ်ဆို သမုတ်ခဲ့ကြပါသည်။ ထားဝယ်လူမျိုး များရှိပြီးမှ လူမျိုးကြောင့် ထားဝယ်မြို့ဟု ခေါ်တွင်ရခြင်းဖြစ်သည်။ ထားဝယ်လူမျိုး မူလစကတည်းကရှိခဲ့သောကြောင့် နေရာဌာန ထားဝယ်က ဒုတိယလိုက်ခဲ့ခြင်း ဖြစ်သည်။ ထားဝယ်မြို့တွင် မြို့မရပ်ကွက် (၁၅)ခုနင့် ရပ်ရွာအုပ်စုပေါင်း (၂၃)ခုတို့ပါဝင်ပါသည်။ ထားဝယ်မြို့ရှိ မြို့မရပ်ကွက် (၁၅)ခုတွင် အိမ်ခြေ(၁၀၀၀၀)ကျော်၊ လူဦးရေ (၇၀၀၀၀)သောင်းကျော်နေထိုင်လျှက်ရှိသည်။ ထားဝယ်မြို့သည် အကျယ်အဝန်းအားဖြင့် ၂၆၃၆.၁၄ စတုရန်းမိုင် ကျယ်ဝန်းသည်။ ထားဝယ်ခရိုင်ကို မြို့နယ်လေးခုဖြင့် ဖွဲ့စည်းထားသည်။ ထိုလေးခုမှာ

  1. ထားဝယ်မြို့နယ်၊
  2. လောင်းလုံးမြို့နယ်၊
  3. သရက်ချောင်းမြို့နယ်၊
  4. ရေဖြူမြို့နယ်တို့ဖြစ်သည်။ ထားဝယ်လေးခရိုင်ဟုခေါ်သည်။

ထားဝယ်မြို့သည် မီးရထားလမ်းနှင့် ကွာဝေးသော မြို့တစ်မြို့ဖြစ်၍ လမ်းပန်းဆက်သွယ်ရေးတွင် မော်တော်ကားနှင့် သင်္ဘောများကိုသာ အားထားရသည်။ မော်လမြိုင်မှ မီးရထား လမ်းဆုံးဖြစ်ခဲ့သော ရေးမြို့နှင့် ဘတ်ကားလမ်းပေါက်သည်။ သို့သော် တောင်တက်တောင်ဆင်း ခရီးကြမ်းသဖြင့် အသွားအလာ မလွယ်ကူပေ။ ထားဝယ်ကားဆိပ်၌ ကုန်တင်မော်တော် ကား၊ လူစီးကားများစွာတို့ကို တွေ့မြင်ရသည်။ ထားဝယ် ဆိပ်ကမ်းမှာလည်း ဆိပ်ကမ်းကောင်းဖြစ်၍ အရောင်းအဝယ် စည်ကားသည်။ ထားဝယ်မြို့မှ မြန်မာနိုင်ငံခြားဆိပ်ကမ်းမြို့များ သို့ ရေကြောင်းအဆက်အသွယ် အလွန်ကောင်းမွန်သည်။


ရာသီဥတုမှာ ပူအိုက်စွတ်စိုသည့် ရာသီဥတုဖြစ်သည်။ ဒေသထွက်ကုန်များမှာ စပါး ၊ ရာဘာ၊ သစ်၊ ဆီအုန်း စသော သစ်တောအထွက် ပစ္စည်းများအပြင် ခဲမဖြူ ဖြိုက်နက် စသည့် အတွင်းထွက်ပစ္စည်းများ ထွက်ရှိသည့် ဒေသဖြစ်သည်။ ပညာရေးအနေဖြင့် ထားဝယ်တက္ကသိုလ် တစ်ကျောင်း၊ နည်းပညာကောလိပ်၊ ပညာရေးကောလိပ်၊ သူနာပြုသင်တန်းကျောင်း၊ အထက်တန်းကျောင်း(၄)ကျောင်း၊ အလယ်တန်းကျောင်း (၅) ကျောင်း၊ မူလတန်းကျောင်း(၇၈) ကျောင်းတို့ ရှိကြသည်။ ထားဝယ်မြို့အား လေ့လာရင်း လည်ပတ်နိင်သည့် နေရာများမှာ ဟိန္ဒားသတ္တုတွင်း၊ ရွှေတောင်စားဘုရား၊ လောကမာရဇိန်ရုပ်ရှင်တော်အမြတ်ကြီးနင့် ရှင်သာလျောင်းဘုရား၊ ရှင်ကိုးရှင် စေတီဘုရားများနင့် မောင်းမကန်ကမ်းခြေစသည့် နေရာဋ္ဌာနများဖြစ်သည်။ ထိုရှင်ကိုးရှင် ဘုရား- ရှင်တောက်ထိန်၊ ရှင်မုတီး ရှင်ဇလန်း ရှင်ပင်ခရု။ရှင်ဓါတ် ရှင်တောင်ပုံ ရှင်ဥဩ ၊ ရှင်ကလိန်အောင်၊ရှင်မျှော်တို့ ဖြစ်ပါသည်။

မောင်းမကန်ကမ်းခြေစခန်း[ပြင်​ဆင်​ရန်​]

နာမည်ကျော်ကြားသော မောင်းမကန်ကမ်းခြေစခန်းသည် ထားဝယ်မြို့၏ အနောက်မြောက်ဘက်ရှိ ပင်လယ်ကမ်းခြေတွင်တည်ရှိသည်။ ထိုစခန်းသို့ ထားဝယ်မှနေ၍ မြစ်တစ်ဘက် သို့ကူးပြီးလျှင် ရှစ်မိုင်ခန့် မော်တော်ကားဖြင့်သွားရသည်။ မောင်းမကန်ကမ်းခြေမှ မိနစ်အနည်းငယ်မျှလမ်းလျှောက်ရုံဖြင့် ပန်းတက်အင်း ရေပူစမ်းသို့ရောက်နိင်ပါသည်။ မောင်းမကန် အနီးတွင် သုံးထပ်လမ်းမကြီးရှိသည်။ မောင်းမကန် ကမ်းခြေသည် မြန်မာနိင်ငံတွင် အရှည်ဆုံးသော အဖြောင့်တန်းဆုံးကမ်းခြေ ဖြစ်ပါသည်။

ထားဝယ်လေဆိပ်

ထားဝယ်မြို့၌ လေဆိပ်လည်းရှိသည်။ မြို့၏ကျောထောက် နောက်ခံဒေသများတွင် သတ္တုတွင်းများ၊ ရာဗာခြံများ၊ ကျွန်းသစ်တောများရှိ၍တကြောင်း၊ မြို့ပေါ်နှင့် ကမ်းခြေများတွင် ငါးပိ၊ ငါးခြောက်လုပ်ငန်း တွင်ကျယ်သောကြောင့်တကြောင်း၊ အရောင်းအဝယ် ဗဟိုဌာနတစ်ခုဖြစ်သည်။ ထားဝယ်လုံချည်များကို မြန်မာနိုင်ငံတစ်ဝှန်းလုံးသို့ တင်ပို့ရောင်းချရသည်။ ဆန်စက်နှင့် သစ်စက်များလည်းရှိ၏။ ၁၉၅၃ ခုနှစ် သန်းခေါင်စာရင်းအရ လူဦးရေ ၄ဝ၃၁၂ ယောက်ခန့်ရှိသည်။ ထားဝယ်မြို့ကို ခရစ် ၁၇၅၁ ခုနှစ်တွင် တည်ထောင်ခဲ့ သည်။ မြို့တည်နေပုံမှာ လေးထောင့်ဖြစ်သည်။[၁]

ကိုးကား[ပြင်​ဆင်​ရန်​]

  1. မြန်မာ့စွယ်စုံကျမ်း၊ အတွဲ(၅)