အာယာစနဝဂ်

ပိဋကတ် သုံးပုံ
ဝိနယပိဋက
ပါရာဇိကဏ် ပါစိတ် မဟာဝဂ် စူဠဝါ ပရိဝါ
သုတ္တန်ပိဋကတ်
ဒီဃနိကာယ် မဇ္ဈိမနိကာယ် သံယုတ္တနိကာယ် အင်္ဂုတ္တရနိကာယ် ခုဒ္ဒကနိကာယ်
အဘိဓမ္မာပိဋကတ်
ဓမ္မသင်္ဂဏီ ဝိဘင်း ဓာတုကထာ ပုဂ္ဂလပညတ် ကထာဝတ္ထု ယမိုက် ပဋ္ဌာန်း

ဤဝဂ်တွင် -သုတ်ပေါင်း (၁၁)သုတ်ပါဝင်သည်။

-ပထမ၊ ဒုတိယ၊ တတိယ၊ စတုတ္ထသုတ်တို့၌ -သဒ္ဓါတရားရှိကြသူများအတွက်

(၁) အရှင်သာရိပုတ္တရာ၊ အရှင်မောဂ္ဂလ္လာန်-ဟူသော ဘိက္ခုချိန်ခွင်ကြီး၊

(၂) ခေမာ၊ ဥပ္ပလဝဏ္ဏာ-ဟူသော ဘိက္ခုနီချိန်ခွင်ကြီး၊

(၃) စိတ္တသူကြွယ်၊ ဟတ္ထကအာဠဝက-ဟူသော ဥပါသကာချိန်ခွင်ကြီး၊

(၄) ခုဇ္ဇုတ္တရာ၊ နန္ဒမာတာ (ဥတ္တရာ)ဟူသော ဥပါသိကာချိန်ခွင်ကြီးများကိုလည်းကောင်း၊

-ပဉ္စမနှင့် ဆဋ္ဌသုတ်တို့၌ -ဗာလ၊ အတ္တဖြစ်သောသူယုတ်မာတို့ အကျိုးစီးပွား ပျက်စီး နိုင်၊ ပညာရှိတို့ကဲ့ရဲ့ထိုက်၊ အကုသိုလ်များနိုင်သောတရား နှစ်ပါးစီနှင့် ပဏ္ဍိတ၊ ဝိယတ္တ ဖြစ်သောသူတော်ကောင်းတို့ အကျိုးစီးပွား မပျက်စီးနိုင်၊ အပြစ်ကင်းပြီး ပညာရှိတို့ ချီးမွမ်းထိုက်၊ များစွာသောကုသိုလ်ပွားနိုင်သောတရား နှစ်မျိုးကိုလည်းကောင်း၊

-သတ္တမနှင့် အဋ္ဌမသုတ်တို့၌ -မှားယွင်းစွာပြုကျင့်သော ဗာလ၊ အဗျတ္တပုဂ္ဂိုလ်တို့အား အကျိုးစီးပွား ပျက်စီးနိုင်၊ အပြစ်ရှိနိုင်၊ ပညာရှိတို့ကဲ့ရဲ့ထိုက် မကောင်းမှုတိုးပွားစေနိုင်သောပုဂ္ဂိုလ် နှစ်မျိုးစီနှင့် ကောင်းမွန်စွာပြုကျင့်ကြသော ပဏ္ဍိတ၊ ဝိယတ္တဖြစ်သော သူတော်ကောင်းတို့အား အကျိုးများနိုင်၊ အပြစ်ကင်းနိုင်၊ ပညာရှိတို့ ချီးမွမ်းထိုက်၊ ကုသိုလ်တရားတိုးပွားစေနိုင်သောပုဂ္ဂိုလ် နှစ်မျိုးစီတို့ကိုလည်းကောင်း၊

-နဝမ၊ ဒသမ၊ ဧကာဒသမသုတ်တို့၌ -သစိတ္တဝေါဒါန၊ ကိဉ္စိ လောကေအနုပါဒိယဓမ္မတို့နှင့် ကောဓ၊ ဥပနာဟ၊ ကောဓဝိနယ၊ ဥပနာဟဝိနယဓမ္မနှစ်မျိုးစီတို့ကို ဟောတော်မူပါသည်။