အသပ္ပုရိသဒါနသုတ်
| ပိဋကတ် သုံးပုံ |
|---|
| ဝိနယပိဋက |
| သုတ္တန်ပိဋကတ် |
| အဘိဓမ္မာပိဋကတ် |
[၁] အသက္ကစ္စဒါန၊ အစိတ္တိကတွာဒါန၊ အသဟတ္ထဒါန၊ အပဝိဒ္ဓဒါန၊ အနာဂမနဒိဋ္ဌိကဒါနဟူသော ဒါနငါးမျိုးသည် အသပ္ပုရိသဒါနဖြစ်သည်၊ ယင်းတို့၏ ဆန့်ကျင်ဘက် ဒါနငါးမျိုးသည် သပ္ပုရိသဒါနဖြစ်သည်-ဟု ကဏှပက္ခ, သုက္ကပက္ခ ခွဲ၍ ဟောတော်မူသည့်သုတ်။ [၂]
အသပ္ပုရိသဒါနသုတ် သည် မြတ်စွာဘုရားဟောကြားတော်မူခဲ့သည့် သုတ္တန်တစ်ခု ဖြစ်သည်။ ဤသုတ္တန်တွင် မြတ်စွာဘုရားသည် သူတော်မဟုတ်သူတို့၏ ပေလှူခြင်း ငါးမျိုးနှင့် သူတော်ကောင်းတို့၏ ပေးလှူခြင်း ငါးမျိုးတို့ကို ဟောကြားတော်မူခဲ့သည်။[၃]
အသပ္ပုရိသဒါနသုတ်
[ပြင်ဆင်ရန်]ရဟန်းတို့ သူတော်မဟုတ်သူတို့၏ ပေးလှူခြင်းတို့သည် ဤငါးမျိုးတို့တည်း။
အဘယ်ငါးမျိုးတို့နည်း ဟူမူ -
မရိုမသေ ပေးလှူ၏၊ မလေးမစား ပေးလှူ၏၊ မိမိ လက်ဖြင့် (ကိုယ်တိုင်) မပေးလှူ၊ စွန့်ပစ်သကဲ့သို့ ပေးလှူ၏၊ အကျိုးသက်ရောက်လိမ့်မည်ဟု အယူမရှိပဲ ပေးလှူ၏။
ရဟန်းတို့ သူတော်မဟုတ်သူတို့၏ ပေးလှူခြင်းတို့သည် ဤငါးမျိုးတို့တည်း ဟု (မိန့်တော်မူ၏)။
ရဟန်းတို့ သူတော်ကောင်းတို့၏ ပေးလှူခြင်းတို့သည် ဤငါးမျိုးတို့တည်း။
အဘယ်ငါးမျိုးတို့နည်း ဟူမူ -
ရိုသေစွာ ပေးလှူ၏၊ လေးစားစွာ ပေးလှူ၏၊ မိမိလက်ဖြင့် (ကိုယ်တိုင်) ပေးလှူ၏၊ စွန့်ပစ်သကဲ့သို့ မပေးလှူ၊ အကျိုးသက်ရောက်လိမ့်မည်ဟု အယူရှိလျက် ပေးလှူ၏။
ရဟန်းတို့ သူတော်ကောင်းတို့၏ ပေးလှူခြင်းတို့သည် ဤငါးမျိုးတို့တည်း ဟု (မိန့်တော်မူ၏)။[၃]
ကိုးကား
[ပြင်ဆင်ရန်]- ↑ -အံ၊၂၊၁၅၁-၂။ အံ၊မြန်၊၂၊၁၉၁။ အံ၊ဋ္ဌ၊၃၊၅၃။ အံ၊ဋီ၊၃၊၅၀။ -အင်္ဂုတ္တရနိကာယ၊ ပဉ္စကနိပါတ၊ တတိယပဏ္ဏာသက၊ (၁၅) ၅-တိကဏ္ဍကီဝဂ္ဂ၊ သတ္တမသုတ်။
- ↑ ပခုက္ကူမြို့ မဟာဝိသုတာရာမတိုက်၊ သာသနဓဇ သိရီပဝရ ဓမ္မာစရိယ၊ B.A (ဝိဇ္ဇာဂုဏ်ထူး-သီရိလင်္ကာ)၊ အဂ္ဂမဟာပဏ္ဍိတ ဘဒ္ဒန္တ ကေလာသမဟာထေရ် တိပိဋကသူစိကျမ်း နှင့် နိုင်ငံတော်ပရိယတ္တိသာသနာ့ တက္ကသိုလ် (ရန်ကုန်) ဒုတိယပါမောက္ခချုပ်၊ အဂ္ဂမဟာပဏ္ဍိတ ဘဒ္ဒန္တကုမာရထေရ် တိပိဋက သုတ္တသူစိ ဝိဘာဝိနီ
- ↑ ၃.၀ ၃.၁ အင်္ဂုတ္တရနိကာယ်၊ အင်္ဂုတ္တိုရ်ပါဠိတော် မြန်မာပြန်၊ ပဉ္စကနိပါတ်၊ ၃-တတိယပဏ္ဏာသက (တတိယသုတ်ငါးဆယ်)၊ (၁၅) ၅- တိကဏ္ဍကီဝဂ် ၇ - အသပ္ပုရိသဒါနသုတ်။