အနုယောဂါနုယောဂသုတ်

ပိဋကတ် သုံးပုံ
ဝိနယပိဋက
ပါရာဇိကဏ် ပါစိတ် မဟာဝဂ် စူဠဝါ ပရိဝါ
သုတ္တန်ပိဋကတ်
ဒီဃနိကာယ် မဇ္ဈိမနိကာယ် သံယုတ္တနိကာယ် အင်္ဂုတ္တရနိကာယ် ခုဒ္ဒကနိကာယ်
အဘိဓမ္မာပိဋကတ်
ဓမ္မသင်္ဂဏီ ဝိဘင်း ဓာတုကထာ ပုဂ္ဂလပညတ် ကထာဝတ္ထု ယမိုက် ပဋ္ဌာန်း

(၈)သုတ် ရှိပါသည်။

အကုသိုလ်တရားတို့ကို အဖန်ဖန် အားထုတ်ခြင်း၊ ကုသိုလ်တရားတို့ကို အားမ ထုတ်ခြင်းသည် မဖြစ်သေးသော အကုသိုလ်တရားတို့ဖြစ်ကုန်၏၊ ဖြစ်ပြီးသော ကုသိုလ်တရားတို့ ဆုတ်ယုတ်ကုန်၏၊ မဖြစ်သေးသော အကုသိုလ်တရားတို့ဖြစ်ရန် ဖြစ်ပြီးသော ကုသိုလ်တရားတို့ဆုတ်ယုတ်ရန် အကုသိုလ်တရားတို့ကို အားထုတ်ခြင်း၊ ကုသိုလ်တရားတို့ကို အားမထုတ်ခြင်းမှတပါး အခြားတစ်ခုသော တရားကိုမျှ ငါဘုရား မြင်တော်မမူ-ဟု ဘုရားရှင် ဟောတော်မူသည့်သုတ်။

---

ကုသိုလ်တရားတို့ကို အဖန်ဖန်အားထုတ်ခြင်း၊ အကုသိုလ်တရားတို့ကို အားမ ထုတ်ခြင်းသည် မဖြစ်သေးသော ကုသိုလ်တရားတို့ဖြစ်ကုန်၏။ ဖြစ်ပြီးသော အကုသိုလ်တရားတို့ ယုတ်လျော့ကုန်၏။ မဖြစ်သေးသော ကုသိုလ်တရားတို့ဖြစ်ရန် ဖြစ်ပြီးသော အကုသိုလ်တရားတို့ ယုတ်လျော့စေရန် ကုသိုလ်တရားတို့ကို အဖန်ဖန်အားထုတ်ခြင်း၊ အကုသိုလ်တို့ကို အားမထုတ်ခြင်းမှတပါး အခြားတစ်ခုသောတရားကိုမျှ ငါဘုရား မြင်တော်မမူဟု ဘုရားရှင် ဟောတော်မူသည့်သုတ်။

---

အကုသိုလ်တရားတို့ကို အဖန်ဖန်အားထုတ်ခြင်း, ကုသိုလ်တရားတို့ကို အဖန်ဖန် အားမထုတ်ခြင်းမှတပါး များစွာသော အကျိုးမဲ့တို့ ဖြစ်အောင် ပြုနိုင်သော အခြားတစ်ခုသော တရားကိုမျှ ငါဘုရားမြင်တော်မမူ-ဟု ဘုရားရှင် ဟောတော်မူသည့်သုတ်။

---

ကုသိုလ်တရားတို့ကို အဖန်ဖန်အားထုတ်ခြင်း, အကုသိုလ်တရားတို့ကို အဖန်ဖန် အားမထုတ်ခြင်းမှတပါးသော များစွာသောအကျိုးတို့ဖြစ်အောင် ပြုနိုင်သော အခြား တစ်ခုသော တရားကိုမျှ ငါဘုရားမြင်တော်မမူ-ဟု ဘုရားရှင် ဟောတော်မူသည့်သုတ်။

---

မိမိကိုယ်တွင်း၌ဖြစ်သော အကြောင်းဖြစ်ခြင်းကြောင့် များစွာသော အကျိုးမဲ့ဖြစ် အောင် ပြုနိုင်သော “အကုသိုလ်တရားများကို အဖန်ဖန်အားထုတ်မှု ကုသိုလ် တရားများကို အားမထုတ်မှု’ မှတပါး အခြားတစ်ခုသော တရားကိုမျှငါဘုရား မြင်တော်မမူ-ဟု ဘုရားရှင်ဟောတော်မူသည့်သုတ်။

---

မိမိကိုယ်တွင်း၌ ဖြစ်သော အကြောင်းဖြစ်သောကြောင့် ကြီးမြတ်များပြားသော အကျိုးဖြစ်အောင် ပြုနိုင်သော ကုသိုလ်တရားတို့ကို အဖန်ဖန်အားထုတ်မှု, အကုသိုလ် တရားတို့ကို အဖန်ဖန်အားမထုတ်မှုမှ တပါးသော အခြားတရားတစ်ခုကိုမျှ ငါဘုရား မြင်တော်မမူ-ဟု ဘုရားရှင် ဟောတော်မူသည့်သုတ်။

---

သဒ္ဓမ္မသုံးဖြာ သာသနာတော် ပျောက်ပျက်ကွယ်ပရန် အကုသိုလ်တရားတို့ကို တိုးပွားအောင် အားထုတ်ခြင်း, ကုသိုလ်တရားတို့ကို အားမထုတ်ခြင်းမှတပါး အခြား တစ်ခုသော တရားကိုမျှ ငါဘုရားမြင်တော်မမူ-ဟု ဘုရားရှင် ဟောတော်မူသည့်သုတ်။

---

သဒ္ဓမ္မသုံးဖြာ သာသနာတော်မြတ် ကြာမြင့်စွာ တည်တံ့ မပျောက်မပျက် မကွယ်မပရန် ကုသိုလ်တရားတို့ကို အဖန်ဖန်အားထုတ်ခြင်း, အကုသိုလ်တရားတို့ကို အားမ ထုတ်ခြင်းမှတပါး အခြားတစ်ခုသော တရားကိုမျှငါဘုရားမြင်တော်မမူ-ဟု ဘုရားရှင် ဟောတော်မူသည့်သုတ်။