မြဝတီခရိုင်

ဝီကီပီးဒီးယား မှ
အ​ညွှန်း​သို့ ခုန်ကူးရန် ရှာဖွေရန် ခုန်ကူးမည်
မြဝတီခရိုင်
ကရင်ပြည်နယ်အတွင်းရှိ ခရိုင်
ကရင်ပြည်နယ်အတွင်းတည်နေရာ
ကရင်ပြည်နယ်အတွင်းတည်နေရာ
မြဝတီခရိုင် သည် မြန်မာနိုင်ငံ တွင် တည်ရှိသည်
မြဝတီခရိုင်
မြဝတီခရိုင်
ကရင်ပြည်နယ်အတွင်းတည်နေရာ
ကိုဩဒိနိတ်: 16°32′N 98°32′E / 16.533°N 98.533°E / 16.533; 98.533ကိုဩဒိနိတ်: 16°32′N 98°32′E / 16.533°N 98.533°E / 16.533; 98.533
နိုင်ငံ မြန်မာ
ပြည်နယ်ကရင်ပြည်နယ်
မြို့နယ်ပေါင်း
မြို့တော်မြဝတီမြို့
လူဦးရေ (၂၀၁၄)၂၁၀,၆၉၅[၁]
အချိန်ဇုန်မြန်မာစံတော်ချိန် (UTC+6:30)

မြဝတီခရိုင် (အင်္ဂလိပ်: Myawaddy District) သည် ကရင်ပြည်နယ်တွင် ပါဝင်သောခရိုင်ဖြစ်သည်။ ခရိုင်ရုံးစိုက်ရာမြို့မှာ မြဝတီမြို့ဖြစ်သည်။

ပါဝင်​သောမြို့နယ်များ[ပြင်ဆင်ရန်]

မြဝတီခရိုင်တွင် ပါဝင်သည့် မြို့နယ်များနှင့် မြို့များမှာ အောက်ပါအတိုင်းဖြစ်သည်။[၂]

သမိုင်းကြောင်း[ပြင်ဆင်ရန်]

၁၉၄၅ခုနှစ်တွင် မြဝတီမြို့သည် တရုတ်ဖြူများ၏ သိမ်းပိုက်ခြင်း ခံခဲ့ရသည်။ ထို့ကြောင့် မြန်မာ့တပ်မတော်မှ ပြန်လည်တိုက်ခိုက်သိမ်းပိုက်ခဲ့ရသည်။ မြဝတီမြို့နယ်သည် ဘားအံခရိုင်၊ ကော့ကရိတ်နယ်တွင်ပါဝင်ခဲ့သော မြို့နယ်ဖြစ်သည်။ ကော့ကရိတ်နယ်တွင် ကော့ကရိတ်ကြာအင်းမြဝတီဟူ၍ မြို့နယ်(၃)ခု ပါဝင်သည်။၁၉၉၅ခုနှစ် စက်တင်ဘာ (၁၉)ရက်နေ့တွင် မြဝတီမြို့နယ်အား မြဝတီခရိုင်အဖြစ် တိုးချဲ့ဖွဲ့စည်းခဲ့သည်။[၃]

မြဝတီခရိုင်တွင် မြဝတီမြို့နယ်၊ ဝေါလေမြိုင်မြို့နယ်ခွဲ၊ စုကလိမြို့နယ်ခွဲတို့ ပါဝင်ခဲ့သည်။၂၀၁၄-၂၀၁၅ခုနှစ်များတွင် မြို့နယ်ခွဲဟူသော စကားရပ်များကို ပယ်ဖျက်ပြီး မြို့အဆင့်သာ ပြန်လည်သတ်မှတ်ခဲ့သဖြင့် မြဝတီမြို့နယ်တစ်ခုသာ ကျန်ရှိတော့သည်။ ထို့ကြောင့် မြဝတီခရိုင်သည် မြဝတီမြို့နယ်ဖြစ်ကာ မြဝတီမြို့နယ်သည် မြဝတီခရိုင်ဖြစ်သည်။

ပထဝီဝင်အနေအထား[ပြင်ဆင်ရန်]

တည်နေရာနှင့်အကျယ်အဝန်း[ပြင်ဆင်ရန်]

မြဝတီခရိုင်သည် ကရင်ပြည်နယ်၏ အရှေ့တောင်ဘက်တွင် တည်ရှိကာ မြန်မာ-ထိုင်း နယ်စပ်အဖြစ် ရှိနေသည်။၁၂၁၀.၈၅၆ စတုရန်းမိုင်ကျယ်ဝန်းကာ အရှေ့မှအနောက်သို့ (၃၁)မိုင်၊ တောင်မှမြောက်သို့ (၇၃)မိုင် ရှည်လျားသည်။

နယ်နိမိတ်[ပြင်ဆင်ရန်]

မြောက်ဘက်တွင် ဘားအံခရိုင်နှင့် ထိုင်းနိုင်ငံ တက်ခ်ပြည်နယ်၊ အရှေ့ဘက်နှင့် တောင်ဘက်တွင် ထိုင်းနိုင်ငံ တက်ခ်ပြည်နယ်၊ အနောက်ဘက်တွင် ဘားအံခရိုင်နှင့် ကော့ကရိတ်ခရိုင်တို့ တည်ရှိသည်။ ထိုင်းနိုင်ငံနှင့် ကုန်းကြောင်း (၆၈)မိုင်၊ ရေကြောင်း (၁၁၈)မိုင် နယ်နိမိတ် ထိစပ်လျက်ရှိသည်။

မြေမျက်နှာသွင်ပြင်[ပြင်ဆင်ရန်]

မြဝတီခရိုင်သည် တောင်ကုန်းတောင်တန်းများ ထူထပ်သောခရိုင်ဖြစ်သည်။ဒေါနတောင်သည် ခရိုင်အတွင်း အမြင့်ဆုံးဖြစ်ကာ (၃၇၁၇)ပေ မြင့်မားသည်။

ရေဆင်း[ပြင်ဆင်ရန်]

မြဝတီခရိုင်အတွင်း မဲကုလားရွာအနီးတွင် တောင်မှမြောက်သို့စီးသော ဂေါ်လီချောင်း၊ အနောက်မှအရှေ့သို့စီးသော မဲကုလားမြစ်တို့ပေါင်းဆုံ၍ သောင်းရင်းမြစ် ဖြစ်ပေါ်လာကာ မြန်မာ-ထိုင်း နယ်နိမိတ်အဖြစ် စီးဆင်းနေသည်။ မဲကနယ်ချောင်း၊ မဲပလဲ့ချောင်း၊ သင်္ဃန်းညီနောင်ချောင်းတို့မှာ ထင်ရှားသည်။

လူဦးရေ[ပြင်ဆင်ရန်]

၂၀၁၄သန်းခေါင်စာရင်းအရ မြဝတီခရိုင်တွင် လူဦးရေ ၂၁၀,၅၄၀ ဦးရှိကာ အမျိုးသား ၁၀၇,၆၀၇ဦး၊ အမျိုးသမီး ၁၀၂,၉၃၃ဦးဖြစ်သည်။ ကရင်ပြည်နယ်ရှိ ခရိုင်(၄)ခုတွင် တတိယမြောက် လူဦးရေအများဆုံးဖြစ်သည်။ မြို့ပြတွင် ၁၁၆,၅၈၀ဦးနေထိုင်ကာ မြို့ပြနေရာခိုင်နှုန်းမှာ ၅၅.၄ရာခိုင်နှုန်းဖြစ်သည်။ကရင်လူမျိုးများနှင့် ဗမာလူမျိုးများ အများဆုံးနေထိုင်ကြသည်။ ဗုဒ္ဓဘာသာကို အများဆုံး ကိုးကွယ်ကြသည်။

စီးပွားရေး[ပြင်ဆင်ရန်]

မြဝတီခရိုင်သည် ကရင်ပြည်နယ်အတွင်းရှိ စီးပွားရေးကောင်းမွန်သော ခရိုင်တစ်ခူဖြစ်သည်။ ခရိုင်ရုံးစိုက်ရာ မြဝတီမြို့မှာ အရေးပါသော နယ်စပ်မြို့ဖြစ်သဖြင့် ရောင်းဝယ်ဖောက်ကားမှုများဖြင့် စည်ကားသည်။ ထိုင်း-မြန်မာ ချစ်ကြည်ရေးတံတားများ၊ နယ်စပ်ကုန်သွယ်ရေးစခန်းများ စသည်တို့လည်းတည်ရှိသည်။ ဒေသခံများသည် စိုက်ပျိုးရေးလုပ်ငန်းကို အဓိကလုပ်ကိုင်ကြသည်။ ဆန်စပါး၊ အစေ့ထုတ်ပြောင်း၊ ပဲတီစိမ်းတို့ကို အဓိကစိုက်ပျိုးကာ ထိုင်းနိုင်ငံသို့ အများဆုံးတင်ပို့သည်။ ထိုင်းနိုင်ငံဘက်ခြမ်းရှိ မဲဆောက်မြို့သို့ သွားရောက်လည်ပတ်သည့် မြဝတီ-မဲဆောက်ခရီးစဉ်များကြောင့် ခရီးသွားလုပ်ငန်း လုပ်ကိုင်သူများလည်းရှိသည်။[၄]

ပို့ဆောင်ဆက်သွယ်ရေး[ပြင်ဆင်ရန်]

မြဝတီခရိုင်သည် မော်တော်ကားလမ်းများဖြင့် ဆက်သွယ်ထားသည်။ အာရှနိုင်ငံများကို ဆက်သွယ်ထားသည့် အာရှအဝေးပြေးလမ်းမကြီး (၁)မှာ မြန်မာနိုင်ငံ၌ မြဝတီမြို့တွင် အစပြုသည်။ မြဝတီမြို့တွင် ထိုင်း-မြန်မာ ချစ်ကြည်ရေးတံတား အမှတ်(၁)နှင့် အမှတ်(၂)တို့ရှိသည်။ မြဝတီမြို့မှ ရန်ကုန်၊ မန္တလေး၊ နေပြည်တော်၊ တောင်ကြီး၊ မုံရွာ၊ သထုံ၊ တောင်ငူ စသည့်မြို့များသို့ အဝေးပြေးယာဉ်များဖြင့် တိုက်ရိုက်သွားရောက်နိုင်သည်။

ပညာရေး[ပြင်ဆင်ရန်]

၂၀၁၄သန်းခေါင်စာရင်းအရ မြဝတီခရိုင်တွင် အသက်(၁၅)နှစ်နှင့်အထက် စာတတ်မြောက်နှုန်းမှာ ၈၁.၁ရာခိုင်နှုန်းဖြစ်သည်။

ကျန်းမာရေး[ပြင်ဆင်ရန်]

မြဝတီခရိုင်တွင် ကုတင်(၁၀၀)ဆံ့ ခရိုင်ဆေးရုံ၊ (၁၆)ကုတင်ဆံ့ တိုက်နယ်ဆေးရုံ (၃)ရုံတို့ တည်ရှိသည်။

ကိုးကား[ပြင်ဆင်ရန်]

  1. Provisional Results Census 26 August 2014 FINAL (PDF)၊ ပြည်သူ့အင်အားဦးစီးဌာန၊ 26 August 2014၊ p. ၁၆၊ 12 September 2014 တွင် မူရင်း (PDF) အား မော်ကွန်းတင်ပြီးFebruary 26, 2015 တွင် ပြန်စစ်ပြီး
  2. မြန်မာ သတင်းအချက်အလက် စီမံခန့်ခွဲမှုဌာန။ 1 July 2014 တွင် မူရင်းအား မော်ကွန်းတင်ပြီး။ 26 February 2015 တွင် ပြန်စစ်ပြီး။
  3. မြန်မာ့စွယ်စုံကျမ်း၊ အတွဲ(၉)
  4. နယ်စပ်ဒေသ မြဝတီ-မဲဆောက်သို့