ဘဝသုတ်

ဝီကီပီးဒီးယား မှ

(၄)သုတ် ရှိပါသည်။

[၁] ဘုရားရှင် ကောသလနိုင်ငံ ... သီတင်းသုံးတော်မူစဉ် ကာမဘဝ၊ ရူပဘဝ၊ အရူပဘဝဟူသော ဘဝသုံးပါးတို့ကို ထူးသောဉာဏ်ဖြင့် သိခြင်းငှာ၊ ပိုင်းခြား၍ သိခြင်းငှာ၊ ကုန်စေခြင်းငှာ၊ ပယ်ခြင်းငှာ အဋ္ဌင်္ဂိက ဤအရိယာမဂ်ကို ပွားများရမည်ဟု ရဟန်းတို့အား ဘုရားရှင်ဟောတော်မူသည့်သုတ်၊


[၂] ဘုရားရှင် ကောသလနိုင်ငံ ... သီတင်းသုံးတော်မူစဉ် အရှင်အာနန္ဒာ၏ မေးလျှောက်ချက်အရ ကာမဓာတုဝေပက္ကကံ၊ ရူပဓာတုဝေပက္ကကံ၊ အရူပဓာတု ဝေပက္ကကံ မရှိလျှင် “ဘဝ”ဟူ၍ မထင်ရှားပုံ၊ အဝိဇ္ဇာဖြင့် (ပညာမျက်စိကို) ဖုံးကွယ် ထားမှု၊ တဏှာဟူသော အနှောင်အဖွဲ့ ဖွဲ့ချည်ထားအပ်ကုန်သော သတ္တဝါတို့၏ ဟီနဓာတု၌ ဝိညာဏ်တည်ရှိလျှင် (ကာမဓာတု) ပုနဗ္ဘဝါဘိနိဗ္ဗတ္တိဖြစ်၏။

-မဇ္ဈိမဓာတု၌ ဝိညာဏ်တည်လျှင် (ရူပဓာတု) ပုနဗ္ဘဝါဘိနိဗ္ဗတ္တိဖြစ်၏။

-ပဏီတဓာတု၌ ဝိညာဏ်တည်လျှင် (အရူပဓာတု) ပုနဗ္ဘဝါဘိနိဗ္ဗတ္တိဖြစ်၏ဟု ဘုရားရှင် ဟောကြားတော်မူသည့်သုတ်။


[၃] ဘုရားရှင် ကောသလနိုင်ငံ ... သီတင်းသုံးတော်မူစဉ် အရှင်အာနန္ဒာ၏ မေးလျှောက်ချက်အရ အထက်သုတ်ဒေသနာတော်အတိုင်း ကမ္မစေတနာ၊ ကမ္မပတ္ထနာတည်ရှိလျှင် ဘဝသုံးပါးတို့တွင် ဆိုင်ရာဘဝဖြစ်၏ဟု ဘုရားရှင် ဟောကြားတော်မူသည့်သုတ်။


[၄] ဘုရားရှင် ကောသလနိုင်ငံ ... သီတင်းသုံးတော်မူစဉ် ကာမ၊ ရူပ၊ အရူပ ဘဝသုံးမျိုးတို့ကို ပယ်ရမည်၊ အဓိသီလ၊ အဓိစိတ္တ၊ အဓိပညာ သိက္ခာသုံးပါးတို့ကို ကျင့်သုံးရမည်၊ ဘဝသုံးပါးတို့ကိုပယ်ပြီး သိက္ခာသုံးပါးတို့ကို ကျင့်သုံးပြီး ဤရဟန်းတော်ကို တဏှာကိုပယ်ဖြတ်ပြီးသူ၊ သံယောဇဉ်ကို လွန်မြောက်ပြီးသူ၊ မာနကို အကြွင်းမဲ့ပယ်ခြင်းကြောင့် ဆင်းရဲ၏အဆုံးကိုပြုပြီးသူ-ဟု ဆိုအပ်ပုံကို ရဟန်းတို့အား ဘုရားရှင် ဟောကြားတော်မူသည့်သုတ်။ [၅]

ကိုးကား[ပြင်ဆင်ရန်]

  1. -သံ၊၃၊၅၂။ သံ၊မြန်၊၃၊၅၅-၆။ -သံယုတ္တနိကာယ၊ မဟာဝဂ္ဂသံယုတ္တ၊ ၁-မဂ္ဂသံယုတ္တ၊ ၇-ဧသနာဝဂ္ဂ၊ စတုတ္ထသုတ်။
  2. -အံ၊၁၊၂၂၄။ အံ၊မြန်၊၁၊၂၄၀-၁။ အံ၊ဋ္ဌ၊၂၊၂၀၄။ အံ၊ဋီ၊၁၊၁၈၃။ -အင်္ဂုတ္တရနိကာယ၊ တိကနိပါတ၊ ၂-ဒုတိယပဏ္ဏာသက၊ (၈) ၃-အာနန္ဒဝဂ္ဂ၊ ဆဋ္ဌသုတ်။
  3. -အံ၊၁၊၂၂၅။ အံ၊မြန်၊၁၊၂၄၂-၃။ အံ၊ဋ္ဌ၊၂၊၂၀၄။ -အင်္ဂုတ္တရနိကာယ၊ သတ္တမသုတ်။
  4. -အံ၊၂၊၃၈၆-၇။ အံ၊မြန်၊၂၊၄၈၈။ -အင်္ဂုတ္တရနိကာယ၊ ဆက္ကနိပါတ၊ ၂-ဒုတိယပဏ္ဏာသက၊ ၁၀-အာနိသံသဝဂ္ဂ၊ ဒသမသုတ်။
  5. ပခုက္ကူမြို့ မဟာဝိသုတာရာမတိုက်၊ သာသနဓဇ သိရီပဝရ ဓမ္မာစရိယ၊ B.A (ဝိဇ္ဇာဂုဏ်ထူး-သီရိလင်္ကာ)၊ အဂ္ဂမဟာပဏ္ဍိတ ဘဒ္ဒန္တ ကေလာသမဟာထေရ် တိပိဋကသူစိကျမ်း နှင့် နိုင်ငံတော်ပရိယတ္တိသာသနာ့ တက္ကသိုလ် (ရန်ကုန်) ဒုတိယပါမောက္ခချုပ်၊ အဂ္ဂမဟာပဏ္ဍိတ ဘဒ္ဒန္တကုမာရထေရ် တိပိဋက သုတ္တသူစိ ဝိဘာဝိနီ