ဖုန်းမြတ်
ဖုန်းမြတ် | |
|---|---|
| အမှတ် (၆) စစ်ဆင်ရေး အထူးအဖွဲ့မှူး | |
တာဝန်ထမ်းဆောင်ဆဲ | |
| တာဝန် စတင် ဇန်နဝါရီ ၂၀၂၄ | |
| ယခင်လူ | ဒုတိယဗိုလ်ချုပ်ကြီး တေဇကျော် [၁] |
| အမှတ် (၃) စစ်ဆင်ရေး အထူးအဖွဲ့မှူး | |
| တာဝန်သက်တမ်း မတ် ၂၀၂၁ – ဇန်နဝါရီ ၂၀၂၄ | |
| ယခင်လူ | ဒုတိယ ဗိုလ်ချုပ်ကြီး ဝင်းဗိုလ်ရှိန် [၂] |
| ဆက်ခံသူ | ဒုတိယဗိုလ်ချုပ်ကြီး တေဇကျော် |
| ဒုတိယဝန်ကြီး နယ်စပ်ရေးရာဝန်ကြီးဌာန | |
| တာဝန်သက်တမ်း ၂၇ ဇူလိုင် ၂၀၂၀ – ဖေဖော်ဝါရီ ၂၀၂၁ | |
| ယခင်လူ | ဗိုလ်ချုပ် သန်းထွဋ် [၃] |
| ဆက်ခံသူ | ဗိုလ်ချုပ် ခွန်သန့်ဇော်ထူး [၄] |
| အနောက်ပိုင်းတိုင်းစစ်ဌာနချုပ် တိုင်းမှူး | |
| တာဝန်သက်တမ်း ၂၀၁၉ – ၂၇ ဇူလိုင် ၂၀၂၀ | |
| ယခင်လူ | ဗိုလ်မှူးချုပ် စိုးတင့်နိုင် |
| ဆက်ခံသူ | ဗိုလ်ချုပ် ထင်လတ်ဦး |
| ကိုယ်ရေး အချက်အလက်များ | |
| မွေးဖွား | ၁၉၆၄ မြန်မာပြည် |
| နိုင်ငံသား | မြန်မာ |
| ဆုတံဆိပ်များ | ဇေယျကျော်ထင်ဘွဲ့ |
| စစ်မှုထမ်းခြင်း | |
| သစ္စာခံနိုင်ငံ |  မြန်မာ |
| အမှုထမ်းကာလ | ၁၉၈၅ - လက်ရှိ |
| ရာထူး | ဒုတိယဗိုလ်ချုပ်ကြီး |
| တပ် | ကာကွယ်ရေးဦးစီးချုပ်ရုံး (ကြည်း) |
ဒုတိယဗိုလ်ချုပ်ကြီး ဖုန်းမြတ် (၁၉၆၄ ဖွား) သည် လက်ရှိ အမှတ် (၆) စစ်ဆင်ရေး အထူးအဖွဲ့မှူး ဖြစ်သည်။[၅] ယင်းမတိုင်မီက သူသည် အမှတ် (၃) စစ်ဆင်ရေး အထူးအဖွဲ့မှူး [၆] [၇] နှင့် နယ်စပ်ရေးရာဝန်ကြီးဌာန ဒုတိယဝန်ကြီး ဖြစ်ခဲ့သည်။ [၈]
စစ်မှုထမ်းခြင်း
[ပြင်ဆင်ရန်]သူသည် ဗိုလ်သင်တန်းကျောင်း OTS-အပတ်စဉ် ၇၃ ဆင်း ဖြစ်သည်။သူ၏ ပြန်တမ်းဝင် အမှတ်မှာ ကြည်း ၂၀၃၂၄ ဖြစ်သည်။ တပ်မတော် တွင် တာဝန်များအဆင့်ဆင့်ထမ်းဆောင်ပြီးနောက် ၂၀၁၆ ခုနှစ် ရှေ့ပိုင်းကာလ အစ သူ့အသက် ၅၀ အရွယ် တွင် အရှေ့မြောက်တိုင်းစစ်ဌာနချုပ် တိုင်းမှူး အဖြစ် တာဝန်ပေးခံရသည်။[၉] ယင်းနောက် ၂၀၁၇ ခုနှစ် တွင် အနောက်မြောက်ပိုင်းတိုင်းစစ်ဌာနချုပ် တိုင်းမှူး ၊ ၂၀၁၉ ခုနှစ်တွင် အနောက်တောင်တိုင်း စစ်ဌာနချုပ် တိုင်းမှူးတာဝန် ထမ်းဆောင်သည်။[၁၀] သူ့ကို အမျိုးသားဒီမိုကရေစီအဖွဲ့ချုပ်အစိုးရလက်ထက် ၂၀၂၀ပြည့်နှစ် ဇူလိုင်လ ၂၇ ရက်တွင် နယ်စပ်ရေးရာဝန်ကြီးဌာန ဒုတိယဝန်ကြီး အဖြစ် တပ်မတော်ကာကွယ်ရေးဦးစီးချုပ် ၏ အဆိုပြုချက်ဖြင့် နိုင်ငံတော်သမ္မတ ဦးဝင်းမြင့် က ခန့်အပ်သည်။[၁၁] ထိုတာဝန် ကို မြန်မာနိုင်ငံစစ်အာဏာစသိမ်းချိန် ၂၀၂၁ ခုနှစ် ဖေဖော်ဝါရီ ၁၇ ရက်နေ့ နောက်ပိုင်း [၁၂] ထမ်းဆောင်ပြီးနောက် မူလစစ်ဘက် ဝတ္တရားများ ထမ်းဆောင်ရန် တပ်မတော်သို့ ပြောင်းရွှေ့သည်။ ယင်းနောက် သူသည် တပ်မတော် တွင် ဒုတိယဗိုလ်ချုပ်ကြီး အဆင့်တိုးမြှင့်ခြင်းခံရသည်။ကထစ ၃ ဟု အတိုကောက် ခေါ်ဝေါ်သည့် ရခိုင်ပြည်နယ်အခြေစိုက် အနောက်ပိုင်းတိုင်းစစ်ဌာနချုပ် နှင့် ပဲခူးတိုင်းဒေသကြီး တောင်ငူမြို့နယ် ကေတုမတီမြို့ တွင် အခြေစိုက်သည့် တောင်ပိုင်းတိုင်းစစ်ဌာနချုပ် အစရှိသော စစ်တိုင်းကြီး များကို တာဝန်ယူကြီးကြပ်ရသည့် အမှတ် (၃) စစ်ဆင်ရေး အထူးအဖွဲ့မှူး ဖြစ်လာသည်။[၁၃] ၂၀၂၄ ခုနှစ် ဇန်နဝါရီ လ ထဲတွင် သူသည် နေပြည်တော်တိုင်းစစ်ဌာနချုပ် အား ကြီးကြပ်ရသည့် အမှတ် (၆) စစ်ဆင်ရေး အထူးအဖွဲ့မှူး (ခ) ကစထ(၆)မှူး အဖြစ် ပြောင်းရွှေ့တာဝန်ထမ်းသည်။ [၁၄]
အရေးယူပိတ်ဆို့ခံရမှု
[ပြင်ဆင်ရန်]သူ့ကို ၂၀၂၁ခုနှစ် ဩဂုတ်လ နောက်ပိုင်းက စ၍ အရပ်သားများအား မြေပြင်နှင့် လေကြောင်း တိုက်ခိုက်မှုများ အပါအဝင် လူ့အခွင့်အရေး ချိုးဖောက်မှုများ၊ ရာဇဝတ်မှု နှင့် ရက်စက်ကြမ်းကြုတ်မှုများ ပြင်းပြင်းထန်ထန် ကျူးလွန်ခဲ့ရာတွင် တာဝန်ရှိသူဟု အမေရိကန် နှင့် ဥရောပသမဂ္ဂအဖွဲ့က သတ်မှတ်ပြီး အရေးယူဒဏ်ခတ်ပိတ်ဆို့မှုများ ပြုလုပ်သည်။ [၁၅] [၁၆]
ကိုးကား
[ပြင်ဆင်ရန်]- ↑ နေပြည်တော်စစ်ဆင်ရေးအထူးအဖွဲ့မှူး အပါအဝင်တိုင်းမှူးတွေ အပြောင်းအလဲဖြစ်။ BBC Burmese (၂၆ ဩဂုတ် ၂၀၂၃)။ ၂၁ ဧပြီ ၂၀၂၄ တွင် ပြန်စစ်ပြီး။
- ↑ တပ်မတော် စစ်ဆင်ရေး အထူးအဖွဲ့ မှူး ရာထူးများ အပြောင်းအလဲ ဖြစ်။ The Irrawaddy (၁၂ ဇူလိုင် ၂၀၁၉)။ ၂၁ ဧပြီ ၂၀၂၄ တွင် ပြန်စစ်ပြီး။
- ↑ ပြည်ထဲရေး ၊ ကာကွယ်ရေး နှင့် နယ်စပ်ရေးရာ ဝန်ကြီးဌာန ဒုတိယ ဝန်ကြီးများ ခန့်အပ်။ ဆင်ဟွာသတင်း (၃ မေ ၂၀၁၆)။ ၂၁ ဧပြီ ၂၀၂၄ တွင် ပြန်စစ်ပြီး။
- ↑ ဒုတိယဝန်ကြီး ခန့်အပ်တာဝန်ပေးခြင်း။ MYANMAR NATIONAL PORTAL (၂၅ ဩဂုတ် ၂၀၂၁)။ ၂၁ ဧပြီ ၂၀၂၄ တွင် ပြန်စစ်ပြီး။
- ↑ ပြည်ထောင်စုနယ်မြေ နေပြည်တော်ရှိ လွှဲကြီးပြည်သူ့စစ် (ဌာနေ) တပ်ဖွဲ့ဝင်များအား တွေ့ဆုံ။ MOI Myanmar (၂၁ ဧပြီ ၂၀၂၄)။ ၂၁ ဧပြီ ၂၀၂၄ တွင် ပြန်စစ်ပြီး။
- ↑ လုံခြုံရေးဆောင်ရွက်နေသည့် တပ်မတော်သားများ၊ မြန်မာနိုင်ငံရဲတပ်ဖွဲ့ဝင်များ၊ မီးသတ် တပ်ဖွဲ့ဝင်များနှင့် မိသားစုဝင်များ၊ ဌာနဆိုင်ရာဝန်ထမ်းများအား ဆန်၊ဆီ၊ ဆား၊ ပဲ စားသောက်ဖွယ်ရာများ ပေးအပ်။ CINCDS Myanmar (၁၅ မတ် ၂၀၂၁)။ ၂၁ ဧပြီ ၂၀၂၄ တွင် ပြန်စစ်ပြီး။
- ↑ ကာကွယ်ရေးဦးစီးချုပ်ရုံး(ကြည်း)မှ ဒုတိယဗိုလ်ချုပ်ကြီး ဖုန်းမြတ် စစ်တွေတပ်နယ်၊ ပလက်ဝတပ်နယ်များရှိ နယ်မြေခံတပ်ရင်းများ၊ စာသင်ကျောင်းများ နှင့် နယ်မြေခံမြန်မာနိုင်ငံရဲတပ်ဖွဲ့ခွဲများသို့သွားရောက် ကြည့်ရှုစစ်ဆေး၍ စားသောက်ဖွယ်ရာများ ထောက်ပံ့ပေးအပ်။ CINCDS Myanmar (၂၅ မေ ၂၀၂၃)။ ၂၁ ဧပြီ ၂၀၂၄ တွင် ပြန်စစ်ပြီး။
- ↑ နယ်စပ်ရေးရာ ဒုဝန်ကြီးသစ် အစားထိုးခန့်အပ်။ DVB (၂၈ ဇူလိုင် ၂၀၂၀)။ ၂၁ ဧပြီ ၂၀၂၄ တွင် ပြန်စစ်ပြီး။
- ↑ နိုင်ငံတော်သမ္မတရုံး အမိန်ကြော်ငြာစာ ၂၄/၂၀၁၆ ဂုဏ်ထူးဆောင်ဘွဲ့များအပ်နှင်းခြင်း။ ၂၀၁၆ခုနှစ် ဧပြီလ ၂၂ရက်နေ့ထုတ် မြန်မာနိုင်ငံတော်ပြန်တမ်း (၁ မတ် ၂၀၁၆)။ ၂၁ ဧပြီ ၂၀၂၄ တွင် ပြန်စစ်ပြီး။
- ↑ တပ်မတော် စစ်တိုင်းမှူး ၂ ဦးကို အပြောင်းအလဲပြုလုပ်။ The Irrawaddy (၂၈ မေ ၂၀၁၉)။ ၂၁ ဧပြီ ၂၀၂၄ တွင် ပြန်စစ်ပြီး။
- ↑ ရခိုင် စစ်တိုင်းမှူး ဗိုလ်ချုပ် ဖုန်းမြတ် နယ်စပ်ရေးရာ ဒု-ဝန်ကြီး ဖြစ်လာ။ The Irrawaddy (၂၈ ဇူလိုင် ၂၀၂၀)။ ၂၁ ဧပြီ ၂၀၂၄ တွင် ပြန်စစ်ပြီး။
- ↑ နယ်စပ်ရေးရာဝန်ကြီးဌာန၊ နယ်စပ်ဒေသဖွံ့ဖြိုးရေးနှင့် လူ့စွမ်းအားအရင်းအမြစ်ဖွံ့ဖြိုးရေးဆိုင်ရာ လုပ်ငန်းညှိနှိုင်းအစည်းအဝေးကျင်းပပြုလုပ်။ နယ်စပ်ရေးရာဝန်ကြီးဌာန (၁၇ ဖေဖော်ဝါရီ ၂၀၂၁)။ ၂၁ ဧပြီ ၂၀၂၄ တွင် ပြန်စစ်ပြီး။
- ↑ ဒုတိယဗိုလ်ချုပ်ကြီးဖုန်းမြတ်ဦးဆောင်သောမြန်မာစစ်ကောင်စီကိုယ်စားလှယ်အဖွဲ့ ဘင်္ဂလားဒေ့ရှ်ကာကွယ်ရေးဦးစီးချုပ်နှင့် ဒက္ကားတွင်တွေ့ဆုံ။ Narinjara News (၂၈ အောက်တိုဘာ ၂၀၂၂)။ ၂၁ ဧပြီ ၂၀၂၄ တွင် ပြန်စစ်ပြီး။
- ↑ စစ်ခေါင်းဆောင်က စစ်ရှုံးနေသည့် နေရာများကို ကွပ်ကဲရန်အတွက် ၎င်းတို့အားထား ရသည့် ဒုဗိုလ်ချုပ်ကြီးတေဇကျော်ကို ကစထ-၃ ရွှေ့ပြောင်းစေခိုင်း။ Ayeyarwaddy Times (၁၈ ဇန်နဝါရီ ၂၀၂၄)။ ၂၁ ဧပြီ ၂၀၂၄ တွင် ပြန်စစ်ပြီး။
- ↑ Phone Myat Sanctioned entity။ Open Sanctions။ 21 April 2024 တွင် ပြန်စစ်ပြီး။
- ↑ amending Decision 2013/184/CFSP concerning restrictive measures in view of the situation in Myanmar/Burma။ Official Journal of the European Union (8 November 2022)။ 21 April 2024 တွင် ပြန်စစ်ပြီး။