ဖုန်းမြတ်
ဖုန်းမြတ် | |
|---|---|
 ဒုတိယဗိုလ်ချုပ်ကြီး ဖုန်းမြတ် (၂၀၂၆) | |
| နယ်စပ်ရေးရာဝန်ကြီး | |
တာဝန်ထမ်းဆောင်ဆဲ | |
| တာဝန် စတင် ၁၀ ဧပြီ ၂၀၂၆ | |
| ခန့်အပ်သူ | ဦးမင်းအောင်လှိုင်အစိုးရ |
| လက်ထောက် | ဗိုလ်ချုပ် ကျော်စွာဦး |
| သမ္မတ | မင်းအောင်လှိုင် |
| ယခင်လူ | ဒုတိယဗိုလ်ချုပ်ကြီး ရာပြည့် |
| ပြည်ထဲရေးဝန်ကြီး | |
| တာဝန်သက်တမ်း ၂၇ ဇန်နဝါရီ ၂၀၂၆ – ၁၀ ဧပြီ ၂၀၂၆ | |
| လက်ထောက် | ဗိုလ်ချုပ် မင်းသူ |
| ယခင်လူ | ဒုတိယဗိုလ်ချုပ်ကြီး ထွန်းထွန်းနောင် |
| ဆက်ခံသူ | ဒုတိယဗိုလ်ချုပ်ကြီး ညွန့်ဝင်းဆွေ |
| နိုင်ငံတော်လုံခြုံရေးနှင့် အေးချမ်းသာယာရေးကော်မရှင် အဖွဲ့ဝင် | |
| တာဝန်သက်တမ်း ၂၇ ဇန်နဝါရီ ၂၀၂၆ – ၁၀ ဧပြီ ၂၀၂၆ | |
| ယခင်လူ | ထွန်းထွန်းနောင် |
| ဆက်ခံသူ | ကော်မရှင်ဖျက်သိမ်း |
| စစ်ရေးချုပ် | |
| တာဝန်သက်တမ်း ၃၁ ဇူလိုင် ၂၀၂၅ – ဇန်နဝါရီ ၂၀၂၆ | |
| ယခင်လူ | ဒုတိယဗိုလ်ချုပ်ကြီး စိုးမင်းဦး |
| ဆက်ခံသူ | ဒုတိယဗိုလ်ချုပ်ကြီး ဇော်ဟိန်း |
| အမှတ် (၅) စစ်ဆင်ရေး အထူးအဖွဲ့မှူး | |
| တာဝန်သက်တမ်း ဇန်နဝါရီ ၂၀၂၅ – ၃၁ ဇူလိုင် ၂၀၂၅ | |
| ယခင်လူ | ဒုတိယဗိုလ်ချုပ်ကြီး သက်ပုံ |
| ဆက်ခံသူ | ဒုတိယဗိုလ်ချုပ်ကြီး ဇော်မင်းလတ် |
| အမှတ် (၃) စစ်ဆင်ရေး အထူးအဖွဲ့မှူး | |
| တာဝန်သက်တမ်း မတ် ၂၀၂၁ – ဇန်နဝါရီ ၂၀၂၅ | |
| ယခင်လူ | ဒုတိယ ဗိုလ်ချုပ်ကြီး ဝင်းဗိုလ်ရှိန် [၁] |
| ဒုတိယဝန်ကြီး နယ်စပ်ရေးရာဝန်ကြီးဌာန | |
| တာဝန်သက်တမ်း ၂၇ ဇူလိုင် ၂၀၂၀ – ၂၅ ဖေဖော်ဝါရီ ၂၀၂၁ | |
| ယခင်လူ | ဗိုလ်ချုပ် သန်းထွဋ် [၂] |
| ဆက်ခံသူ | ဗိုလ်ချုပ် ခွန်သန့်ဇော်ထူး [၃] |
| အနောက်ပိုင်းတိုင်းစစ်ဌာနချုပ် တိုင်းမှူး | |
| တာဝန်သက်တမ်း ၂၀၁၉ – ၂၇ ဇူလိုင် ၂၀၂၀ | |
| ယခင်လူ | ဗိုလ်မှူးချုပ် စိုးတင့်နိုင် |
| ဆက်ခံသူ | ဗိုလ်ချုပ် ထင်လတ်ဦး |
| ကိုယ်ရေး အချက်အလက်များ | |
| မွေးဖွား | ၁၉၆၄ မြန်မာပြည် |
| နိုင်ငံသား | မြန်မာ |
| ဆုတံဆိပ်များ | ဇေယျကျော်ထင်ဘွဲ့ သရေစည်သူ (၂၀၂၆) |
| စစ်မှုထမ်းခြင်း | |
| သစ္စာခံနိုင်ငံ |  မြန်မာ |
| တပ်/တပ်ဖွဲ့ခွဲ |  တပ်မတော် (ကြည်း) |
| အမှုထမ်းကာလ | ၁၉၈၅ - ၂၀၂၅ |
| ရာထူး | ဒုတိယဗိုလ်ချုပ်ကြီး |
| တပ် | ကာကွယ်ရေးဦးစီးချုပ်ရုံး (ကြည်း) |
ဒုတိယဗိုလ်ချုပ်ကြီး ဖုန်းမြတ် (၁၉၆၄ ဖွား)သည် လက်ရှိ နယ်စပ်ရေးရာဝန်ကြီး ဖြစ်သည်။ [၄]ယင်းမတိုင်မီက ပြည်ထဲရေးဝန်ကြီး တာဝန်အပြင် တပ်မတော် တွင် စစ်ရေးချုပ်[၅] [၆]၊ အမှတ် (၃) စစ်ဆင်ရေး အထူးအဖွဲ့မှူး [၇] ၊ အမှတ် (၅) စစ်ဆင်ရေးအထူးအဖွဲ့မှူး [၈] အဖြစ် ထမ်းဆောင်ခဲ့သည်။ထို့အပြင် ဦးဝင်းမြင့်အစိုးရ နှင့် စစ်ကောင်စီ တို့တွင် နယ်စပ်ရေးရာဝန်ကြီးဌာန ဒုတိယဝန်ကြီးအဖြစ် တာဝန်ထမ်းဆောင်ခဲ့သူလည်း ဖြစ်သည်။[၉]
စစ်မှုထမ်းခြင်း
[ပြင်ဆင်ရန်]သူသည် ဗိုလ်သင်တန်းကျောင်း OTS-အပတ်စဉ် ၇၃ ဆင်း ဖြစ်သည်။သူ၏ ပြန်တမ်းဝင် အမှတ်မှာ ကြည်း ၂၀၃၂၄ ဖြစ်သည်။
မြန်မာ့တပ်မတော်တွင် တာဝန်များအဆင့်ဆင့်ထမ်းဆောင်ပြီးနောက် ၂၀၁၆ ခုနှစ် ရှေ့ပိုင်းကာလ အစ သူ့အသက် ၅၀ အရွယ် တွင် အရှေ့မြောက်တိုင်းစစ်ဌာနချုပ် တိုင်းမှူး အဖြစ် တာဝန်ပေးခံရသည်။[၁၀] ယင်းနောက် ၂၀၁၇ ခုနှစ် တွင် အနောက်မြောက်ပိုင်းတိုင်းစစ်ဌာနချုပ် တိုင်းမှူး ၊ ၂၀၁၉ ခုနှစ်တွင် အနောက်တောင်တိုင်း စစ်ဌာနချုပ် တိုင်းမှူးတာဝန် ထမ်းဆောင်သည်။[၁၁]
သူ့ကို အမျိုးသားဒီမိုကရေစီအဖွဲ့ချုပ်အစိုးရလက်ထက် ၂၀၂၀ပြည့်နှစ် ဇူလိုင်လ ၂၇ ရက်တွင် နယ်စပ်ရေးရာဝန်ကြီးဌာန ဒုတိယဝန်ကြီး အဖြစ် တပ်မတော်ကာကွယ်ရေးဦးစီးချုပ် ၏ အဆိုပြုချက်ဖြင့် နိုင်ငံတော်သမ္မတ ဦးဝင်းမြင့် က ခန့်အပ်သည်။[၁၂]
ထိုတာဝန် ကို မြန်မာနိုင်ငံစစ်အာဏာစသိမ်းချိန် ၂၀၂၁ ခုနှစ် ဖေဖော်ဝါရီ ၂၅ ရက်နေ့ နောက်ပိုင်း [၁၃] ထမ်းဆောင်ပြီးနောက် နစက အမိန့်အမှတ် ၉၂/၂၀၂၁ ဖြင့် မူလစစ်ဘက် ဝတ္တရားများ ထမ်းဆောင်ရန် တပ်မတော်သို့ ပြောင်းရွှေ့သည်။
ယင်းနောက် သူသည် တပ်မတော် တွင် ဒုတိယဗိုလ်ချုပ်ကြီး အဆင့်တိုးမြှင့်ခြင်းခံရသည်။ကထစ ၃ ဟု အတိုကောက် ခေါ်ဝေါ်သည့် ရခိုင်ပြည်နယ်အခြေစိုက် အနောက်ပိုင်းတိုင်းစစ်ဌာနချုပ် နှင့် ပဲခူးတိုင်းဒေသကြီး တောင်ငူမြို့နယ် ကေတုမတီမြို့ တွင် အခြေစိုက်သည့် တောင်ပိုင်းတိုင်းစစ်ဌာနချုပ် အစရှိသော စစ်တိုင်းကြီး များကို တာဝန်ယူကြီးကြပ်ရသည့် အမှတ် (၃) စစ်ဆင်ရေး အထူးအဖွဲ့မှူး ဖြစ်လာသည်။[၁၄]
ယင်းနောက် အမှတ် (၅) စစ်ဆင်ရေး အထူးအဖွဲ့မှူး (ခ) ကစထ(၅)မှူး အဖြစ် ပြောင်းရွှေ့တာဝန်ထမ်းသည်။[၁၅]
၂၀၂၅ ခုနှစ် ဇူလိုင် ၃၁ ရက် တွင် စစ်ရေးချုပ် ဒုတိယဗိုလ်ချုပ်ကြီး စိုးမင်းဦး[၁၆] သည် ပြည်ထောင်စုရာထူးဝန်အဖွဲ့ ဥက္ကဋ္ဌ အဖြစ်သို့ ပြောင်းရွှေ့ခန့်အပ်ခံရသည့်အတွက် လစ်လပ် စစ်ရေးချုပ် နေရာကို ဒုတိယဗိုလ်ချုပ်ကြီး ဖုန်းမြတ်က ဆက်ခံခဲ့သည်။[၁၇] ယင်းနောက် ၂၀၂၆ ခုနှစ်၊ဇန်နဝါရီတွင် ၎င်း၏ စစ်ရေးချုပ်တာဝန်အား ဒုတိယဗိုလ်ချုပ်ကြီး ဇော်ဟိန်းက လွဲပြောင်းတာဝန်ထမ်းဆောင်ခဲ့သည်။ [၁၈][၁၉]
၂၀၂၆ ခုနှစ်၊ ဇန်နဝါရီလ ၂၇ ရက်နေ့တွင် ပြည်ထဲရေးဝန်ကြီး ဒုတိယဗိုလ်ချုပ်ကြီး ထွန်းထွန်းနောင်အား စစ်ဘက်ဆိုင်ရာ မူလတာဝန်များသို့ ပြန်လည်ခန့်အပ်ခဲ့ပြီး၊ ၎င်း၏နေရာတွင် ဒုတိယဗိုလ်ချုပ်ကြီး ဖုန်းမြတ်ကို ပြည်ထဲရေးဝန်ကြီးအဖြစ် အစားထိုးခန့်ထားသဖြင့် နိုင်ငံတော်လုံခြုံရေးနှင့် အေးချမ်းသာယာရေးကောင်မရှင်အဖွဲ့ဝင်သစ် ဖြစ်လာသည်။ [၂၀]
ထို့နောက် ၂၀၂၆ ခုနှစ်၊ဧပြီ ၇ရက်တွင် နိုင်ငံတော်သမ္မတအဖြစ်ရွေးချယ်တင်မြှောက်ခံရသူက နယ်စပ်ရေးရာ ပြည်ထောင်စုဝန်ကြီးအဖြစ် အမည်စာရင်းအား ပြည်ထောင်စုလွှတ်တော်အစည်းအဝေးသို့ တင်သွင်းခံရသည်။၂၀၂၆ ခုနှစ် ဧပြီ ၁၀ရက်တွင် အဆိုပြုခံရသော ရာထူးကို စတင်ထမ်းဆောင်သည်။[၂၁]
ရရှိသောဆု
[ပြင်ဆင်ရန်]၂၀၂၅ မြန်မာငလျင်အတွင်း ကယ်ဆယ်ရေးလုပ်ငန်းများကို ဆောင်ရွက်ခဲ့မှုကြောင့် ရုရှားနိုင်ငံသဘာဝဘေး အန္တရာယ်ကာကွယ်ရေးဆိုင်ရာဝန်ကြီးဌာန (EMERCOM) မှ ပေးအပ်သည့် ဂုဏ်ပြုအမှတ်တံဆိပ်ကို ၂၀၂၅ ခုနှစ်၊နိုဝင်ဘာ ၂၄ ရက်တွင် ရရှိခဲ့သည်။[၂၂] [၂၃]
၂၀၂၆ ခုနှစ်၊ မတ်လ (၂) ရက်နေ့တွင် အမိန့်ကြော်ငြာစာအမှတ် ၄၃/၂၀၂၆ ဖြင့် ပြည်ထောင်စုစည်သူသင်္ဂဟဘွဲ့ဖြစ်သော သရေစည်သူဘွဲ့ကို ဗိုလ်ချုပ်မှူးကြီး မင်းအောင်လှိုင်က ချီးမြှင့်အပ်နှင်းခဲ့သည်။[၂၄]
အရေးယူပိတ်ဆို့ခံရမှု
[ပြင်ဆင်ရန်]အမေရိကန် နှင့် ဥရောပသမဂ္ဂအဖွဲ့သည် ၎င်းအား ၂၀၂၁ခုနှစ် ဩဂုတ်လ နောက်ပိုင်းကစ၍ အရပ်သားများအား မြေပြင်နှင့် လေကြောင်း တိုက်ခိုက်မှုများ အပါအဝင် လူ့အခွင့်အရေး ချိုးဖောက်မှုများ၊ ရာဇဝတ်မှု နှင့် ရက်စက်ကြမ်းကြုတ်မှုများအား ပြင်းပြင်းထန်ထန် ကျူးလွန်ခဲ့ရာတွင် တာဝန်ရှိသူဟု စွပ်စွဲသတ်မှတ်ပြီး ဒဏ်ခတ်ပိတ်ဆို့မှုများ ပြုလုပ်ခဲ့သည်။ [၂၅] [၂၆]
ကိုးကား
[ပြင်ဆင်ရန်]- ↑ တပ်မတော် စစ်ဆင်ရေး အထူးအဖွဲ့ မှူး ရာထူးများ အပြောင်းအလဲ ဖြစ်။ The Irrawaddy (၁၂ ဇူလိုင် ၂၀၁၉)။ ၂၁ ဧပြီ ၂၀၂၄ တွင် ပြန်စစ်ပြီး။
- ↑ ပြည်ထဲရေး ၊ ကာကွယ်ရေး နှင့် နယ်စပ်ရေးရာ ဝန်ကြီးဌာန ဒုတိယ ဝန်ကြီးများ ခန့်အပ်။ ဆင်ဟွာသတင်း (၃ မေ ၂၀၁၆)။ 21 April 2024 တွင် မူရင်းအား မော်ကွန်းတင်ပြီး။ ၂၁ ဧပြီ ၂၀၂၄ တွင် ပြန်စစ်ပြီး။
- ↑ ဒုတိယဝန်ကြီး ခန့်အပ်တာဝန်ပေးခြင်း။ MYANMAR NATIONAL PORTAL (၂၅ ဩဂုတ် ၂၀၂၁)။ 21 April 2024 တွင် မူရင်းအား မော်ကွန်းတင်ပြီး။ ၂၁ ဧပြီ ၂၀၂၄ တွင် ပြန်စစ်ပြီး။
- ↑ နိုင်ငံတော်သမ္မတအဖြစ်ရွေးချယ်တင်မြှောက်ခံရသူ အဆိုပြုတင်ပြသည့် ပြည်ထောင်စုဝန်ကြီး ၃၀ ဦး၏ အမည်စာရင်းအား လွှတ်တော်သို့တင်သွင်း (in my)။ 2026-04-07 တွင် ပြန်စစ်ပြီး။
- ↑ ၂၀၂၅ ခုနှစ်၊ တပ်မတော်ကာကွယ်ရေးဦးစီးချုပ်ဖလား တပ်မတော် (ကြည်း၊ ရေ၊ လေ) ဘောလုံးပြိုင်ပွဲဖွင့်ပွဲအခမ်းအနား ကျင်းပပြုလုပ်။ MOI Myanmar (၁၀ စက်တင်ဘာ ၂၀၂၅)။ ၁၀ စက်တင်ဘာ ၂၀၂၅ တွင် ပြန်စစ်ပြီး။
- ↑ ပြည်ထောင်စုနယ်မြေ နေပြည်တော်ရှိ လွှဲကြီးပြည်သူ့စစ် (ဌာနေ) တပ်ဖွဲ့ဝင်များအား တွေ့ဆုံ။ MOI Myanmar (၂၁ ဧပြီ ၂၀၂၄)။ ၂၁ ဧပြီ ၂၀၂၄ တွင် ပြန်စစ်ပြီး။
- ↑ လုံခြုံရေးဆောင်ရွက်နေသည့် တပ်မတော်သားများ၊ မြန်မာနိုင်ငံရဲတပ်ဖွဲ့ဝင်များ၊ မီးသတ် တပ်ဖွဲ့ဝင်များနှင့် မိသားစုဝင်များ၊ ဌာနဆိုင်ရာဝန်ထမ်းများအား ဆန်၊ဆီ၊ ဆား၊ ပဲ စားသောက်ဖွယ်ရာများ ပေးအပ်။ CINCDS Myanmar (၁၅ မတ် ၂၀၂၁)။ ၂၁ ဧပြီ ၂၀၂၄ တွင် ပြန်စစ်ပြီး။
- ↑ ကာကွယ်ရေးဦးစီးချုပ်ရုံး(ကြည်း)မှ ဒုတိယဗိုလ်ချုပ်ကြီး ဖုန်းမြတ် စစ်တွေတပ်နယ်၊ ပလက်ဝတပ်နယ်များရှိ နယ်မြေခံတပ်ရင်းများ၊ စာသင်ကျောင်းများ နှင့် နယ်မြေခံမြန်မာနိုင်ငံရဲတပ်ဖွဲ့ခွဲများသို့သွားရောက် ကြည့်ရှုစစ်ဆေး၍ စားသောက်ဖွယ်ရာများ ထောက်ပံ့ပေးအပ်။ CINCDS Myanmar (၂၅ မေ ၂၀၂၃)။ ၂၁ ဧပြီ ၂၀၂၄ တွင် ပြန်စစ်ပြီး။
- ↑ နယ်စပ်ရေးရာ ဒုဝန်ကြီးသစ် အစားထိုးခန့်အပ်။ DVB (၂၈ ဇူလိုင် ၂၀၂၀)။ ၂၁ ဧပြီ ၂၀၂၄ တွင် ပြန်စစ်ပြီး။
- ↑ နိုင်ငံတော်သမ္မတရုံး အမိန်ကြော်ငြာစာ ၂၄/၂၀၁၆ ဂုဏ်ထူးဆောင်ဘွဲ့များအပ်နှင်းခြင်း။ ၂၀၁၆ခုနှစ် ဧပြီလ ၂၂ရက်နေ့ထုတ် မြန်မာနိုင်ငံတော်ပြန်တမ်း (၁ မတ် ၂၀၁၆)။ ၂၁ ဧပြီ ၂၀၂၄ တွင် ပြန်စစ်ပြီး။
- ↑ တပ်မတော် စစ်တိုင်းမှူး ၂ ဦးကို အပြောင်းအလဲပြုလုပ်။ The Irrawaddy (၂၈ မေ ၂၀၁၉)။ ၂၁ ဧပြီ ၂၀၂၄ တွင် ပြန်စစ်ပြီး။
- ↑ ရခိုင် စစ်တိုင်းမှူး ဗိုလ်ချုပ် ဖုန်းမြတ် နယ်စပ်ရေးရာ ဒု-ဝန်ကြီး ဖြစ်လာ။ The Irrawaddy (၂၈ ဇူလိုင် ၂၀၂၀)။ ၂၁ ဧပြီ ၂၀၂၄ တွင် ပြန်စစ်ပြီး။
- ↑ နယ်စပ်ရေးရာဝန်ကြီးဌာန၊ နယ်စပ်ဒေသဖွံ့ဖြိုးရေးနှင့် လူ့စွမ်းအားအရင်းအမြစ်ဖွံ့ဖြိုးရေးဆိုင်ရာ လုပ်ငန်းညှိနှိုင်းအစည်းအဝေးကျင်းပပြုလုပ်။ နယ်စပ်ရေးရာဝန်ကြီးဌာန (၁၇ ဖေဖော်ဝါရီ ၂၀၂၁)။ 21 April 2024 တွင် မူရင်းအား မော်ကွန်းတင်ပြီး။ ၂၁ ဧပြီ ၂၀၂၄ တွင် ပြန်စစ်ပြီး။
- ↑ ဒုတိယဗိုလ်ချုပ်ကြီးဖုန်းမြတ်ဦးဆောင်သောမြန်မာစစ်ကောင်စီကိုယ်စားလှယ်အဖွဲ့ ဘင်္ဂလားဒေ့ရှ်ကာကွယ်ရေးဦးစီးချုပ်နှင့် ဒက္ကားတွင်တွေ့ဆုံ။ Narinjara News (၂၈ အောက်တိုဘာ ၂၀၂၂)။ ၂၁ ဧပြီ ၂၀၂၄ တွင် ပြန်စစ်ပြီး။
- ↑ နေပြည်တော်နဲ့ ရန်ကုန် စစ်ဆင်ရေးအထူးအဖွဲ့မှူးတွေ အပြောင်းအလဲဖြစ်။ BBC (၁၀ ဇန်နဝါရီ ၂၀၂၅)။ ၂ ဩဂုတ် ၂၀၂၅ တွင် ပြန်စစ်ပြီး။
- ↑ ပြည်ထောင်စုရာထူးဝန်အဖွဲ့ဥက္ကဋ္ဌနှင့်အဖွဲ့ဝင်များ ခန့်အပ်တာဝန်ပေး။ MWD Webportal (၃၁ ဇူလိုင် ၂၀၂၅)။ ၁ ဩဂုတ် ၂၀၂၅ တွင် ပြန်စစ်ပြီး။
- ↑ စစ်ခေါင်းဆောင်ဖြုတ်လိုက်တဲ့ စစ်ဗိုလ်ချုပ်ကြီးတွေ။ DVB (၁ ဩဂုတ် ၂၀၂၅)။ ၁ ဩဂုတ် ၂၀၂၅ တွင် ပြန်စစ်ပြီး။
- ↑ ဒုတိယဗိုလ်ချုပ်ကြီး ၆ ဦးနဲ့ ဗိုလ်ချုပ် ၁၀ ဦးကို အနားပေး။ BBC (၁၃ စက်တင်ဘာ ၂၀၂၅)။ ၂၄ စက်တင်ဘာ ၂၀၂၅ တွင် ပြန်စစ်ပြီး။
- ↑ ရွေးကောက်ပွဲအလွန်မှာ အရေးပါလာမယ့် ထိပ်တန်းစစ်ဗိုလ်ချုပ်တွေ။ BBC (၉ ဇန်နဝါရီ ၂၀၂၆)။ ၁၀ ဇန်နဝါရီ ၂၀၂၆ တွင် ပြန်စစ်ပြီး။
- ↑ ပြည်ထဲရေးဝန်ကြီး ဒုတိယဗိုလ်ချုပ်ကြီး ထွန်းထွန်းနောင်အား စစ်ဘက်မူလတာဝန် ပြန်လည်ထမ်းဆောင်စေပြီး ၎င်း၏နေရာတွင် ဒုတိယဗိုလ်ချုပ်ကြီးဖုန်းမြတ်အား ခန့်အပ် (in my)။ 2026-03-06 တွင် ပြန်စစ်ပြီး။
- ↑ တတိယအကြိမ် ပြည်ထောင်စုလွှတ်တော် ပထမပုံမှန်အစည်းအဝေး ပဉ္စမနေ့ကျင်းပ | Ministry Of Information (in en)။ 2026-04-10 တွင် ပြန်စစ်ပြီး။
- ↑ ငလျင်ကယ်ဆယ်ရေးလုပ်ငန်းများကို စွမ်းစွမ်းတမံဆောင်ရွက်ခဲ့ကြသည့် မြန်မာနိုင်ငံ၊ကာကွယ်ရေးဝန်ကြီးဌာနမှကိုယ်စားလှယ်များအား ရုရှားနိုင်ငံ၊ လူထုကာကွယ်ရေး၊ အရေးပေါ်အခြေအနေများနှင့် သဘာဝဘေးအန္တရာယ် ကာကွယ်ရေးဝန်ကြီးဌာန (EMERCOM) မှ ချီးမြှင့်သည့် ဂုဏ်ပြုအမှတ် တံဆိပ်။ MWD Webportal (၂၅ နိုဝင်ဘာ ၂၀၂၅)။ ၂၆ နိုဝင်ဘာ ၂၀၂၅ တွင် ပြန်စစ်ပြီး။
- ↑ ၂၀၂၅ ခုနှစ် တပ်မတော်ကာကွယ်ရေးဦးစီးချုပ်ဖလား တပ်မတော် (ကြည်း၊ ရေ၊ လေ) ဖူဆယ်ပြိုင်ပွဲ ဗိုလ်လုပွဲနှင့် ဆုချီးမြှင့်ပွဲကျင်းပ။ Myanmar Digital News (၁၇ နိုဝင်ဘာ ၂၀၂၅)။ ၂၆ နိုဝင်ဘာ ၂၀၂၅ တွင် ပြန်စစ်ပြီး။
- ↑ ဂုဏ်ထူးဆောင်ဘွဲ့များ၊ ဂုဏ်ထူးဆောင်တံဆိပ်များ ချီးမြှင့်အပ်နှင်း | Ministry Of Information (in en)။ 2026-03-02 တွင် ပြန်စစ်ပြီး။
- ↑ Phone Myat Sanctioned entity။ Open Sanctions။ 21 April 2024 တွင် ပြန်စစ်ပြီး။
- ↑ amending Decision 2013/184/CFSP concerning restrictive measures in view of the situation in Myanmar/Burma။ Official Journal of the European Union (8 November 2022)။ 21 April 2024 တွင် ပြန်စစ်ပြီး။
